حبوباتنا في زمن التكنولوجيا

[سامى عادل]

انت عارف يا الاشيتر امكن اجيبو حكاية الشلوخ تاني من جديد
وتكون شلوخ مرسومة بي فوسفات المنجنيق

[نسمة نيلية]

والله الحبوبات بقو يمسكو لاب توب

تسلم على المشاركة الروعة


تقبل مرورري

[( ود البورت )]

موضوعك عجبني جداِ

[سامى عادل]

شكراً يا حلوين علي الردود الجميلة دا من زوقك بس يا ود البورت

[بسمة الحياة]

هههههههه
لكن مبالغة
انت بتجيب الحاجات دي من وين

[سامى عادل]

مشكور يا بسمة
وكل الشاركو في هذا الموضوع المتواضع

[سامى عادل]

هوي ياناس ديل نسوان اللالفية الخامسة
طيب نسوان السادسة اكونو كيف
ههههههههههههه
ديلك اشوفو ناس اية وتبيان دي اسماء عجايز
يا حليكن يا ام الحسن والرضية وعجب النيل وست البنات

[احمد يس]

- أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز .. لقيتا ليكي ماسكة (اللاب توب) بتاعا وعاملة (شات) مع واحد عجوز من (هضبة التبت) .. تصوري المرا الما بتخجل دي! ..

سبحان الله الجكس دى الحاجة الوحيدة المابتتغير حتى فى الالفية العاشرة ....... تحياتى لعجوز التبت

[سامى عادل]

هسة نسوان زمااااااااااان زي نسوان اليوم يا احمد
الكانت بتشاتي منو والكانت بتعرف موبايل
هههههههههههههههههه

[سامى عادل]

اها وين المشاركة يا نااااااااااااااااااااااااااااااااااااس
اتكلمو ا عن اي حاجة شايفنها وممكن نقترحا عشان تكون في الالفية الخامسة

[شوتال]

امكن يكون في فريق كرم قدم للحبوبات

بس الجري ووب علييي ياضهريو

[سامى عادل]

ههههههههههههههههههههههه
دي الكوره الزمن داك بتلعب براها وكاس العالم اجي لي الناس في محلاهم

[شوتال]

حبوباتنا الله يديهن العافية



ويخليهن لينا



لانهن الماض والحاضر والمستقبل

[سامى عادل]

ديل ما حبوباتنت نحن ديل حبوبات الالفية الخامسة يعني انت بتوكن موتا وشبعت موت يا حاج شوتال

[سامى عادل]

يلا وين الردود

[حموودى]

(1)

قالت حبوبه (رؤيه) مخاطبة حاجه (شاهيناز) التي كانت منهمكه في
فرك الباميه المحوره جينيا:

-

والله ياشاهيناز انا ماعارفاك بتفرمي كيف بي(مفرمة الليزر ) دي : !!!!!
- الناس بقو يفركو بي المفراكه الكهرومغناطيسيه

ردت عليها حبوبه رؤيه وهي تطفيء البوتوجاز الذي يعمل بنظرية الاوتار الفائقة:

-

نسوي شنو يابت أمي؟؟ نحن لسه مادخلنا عصر ( الصرخه العلميه)... لكن اسكتي ساي
ماوريتك امس (حاجه هيام بت هيثم ودلؤي)عملت شنو؟..!..

نططت حاجه (شاهيناز) عيونها تهيؤا لاستقبال الشمار وقالت:

- مالا؟؟؟.. انا عارفاها دي زوله عندها (ضلالات عدميه) تلقاها سوت ليها عمله كبيييييره

أجابتها حاجه (رؤيه):

-أمس مشيت ليها البيت كنته دايره لي (ثالث كرومات السايكوبالتيك) عشان الون الخبيز..
لقيتا ماسكه (اللابتوب) بتاعا وعامله (شات) مع واحد عجوز من (هضبة التبت)
تصوري المره المابتخجل دي...........

[حموودى]

(2)
مواصلة للقطيعه في الحاجه هيام:

أنا ظاااطي المره دي(كجنتها) من ماسوت لينا القهوه في الجبنه الصانعنها من
(معدن التيتانيوم) يعني ماسمعت بي (جبنة الالياف الضوئيه)؟؟؟؟

أضافت حاجه رؤيه في استهجان :

- والله صحي (الماوس مابزيل بلم)
العالم بتقدم وديل لسع في التخلف لكن انتي امس ليه مامشيتي
معانا لاحتفال الذكري السنويه لـ (جولدن جلاشو)عالم الفيزياء المشهور؟؟

أجابتها حاجه (شاهيناز) :
أمس بعيد عنك مشيت أفحص (الجينات) بتاعتي ...أصلو عندي (جين) كده مغلبني
قلته اقلعو وارتاح منو مره واحده ... وبالمره غشيت الصائغ غيرته غوايشي بي
معدن نفيس جديد اسمو (الزرانكلينيوم) جابوه من كوكب مامتزكراهو لكن
لكن بدور حول نجم اسمو (لالاند ابصلعه)

هزت حبوبه(رؤيه) رأسها وقالت :

والله بقيتي خطيره عديييييل .. غوايش البتاع القلتيهو ده انا زاتي ماسمعت بيها
كدي وريني واحده.
قالت لها حبوبه(شاهيناز):

ديل ياختي للمناسبات بس مابطلعوهن ساااكت.
ثم رفعت حاجبها باندهاش مفتعل واضافت:
وبعدين انتي الظاهر عليك بررررضو ماسمعتي بي شنطة اليد الجديده العاملنها
من (رقائق السيلكون)

[حموودى]

(3)
سحبت حاجه (رؤية) نفسا عميقا وهي تجهز عبارات مناسبة لترد بها هذه الهجمة الشرسه
لترد لها البوبار بمثله ثم قالت:
- حاجاتك القلتيها دي انا صاح مامرت علي .. لكن انتي ماسمعتي بي الكفتيرات الجديده
البتعمل بي (موجات الفا) ولا بي (الكمشه الاستقطابيه) ودي كمشه بتغرف الملاح براااها
وبتكبو في الصحن..
وعندك كمان (الحله الفوتونيه) ودي بتنجض الملاح بـ (الطاقه القمريه).

[نهـاد]

[glow=0000FF]هههههههههههههههههههههه
هههههههه

يا حموودي الكلام دا كان ولا حيكون سنة كم ؟؟


تحيـــــــــاتـــــــــي[/glow]

[حموودى]

(4)
في هذه اللحظه دخل حاج(رامي) زوج حبوبه (رؤيه) وهو في الثمانينات ...
توقف متواريا وراء الباب ليتنصت علي هذا ا(لبوباريشن) المعتق , سمع حاجه شاهيناز تقول:
انا ولدي المغترب في كوكب نبتون جاب ليهو ولد الي صغيروني يساعد مرتو في تقطيع السلطه
وغسيل العده

وفي هذه اللحظه دخل حاج رامي وقال:
قومن يانسوان سون لينا الغدا وخلن (الفشخره) الفاضيه دي...
واضاف في سره بغضب (انشاالله تقوم فيكن قنبله(بوزوترونيه) تريحنا من نقتكن الكتيره دي

.