هل يمكن ان ترشح لنا كتابا

[سودانية نار]

نسيت اقول ليكم
ان نادية يتشوه وجها اثر الحريق
ووو كمان
الطبيب سيسافر للبلد الي تعيش فيه
وووو

[sarona]

اسمحو لي ان ارشح لكم رائعة من مبدع .

الرواية (الأشجار واغتيال مرزوق )
الكاتب : عبد الرحمن منيف

رواية في شكلة ملحمة ...
من السطر الاول بتأخذك لعالم الكاتب
تعيش تفاصبل الرواية كأنك أحد الابطال..

مليئة بالحب والوفاء والخيانة ...
وهموم الانسان البسيط .
تبداء برحلة وسكة سفر بالقطار.....
تأخذك الى عالم منصور عبد السلام الاستاذ الجامعي....
والياس نخلة ...المهرب البسيط ...
وتنتهي بأغتيال مرزووف
في كل مرة تقراء فيها الرواية تطلع بفهم جديد...

في رأي انها واحدة من روائع الادب العربي..

ودمتم.

[سودانية نار]

تسلمي سارونا
شوقتينا لقراءة الكتاب
دائما انتي قمة في الروعة

[sarona]

الكتاب التاني للاديب الرائع العالمي
غارسيا ماركيز
واسم الكتاب مائة عام من العزلة

كتاب مشوق لدرجة الدهشة

يروي قصة اسرة اصيبت بلعنة لمدة مائة عام يتوارث
هذه اللعنة افراد تلك الاسرة جيل بعد جيل
المتاب مزيج للاتيني جميل
منالاساطير والسحر والشخصيات المحبوكة
والاحداث المترابطة
الكتاب علي ضمانتي
مش هاتقدر تغمض عينيك لو ما خلصتوه

عزيزتي سودانية نار
أنا اعيش رحلات بعث وعناء مع الـكُـتــب.....
لأن الكثير منها يحظر من دخول اللملكة ...
فلو تسعاديني بأفادتي اذا كان الكتاب...مائة عام من العزلة
موجود في السودان ...حتى اتمكن من الارسال بطلبه
وبشكرك تاني على البوست اللميز .

[سودانية نار]

نعم يا سارونا موجود بالسودان باكتر من مكتبة
الدار السودانية للكتب
المكتبة الاكاديمية
المكتبات الموجودة بالسوق الافرنجي الخرطوم
وتسلمي ياقلب

[سودانية نار]

انا مصابة باحباط شديد اتوقعت الاخوة الكرام يشاركوا اكتر من كدة
يلا يا جماعة ما تبخلوا علينا

[sarona]

الكتاب المقامر
الكاتب دوستوفيسكي

رواية احداثها مثيرة جدا تأخذك الى عالم مختلف
عالم لم نألفه ...
تأخذك الى حيث القمار والمقامرين..

وتدور أحداثها حول الشاب الذي يسافر الى أوروبا
للعمل مع الرجل الذي يعمل لديه ....
وهناك يبداء بدخول صالات القمار ...
ويدمن تلك اللعبة الخطيرة ...
ويصف لنا كيف يقع في حب زوجة أخيه اللعوب...
التي تدفعه للمزيد من المقامرة ...
رواية مليئة بالاحداث الشيقة ...
ارى ان الكاتب قد ابدع في تلك الرواية ..
التى تشعر عند الانتهاء منها انك رجعت من رحلة طويلة..
في عالم مثير وغريب..

أتمنى انكم تقرأوها ...وتنال استحسانكم
ودمت

صديقتي سودانية نار
لا داعي للأحباط ....فقط الصبر

[سودانية نار]

تسلمي سارونا
بالجد بتديني معنويات ضخمة تسلمي ياغالية

وبما انك تطرقتي للادب الروسي
فانا برشح كتاب الحرب والسلام
للاديب والكاتب تولستوي
وهي قصة تدور حول عدة شخصيات
من طبقات مختلفة اغلبها استقراطي
ابان الحرب العالمية
فيها الكثير من التشويق
والمؤامرات
واهوال الحرب
وخلال كل هذا
قصص رائعة للحب
الكتاب اكثر من رائع

[سودانية نار]

الكتاب الثاني ايضا من الادب الروسي
وهو ايضا للرائع تولستوي
كتاب انا كاريننا
احداث القصة تدور ايضا اثناء الحرب
وهي قصة حب بين امراة متزوجه من رجل استقراطي
و ضابط روسي من عائلة ايضا استقراطية تربطها علاقة بالعائلة الحاكمة
فيها كثيير من التشويق
والمعاناة
والتضحيات
والخسارات
وتنتهي نهاية
اعتبرها انا درس قيم
لمفهوم الحب والحياة
وتسلموا

[مايا]

ارشح لكم عمارة يعقوبيان لانها رقم واحد فى الشرق الاوسط
وتانيا لانها رائعه وتجذبك من اول حرف الى اخر حرف
والقصه اجمل من الفيلم كثيرا لانك ترى خيال الكاتب بدون اى مدخلات اخرى على النص

تحيه لكاتبها الاستاذ عادل الاسوانى
وتحيه لكى اختى العزيزه

[سودانية نار]

واو يا مايا انا ماكنت قائلة انو عمارة يعقوبيان كتاب
كنت قايلة انو فلم بس
بجد شوقتيني اقراء الكتاب
حاول افتشوا في السودان
الفلم بيقتل ما بالك بالكتاب
تسلمي مايا

[سودانية نار]

اتمني ان يرشح احدا من الاعضاء اليوم كتابا

[سودانية نار]

ارشح اليوم كتاب
حديث الصباح والمساء
للاديب نجيب محفوظ
كتاب جميل ومسلي
شخصيات متعددة تربطها صلات قرابة
فيه مزيج من ققص اللاولياءوقدرتهم
والاختلافات الطبقية بين ابطال القصة
والحب العنيف بينهم
ورحلةالحياة والموت
والاحتلال والاستقلال
الكتاب جمبل جدا
كعهد كتب نجيب محفوظ
فيه سحر خاص

[sarona]

أنا ح أرشح ليكم كتاب...
من النوع الغير منتهي...
بمعنى كل ما تنتهي منه بتعيده تاني بفهم
مختلف ....
الكتاب معاي من 1993 وقراته ثلاث مرات...
وكل مرة القى الافكار بتتجدد بفهم جديد....

الكتاب : في سبيل موسوعة فلسفية...
الكاتب: د / مصطفى غالب

الكتاب مقسم لفصول كل فصل ينفرد بأحد الفلاسفة..
(ارسطو... نيتشه ...افلاطون ....سقراط )
حياته ...فلسفته....مؤلفاته....ونهايته....
الكتاب حقيقي موسوعة .....
وبتجد ان الفلاسفة ديل لم يتركو شيء في الحياة الا وتناولوه...

بقدر بساطة ترجمة الكاتب ...بتجد نفسك بتسبح في عالم ..
وخيال ناس تركو الحياة من قرون طويلة....
وما زال كلامهم حاضر و واقع ملموس..
...

[sarona]

واو يا مايا انا ماكنت قائلة انو عمارة يعقوبيان كتاب
كنت قايلة انو فلم بس
بجد شوقتيني اقراء الكتاب
حاول افتشوا في السودان
الفلم بيقتل ما بالك بالكتاب
تسلمي مايا

ما عارفة الكتاب ح يكون كيف ....
بس الفلم ....ما عارفة اقول عليه شنو..
لما انتهى لقيت نفسي بقول ...
معقول هو في ناس كده ....ولا ده هو شنو
وليهم حق يرفعو على الفلم قضية ويثير ضجة
..

[سودانية نار]

ما عارفة الكتاب ح يكون كيف ....
بس الفلم ....ما عارفة اقول عليه شنو..
لما انتهى لقيت نفسي بقول ...
معقول هو في ناس كده ....ولا ده هو شنو
وليهم حق يرفعو على الفلم قضية ويثير ضجة
..

عندك حق يا سارونا
في مصر بالذات الفلم واجه انتقادات حادة
وكمان زي ماقلتي قضايا ومشاكل
في صحفييين تناولوا الفلم
من حتة انو دا بيطرح حقائق
وانو مصر فيها ناس كدة
بس
صراحة
جرئ
قوي
بطريقة صارخة
احييي فيك سارونا
انفتاحك الفكري
احييي فيك
اطلاعك

[مايا]

عمارة يعقوبيان كتاب للمؤلف عادل الاسوانى تخطت مبيعاته الطبعة الثالثه تقريبا يعنى رقم واحد وسوف تتم ترجمته الى اللغه العربيه والفرنسيه 0
موضوع الكتاب جرئ ولكن مشاهدته فلم سوف يحس القارئ بى جره اكبر غير الموجوده فى الكتاب
وما يتناوله الكاتب من مشاهد متعدده ليست موجوده فى مصر فقط ولكن موجوده فى مصر والسودان والكثير الكثير من الدول وتقريبا فى اى دوله من دول العالم فى مشهد بتلاقيه موجود فى الكتاب
والكتاب لاعمار محدده وليس للكل 0
ولولا اختلاف الاراء لما بيعت كل هذه الطبعات
تحياتى اخوتى سارونا وسودانية

[سودانية نار]

تسلمي يا مايا
منتظرين ترشيحاتك
لكتب اخري
يا قمر

[سودانى معذب]

سودانية نار عينى عليك باردة كل ما ادخل مكان القى ليك مشاركة متميزة ومثيرة وبالجد على قول بت ابوظبى خليتى المنتدى رابـــــــــــــــى بمشاركاتك الرائعة وفكرتك حلوة والان بصدد البحث عن كتاب قصص الانبياء للثعلبى وادينا فرصة كم يوم نشارك معاك بى احدث الاصدارات تسلمى يارائعة

[سودانية نار]

تسلم اخي سوداني
ربنا يفرحك زي ما فرحتنني بهذه المجاملة اللطيفة منك
وربنا يخلي لينا بت ابوظبي
منتظرين ترشيحاتك
قريبا سريعا
تسلم يا طيب