منتدى أنا سوداني

الأخ ابن بطوطة
المواقع المذكورة يقوم فيها كل واحد بتوصيف نفسة. وانا ما بنكر انه ممكن تنجح، بس كمان لو سألتك، وصف إبن بطوطة،، ح تقول أيه؟؟؟ لو فينا واحد شايف عيب في نفسه،، أكيد ح يحاول يصحح نفسه، بس الحقيقة انه أغلب عيوبنا نحن ما بنشوفها، والجمل ما بشوف عوجة رقبته، عشان كدة توصيف نفسك مستحيل يعطي الصوة الصحيحة، لكن لو سألنا واحد من المقربين ليك، ممكن يوصفك أحسن. ثم ثانيا، هناك معطيات كثيرة تتحكم وتشكل شخصية الإنسان ويكون ليها اليد الطولى في تكوين نوع ومدى حدة إنفعالاته. ده السبب أساسي في عدم تفهم كثير من الناس لردود أفعال بعض. ولما يكون الموضوع بين المرأة والرجل، بيكون أكثر حدة، لأن طبيعة تكوين العقل والأحاسيس والأولويات تختلف كلياً، تنضم ليها المعطيات الثقافية، والإجتماعية والخاصة بكل فرد وتكوينة و و و و و. الأمثلة كثيرة، لو عاوزين نوضحها ناخد الضدين، يعني مفهوم غربي وشرقي، بس في داخل المجتمع الواحد بتلاقي إختلافات. وانا شخصيا بعرف زوجين سبب الفرقة بينهم (وأقصد انه كان عامل كبير للتباعد) هو نوع الأكل،،، تصدق؟ يعني هواهم في الأكل مختلف، وكل واحد بقى ياكل براه، الزوجة زهجت من عمل نوعين من الأكل يوميا، تباعدوا و و و و . فهل في المواقع دي ممكن تذكر كل شيء عنك؟ حتى ما لا تنتبه له انت في نفسك، وغيرك يعتبره عيب خطيييييييييييييييييير !!!!!!
أرجو اني أكون قدرت أوصل الفكرة وانها تكون وضحت للكل.

لكم تحياتي

انا ارى ان الزواج عبر الانترنت هى فكره مرفوضه
لان لايمكن ان تعرف الشخص جيدا من خلال النت
او حتى تفاصيل حياته
وطبعا دى بتكون فيها مجال للكدب والنفاق
للطرفين

في البداية السلام عليكم

وتاني حاجة بشكرك بالجد على الموضوع دالهادف دة

وانا بعتقد انو لا عيب لا حرام

لكين كلوا حاجة وليها حد

البنت في النهاية في النهاية

بي طبعها عفيفة وعايزة السترة

وانا بقول ممكن تتوج بالنجاح في حال كان في توافق وانسجام خاصة من الشباب
وما تكون فتلاة بتاعة تسلية وخلاص

لانوا البنت ليها مشاعر
وبتمنى من الله انوا يوفق الجميع

وبي صراحة

انتوا مكسب للمنتدى بالمواضيع الهادفة


والله يوفقكم

من القلب الى القلب

والموضوع دة طويل وحيكون فيهوا ردود كتيرة وطويلة

الزواج غاية وليس وسيلة
والنت قد يكون وسيلة
والاهم المصداقية ممكن يفشل الزواج من ود الجيران وينجح الزواج بالانترنت
والدين الاسلامى امر بالتعارف والتالف لغايات سامية ونبيلة
يمكن ان تحقق بكل سبل الاتصال المتوفرة فقط تحت المصداقية والنوايا الحسنة
ولكل انسان مانوى ...

شكرا على المروك سوداني معزب وحبيب حوتة والعربي

يا جماعة الأخت نسرينا قالت (الزواج عبر الإنترنيت) ولم تقل (التعارف عبر الإنترنيت). وهناك إختلاف كبير. يعني لو تعارف شخصين، وبعد كدة تقابلوا ووجدوا انهم بيمشى حالهم مع يعض، فالإنترنيت كان وسيلة تعارف، لكن ما قولكم فيمن تعارف عبر الإنترنيت، وتقابل بس عشان يعقد قرآنه؟؟؟؟

منتدانا يا أخوان منتدى فكري ثقافي، وانا أدخل المنتدى لأصقل أفكاري وأحاسيسي، وأضعها في الميزان لأقومها عبر ما يقول الإخوان هنا. أما الزواج فهو تعايش من خلال الأحاسيس والأفكار والرؤى والأخلاق. ودي أشياء لا تعرف عن الشريك إلا بالإحتكاك. يعني الليلة (وأرجو انه صاحبة الموضوع ما تزعل) لو انا نسرينا دي عجبني طرحها و و و و ... وحرك كلامها في قلبي شيء،، أقوم أبدأ معاها شات و ممكن يصل لزواج؟؟؟ حتما لأ، لأنه زواج زي ده ممكن تهده فكرة بسيييييييييييييطة وممكن يوم نسرينا تقول (والله السني ده ما بشوش، عشان كدة ما متحملاه). بس الحقيقة انه الصفة دي كانت في السني من زمااااان، وهي ما بتتحملها، بس ما شافتها، وإلا اساسا من أول يوم ما كانت قعدت معاه عشان شخصيته تعجبها ولا لأ.

أكرر حاجتين،،، تعاملنا هنا فكري ثقافي،،، وبعتذر من نسرينا في موضوع المثال الخيالي الذكرته هنا.

سلام

بسم الله الرحمن الرحيم
السلام عليكم ورحمة الله وبركاته
زواج فاشل...مية مية......يتساوي مع زواج المتعة,,,واللة أعلم.....(جنن تعرفوا ولاجنن ماتعرفوا),,,,هم البتعرفهم برضوا بتظهرليك مليون عيب....

بسم الله الرحمن الرحيم
السلام عليكم ورحمة الله وبركاته
زي ماعرفك بالنت وإتزوجك إحتمال 100% يجيب الثانية أي (الدبل)يعني بالواضح المرآة الثانية أيضآ بالنت,,,,,,,,,,,دة رايthis my opnion

بسم الله الرحمن الرحيم
السلام عليكم ورحمة الله وبركاته
أحتمال100%يجيب الثانية أيضآ بالنت,,,,لانة يحب التعدد......thismy opnion

شكرا جذيل ود حلفا على رايك وانا مابتكلم عن نفسي انا بتكلم عن الناس بصة عامة وانا شخصيا لو اتختيت فى الحتة دي ماعرفة رد فعلى حتكون شنو
تسلم

الأخت بت نسرينا،

صدقى انه في ناس تزوجوا بعد ما عرفوا بعض عن طريق النت ولفترات طويلة. وفي النهاية إحتكوا ببعض قبل الزواج، بس ما أعتقد انه إحتكاك كافي. طبعاً لو كان الموضوع انه اتنين قابلوا بعض في النت، وتزوجوا بدون ما يلاقوا بعض، أو من أول لقاء، فأنا رأيي فيهم ح يكون زي رأي ود حلفا، يعني ح يكون عنده كل مقومات الفشل، ولو نجح يكون مجرد صدفة بحتة ويكونوا ناس محظوظين، أو أمينين لدرجة خيالية، وكمان ناس روحانيين بشكل بحت.،،، وإذا ما توفرت فيهم كل الصفات دي فيهم الإتنين، فخلينا نقولها ونعلنها بشكل وااااضح وصريح،،، والله الناس ديل إشتهوا بعض شهوة جنسية رخيصة..... ومن يحب حب صادق، مستحيل ان يعرج عقله نحو الجنس قبل الزواج.
طيب، لو جينا للمعطيات الأديتيها انت في انه يتقابلوا، وتصبح النت عبارة عن وسيط تم التعارف من خلاله،،، هنا بقول ان ممكن تكون هناك مقومات للنجاح، لأنه النت وفرت وسيلة للناس عشان تلتقي،،، ثم تلاقت أفكارهم،،، ثم تقابلوا، وتلاقت ظروفهم،، وهنا يبقى تأثير النت في الإعجاب الحقيقي ما موجود.

خليني أقول ليك انه حتى اللقاء لو كان عن طريق صلة القرابة، مكان العمل،،، الدراسة،،، السكن، أو أي طريق آخر. ففي معاملات لو ما وضعت، يبقى برضو مقومات النجاح بقت ضعيفة،، ويمكن الجانب البعنيه هنا يكون توفره في النت أكثر من التعارف وجهاً لوجه أول مرة. يعني خلينا نفترض انه في بت قابلت واحد في النت، وبدت تحكي ليه عن ظروفها الخاصة،،، أكيد ح تتكلم بإنشراح أكثر مما تتكلم مع زميلها في العمل. يبقى الزول ده ممكن يعرف ألمها الداخلي، وظروفها أكثر من زميلها. وما تنسي، إنه نحن عندنا أشياء تحكما كمجتمع شرقي على الزوجين انهم يضعوها في الحسبان، وبعض الأشياء دي لا حكم لهم عليها. يعني البيتزوج وحيده أمها، ما زي البتزوج واحده عندها 4 أو 5 أخوات... وعندنا الولد بيتزوج البنت بس، بس الزوج بيتزوج البنت وعائلتها، لأنه ما بيقدر بفصلها من عائلتها،، يبقى مفروض يكون بيقدر يتماشى معاهم، ولا نصيبهم ح يكون الفشل
ده رأيي

[frame="7 80"]سلام
قد لايكون العيب في جوهر الفكره ولا في لب الموضع
قد يرجع السبب الي المنطلقات والاهداف التي نمت علي اساسها العلاقه وتتطورت حتي ادركت هذه المرحله المتقدمه ..
تعتمد الفكره في الاساس علي عنصرين اساسين عنصران كفيلان في ان تري الفكره النور
او تتندثر والي الابد
الا وهما طرفا العلاقه(ولد_بنت)
اذا قامت الفكره علي اساس متين ثابت لاتشوبه النوايا القذره والافكار الشيطانيه كما هو الحال مع العلاقات العاديه بين الشباب والبنات
فتاكدي عزيزتي سيكتب لها النجاح والعمر المديد وقد تكون انجح تجربه خاض غمارها الطرفان في حياتهما الاجتماعيه .......
اما اذ تحولت الي شي من قبيل المصلحه او اي نوع من الاهداف الغير ساميه
فلم ولن تري النور وحتي لو جمع الزمان بين الطرفين ستكون مجرد علاقه بنيت علي اساس فاشل
كان المتحكم فيها العديد من العوامل (كيبورد _كاميرا _سماعه _فراغ رهيب )
باختصار ......
يعتمد فشل العلاقه او نجاحها علي طرفي العلاقه ومدي جديتهما في بنا صرح شامخ يحمي هذه العلاقه
من جور الزمان الرياح الموسميه العاتيه
(اصلو العمر عايز اتنين يكونو رماح لا ينكسر عودوم لا تفرقم اتراح)[/frame]

شكراُ الاخ السني على رايك وعلى اهتمامك وكتاباتك على الموضوع وشكراً جذيلا الاخ جزاب وما كزاب على رايك
وتسلمووووووووووووووووووووووووووو

وبعدين ياجماعة انابرضو بقصد انو الناس تكون من بلد يعنى مامن بلدين مختلفين لانو كدة حيكون التعارف صعب فى العادات والتقاليد ومشاكل كتيرة حتقابلم

والله يانسرينا موضوع جاد جدا ومحل نقاش
عني انا مأيدة راي اخونا السني تماما
هو صح في استثنائات لكن نادرا العلاقة بواسطة النت تنجح
ولوو نجحت حتجيب ليها شك في الطرفين(طب ماهو عرفني في النت ممكن يشوف واحدة تانية) او(ماهي اتكلمت معاي في النت احتمال بتتكلم مع ناس تانيين) وووووووو اشياء اخرى كثيرة
ودمتي سالمة
تحياتي