قصائد هلالية.. مريخيه... وقوميه....!!!!

[هامس]

قصيدتين جميلتين جدا جدا بس يا حبذا لو كانتا فقط فى الهلال والمريخ كفرق .

لأنها كفرق تستحق التغنى بها و لكن أن نتغنى باسماء رؤساء الأندية وننسب لهم الفضل وكأن بدونهم لا تتقدم الأندية , لا وألف لا فتاريخ الهلال والمريخ أكبر منهم والهلال والمريخ
باقيان ما بقى الدهر ويذهب رؤساء الأندية كما ذهب الذين من قبلهم بخيرهم وشرهم , ولا ننسى سيدى الرائد صولات وجولات الهلال والمريخ ووقتها كان اللاعبون يدفعون من جيبهم الخاص حبا فى الهلال والمريخ , فالهلال و المريخ كبيران كبر المليون ميل مربع بدون صلاح و الوالى فسيدى الرائد لما لا نتغنى فى الفرق كفرق فقط ؟ والله من وراء القصد

عفوا سيدى لقد خرجت عن قاعدة يا أبيض يا أسود . ألا إذا ماخدة من ناحية قومية ولااااااا مجاملة للطرفين , أنا أموت فى الهلال فقط
(همسة) بدون زعل سيادك

[حافظ عوض الله محمد]

تسلم عزيزنا الرائد
اختلف معك بخصوص الارباب رئيس نادى الهلال واتفق مع ودعلوب فى وكلنا فى عشق الهلال اربابيين

ببساطة شديدة ليس فى الامر تعارض اليوم شئنا ام ابينا يعتبر الارباب رئيس نادى الهلال نقف معه ونسانده بشدة ولكن عند مقدم الانتخابات لنا رأى اخر

[asool22]

[align=center]الله الوطـــن هــــلال الأمـــــم *** قاهر الأبطال ناحت الصخـــــــر
تاريخك مجيد مكتوب ومسطر *** ما دائــــر بحث تعديل ويتزور
الملايين أتبوتقت لحمــــــــاك *** علي أعداك ثورة تتفجـــــــــــــر
حفيد أبطال ســــودانا الحـــــر *** رافعين رايتك فرسان ســمــــــر[/align][/size]

[mubark59]

بسم الله الرحمن الرحيم



الأحمر الوهاج وأنا لي بــازل



وأنا مســــــــافر لــــــــي بازل

بــــعد المريــــــخ لي خصمــــــــو ينـــــــــــازل

أتوقع عرض جميل الممتنــــــع الساهــــــــــــــل

رغـــــــــم الخصم رجاء أبيـــــــــــض ومتفائــل

وبرضو الأحمر الوهاج برضو عنيد ومش ساهل

بعد المباراة

خزلني الأحمر الوهاج بـــي هدفيـــــن تأخـــرت

وسافـــــــرت بدون أفراح ليه لي مزاجنـا عكرت

ونسيتنـــا العروض الرائعة وبعد سل روح تعادلت

أخاف إنك تكون في(غرور)ومن الآن دي غادرت

لحقت الأزرق الوهـاج نقول كفارة .... وخسرت



رائد شرطة (م)بشرى مبارك إدريس

السكرتير الثقافي والإعلامي والرياضي

للجالية السودانية بألمانيا الإتحادية\بــــون

[استارو]

وسافـــــــرت بدون أفراح ليه لي مزاجنـا عكرت

ونسيتنـــا العروض الرائعة وبعد سل روح تعادلت

أخاف إنك تكون في(غرور)ومن الآن دي غادرت

لحقت الأزرق الوهـاج نقول كفارة .... وخسرت
رائد شرطة (م)بشرى مبارك إدريس

سعادتكم ابدعتو فى الكلام دا
بالجد ابداع كتر لينا من الكلام دا
وحقيقى كلامك فى محلو وضع بسيغة جميلة
وماتحرمنا من مشاركاتك ولك فائق الشكر
تقبل تحياتى القلبية من الرياض مغرونة بالمحبة والاخاء والسلام

[بت أبوظبي]

جميل ورائع ما تفوه به وجدانك ..
وحقيقه نسعد بوجود من هم أمثالكم بيننا ..






شكرا

[mubark59]

رباعية المريخ والصفاقصي



أخذنا هزيمة للتاريخ.......رغم الوقفة والتشجيع

هزيمة ثقيلة دمها قيح.......كان فريقنا شكلو وضيع

ما خلا الدقيقة تضيع.......بي هدفين كمان تربيع

الخصم كان عنيد ومنيع.......قفل كل طريق بسريع

قدم عرض قوي وصريح......وركع للدفاع تركيع

خلانا التقول في ضريح.......نبكي ونذكر التاريخ

خلانا التقول في ضريح.......نبكي ونذكر التاريخ

[هتان]

ما قلنا ليك
درب الدهب
قاس و صعب
من اولوو


اهو جيت براك
وجاك الفشل
اتحملوو

[المسيكين]

هييييييييع

مريخنا فوق رغم ..الهزيمه
درب الدهب ؟؟؟؟؟؟ درب الدهب دا اساسنا يا اب قلبا لحم
وكان اتغلبنا فى ارضنا ...حصلت كتير للقبلنا

عاااادى ..وبتحصل وما عجيبه
الكوره اصلو مدوره

والتيم بشر .ما .من كواكب ..مبهمه

الا الحسود ..ارواقو دائما معلنه ..وحرابو ديمه مسننه
وما بلقى فى الاخر ..رجا غير التعب والبشتنه


(فاينال) (نهائى)ده سمعتو الا من الحجا ؟؟ وكان مكضب: وما اظن
اسال القبلك ...كتااااااار؟؟؟


كاسات منمقه بالدهب جبناها من خشم الاسد

ودروع وكاسات ضلهابعيييييييييييييد ماليه حد
وانتو لسه رايحين ..ولسه فى خط العدد


وما أظنها الدنيا انتهت ..بى اربعه ...يا( اربعه)




يا ود البلد اخوك المسيكين من محبى المريخ
و (رابطة مشجعى الفريق القومى- بالخرطوم-)

[استارو]

بسم الله الرحمن الرحيم

في يوم الأحد25\4\2004 وفي إستاد

الكلية الحربية تمكن الهلال من الفوز على الأهلي

القاهري واحد صفر بهدف ريتشارد جاستن

وانتهت مباراة الرد في أم درمان 0\0 بعد مباراة رائعة

من جانب الهلال وأقصي الأهلي من البطولة

نريد أن نعيد لجماهير الهلال ولاعبي الهلال هذه

القصيدة التي كتبتها بعد الفوز فإلى القصيدة

هلالنا أبدع

هلالنا العظيم للأهلي كشر نايبو

وأبدع في فنونو وزاد لي غريمو مصايبو

بي أحلى العروض قدم وأبدع جانبو

*** ***

بي قوة وعزيمة كسب رهان النصر

قهر أبطال مصر حطم فريق العصر

وهلا هلالنا هلا هلا ساطع بدر

*** ***

الشعلة أشعل في الميادين نار

أرهب للدفاع وسد لينا التار

خلى الكل يلاوز زي الكديس للفار

*** ***

ريتشارد الأسد حمى الدفاع بي أمانة

بي أطراف دفاع مليانة في مليانة

يهجم في الخصم زي رمي الجبخانة

*** ***

الهيثم قاد هلالو بي رشاقة وهمة

وللتتويج يسير القمة بعد القمة

وزع أبدع راوغ أفلح زاد حلاوة النمة

*** ***

أفرح للجميع مليون ميل ومربع

وبي أحلى العروض سطر وأخلص وأبدع

وخلى الأهلي حاير...دفاعو خلى مجدع

*** ***

حار الدراويش والله فعلا حارو

خسروا كل رهان والله خسرو وبارو

وكان في الليلة ديك هلالنا أشعل نارو

*** ***

دائما يا الهلال أبدع وزيد إبداعك

أفرح للجميع وأفرح ملء أسماعك

السودان ده كلو أثلج صدورو يراعك

رائد شرطة(م) بشرى مبارك

mubark59@hotmail.com

سيدى الفاضل
بشرى مبارك
يارجل يارائع تسلم على الكلام الجميل دا ربنا
يزيز ويزيد والحاسدنا يموت قهر
تقبل تحياتى الغلبية من الرياض مغرونة بالمحبة واللإخاء والسلام،،،

[حنضله]

مشكوووووووووووووووووووووووووووووووووور ورائع

[mubark59]

أولمبي قال



كورتـنـا كـانـت فـورة لـبـن *** أدوهـو مــوية وراح ســكــن

لا شفنا كاس ولا جبنا كاس *** ولا غـنـت الـسمحة أم عجـن

مـرة خمــسة مـرة اربــعـــة *** مرة اتنين في أقل من الزمن

لـون الـكـروت أحـمـر ظهر *** شـفـنــا الـمـصـايـب والمحن

أنـا عـنـدي لـيـكـم اقـــتــراح *** أحـسـن تـشوفو سباق هجن

أحسن نـشوف ألـعـاب قـوى *** ويـغـنـي عـثـمان من شـجن

كورتنا بس لون في الصحف *** سـطـور طـويـلـة بلا وهن



رائد شرطة (م) بشرى مبارك إدريس

السكرتير الثقافي والإعلامي والرياضي

للجالية السودانية بألمانيا الإتحادية

بـــــــــــــــــــــــــون

[mubark59]

[align=center]بسم الله الرحمن الرحيم



حبتين عند اللزوم

بعد مباراة هلال مريخ الخميس 7\6\2006

انتهت 2 صفر للهلال

صاروخ عجيب طـــــــــــــــــــــــــلقو الأسد بالله دي دفعة ام دفعتين

قودوين حلف يهـز الشباك وقال عند اللزوم الحـــــــــــبة احسن حبتين

نصر مستحق وضع الهلال فـــي قمتو وغريــــــــمو شرب الجرعتين

وجمهورو طاف وانتــــــــــــــــــــشى ساق الصبــــــــــاح بي فرحتين

حزب الله وقــــــــــــــــــف ضرب نار إلا الهــلال زاد كـــــــــــرتين

أصلـــــــو الحـــــــــــــــرب دايمًا سجال والمره دي بي مرتيــــــــــن

جاب الــــفرق بي طلعـــــــــــــــــــتين ومريخـنا ضاق الحســــــرتيــن

حــــــــــــــــــسره غلب بالحبتين وحســــــــــــــــــــــــرة ضياع القمتين

قمة الإنقــــــــــــــــاذ ( بقرعة ) ما شفـــــــــــــــنا روعة ولا روعتين

في الجاية بس عايزين ( لنقطة ) وأحسن يشوفو ست الودع والودعتين




كان ذلك بعد فوز الهلال للمرة الرابعة بالدوري الممتاز

والآن يستعد الهلال للمباراة الأخيرة مع نده التقليدي

فهل يكررها ريتشارد وقودوين ورفاقهم؟؟؟

أتمنى ذلك


رائد شرطة (م) بشرى مبارك إدريس

السكرتير الثقافي والرياضي والإعلامي

للجالية السودانية بألمانيا الإتحادية- بون[/align][/size]

[mubark59]

بسم الله الرحمن الرحيم



كأس التوالي



بي غُلبـكم من (صفاقص) ما تفرحـــــو بالحيل

هلالــــــــــنا هلال عزيمة راجي الخميس بالليل

هجــــومنا عنيـــف رهيب دايــمًا يشــــد الحيــل

قودين وشوف كلاتــــشي هدفين عليــــــهو قليل

نشــــــيل الكــاس توالــي نشــــيلو ليــكم شـــيل

وتروح (النـــجمة)فيـــها وتروح نـــشوفه شليل

* * * * * * * * * *

هـــــــــــلالـنا مــــا يفـــرط يطـلق صـواريــخ نـــار

وسـطــنا فيـــهو(هـــيـثــم) يـلعــب بــكـل إصــــرار

وعرينا فيهو (ودمـحجوب) ما تـقولو فيــــــهو شمار

حــارس لـــــي شبـــــاكــو ما يقـــــيف صنــم محتار

نشوف مـــــنو العجـــــائب بديـــــنا كـــــل أســـــرار

يــــقول أخـــوان عجـــــب ألحـــــــــــــقنا ياعمـــــار


رائد شرطة (م) بشرى مبارك إدريس

السكرتير الثقافي والرياضي والإعلامي

للجالية السودانية بألمانيا الإتحادية - بون

[mubark59]

[align=center]بسم الله الرحمن الرحيم



الأخ الأكرم صلاح دهب رئيس القسم الرياضي بجريدة أخبار اليوم

تحية طيبة وبعد

أولا أشكرك على نشر قصيديتي في الوقت المناسب وأقول لك ولكل

الأهله ألف مبروك على التوالي الخامس وعقبال السادس إن شاء الله



سوف أكتب لك ما بعد إطلاعي على القصيدة أرجو شاكرا نشر الموضوع



منذ الأحد 25\11 عرفت أنني لن أحضر المباراة لأنني مسافر في رحلة

عمل إلى مدينة ميونيخ من الساعة 2:00 ظهرا والعوده في اليوم الثاني 12:00

art أخطرت الأخوان المداومين على متابعة المباريات في

.أن يحضرو لأن ابني أحمد (14سنة) كان موجودا

وبالفعل صباح المباراة الخميس جهزت نفسي وقبل الخروج قلت أطلع على

الصفحات الرياضية بالصحف ودائما أبدأ بأخبار اليوم لأنها دسمة جدا جدا

فوجدت القصيدة وتفاءلت بها خيرا وبدأت بالاتصال على المريخاب والهلالاب

وصراحة علاقتي جيدة بالمريخاب لأنني بحكم منصبي في الجالية السودانية

أحاول أن أكون محايدا فقد كتبت عشر قصائد للمريخ في البطولتين

الإفريقية والعربية وكنت في كل اجتماع لمكتب الجالية أو مناسبه من

مناسبات الجالية أقرأ القصائد للهلالاب والمريخاب

اتصلت على المريخابي الأصيل د.سيد المقبول أخصائي الأنف والأذن

والحنجرة وصراحة رغم أنه أكبر مني سنا وفي مقام والدي إلا أن نزول

الأستاذ حسن محمد عبد الله الكتيابي رئيس مجلس شورى المريخ معي في المنزل

عندما جاء لألمانيا للعلاج في أول العام2006 ومعه ابنه محمد حسن وطد العلاقة بيني

وبين د.سيد المقبول وهم أصدقاء منذ أن كان الأستاذ حسن محمد عبد الله الكتيابي

الملحق الثقافي للسفارة السودانية بألمانيا الغربية(سابقا) 1971-1977



اتصلت عليه وأطلعته على القصيدة فقال لي والله مش لو عملت قصيدة

ونزلت في الجريدة!!! انتو مغلوبين مغلوبين وأكدت له عكس ذلك وأن

التوالي الخامس حقنا حقنا

اتصلت على السفارة في برلين-الأخ عبدالله كجوك المريخابي والأخ حاج سعيد

الهلالابي-وجدت الأخ عبدالله كجوك وأطلعته على القصيدة وأعجب

بها إلا أنه يتمنى أن يفوزو اليوم

بعد ذلك اتصلت على اللواء شرطة(م) د.محمود محمد صالح معنا هنا

في بون وقرأت له القصيدة ودردشت معه وطمأنته على فوزنا إن شاء الله



بعد ذلك غادرت إلى ميونيخ وأخذت راحة في الساعة السادسة مساء وانا في مدينة

فورزبورغ 330 كيلو من ميونيخ بعد أن صليت المغرب والعشاء جمعا

وقصرا الساعة السادسة والنصف اتصلت على المنزل ورد علي الابن أحمد بشرى

وأعطاني الأخ ياسر محمد حمزة (لاعب الجيلي السابق) وبدا حديثه أن

المريخ مسيطر وشكله أحسن من الهلال والكورة مش حلوة والنتيجة التعادل

صفر \صفر وكان معاهو الأخ محمد عاطف هلالابي والأخ أبو بكر مريخابي



بعد 15 دقيقة اتصل علي ابني احمد وأخبرني ان الشوط الأول انتهى والنتيجة1\1

احرزللمريخ هيثم طمبل في الدقيقة 40 وعادل بصاروخ كرنقو خلال دقائق معدودة

في الشوط الثاني اتصلت في النصف ساعة الأولى وعلمت أن النتيجة 2\2

والهلال شكلو في الشوط الثاني أحسن وان المباراة مش ولا بد والمريخ

......يعتبر الأحسن

قبل نهاية المباراة بخمس دقائق اتصلت وعلمت أن النتيجة أصبحت 3\2من

قدم مهند الطاهر والمباراة في الدقيقة 44 وتابعت باقي الزمن بالتلفون حتى نهاية

.....المباراة

وعندما أعلن الحكم نهاية المباراة علق الأخ ياسر محمد حمزة على أهم

الأحداث في المباراة وأهمها منهم أن الأخ أبو بكر محمد علي (حرد)الشاي

وزعلان من الفرصة التي أضاعها المريخ وكان الأجدر بالفوز حسب رأيه

اتصل عليّ معظم الأخوان مريخاب على هلالاب للمباركة ومعظمهم من

ميونيخ التي وصلتها بعد ساعة من نهاية المباراة ومن الفرح لم أشعر

بأي نعاس وكسبت ساعتين ووصلت عائدًا للبيت الساعة 10 صباحًا في

اليوم التالي بدلا من 12:00 . وإلى اللقاء في التوالي السادس

وطبعًا كتبت قصيدة وهاك القصيدة



ثلاثية وتوالي خماسية

ما قلت ليكــــــــم ( قودوين) خطير حسم اللقاء من أولو

كرنقو أطـــــــــــــلق أرض جو عادل هلالو وهــــــــلــــلو

(أرباب)أصــــــــيل في عهدو شفنا البدر كيف كملــــــو

كلتشـي ما قصر كمــــــان في التاني خلاها العيون اتزغللو

الكاس خماســـــــــي طفنا بيهو جمهور وفي استاهلـــــــو

والنجمة ضاعت (في اللجين) مع الهلال كيف يوصلو؟؟؟؟

جابو التـــــــــــلاتة باقتـــــدار للقمة تانــــي إتأهلــــــــــــو

والفرق (ستة)بالتمـــــام عاد تاني حا نقول قصــــــــــــرو

كل ما المريخ يرمي الكرت يلقى الهلال بي نجومو هم البصرو





رائد شرطة (م) بشرى مبارك إدريس

السكرتير الثقافي والإعلامي والرياضي

للجالية السودانية بألمانيا الإتحادية -بون[/align][/size]

[Suhaib]

نور من جمالك بان
لا نور شموس لا بدور
فقت المعاك فى الجيل
فقت المعاك فى الدور
يا الفى علاك بعيد
وسماك سابع دور
ذقت الهلاك يا ملاك
فى هواك هلاكى بدور



مشكور الاخ الشاعر مبارك


الهلال هو ملهم الشعراء والمبدعين والفنانين


،،

[mubark59]

[align=center]نداء إلى لاعبي المريخ



عــــــليكــم الـــــلــــه ارحــمـــــو الـــــــوالـــــي

الـــــفـــــي عـــــهــدو مـــــا ضـــــاق التـــــوالـي

وفــي الــــــــــدفـــــع بـــــــدفـــــع ولا يـــــبالــي

يــستـقــبـل الــفـريــق فـي الـــمــطــار طـــوالـــي

اســـــتـاد الــــــمريـخ أصـــــبح استــــاد مــثالـــي

بـس عايزين الكـؤوس ويـن عـزم الرجـــــــــالِ؟؟؟

يـا لاعــبي المريـــــخ قـــدرو ظـــــرف الــوالــي

أحـــــــرزو ليـنا كاس مـــحمـول فــي العـــــلالـي

وفــي الجاي المـــمتاز وقــــــــــــــــفوا لـلتوالـــي




رائد شرطة (م) بشرى مبارك إدريس

السكرتير الثقافي والرياضي والإعلامي

للجالية السودانية بألمانيا الإتحادية -بون[/align][/color]

[استارو]

والله فعلاً ياريت يلبو النداء
ويرحمو الوالى وجماهير المريخ
تسلم ياغالى ونحن فى انتظار جديدك
تقبل تحياتى القلبية من الرياض مقرونة بالمحبة والأخاء والسلام

[mubark59]

[align=center]قبل أن يبدأ الهلال المشوار الإفريقي أقام معسكرا ناجحا في دولة

قطر في عاصمتها الدوحة ويوم الاثنين 29\1\2007

التقى في استاد الهلال بأم درمان بفريق البوليس الزندباري

وفاز عليه برباعية نظيفة وكتبت هذه القصيدة:

رباعية نظيفة

بي معسكر عالي التنظيم في قطر الخير في الدوحة

برباعية نظيفة خـــــــلا قلــوب الأزرق منشرحة

هجومنــا مكثف جمــع وطـرح الـبوليــس كم طرحة

باصات وعرض جمــيل وكانت أفراح مش فرحـــه

*** *** ***

جماهير هـــــــادره تشجـــــع ما سرحــــت سرحــه

هتفت بي نجومه الأبطـــــــال وقلبو أول صفحـــــة

بي نصر مؤكد أهدافو وفيـــــرة يا مرحـــا ويا مرحــــة

*** *** ***

الخطوة الجاية زمالك مصــــر دي الثانية الصفحـــة

نطويها بأحسن ما يكون زي ما بتلفح أماتنا التوب لفحة

ولابد يا كلاتشي ثلاثــــية ونكسح بيهم كم كسحــــــه

تخلي زمالك يشرب كاس العلقم وتملا قلوبهم لوعة



رائد شرطة(م) بشرى مبارك إدريس

السكرتير الثقافي والإعلامي والرياضي

للجالية السودانية بألمانيا الاتحادية

بــــــــــــــــــون[/align]

[/size]

[mubark59]

[align=center]بسم الله الرحمن الرحيم



بدأ المريخ بطولة الكونفدرالية

باستاد المريخ يوم الأحد 2\4\2007م مع فريق الضرائب

اليوغندي وانتهت 2\0 لصالح المريخ وكتبت هذه القصيدة

بعنوان المريخ بداية قوية وإلى القصيدة



بدا العد ( قلق ) وللشباك جرب

وصاروخ العجب والله ما كضب

هز الشبكة هز وللقلوب أطرب

ولدفاع الضرائب واللِه جد خرب

**********

جماهير النجـــــــــــمة رابطة من صباح اليوم

تهتـــف بي عزيمــــــة مع حـــــي يا قـــــيوم

ما خزلوا الـــنجـــــوم زادوهو داك الــــكــوم

ولاعبين الضرائــــــب فارق جـــــــفونا النوم

**********

كان اسبوعــــنا حافل بانتصــــــــارين قمة

يوم الجمــــــــعة كان طرب الهــلال بالنمّة

نجوم مانـــــديلا أكدو هـــــمّ أهل الهــــــمة

فرتقــــــو للـــضرائب خــــــــلوه ما بـــتلمة





رائد شرطة (م) بشرى مبارك إدريس

السكرتير الثقافي والرياضي والإعلامي

للجالية السودانية بألمانيا الإتحادية - بون[/align][/size]