كيف مفهوم أنو المرأة بتكبر أسرع من الرجل مفهوم خاطي وهي دي حقيقة
يعني بكفيها الولادة بس
وأنا معاك أنو المشاركة الزوجية أكبر من الاعتبارات الشكلية أو الجسدية
وصح أنت ممكن تكون شايف زوجتك أجمل إنسانة
بس بعدين لما تكبروا وهي تكون أكبر منك
وأنت الأصغر سناً ولقيت ليك وحدة شابة وأصغر منك وبينكم تكافؤ في كل شي حتي في السن
أها كيف الحال كده
قول رايك بصراحة
عينك ما حتزوغ عليها وتقول أعيش حياتي
حتي لو كنت بتحب زوجتك الأولي
[grade="FF0000 FF6347 FF7F50 FFA500"]مساء اليسمين جسور [/grade]
اختلف معاك شكلا ومضمونا في قصة انو ينظر لوحده غيرها لانو ده يتوقف على طريقة تفكير الرجل يعني ده شي في الشخصية ذاتها لانو في كتير من الناس بيقتنعوا بالشي العندهم ومن طبعهم الرضى الكامل دون البحث عن بدائل وارجع واقول ليك انو الكلام في الموضوع ده نظرى لكن لو اخذنا قصة بعينها يمكن تخضع لاعتبارات اخرى............ز
يعني باختصار في ناس عشانهم تضحى بشبابك وبعمرك عشان تسعدهم لحظة من العمر وتتمنى انك تكون ظل يرتاحو عليهو لانو ناس الوفاء طبعهم يعني الاختيار هو البيحدد شكل العلاقة وخصوصا لو كانت شخصية ملتزمة وغير متذبذبة ( موش شخصية تدعى انها تحب التغير وكل يومين بي راي)...........
منو صديق كتب:السلام عليكم
انا عندى قصة بسيطة عن ارتباط البت بواحد أصغر منها
عندى واحدة معرفة كده اتعرفت على واحد وهو من البداية وراها عمرو كم
لكن هى ما ورتو عمرها كم عموما بعد مرور الايام والشهور البت اتعلقت بالولد تعلق شديد
وبدت تحبو لدرجة انو بقا ليها كل شئ فى حياته لكن عارفين لى يوم الليلة ما قادرة تصارحو بانها
هى اكبر منو والموضوع بقا ليها صعب شديد عارفين انوا الولد عاوز يجى ويتقدم وكده وهى تاجل فى الموضوع وماقادرة تقول ليه انها اكبر منو 4 سنين على ما اعتقد تصوروا انو الموضوع ده عامل ليها نفسيات ومأزمة شديد وكل يوم تبكى وندمانة قالت ياريت كان من البداية كلمتو وهى لى يوم الليلة بتفتش فى حل لى مشكلتا دى
تقبلى مرورى
الندم ما بينفع وعلي قولة المثل
لو فات الفوت ما بينفع السوط
وبعدين مفروض هي من الأول توريهو
هسي ممكن الولد يكون ما حاب يرتبط بوحدة أكبر منو
وهي ما دام ما قادرة تصارحو يعني هي شايفة الفرق بينهم مشكلة
وده في البداية وهي شايفة كده امال بعدين حتعمل شنو
يعني أحسن ليها تتشجع وتصارحو بدل ما تعذب في نفسها كل يوم
[grade="FF0000 FF6347 FF7F50 FFA500"]مساء اليسمين جسور [/grade]
اختلف معاك شكلا ومضمونا في قصة انو ينظر لوحده غيرها لانو ده يتوقف على طريقة تفكير الرجل يعني ده شي في الشخصية ذاتها لانو في كتير من الناس بيقتنعوا بالشي العندهم ومن طبعهم الرضى الكامل دون البحث عن بدائل وارجع واقول ليك انو الكلام في الموضوع ده نظرى لكن لو اخذنا قصة بعينها يمكن تخضع لاعتبارات اخرى............ز
والله أنا شايفة ده حال الرجال أول ما المرأة تكبر باعينو بره ومابالك لو كانت هي الأكبر
يمكن أنت تكون من البتعدو بالأصباع الشايف أنو دي ما فيها مشكلة
وصدقني أنو حتي لو مثلاً الأثنين ما شايفين فيها مشكلة الفرق في السن
إلا ما يكون في حساسية لي أحد الطرفين
وأنا بشوف اي علاقة بين اثنين المفروض ما يكون فيها اي نوع الحساسية أو الحرج من حاجة معينة
وشوف براك الشباب الكتبو رأيهم في البوست هنا
معارضين الفكرة تماماً
وممكن تأخذ قصة (منو الصديق) في عين الأعتبار
البت من أولها وهي شايفة أنو دي مشكلة وما قادرة تصارح الولد
وأنا برضو معاك أنو الحب هو أساس كلو شئ في العلاقة بين الأتنين
وده بيرتبط بقناعات الأتنين
بس أنا دايماً عندي الخوف من تخلي أحد الطرفين بالأخر
وأنت قبيل قلت (عمليات التجميل)
يعني أنت شايف ممكن يكون في مشكلة بعدين وممكن تلجأ لعمليات التجميل !!
وعلي فكرة أنا ضد عمليات التجميل وبرفضها تماماً إلا لحالات التشوه لا سمح الله
ضـــوء القـــمــر كتب:يعني باختصار في ناس عشانهم تضحى بشبابك وبعمرك عشان تسعدهم لحظة من العمر وتتمنى انك تكون ظل يرتاحو عليهو لانو ناس الوفاء طبعهم يعني الاختيار هو البيحدد شكل العلاقة وخصوصا لو كانت شخصية ملتزمة وغير متذبذبة ( موش شخصية تدعى انها تحب التغير وكل يومين بي راي)...........
صح لسانك
الا ختيار هو البحدد شكل العلاقة
بس يا ريت لو في منك كتير كان العالم عاش متهني
لكن أرجع وأقول إلا ماتسبب مشكلة الفرق في السن لو مافي بداية العلاقة في نهايتها
عندما نقع فى الحب تتلاشى جميع الفوارق مثل عامل السن او التعليم او الوظيفه او اللون او الجنس او حتى اللغه فالحبمزيل جميع الفوارق والاختلافات ولكى كل الود والاحترام
اسامه خضر محمد على كتب:عندما نقع فى الحب تتلاشى جميع الفوارق مثل عامل السن او التعليم او الوظيفه او اللون او الجنس او حتى اللغه فالحبمزيل جميع الفوارق والاختلافات ولكى كل الود والاحترام
اسامه خضر محمد على كتب:عندما نقع فى الحب تتلاشى جميع الفوارق مثل عامل السن او التعليم او الوظيفه او اللون او الجنس او حتى اللغه فالحبمزيل جميع الفوارق والاختلافات ولكى كل الود والاحترام
أكيد الحب مزيل لكل الفوارق
وفوارق التعليم أو الوظيفة أو اللون أو الجنس أو اللغة دي من رأي لا مشكلة فيها أبداً
[grade="FFA500 FF6347 008000 4B0082"]جسور يا قمر
بصراحة موضوعك رائع
اما عن انى اتزوج شخص اصغر منى فمستحيل
لان صغر السن بالنسبة للرجل مشكلة كبيرة جدا
وان المراة تكون اصغر منو فلا ثم لا
لان الجل هو رب المنزل عشان كدا لازم يكون اكبر من المراة
عشان بعدين ما تقول ليهوا انا الكبيرة واحترمنى وكاد
عزيزتي جسور
مشكورة جدا على البوست[/grade]
[grade="FFA500 FF6347 008000 4B0082"]جسور يا قمر
بصراحة موضوعك رائع
اما عن انى اتزوج شخص اصغر منى فمستحيل
لان صغر السن بالنسبة للرجل مشكلة كبيرة جدا
وان المراة تكون اصغر منو فلا ثم لا
لان الجل هو رب المنزل عشان كدا لازم يكون اكبر من المراة
عشان بعدين ما تقول ليهوا انا الكبيرة واحترمنى وكاد
عزيزتي جسور
مشكورة جدا على البوست[/grade]
غاليتي وعسلي ست الحسان
كلامك عين العقل
وأنا معاااااااك
وأنا كمان أضفت بعض الأسباب في أول الموضوع البتخلي فارق السن مشكلة
وبعدين بيني وبينك
بعيد عن كل الأسباب الذكرنها كلها
الأحساس بيكون غير لما تكوني مع واحد أصغر منك
ده عليك الله تدلعي عليهو كيف
وبعدين أحساس أنو في زول أكبر منك مسؤول عنك حلو وهو شريك حياتك شئ ما بيتعوض
وفوارق التعليم أو الوظيفة أو اللون أو الجنس أو اللغة دي من رأي لا مشكلة فيها أبداً
وزي ما قلت الحب الحقيقي مزيل لكل الفوارق
بس عامل السن دي أنا شايفها صعبة
وسلام مخلوط بالعسسسل
انتى باين عليك مكسره فى واحد برعم وخايفه انا بقوليك انو دى ما مشكله لو هو صحيح بحبك ماتخافى لانو التجارب كتيره جدا جدا وكلها ناجحه وانا عندى زميل وزميله نفس مشكلتك دى وعايشين احلى عيشه وغيرهم كتار
اسامه خضر محمد على كتب:انتى باين عليك مكسره فى واحد برعم وخايفه انا بقوليك انو دى ما مشكله لو هو صحيح بحبك ماتخافى لانو التجارب كتيره جدا جدا وكلها ناجحه وانا عندى زميل وزميله نفس مشكلتك دى وعايشين احلى عيشه وغيرهم كتار
هووووووووي يا أسامة
أنا ضد الكلام ده أصلاً
كيف حاكون مكسرة لي في زول برعم :D
يا أخوي أنا 22 وهو في الثلاثينات
وكده عاجبني شديد الفرق بينا
أحم أحم
خليتنا نقول كلام ما دايرن نجيب سيرتو
غايتو أنت
المهم
هو كان نقاش بيني وبين صديقة لي وأنا أختلفت معاها في الرأي لأنها هي ما بتعارض
وأنا بعارض أنها تكون أكبر منو للأسباب الذكرتها قبيل
احسان 
