ملكه الاحساس كتب:قناه زول انا بعتبرها مثلتلسودان في احسن صووووووره
بغضالنظر عن الحاجات التانثيه
ود راي جميييييييييييييييع السودانين واولهم ابو عمر
بالله عليك يا ملكه الإحساس ما تقوليني كلام أنا ما قلته .. القناة صحيح مثلت السودان ولكن في أسوء صووووووره .
وأنا أرى أن يصدر قرار بوقف هذه القناة فوراً .. أو يتم التعديل في برامجها وعرض مزيعات البرنامج بطريقة محتشمة محجبة ومهذبة حتى لا تتعارض مع ديننا الحنيف .
الجماعة القالوا إنها قناة كويسة ما عارف هم حكموا عليها من ياتو ناحية
نحن بنتكلم عن قناة إسمها يعبر عن الشخصية السودانية والتراث السوداني
يعني الناس الماسودانيين لمن يفتحوها حيقولوا دي قناة سودانية 100 ال100
وحيفتكروا إنو البيحصل فيها من كلام فارغ دة هو عاداتنا وتقاليدنا
أنا ما بتكلم عن وجهة نظر دينية حرام وما حرام (دي حاجة بينهم وبين ربهم)
ولا بقول إنو نحن أحسن من الحبش ولا هم ما بينفعوا معانا
لكن لو إنت عايز تنزل أغانيهم سمي القناة أي إسم تاني وما تسميها بي إسم الهوية السودانية
وأما المذيعين فمافي داعي أتكلم عنهم ,, خلوها مستورة يا ناس تسابيح
ملحوظة:
لم أشاهد حتى الأن سوداني متابع لهذه القناة
لكن كلما أدخل صالون حلاقة حبشي بلقاهم فاتحينها
جزاك الله خير على رأيك الصائب وربنا يسترنا ويعدل الصورة المقلوبة.
لولا اختلاف الراء لبلرت السلع وكل واحد كتب من وجهة نظره واغلب الاراء ايجابية
انا بشوف القناة ما سودانية مية المية لانو شعارها بينفرد بيه السودان واغلب الاغانى حبشية ودى الحاجة الشاذة الا اذا كانت مشتركة اما بخصوص المزيعات وموضوع الطرحة او التوب تظل حاجة شخصية لان القناعة عمرها ما كانت بالاجبار وهم ما مقتنعين بلبسها مع احترامى لعاداتنا جدا
وبخصوص تعليق الاخت حلفاوية بقول ليها الحمد لله نظاف وما محتاجين قناة تورينا نظافتنا الشخصية ولا تورينا ان السودانيين ما شينين حتى وان كنتى ترى ذلك (مع احترامى لكل الراء)
][®][^][®][والله يا ابو عمر انا اشارك فى نفس الرأي :
بس هي لما طلعت فى بدايتها كانت فعلا قناة زول ونحن والله فى الغربة فرحنا شديد وقلنا فعلا دي القناة البتعرف الانسان السوداني لكل العالم ولكل الوطن العربي لكن حاليا كل البرامج المتعلقة بالقناة مامن عاداتنا وتقاليدنا . يعني نحن ما عارفين نحن حبش او سودانيين المفروض يطلقو عليها قناة (تصفاي) يعني قناه حبشية :
وهسه مافات شئ المفروض الادارة تنظر فى هذا الامر ولا يغيرو الاسم
ولا رايكم شنو ياشباب ][®][^][®][
انا شوفتا القناة بس زي ماقال ابوعمر ما لايق عليها اسم زول بس يمكن مدير القناة عايز القناة تكون شوية مختلفة عن القنوات السودانية التانية ويمكن عاوز مشاهدين من كافة البلدان العربية وليس السودانيين فقط اما عن الذيعات دي مسألة بينهم وبين الله وما نقدر نقول عنهم حاجة
السيد ابو عمر
جميع الاخوة المتداخلين
الموضوع شيق وهام جدا
بس انا لاحظته شوية حاجات عن مداخلات البعض منكم
لازم نلتزم بي ادب النقاش يعني مانتعصب علي ارائنا
وننسي حرية الرأي الاخر
كل منا له وجهة نظره في اي قضيه
ولو وجدت اخا لك ينحي عن الحق الذي تراه
من الافضل ان تنير بصيرته بطريقه مرغبه
كل منا يمكنه ان يوجه الاخرين لكن طريقة التوجيه هي المحك الحقيقي لتقبل التوجيه او الرأي الاخر
وعليه فليدافع كل منا عن آرائه وأهدافه بالطريقة المثلي
السلام عليكم ابوعمر . والله القناة دى غريبة فى كل شئ من برامجها الى المذيعات ما فى برانامج واحد عاجبنى والله وما حصل فتحتها ولمن امر عليها اصاب بالغثيان والله قناة مفروض ما ارخصوا ليها خالص . ما ارخصوا ليها ما بقت دفع فى دفع . والله المستعان يا اخوانا
الحمد لله والشكر لله .. وجدت كثير من الردود على هذا الموضوع وكلها تشجب وتذم وتسب وتصف هذه القناة بأنها غير محترمة وغير جديرة بالتلفزة .
مما أثلج صدري وأراح نفسي وأفرح قلبي بأن السودان وأهله لازالوا بخير وهم لازالوا متمسكين بقيمهم واخلاقهم .
جزاك الله خير على المداخلة الطيبة ورأيك السديد ..
وفقك الله في الدارين .
عاطـــــــــــــــــــــف كتب:][®][^][®][والله يا ابو عمر انا اشارك فى نفس الرأي :
بس هي لما طلعت فى بدايتها كانت فعلا قناة زول ونحن والله فى الغربة فرحنا شديد وقلنا فعلا دي القناة البتعرف الانسان السوداني لكل العالم ولكل الوطن العربي لكن حاليا كل البرامج المتعلقة بالقناة مامن عاداتنا وتقاليدنا . يعني نحن ما عارفين نحن حبش او سودانيين المفروض يطلقو عليها قناة (تصفاي) يعني قناه حبشية :
وهسه مافات شئ المفروض الادارة تنظر فى هذا الامر ولا يغيرو الاسم
ولا رايكم شنو ياشباب ][®][^][®][
كتر خيرك يا عاطف على رأيك الصريح الجميل .. وياريت لو تعرف لينا زول يعرف مدير القناة دي وينقل ليهم ردودنا .. عشان نكون فعلاً قدمنا خدمة للبلد .. وللأجيال القادمة.
ولك عظيم تحياتي وامتناني ..
البرنس السودانى كتب:السلام عليكم ابوعمر . والله القناة دى غريبة فى كل شئ من برامجها الى المذيعات ما فى برانامج واحد عاجبنى والله وما حصل فتحتها ولمن امر عليها اصاب بالغثيان والله قناة مفروض ما ارخصوا ليها خالص . ما ارخصوا ليها ما بقت دفع فى دفع . والله المستعان يا اخوانا
والله انت برنس سوداني حقيقي .. وانصحك لا تفتحها حتى لاتصاب الغثيان والصداع .. والكلام الفاضي.
أشكرك على مرورك وابداء رأيك.
السلام عليكم ورحمة الله تعالي وبركاته...
الحقيقة انا بتفق مع ابو عمر وام العشرة لانو ياجماعة زي ماشايفين انو اسمها زول وهي كلمة سودانية لكن القناة ماسودانية لو كانوا غيرو الاسم ماكان في زول نبذنا غايتو شكاها حبشية ........
مامشكلة المذيعة تكون فاكة شعرها اذا ماسودانية ومسلمة حتي لوكانت مسلم وسودانية علي الاقل تكون الطرحةفي راسها ...يا اكون
شكرا ياأبو عمر علي طرح الموضوع دا
نفسى اشوف برنامج واحد مفيد فيها......قناة باهتة جدا واسم زول براء منها....حاجة غريبة غايتو ظاهرة الغناء فى كل القنوات السودانية يكاد لايخلو منها برنامج واحد..ياجماعة ارحمونا
أبو عمر كتب:السلام عليكم ورحمة الله وبركاته
كل عام وأنتم بخيروالتحية لكل السودانيين عامة والرائعين ناس أنا سوداني بصفة خاصة.
ياجماعة القناة السودانية الإسمها زوووول رايكم فيها شنو ..
انا شايفها قناة غريبة شوية عن قنوات السودان الرئيسية ولاتشبة قناة الشروق ولا هارموني .
البنات المزيعات أو مقدمات البرامج الموجودات في قناة زول ليس لديهم حياء ولا خجل وعادي كاشفات رؤوسهن من غير طرحة ولا توب ولا حياء .. كأنهم ما سودانيات .
وجايبين لينا كمية من الحبش يغنوا لينا ويرقصوا ولا عاجبننا ونحن مافاهمين بقولوا شنو بالضبط ..
انا ما عارف القناة دي ما اسلامية .. ولا الناس المسئولين منها ديل يهود ولا شنو ما عارف ..
القناة ماخده اسم زول .. ولكن للأسف ليس لديها اي صلة بالزول السوداني .. لا العادات ولا التقاليد ولا حتى البرامج لها علاقة بالزول ..
المفروض طالما أن اسمها (زول) المفروض تكون قناة سودانية تعكس كل عادات الإنسان السوداني وطبائعه واختلاف بيئاته ومواقعهم وتتمسك بالعادات السودانية وتكون هي التي تنشر أو تعرف العالم الخارجي بالإنسان السوداني وما هيته وهويته .. ولكن للأسف الشيء البقدموه دا لا فيهو معنى للزول السوداني ولا السودان ولا شيء ..
وانا بصراحة مزعلاني الحكاية دي .. وسمعت ناس كتير معانا في السعودية هنا بسبوا في القناة دي وبقول عليها قناة صايعة ولا محترمة و لا تمس الإنسان السوداني بصلة .. وما عارف من وين لقطوها .. بل تدعوا لنظام جديد في السودان ولمزيد من الإنحلال أخلاقي .. ونحن برانا الفينا مكفينا .. الله يحفظنا منها .
كدي أدونا رايكم يا أخواني .
أنا شايف إنها قناة منفتحة أكتر من اللازم وما بتشبه عاداتنا وتقاليدنا السودانية أبدا
