مســـــــــــــــــــدار + مســــــــــــــدار

[الاغبش]

كدي يا جماعة نختار موضوع وتكون فيهو مجادعة بالرباعيات
وكمان يا ريت يكون فوق (اللتيبة المشايةة مي بكاية ) والساترة حالا ودايرن شبالا ) فوق صفاتا وكريم اخلاقا ) ست ريدنا ومحنتنا ) ما تجوا نشوف سماحة بناتنا )ويبقي دا موضوع للمجادعة حتي تكون موزونة وجميالة ومرتبة

[شـهد الكلامـ]

مشكور على الاقتراح الجميل اخوى الاغبش

واقول :

ست الفريق بت البلد حاشاها من وصف كعب
تلقاها ديمه تهاتى بالعمل الاصيل وتشيل حارتك وسط الكرب
امات تمام لجنيتك بالحن يدفقو زى امات زمان ناس بت وهب
يعجز كلامى فى اخوات رجال يغطو عليك زى الضل وقت التعب

[احمد يس]

الليلة يوم جديد على اهلنا فى السودان
ونحنا كمان لسع بعاد عن الاوطان
يارب قرب البعيد عشان نرجع مع الاخوان
ونخلى بلدنا جنة يتحكوا بيها الاهل والخلان

[شـهد الكلامـ]

اخوى يس عينى بارده عليك ياريت اشوفك دايما منورنا


ونقول :

ام الرجال ليك منى الف تحيه
الليله الفرح بيومك ليكى منى هديه
شدينا الهمم يا المرأه ياهميه
فى اليوم السبعتاشر من مارس سنوى ليكى هديه

[الاغبش]

يالديمة عالي وراقي سلامك
تسعد علي الدوام ايامك
نسعد بسعدك وتحلو انغامك
في عيدك يارب تتحقق احلامك

[الاغبش]

شوف كيف حلاة قدلتا
تمشي بي مهل راسية في كلمتا
تسمو فوق السماك دوام همتا
تفرح نفوسنا وكتين نشوف بسمتا

[شـهد الكلامـ]

بت بلـــــــــــــدى يا سمحه مزايــــــــــــــــا فريده
شايلاها المحـــــــــــــــــــاسن فى معانى عميقـــه
خليك فى تراثنا وتقاليدنا هى دـــــــــــــــيمه عتيقه
اخلطى بالجديد موروثنا والله الورث احلى حقيقه

[مهند عبد الرحمن]

بت السودان اصالة وزايدة في الروقة
تحلف عديل من الشناف معتوقة
فيها العفة وفيها الدلال في زوقة
والشين والكعب تب ما بمر بي فوقة

[احمد يس]

تعالو ا يا حبايبى نقول سلام لصهيب وحزن السنين
مشتاقين ليكم فى فرحنا وحتى فى الانين
نتفق ونختلف ونبتعد ونقرب ولكن عارفين
انو فى النهاية اكيد اكيد راجعين

[شـهد الكلامـ]

اخوى مهند : تحياتى

سعيده بانضمامك اخوى ياريت اشوفك دايما معانا واحييييييييييييييك على المشاركه الرائعه بجد

حرم يامهند مسدارنا بيك اتشرف

خليك مواصل عن تواصلنا ما تتخلف

بى كلمات منك الركب يمشى تب ما بتوقف

خطوه بخطوه وكلمه بكلمه الشعر ليهو بنولف

[مهند عبد الرحمن]

شهد الكلام كلامك طالع كلومفهومية
وباين في المنتدى وبيهو تستاهلي هدية
ياريت لو في زيك معانا بالكمية
يبقى المنتدى جنة ونديهو مية من مية

[شـهد الكلامـ]

تعالو ا يا حبايبى نقول سلام لصهيب وحزن السنين
مشتاقين ليكم فى فرحنا وحتى فى الانين
نتفق ونختلف ونبتعد ونقرب ولكن عارفين
انو فى النهاية اكيد اكيد راجعين

يا صهـــــــــــــــــــــــــيب تعال ارجع كفايه عتـــــــــــاب
منتدى الســـــودان بيــشيلنا كلنـــــا احبـــــــــــــــــــــــاب
ارجع سريع ومعاك حزن السنين عشـــــــــان الاصحاب
من يوم غيابكم فقدنا للكتابه ولروح المنتدى حصل غياب

[شـهد الكلامـ]

شهد الكلام كلامك طالع كلومفهومية
وباين في المنتدى وبيهو تستاهلي هدية
ياريت لو في زيك معانا بالكمية
يبقى المنتدى جنة ونديهو مية من مية

يامهند اخوى برسل ليك الف الف تحيه
احساس اليك مليان خير مافيهو اى ازيه
ياربى يديك من كنوزو تجمع ميه بعد الميه
يعليك ما يدليك قادر ياكريم لسيدا لازما النيه

[احمد يس]

تعالو نشوف حاصل شنو فى البيت
كنا اسرة حلوة من غير تبكيت
ناس فرحانه وناس تزعل من قولة تيت
لكن فى الآخر احنا يد واحدة ومافى زول يقول ابيت

[شـهد الكلامـ]

حل المشاكل ما باابيت ورضيت
تتحل القضايا بالكلام بيناتنا مافى حاجه اسمها مشيت
كل العندو كلام نحنا سامعييين واضنينا مفتوحات
طلعوا الابليس من وسطنا وتعالو ارجعوا لينا اخوان واخوات

[مهند عبد الرحمن]

استاذنا احمد الليلة بالشعر حفيتنا
سألين الكريم يوفيك ذي ما اوفيتنا
المنتدي تب نملاهو من دوبيتنا
اصبح لينا دار وبنشوفو يمين ذي بيتنا

[احمد يس]

عجبى على اللى تفهم الفزورة وهى طايرة
وبتقول كلام شهد وعسل لو دايرة
حمامة سلام وسلام على اصحابنا الطايرة
مصيرهم يرجعوا لعشهم من غير مناورة

[مهند عبد الرحمن]

نحنا ناس تمام بيناتنا مافي عداوة
كل الحصل بنحلو بس بي هداوة
ما دايرين خلاف وحرب وشقاوة
بنحل الكرب نشفيها وعيانا تب بدّاوة

[احمد يس]

يا مهند بأمثالك المنتدى يتشرف
واللى ما يعرف يجى هنا ويتعرف
على ابن عبدالرحمن اللى كلامه ما يتحرف
كلامك طالع من القلب بدون ما يتألف

[مهند عبد الرحمن]

لينا الشرف وانتو قيادة ررشيدة
والبتعرف عليكم مابندم ودي اكيدة
المنتدى زاخر بي ناسا دروعة حديدة
واقفين بي المرصاد لي اي زول عنو مكيدة