اخوي انت تقول تحذف مشاركته لا واعذرا على المخالفه ياخوي زي انا سعوديه واما اعرف اتكلم سوداني واحاول قد الامكان اتكلم سوداني واعترض على هذا الشي,,
بنت الجود,,,
اختي العزيزه بنت الجود نحن لا نطالبك بان تتحدثي اللهجه السودانيه
لكن الحديث عن السودانيين البيتحدثو بلهجات اخري غير السودانيه
لن تحذف اي مشاركه مهما كان حتي وان كان كاتبها سوداني وكتبها بلهجه اخري انما ما يحدث هنا هو نقاش ونصح لاخوتي وتنبيه لمن غفل عن هذا الشئ
بالنسبه للسودانيين العايشين فى السودان وبيتكلمو اللهجات دى فما عندها عذر
اما بالنسبه للسودانيين العايشين بره السودان فعندهم عذر نسبة للبيئه العايشين فيها
وزى ما قالت الاخت دلع بعض مرات بتفلت منهم كلمات
بنت الجود انا كنت مفتكرك سودانيه واكيد تمبرلى والاخوه قاصدين السودانيين فقط
فلكى الف سلام وتحية وانتى مننا وفينا
اخونا وكيل عريف
انت لسه ما بقيت عريف؟؟؟؟
انا اخالفك الراي لانو بحسبه بسيطه ابناء المغتربين كلهم بيكتبو بالعاميه وديل اتربو خارج السودان
فما ممكن زول يكون من ما اتولد واتربي وبقي عمرو اقل حاجه 25 سنه حتي سافر ويجي في 5 سنه يتكلم لي بلهجه تانيه؟؟؟
دي يبقي اسمها شنو؟؟؟
اما اذا كانت الحكايه كم كلمه بتفلت فدي ما هي المقصوده
تحياتي وعقبال الترقيه :D
المشكله ياشباب انو حتي العاميه السودانيه بقي فيها مصطلحات كميات كده
يعني لغتنا السودانيه تقوقعت امام المصطلحات التي بدأت تحل محل العاميه البسيطه الجميله
يعني كلمة زول حل محلها يامان / معلم / يافرده / .....
والبنات / الجكس / الحسس / الحاجات / ...........
وغيره
وكل هذا بسبب تأثير القنوات الفضائية
يعني ما بنقدر نلوم شبابنا لم يدخلو كلام غريب علي لغتنا المحليه الدارجيه
بل نلوم ثقافتنا التي خرجت ولم تعد وحل محلها تقافات دخيله
ووزارة الثقافه وتلفزيوننا القومي قاعدين فراجه
ومن هنا ينطرح السؤال:
ماهو الحل؟
استاذنا حموودي قبل مانخش في المصطلحات الشبابيه لازم نفرق بينها وبين اللغه العاميه
في كل الدول في مصلحات زي دي وحتي تعتبر دخيله علي اللغه ولو لاحظت انها بتاخد زمن بسيط وتندثر
زي مثلا زمان الشباب بقولو ليك شتات يا فرده هسي ليك كم ما سمعتها؟؟؟؟
دي بيطكلقو عليها لغه الشباب وهي مؤقته وغير دائمه لكن لما تدخل متغيرات في اللغه الام (العاميه) بتبقي مشكله زي مثلا حاليا الشباب بدل يقولو الحاجه دي قويه بقو بقولو جامده ودي للاسف ماخوده من عاميه احد الدول العربيه الاخري زي دي ممكن نعترض عليها وحتي كلمه جكس برضو دخيله وحاليا بدات تستبدل بي الحسس وطالما انها لفئه معينه وما دائمه تصبح غير ذات تاثير
سمرة وحلوة كتب:السلام عليكم الكلام المكتوب ميه في الميه بس مثلا ناس ماعاشوا في السودان الا شوية واصدقائهم مثلا من دول تانية وعايشين في دول غير عربية كيف حيكون العربي او السوداني حقهم ؟ مثلا انا عندي الجنسية والجواز السوداني بس مااعرف اي حاجة عن ثقافتنا واتكلم اللهجة الخليجية حتى في البيت مع الاهل كدا احنا متعودين انو نتكلم خليجي حتى في لبسنا واي حاجة
ويسلمو ع الموضوع الرائع
اختي سمره
جنسيه سودانيه ومقيمه في استراليا وبتتكلمي خليجي ؟؟؟؟؟؟؟؟؟؟؟؟؟؟؟؟؟
والله دي ما قدرت افهما
لكن انتي شرحتي المشكله وهي انه في البيت بتتكلمو باللهجه الخليجيه ومع اعتاذراي الشديد ليك لكن كده غلط
واما عن الثقافه السودانيه فبحمد الله المنتدي ممكن يكون عكس ليك الكثير جدا منها وواضح من لهجتك انك ممكن تتحدثي العاميه بطلاقه لو محتاجه اي حاجه عاوزه تعرفيها عن السودان نحن موجودين لكن خليكي عارفه انو السودان اولاً عشق وليس بلد وثانيا هو انتماء وليس صفه وثالثا هو عمقنا وليس اسمنا
تحياتي لك اختي
ويديك العافيه علي صراحتك
mohamedomer كتب:كلام زى الرصاص مافيهو اى كلمة غلط
ودا الصاح والمفروض اى زول يقول كلام ما سودانى يعنى لهجة عامية بتاعت بلد غير السودان تحذف المشاركة بتاعتو طوالى ودا اختراحى ارجو التثنيه عليه
ابن الخطاب كتب:
ياتمبر
الله يرحم شبابنا
مفتكرين إنو الواحد لمن يتكلم لهجة تانية معناها هو متحضر
دة إسمو تخلف وتقليد
اسامه خضر محمد على كتب:كلامك دا ريحنى راحه عجيبه لانو فى ناس بتفتخر لمن تتكلم غير لهجتنا ومره مصرى ومره لبنانى ومره خليجى ونسوا كلامنا ولغتنا مشكور جدا على الموضوع وتسلم
سودانية صريحة كتب:
نحن متعودين نتكلم في البيت سوداني ، حتى أهلنا في السودان لمن نتكلم معاهم في التلفون بيسألونا لي ما بتتكلموا خليجي ما بتعرفوا, بالعكس نحن بنعرف لكن ما متعودين.
اخوتي
محمد عمر
ابن الخطاب اسامه خضر
سودانيه صريحه
يديكم العافيه ولو اتمسكنا بالحاجات دي لغتنا العاميه حتكون مفهومه لمعظم الشعوب العربيه
وشكركم لحسكم الوطني العالي
كما ذكر البروفسير عبدالله الطيب رحمه الله ان العاميه السوانيه من اقرب اللهجات الي الغه العربيه الفصحي ان بفهم وبتكلم سوداني وانا سعودي بس زي ماقال اخي الكريم وكيل عريف السودانيين العايشين بره السودان وكما ذكر اخي حمودي في مصطلحات دخيله على بعض الدول ماشرط السوادن
طبعآ وانا مؤيد للموضوع
يداك العافيه على المجهود الرائع[/align]
اخي وصديقي عازف الامل المفقود
حقيقه كلامك بمثابه وسام علي صدري فلك اعمق التحايا اخي وكما قال اخي ودالدرديري
ودالدرديري كتب:
تمبريللي
الموضوع فعلاً حساس ومزعج شديد خالص
وبالذات لما يصدر من اخوتنا صغار السن الذين عاشوا خارج السودان
لأن المشكلة في الحالة دي بتكون من الأهل اللي ماعودوا أو ما إنتبهوا لحكاية تعليمهم اللهجة السودانية
حقيقي أنا أحيي وأشيد بشدة بالأخ عازف الأمل المفقود والأخت بنت الجود
فهم سعوديين ولكنهم إستطاعوا الاندماج تحت لواء أنا سوداني بطريقة مدهشة جداً
لهم التحية مثنى وثلاث ورباع والى ما لانهاية
[align=center]استاذنا الفاضل تيمبريلي
لك التحية
كلامك صحيح وده المفروض يحصل بس بالنسبة للمصريين واهل الشام أجهزتهم الاعلامية قوية جدا ولا تخلو قناة فضائية من المسلسلات المصرية والشامية .
بالتالي اصبحت لهجتهم مفهومة لاهل الخليج اكتر من اللهجة السودانية نسبة لانو اعلامنا ضعيف
وما زلنا في السودان رغم ما نقول نمشي خلف العباءة المصرية التي تسيطر على اجهزتنا الاعلامية
وشبابناالذي يلهث وراء الفضائيات وما الانحراف الموجود في السودان حاليا ما هو الا نتاج لذلك
هذا الموضوع ساطرحه فيما بعد للنقاش بصورة اشمل
مع خالص تقديري واحترامي
اختك دعاش كردفان[/align][/b]
دعاش كردفان كتب:[align=center]استاذنا الفاضل تيمبريلي
لك التحية
كلامك صحيح وده المفروض يحصل بس بالنسبة للمصريين واهل الشام أجهزتهم الاعلامية قوية جدا ولا تخلو قناة فضائية من المسلسلات المصرية والشامية .
بالتالي اصبحت لهجتهم مفهومة لاهل الخليج اكتر من اللهجة السودانية نسبة لانو اعلامنا ضعيف
وما زلنا في السودان رغم ما نقول نمشي خلف العباءة المصرية التي تسيطر على اجهزتنا الاعلامية
وشبابناالذي يلهث وراء الفضائيات وما الانحراف الموجود في السودان حاليا ما هو الا نتاج لذلك
هذا الموضوع ساطرحه فيما بعد للنقاش بصورة اشمل
مع خالص تقديري واحترامي
اختك دعاش كردفان[/align][/b]
اختي العزيزه
وعي لم اتوقعه وكلام جميل ومنطقي ولكن...
حاليا لدينا عده قنوات فضائيه اطلقت وخطاء ان نعتمد عليها فقط بل من الاجدر ان نكون نحن الاساس وتدعمنا القنوات ببرامجها
(ده ما معنا انها تقدم براكج جديده فالموجود والمقدم بيكفي)
اما عن اننا نمشي خلف العبائه المصريه فانا اخالفك الراي قد يعتبرها البعض بوابه للدخول الي العالم العربي ولكن من الاجدر ان يشق طريقه بثقافته وليس بثاقافه دخيله علي مجتمعنا
اما عن موضوعك ال1ي تريدين طرحه فكلي لهفه للاطلاع عليه وفي انتظارك اختي
لك كل الود والاحترام
العزيز تمبرلي :
انت معاك حق والله في كلامك وانا بقول كمان انو الناس العايشة في
السودان ما عندها عذر
بس بالنسبة لينا نحنا العايشين خارج السودان ما بنقدر نتكلم سوداني مع
الجنسيات التانية وكمان الجنسيات التانية غير الليبية المصرين والسورين
والفلسطينين هنا بيتكلمو ليبي ما الا السودانين بس لانو في بعض الكلمات
السودانية غير مفهومة
بس انا في البيت وفي الجامعة بتكلم سوداني مع صحباتي السودانيات طواالي
اما من ناحية الكلمات البتتكتب باللهجات التانية فهي كلمات نحنا اخدنا عليها وما
حنقدر نغيرها بسهولة مرات بنقولها بدون قصد
واما النكت فالنكتة يمكن لو اتكتبت بالسوداني ما ممكن تدي نفسي المعني او ما ممكن
تضحك لو اتحكت بالسوداني وهي مجرد نكتة يعني ما نحنا كتير بنسمع نكت من لهجات
تانية وبنحضر مسلسلات وافلام كمان بلهجات تانية
فأكيد العايش خارج السودان ولي مدة طويلة من الزمن الا ما يكون اترسخت فيو بعض
الكلمات اللي اخد عليها وما حيقدر يخليها زي ناس ليبيا عندهم كلمة بااااهي دي يخلوها
كيف هسي
الاخ العزيز / تمبرلي
ما ح ابتدي بشكرك على الموضوع لانو بيستاهل اكتر من الشكر وبعد ،
صراحة دي مشكلتي في مجال الدراسة دي مشكلة كبيرة اتعودت على morning / Hi
كيفكم ؟؟ ، يعني ازيكم ما في الا مع صحباتي السودانيات و بس ....
حتى في البيت و الله اكتر الكلام ( انجليزي ) و دا لانو اكتر الي في البيت تخصص انجليزي
او خليجي او لبناني -ههههههههههه-
بيقولوا حنكوشة ، دلعوعة ، الخ 000000
بس دا ما ذنبي لانو البيئة ليها تاثير ، غير موضوع عدم احترامنا للغة اضافة الى اللهجة
طبعا الكلام ما بينتهي عن الموضوع دا بس اكتفي بهذا
اشكرك 00000000000000000000
والمنتديات السعوديه فيهم اجانب ويتكلمون مثل مايبغون
طيب انا سعوديه ولا اعرف كل كلامكم يعني اطلع من المنتدى
وكنها طرده
مشكور على الموضوع وننتظر منكم المزيد
الاخت العزيزه جدا سعوديه وافتخر
اولا مرحب بك في منتدي انا سوداني
وثانياًاعجبني جدا حسك الوطني العالي الواضح من الاسم الرمزي
الحقيقه ان هذا الموضوع مقصود به السودانيون الذين يتحدثون غير اللهجه السودانيه من اللهجات العربيه ومربط الفرس في ان من اراد ان يتحدث العربيه الفصحي اهلا به ومن اراد التحدث بالعاميه فلتكن العاميه السودانيه وكي لا يحدث خلط المقصود هنا السودانيون فقط اما اصدقائنا واحبابنا من الدول العربيه الاخري فمرحبا بهم بكل اللهجات العربيه وهم تاج علي جبيننا
العزيز تمبرلي :
انت معاك حق والله في كلامك وانا بقول كمان انو الناس العايشة في
السودان ما عندها عذر
بس بالنسبة لينا نحنا العايشين خارج السودان ما بنقدر نتكلم سوداني مع
الجنسيات التانية وكمان الجنسيات التانية غير الليبية المصرين والسورين
والفلسطينين هنا بيتكلمو ليبي ما الا السودانين بس لانو في بعض الكلمات
السودانية غير مفهومة
بس انا في البيت وفي الجامعة بتكلم سوداني مع صحباتي السودانيات طواالي
اما من ناحية الكلمات البتتكتب باللهجات التانية فهي كلمات نحنا اخدنا عليها وما
حنقدر نغيرها بسهولة مرات بنقولها بدون قصد
واما النكت فالنكتة يمكن لو اتكتبت بالسوداني ما ممكن تدي نفسي المعني او ما ممكن
تضحك لو اتحكت بالسوداني وهي مجرد نكتة يعني ما نحنا كتير بنسمع نكت من لهجات
تانية وبنحضر مسلسلات وافلام كمان بلهجات تانية
فأكيد العايش خارج السودان ولي مدة طويلة من الزمن الا ما يكون اترسخت فيو بعض
الكلمات اللي اخد عليها وما حيقدر يخليها زي ناس ليبيا عندهم كلمة بااااهي دي يخلوها
كيف هسي
ونحنا سودانين اسم وصورة ووجدان
وشكرا
طيب وانا كسوداني ما عاش في ليبيا اعرف معني كلمه باهي دي كيف؟؟؟؟؟؟
بالنسبه للمسلاسلات والافلام فدي برضو موجوده في السودان اما بالنسبه للنكت فكتير جدا منهم بلقاهم بلهجات تانيه وبعدلهم وبيكونو مضحكين الا ما ندر
واذا كنتي بتتكلمي مع صاحباتك باللهجه السودانيه البيمنع شنو برضو في المنتدي تكون دي اللهجه السائده؟؟؟؟
اذا الكل حاول يتكلم مع جنسيات اخري باللهجه السودانيه شويه شويه بيتعرفو عليها ورغم صعوبه الحاجه دي الا انها بتستحق المحاوله
متفقين يا بتنا؟؟؟
المياسة كتب: الاخ العزيز / تمبرلي
ما ح ابتدي بشكرك على الموضوع لانو بيستاهل اكتر من الشكر وبعد ،
صراحة دي مشكلتي في مجال الدراسة دي مشكلة كبيرة اتعودت على morning / Hi
كيفكم ؟؟ ، يعني ازيكم ما في الا مع صحباتي السودانيات و بس ....
حتى في البيت و الله اكتر الكلام ( انجليزي ) و دا لانو اكتر الي في البيت تخصص انجليزي
او خليجي او لبناني -ههههههههههه-
بيقولوا حنكوشة ، دلعوعة ، الخ 000000
بس دا ما ذنبي لانو البيئة ليها تاثير ، غير موضوع عدم احترامنا للغة اضافة الى اللهجة
طبعا الكلام ما بينتهي عن الموضوع دا بس اكتفي بهذا
اشكرك 00000000000000000000
العزيزه المياسه
رغم انك شكرتيني لكن انا حلومك
كيفكم دي برضو سودانيه
واللوم في انو حتي في البيت بتستعملي غير اللهجه السودانيه وحقو تبتدي من البيت وتحاولي تستعملي بس اللهجه السودانيه والحنكوشه والدلوعه ما الا تستعمل لهجه تانيه بالعكس اجمل لو كانت باللهجه السودانيه
ارجو وضع كلامي بعين الاعتبار نسبه لتقديري العميق لك
