تأملات نفس محتارة

[حبوبة]

بسم الله ابتديت
وانشالله كلامي ينزل بارد عليك ياوليد

إنت ما مختلف والحمدلله انك وضحت لي اني ما مختلفة بس يمكن متخلفة:D
لأنو حالتك دي شبه دايمة معاي لكن بمنحى مغاير خالص.

الغريبة حكاية السير دي لاحظت ليها ,,,,,, لكن ما خطرت ببالي تساؤلاتك دي ,,,,, انت شكلك بتاع phisics أو كنت تبع ناسا an astronaut ,,,,, يمكن سبب التفاتي ليها كان حالتي كقروي في المدينة أكتر من اي شي تاني.

أنا تأملاتي رومانسية اعتدت أسميها day dreams لأنو فيها كتير من الwhat ifs أحيانا بشطح لمن اكابس ( للفرامل),,,,,,
ما عاوزة اطيل ... وانا في كلامي( لو كنت في السودان ماكنت فضيت لينا) زادك العليم من علمه وأتحفنا كمان كمان ياسيدي الجليل.

طبعا ماحبيت اقول موضوع عجيب واسلوب رهيب و.... لأنو انا بدخل مواضيعك knowing what expect

واقعدو عافية

[sunni]

بسم الله ابتديت
وانشالله كلامي ينزل بارد عليك ياوليد

إنت ما مختلف والحمدلله انك وضحت لي اني ما مختلفة بس يمكن متخلفة:D
لأنو حالتك دي شبه دايمة معاي لكن بمنحى مغاير خالص.

الغريبة حكاية السير دي لاحظت ليها ,,,,,, لكن ما خطرت ببالي تساؤلاتك دي ,,,,, انت شكلك بتاع phisics أو كنت تبع ناسا an astronaut ,,,,, يمكن سبب التفاتي ليها كان حالتي كقروي في المدينة أكتر من اي شي تاني.

أنا تأملاتي رومانسية اعتدت أسميها day dreams لأنو فيها كتير من الwhat ifs أحيانا بشطح لمن اكابس ( للفرامل),,,,,,
ما عاوزة اطيل ... وانا في كلامي( لو كنت في السودان ماكنت فضيت لينا) زادك العليم من علمه وأتحفنا كمان كمان ياسيدي الجليل.

طبعا ماحبيت اقول موضوع عجيب واسلوب رهيب و.... لأنو انا بدخل مواضيعك knowing what expect

واقعدو عافية

يديك العافية شمس الهداية،، غايتو لو العندي ده عندك،، ما بقدر أقول ليك غير،،، الله يعينك

[sunni]

اليوم هو الجمعة،،، 20 مارس، 2009،،، إتجهزت لصلاة الجمعة من بدري،، بس للأسف بلغني فجأة خبر وفاة طفلة زميل،، وكان مفروض نمشي المقابر بعد أخذ الجثمان من المستشفى،،، وبعد إتصالات، لقيت إني لازم أنتظر عشان أصل معاهم المقابر في نفس الوقت،،، فتحت المنتدى،، وقريت رد الأخت شمس الهداية،، بس قبل ما أكتب ردي ليها،، جاني تلفون،، وقالوا لي (أخذنا الجثمان، ومتحركين على المقابر)،، إضطريت أن أقفل بسرعة،،، وأجري أحصلهم.
في طريق الرجوع،، وانا على بعد 2 كيلو من البيت، هناك إشارات مرور،، لما قربت منها،، ولعت لي عينا الحمراء،،، وقفت،، وإتذكرت كلام شمس (أحيانا بشطح لمن اكابس ( للفرامل),,,,,,) وضحكت ،، وإتخيلت حالتا زي حالتي انا أسه،، بكابس في الفرامل عشان ما أتخطى الخط الأبيض.
كانت موازنات غريبة،، انا بدوس في الفرامل،، والعربية تخفف في سرعتا،،، وفي لحظة جاني إحساس إني ما ح أقيف في اللحظة الصاح،، ودست الفرامل زيادة،، وعيييييييييك،،، أكتر صوت بكرهه،، يخلي الناس كلها تتلفت عليك،، وحسيت بي نفسي صغييييير.
أسه اللساتك دي مالا ما وقفتني صح،، وفي داعي تكورك فيني؟؟ ولا الغلط مني؟ مش لو كنت دست من الأول بدرجة كفاية،، كان وقفت في الوقت الصح؟؟ هو مش الموضوع كلو قوانين الفيزياء الحاكمة حركتنا كلها؟،، مش الموضوع موضوع إحتكاك بين اللساتك والزلط،، وكمان إحتكاك الفرامل مع الإطار الحديدي بتاع اللستك،،، ياااه،، دي معادلات صعبة وغريبة،، بنمارسها كل يوم وما بنحس بيها،،، الفرامل تحتك بالإطار الحديدي وتخفف دورانه،، تخفيف الدوران ده عبارة عن علاقة بين قوة الإحتكاك بين الإتنين،،، ولا كمان داخلة فيها قوة الإحتكاك بين اللستك والزلط،، والخواص الفيزيائية للمادة المصنوع منها الجزء البيحتك من الفرامل، والإطار الحديدي،، واللساتك،، والشارع،، كل واحد فيهم عنده خصائص فيزيائية،، وأهمها والبيتحكم في حياتي في اللحظة دي،، هي خاصيتين،، خاصية التماسك بين جزيئات المادة،، وقوة الإحتكاك بينها،، لألألأ،، دقيقة،، العربية دي ما عندها وزن،، والوزن بيأثر على كمية الحركة،، عاينت لي تلفوني،، ولي كيس العيش القاعد في الكرسي جنبي،،، معقول،، حتى ديل كان ليهم قرار في سلامتي المرورية،، يا جماعة،، الفيزياء دي ما حاكمانا حكم ما معقول،،،

تييييييييييييييييييييييييييييييييييييييت ،،، يا اااااه النور بقى أخضر،، والوراي وشه طالع منه شرار،، عن إذنكم

[مجدى عكاشه]

متابعة مصحوبة بحالة اندهاشـ
وتتابع احداث يجعلنى اعود بالزمن قليلآ
لأجد شارع النيل مصحوب بأجتماع من الدرجة ألأولى ..!!

وللاسف لم يسجل فى التاريخ
لكن زى ماقال واحد صاااحبنا اليوم داااك

( خلو الكورة واااطة ) ...!!
والمرة الجاية ما تسرح كتير عشان تدوس الفرامل صاح

[sunni]

متابعة مصحوبة بحالة اندهاشـ
وتتابع احداث يجعلنى اعود بالزمن قليلآ
لأجد شارع النيل مصحوب بأجتماع من الدرجة ألأولى ..!!

وللاسف لم يسجل فى التاريخ
لكن زى ماقال واحد صاااحبنا اليوم داااك

( خلو الكورة واااطة ) ...!!
والمرة الجاية ما تسرح كتير عشان تدوس الفرامل صاح

مجدي،،،
انا لو تابعتك،، بتخليني أسرح كمان وكمان،، والفرامل تبقى بنزين

يديك العافية،، وبيت في كوبر

[sunni]

تذكروا زمان،،، لما كانت الأمهات أمهات،، وكانوا كيف بيعرفوا يربوا العيال،، تتذكروا كيف كانوا بينوموا الأطفال؟ وفي ظلال المشاركة دي،، عاوز أرجع للفكر القائل إنه التأملات تؤدي لما وصل ليه محمود محمد طه،، كدي خلوكم معاي

كانت الأم ترقد بتها في حجرها،، ولا على كتفها،، وتقعد تغني ليها،، والطفلة (تتمردغ) لغاية ما شوية شوية،، الحركة تخف،، وتروح فيها،، ومع الغنية بتكون هناك هزة خفيييييفة،، وتربيت من يد الأم على الطفلة،، وتغني ليها بصوت خااااافت

دوها يا دوها
بالحرير كسوها
وبالزمزم رشوها
أبوها يا أبوها
أبوها راح لي مكة
جاب ايها حتة كعكة
الكعكة جوة المخزن
المخزن ما ليه مفتاح
المفتاخ عند النجار
النجار عاوز فلوس
الفلوس عند السلطان
السلطان عاوز عروس
العروس عاوزة منديل
المنديل عند الجهال
الجهال عاوزين حليب
الحليب عند البقر
البقر عاوز حشيش
الحشيش تحت الجبل
الجبل عاوز مطر
المطر عند ربنا،، يا ربنا تجيب المطر
...........
ونزل المطر،،،،
وشرب الجبل
وقام الحشيش
وأكل البقر
ودر الحليب
وشربوا الجهال
وأدوا المنديل للعروس
والعروس عرست السلطان
والسلطان أدى النجار القروش
والنجار عمل المفتاح
وفتح المخزن
(ولو الطفلة ما كانت نامت،، تقوم الأم بدغدغتها وتقول ليها )
ولقى الكعكة مسوسة

في رأيي،، الغنية دي بتختصر كل الحياة ومعانيها ومفاهيمها، وما يمكن أن يتوصل ليه الإنسان من نتائج تختصر في حاجتين
1. كل الأمور بيد الله عز وجل
2. مهما عمل الإنسان من عمل،، ففي النهاية سيصل إلى ما بدأ

برجع ليكم

[هامس]

اليوم هو الجمعة،،، 20 مارس، 2009،،، إتجهزت لصلاة الجمعة من بدري،، بس للأسف بلغني فجأة خبر وفاة طفلة زميل،، وكان مفروض نمشي المقابر بعد أخذ الجثمان من المستشفى،،، وبعد إتصالات، لقيت إني لازم أنتظر عشان أصل معاهم المقابر في نفس الوقت،،، فتحت المنتدى،، وقريت رد الأخت شمس الهداية،، بس قبل ما أكتب ردي ليها،، جاني تلفون،، وقالوا لي (أخذنا الجثمان، ومتحركين على المقابر)،، إضطريت أن أقفل بسرعة،،، وأجري أحصلهم.
في طريق الرجوع،، وانا على بعد 2 كيلو من البيت، هناك إشارات مرور،، لما قربت منها،، ولعت لي عينا الحمراء،،، وقفت،، وإتذكرت كلام شمس (أحيانا بشطح لمن اكابس ( للفرامل),,,,,,) وضحكت ،، وإتخيلت حالتا زي حالتي انا أسه،، بكابس في الفرامل عشان ما أتخطى الخط الأبيض.
كانت موازنات غريبة،، انا بدوس في الفرامل،، والعربية تخفف في سرعتا،،، وفي لحظة جاني إحساس إني ما ح أقيف في اللحظة الصاح،، ودست الفرامل زيادة،، وعيييييييييك،،، أكتر صوت بكرهه،، يخلي الناس كلها تتلفت عليك،، وحسيت بي نفسي صغييييير.
أسه اللساتك دي مالا ما وقفتني صح،، وفي داعي تكورك فيني؟؟ ولا الغلط مني؟ مش لو كنت دست من الأول بدرجة كفاية،، كان وقفت في الوقت الصح؟؟ هو مش الموضوع كلو قوانين الفيزياء الحاكمة حركتنا كلها؟،، مش الموضوع موضوع إحتكاك بين اللساتك والزلط،، وكمان إحتكاك الفرامل مع الإطار الحديدي بتاع اللستك،،، ياااه،، دي معادلات صعبة وغريبة،، بنمارسها كل يوم وما بنحس بيها،،، الفرامل تحتك بالإطار الحديدي وتخفف دورانه،، تخفيف الدوران ده عبارة عن علاقة بين قوة الإحتكاك بين الإتنين،،، ولا كمان داخلة فيها قوة الإحتكاك بين اللستك والزلط،، والخواص الفيزيائية للمادة المصنوع منها الجزء البيحتك من الفرامل، والإطار الحديدي،، واللساتك،، والشارع،، كل واحد فيهم عنده خصائص فيزيائية،، وأهمها والبيتحكم في حياتي في اللحظة دي،، هي خاصيتين،، خاصية التماسك بين جزيئات المادة،، وقوة الإحتكاك بينها،، لألألأ،، دقيقة،، العربية دي ما عندها وزن،، والوزن بيأثر على كمية الحركة،، عاينت لي تلفوني،، ولي كيس العيش القاعد في الكرسي جنبي،،، معقول،، حتى ديل كان ليهم قرار في سلامتي المرورية،، يا جماعة،، الفيزياء دي ما حاكمانا حكم ما معقول،،،

تييييييييييييييييييييييييييييييييييييييت ،،، يا اااااه النور بقى أخضر،، والوراي وشه طالع منه شرار،، عن إذنكم

بمناسبة الفيزياء وجزيئيات الماده والفرامل واللساتك وكيس العيش القاعد
جنبك فى الكرسى القاعد فيهو إنتا جنب الكرسى القاعد فيهو العيش..
كدى إتأمل معاى الواحد فـينا لما يركب فى العربيه بركب فى الكرسى
المربوط فى الصندوق( البودى) ولا الصندوق المربوط فى الشاسى ولا
الشاسى المربوط فى اليايات ولا اليايات المربوطه فى الدنقل ولا الدنقل
المربوط فى اللساتك ولا فى الهواء الشايل اللساتك ولا فى الذرتين
أوكسجين وذره هايروجين المكونات للهواء؟ نحن الشايلنا شنو؟

الفيزياء ما حاكمانا وبس ، نحنا تحت رحمة يدها كمان

السنى.. تحياااتى

[حبوبة]

ازيك
انت اشطح في الفيزياء زي ما عايز لأني مابفهم فبها
لكن الأمومة أقدر بكل ثقة اناقشك فيها لأنو الباع الأكبر لي

اولا المدام رايها شنو في (زمن الأمهات كانو أمهات)
الكلام ده نحن نقولو علي نفسنا لكن ما بنقبلو من النصف الآخر

وبعدين انا اولادي كلهم غنيت ليهم ماعدا البكر (لأني كنت صغيرة وبخجل)
واتربى في الحوش الكبير .
لكن انا كنت بقول:

النوم النوم النوم تعال
النوم تعال سكت الجهال
النوم تعال بكريك بالدوم

النوم تعال لي مريوة - تفوني
النوم تعال للحليوة – عيوني

النوم تعال لي جنايَ
النوم تعال لي عشايَ
تعال لي جناي تم لي مناي

النوم تعال لي ست/سيد الكل
النوم تعال لي ريحة الفل

ياكريم خليهو ليَ ربيهو
صونو راعيهو شر نفسو كافيهو

ربي تحفضو وتدي الضل
يصونو وتبعده من الشر
ترعى وتحفظو من كل ضر

وهلم جرا ...... مع التأنيث والتذكير مع اني دنقلاوية لكن ما لكة شديد:D

عيالي كبرو لكن برضو لو شلت أي شافع لا شعوريا بهز وانوني (لاحظ ما أدندن لأنو الصوت ما بساعد)
ودمت ف حفظه
كل الود

[سحر محمد]

لو تاملنا كلّنا نعلم أنّ السّماء حبّ وحريّة وعطاء بدون مقابل وطهارة، والأرض موت وظلم ووحشيّة وقذارة، هذا الموت يمدّ جذوره في أعماقنا ويعطينا لذّة أن نعيش تجربة الموت والولادة ونكتب عليها لكي تمنحنا شكلا جديدا أجمل وأرقي..فالتّجربة في الحياة إذا هي شرط أساسي من شروط الحياة ، فالإنسان الّذي لم يعش ويتامل تجربة الموت وتجربة الولادة0000000 ولم يعاني منها لا يقدر أن ينقلها للآخرين

بجد سلمت يداك اخي العزيز والمتالق فى سماء منتدنا الرائع دوما السني

بجد بوست راقي وقيم وتاملات جميلة جدا

دمت فى حفظ الله تعالي

ودمت فى تالق وابداع ونجاح

خالص التحايا العطره لك اخي العظيم السني

[حبوبة]

1. كل الأمور بيد الله عز وجل

جملة نرددها كثيرا لكن صراحة لم آخذ بها فعلاً إلا قبل سنتين (أكون يادوب عقلت؟:D )
أدتني راحة نفسية لاتوصف وحسيت بي نفسي الحار(حسب اقوالهم) برد شوية
أنا من النوع البحب الإتقان ولم اعمل حاجة وما تظبط فيوزاتي بتضرب يعني بعصب
والحوالي كلو بلاحظ ,,,, المهم انها خفت كتير لأني {عملت العلي والباق على الله}
ده الموتو البقيت ماشة بيه ما بتواكل لكن بتوكل
يحفظك الوكيل
المداخلة دي قلت أبرد بيها الفاتت :D
الإختفاء ممنوع والا المدام حرجت عليك الكتابة بعد الغلطة المطبعية
عسى ما شر ومن كل بلى برية كُر وانشالله تملي حالك تسر

واقعدو عافية

[sunni]

بمناسبة الفيزياء وجزيئيات الماده والفرامل واللساتك وكيس العيش القاعد
جنبك فى الكرسى القاعد فيهو إنتا جنب الكرسى القاعد فيهو العيش..
كدى إتأمل معاى الواحد فـينا لما يركب فى العربيه بركب فى الكرسى
المربوط فى الصندوق( البودى) ولا الصندوق المربوط فى الشاسى ولا
الشاسى المربوط فى اليايات ولا اليايات المربوطه فى الدنقل ولا الدنقل
المربوط فى اللساتك ولا فى الهواء الشايل اللساتك ولا فى الذرتين
أوكسجين وذره هايروجين المكونات للهواء؟ نحن الشايلنا شنو؟

الفيزياء ما حاكمانا وبس ، نحنا تحت رحمة يدها كمان

السنى.. تحياااتى

هامس،،،
إنت قربت تصل

يديك العافية

[sunni]

ازيك
انت اشطح في الفيزياء زي ما عايز لأني مابفهم فبها
لكن الأمومة أقدر بكل ثقة اناقشك فيها لأنو الباع الأكبر لي

اولا المدام رايها شنو في (زمن الأمهات كانو أمهات)
الكلام ده نحن نقولو علي نفسنا لكن ما بنقبلو من النصف الآخر

وبعدين انا اولادي كلهم غنيت ليهم ماعدا البكر (لأني كنت صغيرة وبخجل)
واتربى في الحوش الكبير .
لكن انا كنت بقول:

النوم النوم النوم تعال
النوم تعال سكت الجهال
النوم تعال بكريك بالدوم

النوم تعال لي مريوة - تفوني
النوم تعال للحليوة – عيوني

النوم تعال لي جنايَ
النوم تعال لي عشايَ
تعال لي جناي تم لي مناي

النوم تعال لي ست/سيد الكل
النوم تعال لي ريحة الفل

ياكريم خليهو ليَ ربيهو
صونو راعيهو شر نفسو كافيهو

ربي تحفضو وتدي الضل
يصونو وتبعده من الشر
ترعى وتحفظو من كل ضر

وهلم جرا ...... مع التأنيث والتذكير مع اني دنقلاوية لكن ما لكة شديد:D

عيالي كبرو لكن برضو لو شلت أي شافع لا شعوريا بهز وانوني (لاحظ ما أدندن لأنو الصوت ما بساعد)
ودمت ف حفظه
كل الود

شمس الهداية،، يديك العافية، ويخلي ليك أولادك وأبوهم،،،
لكن سؤالي ليك،، إنت ليه إفترضتي إنه انا عندي عيال؟؟
قولي يارب،، ويخلي ليك عيالك.

وشكلك كدة من أمهات زمان،، كدي نشوف منو غيرك بيغني لأولاده غناء يعلمه القيم والمثل الراقية بتاعة زمان؟

يديك العافية

[sunni]

لو تاملنا كلّنا نعلم أنّ السّماء حبّ وحريّة وعطاء بدون مقابل وطهارة، والأرض موت وظلم ووحشيّة وقذارة، هذا الموت يمدّ جذوره في أعماقنا ويعطينا لذّة أن نعيش تجربة الموت والولادة ونكتب عليها لكي تمنحنا شكلا جديدا أجمل وأرقي..فالتّجربة في الحياة إذا هي شرط أساسي من شروط الحياة ، فالإنسان الّذي لم يعش ويتامل تجربة الموت وتجربة الولادة0000000 ولم يعاني منها لا يقدر أن ينقلها للآخرين

بجد سلمت يداك اخي العزيز والمتالق فى سماء منتدنا الرائع دوما السني

بجد بوست راقي وقيم وتاملات جميلة جدا

دمت فى حفظ الله تعالي

ودمت فى تالق وابداع ونجاح

خالص التحايا العطره لك اخي العظيم السني

بين الولادة والموت عزيزتي سحر،، هناك أمور كثيرة،، ومتغيرات أكثر،،، تتغير معالم بعض،، وتعظم بعض،، وتأفل بعض،، وتستجد بعض،، وتختفي بعض،،، ولكن ما يولد مع الإنسان ويواصل معه حتى لحظة وفاته،،، هو التعلم

يديك العافية

[sunni]

ازيك
انت اشطح في الفيزياء زي ما عايز لأني مابفهم فبها
لكن الأمومة أقدر بكل ثقة اناقشك فيها لأنو الباع الأكبر لي

العزيزة شمس الهداية

بمناسبة كلمتك دي،، وإدعائك إنك ما بتفهمي في الفيزياء،،، كدي تعالي معاي،، نتابع حركاتك في البيت،، ونشوف،، هل إنتي بتفهمي في الفيزياء،، ولا لأ
حسب كلامك إنه الأولاد كبرو،، لكن اعتقد انك لسة بتتذكري لما كانوا صغار،، وتشيليهم،، وتنوميهم،،، ولما يكون الجو مناسب،، بتحميهم،، وخلينا نقيف في حتة الحمام دي.
تعالي إتخيلي معاي إنه ده وقت حمام ولدك ،،، بتعملي شنو؟؟
أول شيء بتتأكدي من جاهزية الحمام،، ولو الجو بارد لازم تتأكدى من درجة حرارة الموية ليه يا شمس؟؟؟ ما علينا،، دي بسيطة،، أنا ماشي ليك لي فيزياء أكبر،،، نواصل
بعد ما تجهزي المناشف (البشاكير) والصابون، والغيار و و و و و،،، بتقومي أول حاجة،، تقلعي لي ولدك ملابسه،،، وبعدين ترفعيه براحة في كتفك،، وكدي فكري معاي،، بترفعيه من وين؟؟
1. بتشيليه من أبطيه،، عشان يديه يكونوا محبس لو إنزلق منك
2. بتشيليه من إبطيه،، عشان مركز ثقل الجسم،، وتوازنه،، وعشان ما ينقلب ويكون راسه تحت ورجليه فوق
3. ليه ما يكون راسه تحت ورجليه فوق؟؟ عشان (كيمياء وفيزياء) الدم ما يتدفق وينزل ويزيد الضغط في راسه و و و و
ياااه يا شمس،، المعادلات كتيرة

لكن برضو ما علينا،،، وواصلي معاي التخيل
شلتي ولدك،،، وريحتيه في كتفك (الله يريحك دنيا وآخرة)،،، وقبل ما تتحركي على الحمام،، إتذكرتي الصابونة،، قاااعدة في السرير،،، ولاحظي معاي،،، ولدك في كتفك،،، والصابونة في السرير،، مستواها أقل من إنك تمدي يدك وتاخديها. في الحالات الطبيعية (لو ولدك ما في كتفك) بتحني ظهرك (ليه) وبي كدة تقدري تصلي ليها وتاخديها،، بس وولدك في كتفك،، بتقومي،،،،،،،،،،،،،،،،،، تستديري بي جسمك،، وتخلي السرير على ظهرك أو جنبتك،،،، وبعدها،، تحني ركبتيك،، ومعاهم ميلان للخلف،،،،،،،،،، وتلفي راسك تجاه السرير،،،،،،،، بس لفة الراس ما كبيرة،، عشان كتفك ما يلف مع راسك،، وتوازن ولدك ما يختل ،،،،،،،،،،،،،،، يااااه يا شمس،، إنت فنانة بشكل،،، بس خليني أواصل
بتمدي يدك وتواصلي نزول براااااااحة،، لغاية ما يدك تصل الصابونة،،، وبعدها ترجعي لوضع جسمك القائم،،، وبشكل أسرع.
شوفي معاي،، خوفك على ولدك خلاك تطبقي الفيزياء والكيمياء كيف في حياتك

كدي خليني من ده كلو،، وأسمحي لي أسألك،،،

إنت بتغني لي ولدك ليه لمن تكوني عاوزاه ينوم؟؟؟

يديك العافية

[حبوبة]

العزيزة شمس الهداية

بمناسبة كلمتك دي،، وإدعائك إنك ما بتفهمي في الفيزياء،،، كدي تعالي معاي،، نتابع حركاتك في البيت،، ونشوف،، هل إنتي بتفهمي في الفيزياء،، ولا لأ
حسب كلامك إنه الأولاد كبرو،، لكن اعتقد انك لسة بتتذكري لما كانوا صغار،، وتشيليهم،، وتنوميهم،،، ولما يكون الجو مناسب،، بتحميهم،، وخلينا نقيف في حتة الحمام دي.
تعالي إتخيلي معاي إنه ده وقت حمام ولدك ،،، بتعملي شنو؟؟
أول شيء بتتأكدي من جاهزية الحمام،، ولو الجو بارد لازم تتأكدى من درجة حرارة الموية ليه يا شمس؟؟؟ ما علينا،، دي بسيطة،، أنا ماشي ليك لي فيزياء أكبر،،، نواصل
.......................................

كدي خليني من ده كلو،، وأسمحي لي أسألك،،،

إنت بتغني لي ولدك ليه لمن تكوني عاوزاه ينوم؟؟؟

الأمومة فيها فيزياء وكيمياء؟؟ حقيقة معادلات عجيبة صدقني لو قعدت مية سنة ما كنت فكرت فيها بالطريقة دي

1- انت أثبت لي بجدارة اني ماعندي اي فكرة عن الفيزياء والكيمياء فتحت مداركي لي مناحي عجيبة
2- تفكيرك عميق بشكل مخيف بالجد دوس الفرامل:D
3- سحبت تعليقي اني بفكر زيك (فرق الليل والنهار)
4-انا برضو اللي فنانة اما انت عليك كلام
5- بالجد اول مرة افكر قي {ليه} دي ,,, الهزة بتنعسه والهمهمة is kind of soothing, I guess

انا حقيقة عندي كلام كتير حايص جواي من لحظة ماقريت كلماتك
ماظنيت اقدر القى رد يوفيك ,,,, يحفظك مولاك

واقعدو عافية

[حبوبة]

شمس الهداية،، يديك العافية، ويخلي ليك أولادك وأبوهم،،،
لكن سؤالي ليك،، إنت ليه إفترضتي إنه انا عندي عيال؟؟
قولي يارب،، ويخلي ليك عيالك.

وشكلك كدة من أمهات زمان،، كدي نشوف منو غيرك بيغني لأولاده غناء يعلمه القيم والمثل الراقية بتاعة زمان؟

يديك العافية

ياااااااااااارب
بصراحة حيرتني أو في الحقيقة أُحرجت فكرت ما أرد(أختشي واطنش يعني) حسيت اني بين المطرقة و السندان قلت,,,, لنفسي u never know when to zip it

اول حاجة خطرت في بالي للإجابة على افتراضي الخاطئ ردودك لي هتان واسلوبك في المخاطبة

وبعدين معاملتك للأعضاء الحزم تارة واللين مرة أخرى توحي بإنك والد (وشاطر في الأبوة كمان)

حكاية الوالدة وأنبوبة الغاز الطريقة الذكرتها بيها – بحب اقرأ بين السطور- انا ممن يؤمن بأنو الواحد ما بيوفيهم قدرهم لحد مايخوض التجربة another wrong assumption

أكرر اعتذاري……. وتاني يااااااكريم

و...اقعدو عافية

[sarona]

[align=center]

السني .....

كل مره كنت بدخل أقراء وأطلع وأول مرة القى نفسي عايزة أكتب في البوست ده ......

في فترة من فترات الطفولة كنت بسأل أسئلة وما بلقى ليها أجابة وبعضها اجوبتها ما بتقنعني

فبقيت ما بسأل زول لغاية ما عرفت كيف أبحث عن رد لكل أسئلتي ......

وفي ناس بصراحة كاتو بيزوغ مني عشان ما أسئل .......

المهم ..... من الاشياء اللي كانت شاغلة تفكيري زماااان أني ممكن أجيب صحن مثلا

وأفتح فيه موية وأقفلها بلاقي المويه قااااعده .....

لكن لو جبت نفس الصحن وفتحت فيه ضوء بلقى الضو قااااعد لكن لما اقفل الضوء .....يختفي

.ياترى الضو اللي في الصحن مشى وين ؟؟؟

[/size][/font][/color][/b][/align]

[sunni]

ياااااااااااارب
بصراحة حيرتني أو في الحقيقة أُحرجت فكرت ما أرد(أختشي واطنش يعني) حسيت اني بين المطرقة و السندان قلت,,,, لنفسي u never know when to zip it

اول حاجة خطرت في بالي للإجابة على افتراضي الخاطئ ردودك لي هتان واسلوبك في المخاطبة

وبعدين معاملتك للأعضاء الحزم تارة واللين مرة أخرى توحي بإنك والد (وشاطر في الأبوة كمان)

حكاية الوالدة وأنبوبة الغاز الطريقة الذكرتها بيها – بحب اقرأ بين السطور- انا ممن يؤمن بأنو الواحد ما بيوفيهم قدرهم لحد مايخوض التجربة another wrong assumption

أكرر اعتذاري……. وتاني يااااااكريم

و...اقعدو عافية

شمس الهداية،،، يديك العافية،، ومين عارف،، يمكن ربنا نعم علي بي حاجات الغيري ما عندهم،، ويمكن بيختبرني ويمكن ويمكن ويمكن

انا عارف شيء واحد،، إني رجل أخطأت في حياتي كتير،، ومؤمن بأن لينا رب إسمه العدل،،، بتمنى أن يكفر لي سيئاتي في الدنيا، قبل أن يحاسبني بيها في الآخرة،،، وما نطلع من موضوعنا

ولو إنتي بتقولي (u never know when to zip it) ،، انا بقول لي Show my how to unzip the zipped part your mind, and show it the way to your throught

يديك العافية

[sunni]

[align=center]

السني .....

كل مره كنت بدخل أقراء وأطلع وأول مرة القى نفسي عايزة أكتب في البوست ده ......

في فترة من فترات الطفولة كنت بسأل أسئلة وما بلقى ليها أجابة وبعضها اجوبتها ما بتقنعني

فبقيت ما بسأل زول لغاية ما عرفت كيف أبحث عن رد لكل أسئلتي ......

وفي ناس بصراحة كاتو بيزوغ مني عشان ما أسئل .......

المهم ..... من الاشياء اللي كانت شاغلة تفكيري زماااان أني ممكن أجيب صحن مثلا

وأفتح فيه موية وأقفلها بلاقي المويه قااااعده .....

لكن لو جبت نفس الصحن وفتحت فيه ضوء بلقى الضو قااااعد لكن لما اقفل الضوء .....يختفي

.ياترى الضو اللي في الصحن مشى وين ؟؟؟

[/size][/font][/color][/b][/align]

سارونا،، الله يجازيك،، أتاريك مسطلة زي أخوك
أنا شخصياً مراهن على عدد من الناس إنهم ح يعملوا تداخلات في البوست ده،، وأهه إنت وشمس الهداية ما خيبتوا ظني فيكم

يديكم العافية،، ولو توعدوني ما تقولوا على مجنون،،، وتخلوني زي صديق الكحلاوي رحمة الله عليه أقعد وأغني (قالوا قالوا علي شقي ومجنون) ،،،،،،،،،، الجاي كتير

[فجر]

عمو السنى اعلق والا ما فى داعى
والا اقول ليك خلينى انا فى الاخرررررررر لما تجى النقطه اللى بتخصنى:D
ما اقول غير الله يديك العافيه ويرزقك بنيه حلوة زى كده
قول يااااااااارب