منتدى أنا سوداني

مرسل: **الاثنين 2009.2.2 1:23 am**

هههههههههههههههههههههههههههههههه
يسلموووو
كدة السودانيات ولا بلاش

مرسل: **الاثنين 2009.2.2 8:29 am**

عابده مرغنى عبدالله كتب:ههههههههههههههههههههههههههههههههه
مشكووووور الله يعطيك العافيه

رهام الحضري كتب:هههههههههههههههههههههههههههههههه
يسلموووو
كدة السودانيات ولا بلاش

العفو
و الله ما بس السودانيات كل نسوان العالم كدا

مرسل: **الثلاثاء 2009.2.3 5:00 pm**

هههههههههههههههههههههههههه

صراحة

إنت ظريف والله يديك واحد نقاقة أشان تجننك

مرسل: **الأربعاء 2009.2.4 3:18 pm**

الأسير22 كتب:هههههههههههههههههههههههههه

صراحة

إنت ظريف والله يديك واحد نقاقة أشان تجننك

أي أنا ظريف

لكن ده جزاتي وحدة نقناقة الله يعيني عليها بس ( ده إذا ارتكبت غلطة عمري و عرست )

مرسل: **الخميس 2009.2.5 11:25 pm**

ههههههههههههههههههههههههههههههههههههههههههههههههههههههههههههههههههههههههههههه
والمرأة التي ضحكها واصل الحلة اسمها شنو (اختار اسم حلو )
تقبل مروري

مرسل: **الثلاثاء 2009.2.10 1:30 pm**

والمره الحيرانه من عمايل راجلها الليله يجيها من بره مبسوط وبكره يصحا من النوم كابس و خشمو عندو تقول مخيط ولا عندكم الراجل ما بحير ودايماً هو المتحير ؟ ياصغير

مرسل: **الأربعاء 2009.2.11 7:38 pm**

يعني ما في نوع كويس ابداً ؟!

مرسل: **الخميس 2009.2.12 10:45 am**

هههههههههههههههههههه
يسلمو يديك العافيه

مرسل: **الثلاثاء 2009.2.17 11:26 am**

صمت الليالي كتب:ههههههههههههههههههههههههههههههههههههههههههههههههههههههههههههههههههههههههههههه
والمرأة التي ضحكها واصل الحلة اسمها شنو (اختار اسم حلو )
تقبل مروري

أعتقد إسمها لعلاعة هههههههههههههههههه:D

Zola CoOolz كتب:يعني ما في نوع كويس ابداً ؟!

أكيد الكويس في لكن نادر بس

اروع ابتسامه كتب:هههههههههههههههههههه
يسلمو يديك العافيه

نورتونا بي مروركم و معليش ردي جا متأخر ما عشان مطنشكم لكن كان عندنا امتحانات زي السم و أخيراً الليلة خلصت

مرسل: **الأربعاء 2009.2.18 5:11 pm**

يا IROCK يعني النسوان كلهن سجم
في رماد ..
لكن حلوة وظريفة حكايات النسوان .. المهم
عندهن شغلة ..

مرسل: **الثلاثاء 2009.2.24 12:51 pm**

ههههههههههه

IROCK
عرفت ليهن
ما خليت صنف ما قلتو
تسلم والله

ومشكووووووووووور

مرسل: **الأربعاء 2009.4.1 11:05 pm**

والله موضوعك جميل ورائع
وانت أكثر روعة

مرسل: **السبت 2009.4.4 10:09 am**

ههههههههههههههههه حلوة منك

بس ما كل الحريم كده فيهم الصابرات والسكوتات

والخجولات وفيهن مرهفات الحس وفيهن العطوفات

والصفات الانت ذكرتها دي موجوده في كل بقعه

من بقاع الارض ما عارفه ليه اختصرتها علي

السودانيات .

مشكور وتقبل مروري

مرسل: **الأحد 2009.4.19 8:20 am**

ام العشرة كتب:
يا IROCK يعني النسوان كلهن سجم

في رماد ..
لكن حلوة وظريفة حكايات النسوان .. المهم
عندهن شغلة ..

والله كلامك صح واووول مره تقولى شئ صح

مرسل: **الأحد 2009.4.19 9:08 am**

يديك العافيه
بجد النسوان كدا ولا بلاش
هههههههههههه والله حلوة منك لايوقة:
دي حكاية تانية.. تمسك في موضوع يحلك منو الجليل الرحيم.. يا .. دا.. هوي يا دا.. الليلة يا يمة.. طرشت؟!، وقدر ما تطنش هي مصرة، وممكن تجي جنبك وتخجك خجة جامدة عشان تنتبه.. للنقة.

مرسل: **الثلاثاء 2009.4.21 10:32 am**

هههههههههههههههههههههههههههههههه

مرسل: **الثلاثاء 2009.5.26 3:02 pm**

فوز بواحدة منهن

فقرة ترفيهية مع تحياتي

ان بقيت بخيت.....ربنا يديك....امراة هدية ورضية.... السماحة ما ضروري لانوبعد شوية...... ما حتكون لك سمحة..... حتكون عادية....... نصيحة لك.....النسوان البقولن ديل اوعك تعرس واحدة فيهن................. 'الفنانة..........والحنانة........والحردانة,,,,,المدرسة.......والمدبرسة........والمفلسة ,,,,,, النوامة.......والحوامة......واللوامة,,,,,البوبارة......والكوُبارة.....والخبّارة ,,,, الممحوقة.....والمطلوقة.....واللايوقة' طيب...اجي اوريك ليه؟ الفنانة.....

. حتمرق معاها وتقعد تحوم.....في الحفلات...وتشوف كرسي قدام.وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين...

. الحنانة........

طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين...والنهار كلوانت تحاحي في الشفع مايلمسو الصبغة....

الحردانة......

دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب....تطقطق...في اصابعيك.. ومدنقر في الواطة...وداير تراضيها ترجع البيت....... لكن احسن حل لك يا تسكنو مع ناس ابوها...ياتجيب ناس ابوهاعندكم ....عشان توفر المشاوير والجري..........

المدرسة..........

اول حاجة دي ما بتقدر تفرق بينك وبين الطلبة......وحتقعد..... تعيد وتكرر في الكلام مليون مرة..زي برنامج من الامس الفي تلفزيون السودان....وممكن جدا تسرح وتقول لك فاهم يا شاطر؟

المدبرسة........

تلقها طوالي زهجانة.....وشايله اخلاقها في طرف نخرتها...وان كلكلتها ما تضحك........في النهاية حتوديك التيجاني الماحي...... نزيل اكتئاب

المفلسة.........

ما دايرة أي شرح

النوامة.........

تجي من الشغل نص النهار وزهجان.... تلقاها....تانيةالمخدة وخاته ايدها تحتها....وتشخر... وريالتها سايله...وحالتهابالبلا.....وتكره اليوم الفكرت انت فيهو في التكاثر........

الحوامة.........

طول اليوم فوق كرعيها...في الحلة من بيت لبيت.....وتدخل البيت.. قبال ما انت تجي من الشغل بخمسة دقائق....وتجري تولع النار.......وتطبخ لك القطر قام....واول ما ينتهي الغدا .....تدخل في سفنجتها....استعداد لرحلة جديدة

اللوامة.....

دا نوع مزعج جدا.....لو جبت سيرة اخوك ساكت....تفتح فيهو...الله بيسألني.......سنتنا ديك وقت انت خليتنا بلا قروش وسافرت.... يدخل ويمرق علينا مدلدل ايدهو...كيس موز ساكت ما بيجي شايلو.......ولو جبت سيرة امك...... هي والله امك دي اصلها ما بتريدني.....من تشوفني تزعل والنيران تطلق فيها...وتمد قدومها.....ووليداتي ديل السلام.... يا الله ويا امين تسلم عليهم......

البوبارة.......

دي تحملك فوق طاقتك...تشريك الما بينشري....وجيت ناس في البيت...تجري علي علبة الدهب...وتتعنكش علها من راسها لكرعيها....وتقعد تنضم..بايديها وكرعيها ورقبتها...واضنيها...عشان توري الدهب

الكوبارة........

دي تكبر أي موضوع...وتسوي ليهوتوم وشمار..... وتقول لكناس القبور دقو الطنبور...... لو شافع من شفعك.....عتر ووقع...... تصرخ وتخت ايديها في نص راسها.....وبطول حسها.....ووووووووب علي ووووووووب علي...مااااااات ...ماااااااااات........ يسمعوها في الشارع....والغريبة لوانت كنت نايم وسمعتها..... تقوم مخلوع.....وتمرق من الاوضة لحدي نص الصالة.....وانت بسروالك........اما لو كان عندك قلب مرضان....اللحظة ديك....من المهد الي اللحد

الخبّارة......

البي تدور الخبار..... لو في نضم تلقاها سكتت الشفع....ونهرتهم عشان تسمع.......الجيران مالهم بيهرجو وصوتهم عالي......ولو كانت بتكوي لك في هدوم.....قطع شك......قميص ولاّجلابيه.....حيكون في عداد ضحايا الحريق.....وممكن الملاح...يحرق وممكن الجردل يكون في الماسورة.... يتملي والبيت يغرق من الفيضان......وحرمكم المصون واقفة فاتحة خشمها وتصنت للجيران........

الممحوقة ..............

دي ان جبت دكان كامل وختيتو لها في البيت تكملو في يومين......تصوطو كلو فوق تحت...........لكن ممكن توديها لاصحابك الزعلان منهم لو عندهم مناسبة تطبخ لهم.... عشان....لما المناسبة تنتهي يشحدو وانت تتبسط........

المطلوقة...........

واضحة و ضوح الشمش

اللايوقة..........

دي حكاية تانية.... تمسك في موضوع يحلك منو الجليل الرحيم......يا...دا ....هوي يا دا..... الليله يا يمة....طرشت؟...وقدرما تطنش هي مصرة.....وممكن تجي جنبك وتخجك.....خجة جامدة عشان تنتبه...... للنقة:D :D :D :D

مرسل: **الثلاثاء 2009.5.26 7:32 pm**

[grade="00008B FF6347 008000 4B0082"]هههههههه ,,

نسيتي آخر واحدة

" الماموجوده "

دي لو اتزوجتها ,, الله أداك ,, ومن صرف المال نجاك ,, تتخيلها في خيالك ,, حسب ما يريد حالك
لا زواج ولا عقبالك ,, لا تهلك نفسك , ولا تفكر في عيالك
[/grade]

مرسل: **الثلاثاء 2009.5.26 7:46 pm**

waya كتب:[grade="00008B FF6347 008000 4B0082"]هههههههه ,,

نسيتي آخر واحدة

" الماموجوده "

دي لو اتزوجتها ,, الله أداك ,, ومن صرف المال نجاك ,, تتخيلها في خيالك ,, حسب ما يريد حالك
لا زواج ولا عقبالك ,, لا تهلك نفسك , ولا تفكر في عيالك
[/grade]

لا حولا ولا قوه برا وبعييييييييييد انشالله, يارب العالمين عرس لكل اولاد المنتدى العزا ب وجاهزين وعاملين فيها غمرانيين اميييييييين يارب العالمين,زى ناس كده

مرسل: **الثلاثاء 2009.5.26 8:07 pm**

الطيفة

سلامات

والله يجازي محنك

انتي ما خليتي لييك مرة في السودان

هسي نعمل شنو والله حيرتينا

منتدى أنا سوداني

وصايا سودانيه (ان بقيت بخيت ربنا يديك.....)

رد: أنواع النسوان

رد: أنواع النسوان

رد: أنواع النسوان

رد: أنواع النسوان

رد: أنواع النسوان

رد: أنواع النسوان

رد: أنواع النسوان

رد: أنواع النسوان

رد: أنواع النسوان

رد: أنواع النسوان

رد: أنواع النسوان

رد: حريم السودان وصفاتهن

رد: حريم السودان وصفاتهن

رد: أنواع النسوان

رد: أنواع النسوان

رد: أنواع النسوان

يا ولدى النسوان خشم بيوت

رد: يا ولدى النسوان خشم بيوت

رد: يا ولدى النسوان خشم بيوت

رد: يا ولدى النسوان خشم بيوت