حكاوي زمان (زمن الشقاوة)

[عاشقة محمود عبد العزيز]

بااااااالغــــــتي يافجر





بوست لذيذ ياسمرة

[فجر]

شايفه مافى زول ادلى بدلوا ياترى ليه خايفين والا
والله عادى ياجماعه كل واحد يدق صدروا ويقول عمل شنوة وهو صغير وصدقونى ما حنعاقبوا بس يوعدنا مايعمل كده تانى وبعدين الاعتراف بالحق فضيله
والشاطر حن ليهوا ونديهوا حاجه حلوة يالا منوة اللى حيبدا

[اسامه خضر محمد على]

القصص المدرسية كثيره بس اهم حاجه فيها انا كنت بكره يوم السبت وحصة الحساب والى هذه اللحظة مابحب الرياضيات والسبب الاستاذ

[كابو]

فكرة جميلة يا سمورة
والحكاوي عن المدرسة ما بتكمل
وانا شخصيا لدي كم هائل منها
لااااااااااااااكن
مرة تانية احكي انشاء الله

[hand]

ههههههههههههههههههههه
والله قصصكم حلوه كتييييييييييييييير ومضحكه
بس انا ما فاكره اى حاجه ايام الدراسه
غير انه فى امتحانات العام كان معايا برشام
عارفين يا ايه برشام ولا اقول
ههههههههههههههههههههههه
والمدرسه طبعا شافتنى وطردتنى وحرمتنى من تكمله باقى الامتحان
هههههههههه

[حافظ عوض الله محمد]

تم دمج الموضوعين للتشابة فى المضمون ومشكور من قام بالتنبيه
فى انتظار تجاربكم الشخصية ايام زمن الشقاوة


عميق مودتى الاخوات مونى / سمورة

[ابوبكر]

طبعاً يا موني نحنا لا قرينا روضة ولا شفناها الا بزكر مرة واحدة ودونا ليك روضة اسمها روضة الدرة ونحنا كنا كورجة كلنا اولاد خالات وخيلان وعمات وأعمام ، اها الروضة دي أنا شفتها مرة واحدة وتاني ما عتبتها من ديك وما عارف السبب شنو ؟ المهم من اليوم التاني ما مشيت .
وباقي طفولتنا قضينها لعب بالترترات واللساتك والعربيات البنصنعه من علب اللبن وسكسك ودسوسية وسكج بكج وبلي وقراقير وفي الخريف طبعاً مراكب سفنجات وخواجة في الخيران وخلال ده كله يومياً بنمشي الجناين والبحر ناخد لينا داف دافين كده ونجي راجعين .
مرة مشينا الجنينة والغفير كان مافي ضربنا ليك الجوافة والرمان والمنقة بمزاج وكان في شجرات نخل طوال كده ما قدرنا نطلعن عشان نزبط ليك البلح والدفيق يلا بقينا شغالين ليك فيها فليق والحجارة دي شغالة شو ...... أتاريه الغفير قام جا ...... ونحنا بنفلق فجاءة سمعنا ليك زول صرخ وقال عيني ... اتاريه حجر من الحجار ناش ليك عين الغفير وهو جاي علينا عشان يقبضنا ... بس فكينا ليك البيرق ... ورجعنا الحلة بعد شوية نشوف ليك الزول جاي من علي الجناين ماسك عينو وماشي المركز الصحي ... وما عارف بعد داك الحصل شنو ...................

[mohamedomer]

الله يجازى شيطانك
دا كلو يطلع منك يا بت

[mohamedomer]

طبعاً يا موني نحنا لا قرينا روضة ولا شفناها الا بزكر مرة واحدة ودونا ليك روضة اسمها روضة الدرة ونحنا كنا كورجة كلنا اولاد خالات وخيلان وعمات وأعمام ، اها الروضة دي أنا شفتها مرة واحدة وتاني ما عتبتها من ديك وما عارف السبب شنو ؟ المهم من اليوم التاني ما مشيت .
وباقي طفولتنا قضينها لعب بالترترات واللساتك والعربيات البنصنعه من علب اللبن وسكسك ودسوسية وسكج بكج وبلي وقراقير وفي الخريف طبعاً مراكب سفنجات وخواجة في الخيران وخلال ده كله يومياً بنمشي الجناين والبحر ناخد لينا داف دافين كده ونجي راجعين .
مرة مشينا الجنينة والغفير كان مافي ضربنا ليك الجوافة والرمان والمنقة بمزاج وكان في شجرات نخل طوال كده ما قدرنا نطلعن عشان نزبط ليك البلح والدفيق يلا بقينا شغالين ليك فيها فليق والحجارة دي شغالة شو ...... أتاريه الغفير قام جا ...... ونحنا بنفلق فجاءة سمعنا ليك زول صرخ وقال عيني ... اتاريه حجر من الحجار ناش ليك عين الغفير وهو جاي علينا عشان يقبضنا ... بس فكينا ليك البيرق ... ورجعنا الحلة بعد شوية نشوف ليك الزول جاي من علي الجناين ماسك عينو وماشي المركز الصحي ... وما عارف بعد داك الحصل شنو ...................

والله بالغتو الزول لهسة عينو بقت معورة وكايس لشافع القدا ليهو عينو اعمل حسابك ما يلم فيك

[ابوبكر]

مرة تانية عندنا خالنا كان بيجيب اللبن ببيعه في السوق بالمساء وكنا نحنا شفتنا مننا ساي كده بنمشي نقعد نبيع ليهو وعمك كان مرطب تمام ونحنا كنا شلة .... أنا وعبدالعزيز (شمين) ومحمد المين (الدينكاوي) وسفيان الطيب (سفيان تسف البعر) وايمن علي (العجوز) وحسن كمال (حسن باسطة) المهم بنجي نبيع ليهو عشان نطلع بحق البوش ....اليوم داك كنا متكيفين وزايغين ليك من درس العصر قلن نشيل قروشنا ونمشي نضرب لينا فولة عند الطاهر ...
قاعدين كدي بدينا ندق في الجركانات بتاعت اللبن (شمين) كان بجلد ليك الدربكة تمام بعد شوية بقينا نغني (شبشب شبشب دكتور شول) بعد شوية عملنا دايرة وهاك يا رقيص بمزاج واخر انطراب ....... فجاءة ظهر لينا استاذ/ عباس وكان ابو فصلنا وكان صعب جداً والسوط في يدو طوالي ...... وقفنا وعرقنا نشف من الخلعة .... عمك صورنا كويس واتاكدنا أنو الجلدة بكرة في الطابور من الصباح ،،،، ربك لطف وجاء متاخر اليوم داك .... وبقينا نضاير منه باقي اليوم ..... في درس العصر جينا متاخرين والحصة كانت معاهو هو فاستقبلنا ب ( اهلاً حلبة الرقيص خلاص انتهت ) وحكى القصة لي باقي الفصل والجماعة شغالين زررر يا ضحك فينا ،،،،،،،،،،، وبقينا زي السمسة .

[أبعاج]

والله أنت منك خوف يا مووووونى

[سمرة وحلوة]

أنا كمان عندي قصة تانية حصلت معاي وأنا في الصف السابع كان الايام ديك عندنا اختبارات وطبعا انا ماكنت قاعدة افتح الكتاب ابدا بس كنت معتمدة على طالبة معاي في الصف انا هي تذاكر وتبرشم لي وانا اغش منا والمشكلة انا كنت في بداية السنة من الخمسة الاوائل في المدرسة المهم جات النتائج وكانت عندنا مدرسة الرياضيات فكانت هي قاعدة تكتب على السبورة بعدين جات المربية حقت الفصل توزع النتائج وطبعا انا شفت الشهادة وجاتني صدمة قوية جدا بعدين عملت نوع من الدراما اول حاجة مسكت قلبي وقمت اقول(آه قلبي حأموت أنقذوني) طبعا حاجة تفزع الأستاذة قامت جابت مويا وقاعدة ترش عليا المويا المهم الكلام وصل للوالدة فجات بسرعة على المدرسة ولقت المدرسات والطالبات كلهم متجمعين افتكرت اني انا ميتة بعدين لمن شافتني مسكتني من يدي وسحبتني على البيت وانا حالتي حالة يعني الشعر منتف والقميص مبلل والعيون لونها احمر بعدين اتصلت على الوالد لمن جاء البيت من الباب عرف القصة ودخل البيت معصب من الحركات الي انا سويتها بعدين في الغدا واحنا قاعدين هددني قال والله اذا شفت دمعة حأضربك يالله انا نسيت التهديد مشيت على الغرفة وجبت الشهادة واتجهت نحو المطبخ وكانت الخدامة في المطبخ يالله انا قمت الطم وابكي واصرخ وفجأة اشوف الخدامة قاعدة تسوي لي اشارات ومافهمت قصدا يالله بعد ماخلصت المناحة عاوزة الف على الغرفة الا اشوف الوالد وراي وماسك معاو الحزام من الرعب قمت عملت مغامرات ودخلت الغرفة وماطلعت منا الا اليوم التاني وجا اليوم التاني يالله جا الولد يوزع هدايا النجاح علينا قام اداني اقل مبلغ يعني مايقارب (25 دولار) وانا قعدت في حزن يالله جاء عمال المويا الصحية الي هي تكون في قوارير قام اخذ مني الفلوس ودفعها ليهم

[سودانية صريحة]

أكثر حاجة بتذكرها وأنا صغيرة، موقف حصل لي مع ولد الجيران ، كنا بنلعب مع بعض كتير وبنتشاكل أكتر ، فاليوم داك وصلت الضرابة لرب السما وشتمني ومشى ،وطبعا حرقتني الشتيمة، مشيت وجبتا
حديده كبيرة من الشارع وضربته مباغته على راسه ، وما تتصوروا المشهد الشفتو بعد داك ،
تقول نافورة من الدم انفتحت ، رميت أداة الجريمة ، وجريت بسرعة البيت ..وخليت ولد الناس في الشارع يبكي ويجو عر، فضلت قاعدة في ركن من الغرفة أرجف من العصبية والغضب ..والله الحديدة دي ما فشتني فيهو ، جات أمي مخلوعة : مالوا ولد الجيران يبكي ودموا سايح ،خليت أهلوا مود ينو المستشفى الحاصل شنو ، مش انت آخر واحدة كنت معاه، لمن عاينت لأمي حسيتا شاكة فيني ، قلت في نفسي : ياسلام ده ما وقت قلب الأم دليلها أسي. وفي لحظة اعترفت .يالله وأمي قومت الدنيا وما قعدتا: عايزة تطلعي لي مجرمة كمان .. أودي وشي وين من الجيران تاني.. الحمد لله الضربة ماجات في مقتل ،والحمد لله أهله طلعوا ناس فاهمين وطيبين ما زعلوا ولا أخدوا على خاطرهم ، قلت في نفسي : عارفين ولدم وقلة أدبوا وفصاحتوا وقلاصتوا. المهم من اليوم داك الولد بقى يعمل لي ألف حساب .

[bitadlan]

احكي ليكم قصه صغيره لكن هي قصه بريئه جداً كنت صغيره وانا تالتة اخواتي لما دخلت الروضه الجماعه دايرين يلصقوا لي شنطه اختي القديمه امشي بيها الروضه وانا فرحانه بالروضه لكن موضوع الشنطه القديمه ده ماواقع لي مشينا السوق قلت للحاج انا عايزه زي الشنطه دي ( أشرت على شنطه قيافه كده ) قال لي بكره بنجيبها ليك وطبعاً هو مكتفي بالشنطه القديمه مشيت تاني يوم للروضه لقيت واحد شايل زيها وختاها في الارض وقاعد يلعب ببراءه شديده شلتها وجيت البيت الحاج شافني من البلكونه قام يكورك ده شنو يانصيبه؟ وانا من تحت اكورك دي زي الشنطه القلت ليكم عايزه زيها . رجع الشنطه الروضه ومشى جاب لي الجديده خاف كمان نبقى حراميه.

[eihab]

ههههه والله فعلا فكره ماهينه الكبار مابفكروا كدا
تقبلي مروري
ايهاب

[tinalala]

الموضوع حلوشديد

كنا زمان بنشتري اللبن من ناس جيراناعندهم مزرعة انا واختي الاكبر مني نمشي سواونشيل بستلة وجردل في اليوم داك نسينا الجردل وكل واحدة تقول للتانية انتي ترجعي تجيبي الجردل في النهاية لانها الاكبر رجعت اختي وكانت خوافة شديد من الظلام وبما انو الوقت بعد المغرب ، قمت حبيت اعمل فيها مقلب وادسيت ورا باب الجيران لمن جات قلت ليها وووهههه وعينك ما تشوف إلا النور وهاك يا ضرب بالجردل في راسي لمن عرفتني انا رمت لي الجردل ورجعت البيت وخلتني اجيب اللبن براي