دعواتنا لكم بالشفاء العاجل

[فرحة العسولا]

بطوطه و الله صورتك الرمزيه حلوة حلا
تعبير عن البراءه
وشكران لى دعمك وعشتى حبيبتى
وماتشوفى شر ياعسل

[فرحة العسولا]

شكرا الغاليه سيراف
وفعلا من توكل على الله فلا غالب له عشتى
الله يديك الصحه والعافيه حبيبتى
شكراً

[فرحة العسولا]

جيبـى لـى معـاك Hand Back
وسقنـل تـو و جـنـزى Black
وتــى شيـرتـى أعـزلـى بــراك
مقاسى M وماداير أتقل دمى ياخى كفاك

بس كدة يا أيمن والله غالى والطلب رخيص
ولو داير عروس كمان اشحنا ليك معاى
وحرسل ليك سبحه من قدام ومصلايه
بس انت اتكرب معاى

[استارو]

اختي الغالية نعم هي كلمة نابعة من صميم فوادي هالة اتمنا من الله سبحانه وتعالى أن يعافيك
وترجعى الى اهلك سالمة بأذنه تعالى ونتمنا انك تسمعى كلام أخونا احمد يس وكلنا معاك بدعواتنا
وارجو منك أن تكثرى من القران الكريم وأن لاتنسى ذكر الله


ولا تأئسي من رحمة الله
ونحن من جنبنا سوف ننتظر رجوعك الينا بالسلامة وخالص الامنيات بالتوفيق
اخوك دئماً وابداً نجم الدين مع خالص حبنا اليكى،،

[فرحة العسولا]

اخى المبدع والراغى
العزيز الغالى نجم الدين
حقيقى كنتم ولا زلتم اسرتى الثانيه
ومن بدرى ابتديت الحمد لله ااقلم نفسى على الجو الجديد
وللاسف من دونكم ، لكن انشاء الله هى فتره وحتلاقونى فى وسطكم
وكان نفسى احضر عرسك لكن مامشكله ، بجى ببارك ومن حسى ياسيدى
مبروووووووووووووووووووووووووووك
وخلى بالك من نور العين M وخليها كمان تدعى لى
وانت كمان اخوى الغالى ماتنسانى من دعواتك الصالحه
وخاصه انك فى البلد الصالحه
الله يديك العافيه وماتشوفو شر
شكرا لى دعمك
اختك هالــــه

[عاشقة محمود عبد العزيز]

فـرحــنا ياغالــيه

ان شاء الله ربنا يكتب ليك في كل خطـوه سلامــه ويكتب ليك الشفاء العاجـل

(وقل لن يصيبنا الا ما كتب الله لــنا)

قلبك ده تعبناه ليك احنــا بي ريدتنا الشديده ترجعي بالسلامه ان شاء الله

والناس دي تطلب ساي أنا غايتو بقول ليك أي حاجه على ذوقك كده بقبله..

[بت الشيخ]

الاخت الغالية :
فرح العسولا

ان شااء الله تمشي وتجي لينا بالسلامة وبصحة وعافية
وان شااء الله حندعي ليك بالشفاء العاجل
انتي بس خلي ايمانك بالله قوي .. وان شااء الله ، الله معاكي

الله يحفظك ويخليك وان شااء الله تاني ما تشوفي شر

تمنياتي لكي بعاااجل الشفاء

[أيمن]

بس كدة يا أيمن والله غالى والطلب رخيص
ولو داير عروس كمان اشحنا ليك معاى
وحرسل ليك سبحه من قدام ومصلايه
بس انت اتكرب معاى

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مواعيد الجراحه متين؟=
ورينى شان أقدر أجر يس=
وادعو وانبه التانين=
نجر السبحه بالتأمين=
يارب العباد يا معين=
أجب لى دعوه الداعين=
يصلح حالك الأتنين=
ياعسوله دنيا ودين=
وترجعوا للبلد سالمين=
قولى آآآآآمين=[/poem]

[العربى]

اختنا هالة او فرح العسولا
شفاك الله ومتعك بالصحة والعافية
ومتاسف شديد على التاخير
وحقيقة كادت دموعى ان تنهمر وانا اقراء فى ردك للاستاذ احمد يسن وتوقفت عند عبارة اخد امانتو
بقدر ماهية كلمة مؤثرة بقدر عكست الثقة الزائدة التى تتمتعين بها..
عبارة جعلتنى اثق فى ان عمليتك ناجحة 100% باذن الله تعالى
غدا تعودى كما نود


الف سلامات

[asool22]

مساكم بنكهة الفانيليا ملمومين في الخير ان شاء الله يا اخواني

الأخت فرح العسولا
طال عمرك اختي ربنا يمتعك بالصحة والعافية ويكتب السلامة والله يسلمك يا رب من كل شر وازيه
وترجعي لتعطر سماوات المنتدى بمواضيعك الفنانه
آمل أن لا يكون بيننا من عكر صفوك


ما بنختلف.. اسمك مسطر في القلوب
بعدك يفوق حد الوصف
ويسأل عليك يا فرح حتى الصغير الما عرف
ما بنختلف
انك تركت أثر عميق شلال عواطف ما يجف
يا صادق الود والولف يا مالي دنيا الناس أمل
ما بنختلف
درسني بس قانون هواك
بحفظ حروفو حرف حرف
سامحني مرة اذا نسيت ما تبقى صارف ومنصرف
لو حتى حق الريدة هان أنا لي عليك حق الولف
--------------------------------------------
يا اختي الغاليه الله يرجعك بالسلامه يا رب وما يحرمنا منك يارب
ودعواتنا ليك دائماً وطمنينا عليكي امانه

[فرحة العسولا]

عاشقه الرائع محمود عبد العزيز
شكرا ليك، وليكى منى سبحه ومصلايه من حسى
وماتنسى تجريها ليل ونهار
ولما ارجع ليك منى Cd من( لندن) لى محمود عبد العزيز
الله يخليكى ويحفظك مولاك من كل شر
انا مابنسى انك اول وحده رحبتى بى فى المنتدى
ودخلتى فى قلبى التعبان دة الفرح
شكرا حبيبتى

[فرحة العسولا]

بت الشيخ ياغاليه لكى منى الالف التحايا
العطره وتسلمى ومابوصيك كربى الدعوات
والله يسلمك من كل بلاء

[فرحة العسولا]

امييييييييييييييييييييييييييييييييييييييييييين
يا ايمن ولسه ماتحددت مواعيدك العمليه بس اكيد
الاسبوع الجاى اذا ربنا بعد العوارض
لانو زى ماقالو لى هنا الوقت مافى صالحى
لانو اتاخرت كتيير
الله يكون فى العون

[فرحة العسولا]

الهلالابى الجميل العربى
لك منى تحيه واجلال عظيمه بقدر شمخوخ
الهلال العظيم ، كان نفسى احضر عرسك انت واستارو
لكن معليش وياسيدى مبروك والله يهنيكم وماتشوفو شر
وماتنسى انا عملت ليك كشف للعرس لكن شكلى حاشيل
القروش للعلاج ، وانا قلت احسن اشيلا من اخوى ولا
اشحد من برا، وشكلو كلام حازم جمال صاح لما خاف انى
اعمل رايحه ، وقال عايز زول يضمنى لكن زى مابقولو فى
السودان (دقست يا معلم )
ماتنسانى من الدعوات دى الحاجه الوحيدة البقدر اطلبا منك
وخلى بالك من المراة وابقى 10
لك منى كل الشكر والتقدير
اخوى الغالى العربــــــــــــــــــــــــى

[بنت سدن دن]

الله يرجعك بالسلامة ويا رب ما تشوفي شر ( في عدوينك أن شاء الله ) .
ويا رب ترجعي لينا كده وردة منورة تنشر عبقها الزاكي في كل منتدى .

بحبك ..........
وبدعي ليك في كل صلاة .
يا أختي الكبيرة الوفية .
سلااااااااااااااااااااااام .

[batota]

فرح انت عارفه طبعا ان انا قاعده في لندن لو عندك رقم تلفون كان في السودان او لندن يا ريت تديني ليه عشان اقدر اطمن عليك ...
و انا هسي حأرسل ليك رقم تلفوني و ايميلي عشان اقدر اطمن عليك لو ما فيها ازعاج ....

[فرحة العسولا]

عسول تعال انت كلامك براه
عارف ليه ؟لانى والله بحب الغنيه دى كلماتا حلوه
شكرا على الغنيه الرائعه للراحل خوجلى عثمان
ولامانه انا مابنساها لو ما وصلتها ليكم انا،
بتوصلا ليكم بت خالتى من السودان اخبارى اول بأول
يابش مهندس ليك مليون تحيه وعليك الله
وانت فى البلد الطيبه الطاهره دى ماتنسانى
وفى كل صلاة ارفع يديك وقول يارب
تصبرا وتقوى قلبها وتملاه ايمان
عسول متعك الله بالصحه والعافيه دايما
وشكرا جزيلا لى دعمك

[فرحة العسولا]

بت سدن دن
شكرا حبيبتى على دعمك ودايما ادعى لى
وخلينى فى بالك وفى كل صلاه قولى يارب
واكيد بأذن الله لو بقيت تمام حرجع عشان
انتو فى الفتره الاخيره كنتو عندى اعز ناس
خلى بالك من نفسك ،وطولى بالك شدييد
وماتزعلى من اخوانك فى المنتدى لو كنتى فى
مكانى كنتى حتعرفى انهم ناس طيبين وحلويين
زيك كدة يا سكرا انتى عايزه لما اجى القاك
لسه هنا
انشاءالله ماتشوفى شر
وانا كمان والله بحبك زى اختى الصغيره
برغم انى وحيدة ماما وبابا

[فرحة العسولا]

بطوطه العسل اكيد يسعدنى انك
تتواصلى معاى هناك ،على الاقل تطمنى
اخوانى فى المنتدى ، وتكون معاى ريحة سودانيه
جنس سودانى اصيل
لانو شوفت السودانى فى الغربه بتطمن كتييييييييييييييييييييير
حارسل ليك ايميلى لكن رقم الجوال الا لما
اوصلك وحاوريك حصل الساعه كم
ونازله وين وتونسينى شويه لانو للاسف
ماعندى اشقاء .
يعنى عينك حتتطلع معاى
تسلمى

[batota]

خلاص يا فرح انا رسلت ليك ايميلي و تلفوني و ياريت برضو تديني رقم تلفونك في الدوحه عشان من هسي اكون متواصله معاك ...