منتدى أنا سوداني

بعد الزمن كتب:

مرسال الشوق ازيك

بعدووووووووووووو مشتاقين ياخ
اهاااااا حضر اسئلتك
باقى المحاميين جنهم اسئله

مها كتب:

بعدووووووووووووو مشتاقين ياخ
اهاااااا حضر اسئلتك
باقى المحاميين جنهم اسئله

الله يوريني فيك يوم يامفترية

بانه كتب:

الدفعة التانية من الاسئلة

استعد اعلنت عليك الحرب

اسئلة اجبارية لازم تجاوب عليها



لو كان لك خلاف مع شخص وحبيت تعتزر ايه حايكون ردك؟


لو مرة غبت من المنتدي ورجعت حصلت شخص استولي علي البوست حقك هل تزعل ام تفرح ام ماذا ستفعل؟

رسالة شكر لشخص يهمك امرو ماهي محتواها؟

لو قدر الله وحكمت السودان ماهي السبل التي تسعي اليها لتطوير السودان؟

هلا بالغلباوية ...
يسعدلي صباجك بكل خير

* لوكان لدي خلاف مع شخص معين ببادر بالاعتزار واتأسف ليه وخير الخطايين الالتوابين
ولو الشخص تكابر عن عن ذلك بمور الزمن سوف يصبح مغرور ومتكبر وهذا مايخشي عقباه
(يعرض هذا ويعرض هذا وخيرهم الذي يبدأ بالسلام ) .
*لو غبت من المنتدي ورجعت وحصلت شخص قام بمزاولة النشاط ف البوستات حقتي بكون سعيد
كل السعادة لاني عندما كتبت هذا البوست كتبتوا للجميع وليس لي واذا كنت حاازعل ليه اصلا من
اساسو كتبته هنا كان من الاجدر الاحتفاظ به لنفسي ف مكان ما .. وتحريك وتنشيط البوست مفخرة لي بانني مازلت ف قلوب الاخوة ويشرفني اي شخص يقوم باي شئ يراءه مناسب بل اكون شاكر
ومقدر له صنيعه واكون عاجز عن شكره وامتنانه
*اذا قدر الله واني حكمت السودان بالرغم اني مابقدر اتحمل مسئولية صعبة مثل هذه ليس لعدم مقدرتي
او قلة خبرتي بل خوفا من اظلم شخص او اجور عليه بعلم اوبدون علم ( لو عثرت بغلة ف العراق لكان مسؤل عنها عمر ) فمابالك بنحن حاتكون المصيبة اعظم واجل .
لكن لو كان لابد من الامر بحكم بما انزل الله وسنة رسوله والشوري واسعي بكل مااوتيت من قوة
للاصلاح ونشر العدل علي ارجاء البلاد .



سعدت بلقاك يابنوش
ماننحرم منك يارب

تقبلي شكري وامتناني


مرسال الشوووق ،،،

الأميرالحب كتب:

مرسالو مساك بن بنكهة التفاح

اسمع هنا كم مره حرقت حله بصراحه كده
كم مره قلت تاني ما بخش المنتدي نهائي
اخبارك قلبك شنو الايام دي ( العاطفيه )
محمد موسي كيف تنظر للربيع العربي
هل هو ربيع ام تدخلات خارجيه
فتك بعافيه فنجانك اشطه يا قلب
ميرو

مساءك بكري وتني بالجنزبيل ...
اها خير مالك بتنط علي كل دقيقة اصلوا غيرك مافي حد تاني
عملت لي وجع وش ف الكرعين


* حلة العدس دي ياباشا حرقتها مايقارب عدد شعر راسك لو كان اصلو عندك شعر من اساسو
بقيت خبرة فيها وكمان ازيدك من الشعر بيت اتخصصت حريق شوربة ..شو رائيك


* اخباري العاطفية نزلة حادة ف البطين الايمن وانت داخل شمال ع القلب
رعشة وكحة صباحية وسهر بالليل وتتكل بالحيط اتاريه الحب ده صعب خلاص
انا غايتو لمن يخلص العام ده قطع شك بكون عندي انزلاق حاد ف الاحاسيس والمشاعر
ربك يستر ويعدي الايام دي علي خير باقي ضلعي بره السهلة واي جبهة عاطفية حادة بتودينا
ف خبر كان واخواته
* ياخوي ربيع عربي شنو انا اقول ليك بصراحة نحن العرب خاصة والمسلمين
بصفة عامة بقينا اضحوكة ولعبة ارجوز ف ايدي الغرب يحركوها متي ماشاءوا
وكل الحاصل الايام دي فتن
مدسوسه في صفوف المسلمين والغرض منها كسر شوكة المسلمين واضعاف
قوتهم دا لوكان عندهم قوة من اساسو عزيزي الحبيب نحن اصبحنا فئة مستهلكة
وفئة ليس لها قرار شخصي اصبحنا نتبع
ونخضع للغرب وان دخلو جحر ضب خرب دخلنا وراءهم ونسينا ديننا
الحنيف وتعاليم حبيينا المصطفي صلي الله عليه وسلم
حينما قال : (تركتكم على البيضاء ليلها كنهارها لا يزيغ عنها بعدي إلا هالك،
من يعش منكم فسيرى اختلافا كثيرا، فعليكم بما عرفتم من سنتي وسنة الخلفاء
الراشدين المهديين عضوا عليها بالنواجذ، وعليكم بالطاعة وإن عبدا حبشيا،
فإنما المؤمن كالجمل الأنف حيثما قيد انقاد) .
نسأل المولي عز وجل ان اينصلح حال المسلمين وان يوليهم خيارهم .. اللهم آآآآمين .

مشكووور حد الاندهاشة ود كبوشية ..

استمتعت جدا بمداخلاتك الحلوة

بس ماتكرره تاني بحرقك زي ماحرقت العدس


مودتي وحبي

مرسال الشوووق ،،،

ود ابنعوف كتب:صباح الخير
بما انك تعشق للقامة الراحل ابوالسيد
ماذا تعنى لك الكلمات ادناه

لمحتـــــــــــــــــك

لمحتك .. قلت بر آمن ..
بديت أحلم ..
ألملم قدرتي الباقيه و أشد ساعد علي المجداف
تلوح لي مدن عينيك
وترفع لي منارة بسمتك سارية
وبديت أحلم
وكلما الريح تطارد الموج
ويبقى جبال .. ضباب أزرق ..أزيد أصرار
وأحلف بيك ..
أغير سكة التيار ... واقول يا إنتي يا أغرق ..
واخاف وأخاف ..
أخاف الضفه ترجع بيك .... قبل ألحق
أخاف غيم المنى الشايلل
تسوقو الريح ويتفرق..
واخاف وأخاف
أشد ساعد علي المجداف ..
واجيك بي قدرتي الباقيه ..
حطام انسان ..موسم بى شقا الدنيا و
مقسم قلبو في الأحزان ..
أجيك فنان ..
أشد أوتارى أحكيلك ..

حكاية انسان :
وهب لى سكتك نفسو ..
رسم صورتك على حسّو و
ربط ساعد على المجداف ..
واخاف و أخاف
أخاف الضفه ترجع بيك قبل ألحق
أخاف غيم المنى الشايل ـ
تسوقو الريح ويتفرق
والاقيك يا أماني سراب
مواهبي عليه تتدفق..

واشرح باسهاب

ود ابنعوف الجرح البكب حنان زاااتو
مالك علي خليتني ازعمط ف شعري
رصعْنِي بـ ماسِ أوجاعِكَ أكثرْ
فلربَمــا .. رُبمــاْ ..
ارتدَانِي جمالُ الشَوقِ إلَى عيْنيهِ وجَعــاً ..
يذرفُ ماتَبقىْ منْ كتلاتِ الحنيينِ المتورمِ علىْ عتباتِ النبضِ
ذاكَ الذيْ يرهقهُ الانتظارْ .. حدَ تخبطَ خطوهِ وتلعثمَ نواياهُ في الآآتْ
سيدَ الحرفِ المَروومْ .. والقلبِ المحرومْ ..
كفاااكَ توجعــاً ..
كفاكَ ترمداً ..
وكفاكَ أساً يملأً روحَ قاريكَ أسىْ ..
جنَتكَ غدتْ تتلفحُ الشوقَ عذابــاً ..
والمسافاتُ بيَ نحوكَ .. أظنَها توارِي سوْءاتُهَا بالدهشهْ
تلكَ التِي تستنشقُ عبير فيضِكَ ..
ولو علَىْ بُعدِ ملايينِ السنواتِ الضَوْئِيَةِ الظُلمىْ
ودابنعوف
مددٌ ياا رسولَ الغرامِ المنتهكْ .. مددْ



امتنانٌ بعمقِ فيضكْ

مرسال الشوووق

الفردوس المفقود كتب:

وعاد فنجان لقهوة ينثر رائحته من جديد .. مرحب بعودتك الغالي ود إبن عوف ومرحب بضيفك الكريم
مرسال الشوق
1- العلاقات الاجتماعية لا ترتقي الا بتفهم الطرفين .. رايك باختصار

2- في الحياة نمر بتجارب مختلفة منها المحزن ومنها المفرح والعاقل من يستفد من تجاربه المحزنة .. هل استفاد مرسال من تجربة محزنة مرت به .. بعض من التوضح لو تكرمتم

3- القاري للسياسات الدولية وصراع الجبابرة الحالية يلاحظ بصورة جلية اتجاه دفت تلك السياسات نحو تطبيق سياسة وعد بلفور (فرق تسد) و (وجوع كلبك يتبعك ) رايك في كلمات

4- كما وراء كل رجل عظيم إمراء فوراء كل علاقة حب صادقة وناجحة رجل هل تتفق مع تلك المقولة

5- اشهر عالم في الرياضيات كان اضعف الطلاب اداءا في وقته وكان الجميع ينظر له باستهتار ولكنه اجتهد واصبح ما اصبح عليه مما يدل على ان نجاح الشخص لا يعتمد على نظرة الناس له وانما يكمن في نظرته إلى نفسه.. إلى اي حد هذه المعلومة صحيحة

6- مرسال الشوق بصراحة لو لم تكن ما انت عليه فماذا كنت تتمنى ان تكون ؟

الغالي جدا .. الفردوس مرحب بيك ومنور يامان

* العلاقات الاجتماعية فعلا لا تترقي لا بتفهم الطرفين وتشاطرهم كل شئ سويا كي يتجاوزا كل خلاف او معضلة تمر اماهم وهذا فهم جميل وتخطيط سليم لابد منه .
*نعم استفدت كثيرا من تجاربي المحزنة التي عصفت بي ف ازقة الحزن الاليم وعدت ارسم
طريق صحيح بمنهج مختلف ومنظور برؤي اكثر توسعا وشموليه زي ماقال المثل (
العترة بتصلح المشي ) .
*فرق تسد وجوع كلبك يتبعك ... قانون الضعفاء والمتخوفين من فقدان الشهرة واسلوب لتخويف
شعوبهم وازلالهم حتي يستطيعوا الامساك بزمام الامور وفرض الهيمنة والقدرة والبطش
لكن نقول لهم كل دور اذا ماتم فسوف ينقلب اذا كان الشعب اليوم مغلوب علي امره فغدا حتما
سوف يكون لاسجن ولا السجان باقي .
* وراء كل رجل عظيم امراءة مقولة عظيمة ومتفق عليها من الجميع والعكس صحيح
الحياة والشراكة والمناضلة بين الازواج لمصلحتهم الاسرية مطلوبة والهمة من الطرفين مطلوبة
حتي اذا تعب طرف شجعه الطرف الاخر ف المسيرة والنهوض
قالمراءة لها نصيب الاسد ف جعل الرجل شخص مرموق ف المجتمع وخلافه .
* نظرة الناس للشخص من المظهر الخارجي ليس دليل قاطع بان هذا الشخص
عديم رائ او قلة حيلة او غير كفء فكثيرا تخدعنا المظاهر بان هذه الشخصية ضعيفة او ماشابه
ذلك ويأتي علينا موقف وتنعكس كل الصورة التي رسمناها لهذه الشخصة ف ازهاننا اختلاف توتلي
بارغم تفشي ظاهرة غش المظاهر والتباهي .
وهنا استحضر قصة الشيخ فرح ود تكتوك عندما ذهب الي وليمة وكان رث الثياب فطرده احد
الحراس وعندما قام بتغيير ثيابه استقبله نفس الحارس بالبشاشة والترحاب وكانت قصتة المشهورة
(كل ياكمي قبل فمي ) وهي دلالة علي ان بعض البشر يحترمون الاخرون من خلال مظهرهم فقط وليس
عن طريق علمهم او شخصهم .
* لو ماكنت علي نفس الحال الذي ارضاه الحين اتمني ان اجتهد اكثر كي اسعي حثيثا كي
اكون ف احسن حال وارضي بما افعلة او كيفية تطوير حياتي المستقبلية . .

الغالي جدا الفردوس المفقود ...

تجتاح المشاعر الروح بفيضها فترتج الحنايا ويتدفق فيض الدواخل
نحاول ان نشذبها ونهذبها لتليق بروعتكم وجمالكم .
نحاول ان نجعلها اجمل لتسمؤ اليكم وانبل لتليق بكم .
ارجوا ان نوفق في نيل رضاءكم في قادم الحروف
تحياتي وخالص الود

مرسال الشوووق ،،،

الفردوس المفقود كتب:

وعاد فنجان لقهوة ينثر رائحته من جديد .. مرحب بعودتك الغالي ود إبن عوف ومرحب بضيفك الكريم

الماسة الخماسية كتب:

***************

أحىّ كُل المتداخلين على أسئلتهم المتنوعة الشاملة

وتحية ومعايدة رقيقة للراقى دوما : ود بن عوف ،،

***************

مرسال الشوق أنت من الأشخاص القلائل الذين عرفتهم عن كثب

وسرنى حقا التعرف عليك ،، شخص عفوى ، مجامل ، طيب القلب

***************

ببالى عدد من التساؤلات هلا تقبلت الردعليها بكل شفافية رجاء،،

***************

** مارأيك فى نكران الذات ؟! هل هو موجود بيننا الآن !؟

وهل يعتبر صفة حميدة أم يعد ضعف فى هذا الزمان ،،

كمعظم الصفات الجيدة التى هُجرت حين إنعكست مفاهيمها لدى الاغلبية !!

***************

** إلى اىّ مدى يدل تصرف الشخص _ على نضجه ووعيه _ من عدمه ؟!!

وهل نستطيع تقييم ذلك من خلال :

رد فعله تجاه الآخرين عند تعاملاتهم الطيبة معه

أو حال تقصيرهم فى حقه او عدم تمكنهم من مجاراته او مجاملته لأى سبب :

( ضيق ذات اليد ، ضيق وقت ، إحساس بحرج او خجل ، وشاية أو فتنة ، سوء فهم أوعدم ثقة ،

خوف من رد فعل متوقع منه ، بعد مسافة _ فعليا" كان أو معنويا " ، أسباب ملحة أكثر ..... إلخ .

***************

** معظم الدول العربية _ إذا نظرنا لحالها _ مقارنة بنا تعد ثورتهم لاداعى لها

فهل تعتقد أن صمت الشعب السودانى على المعاناة وعدم القيام بثورة :

خوف إجبارى ، أنانية وجهل ، وعى سياسى ، لا مبالاة بالغير؟!

أم ترى شىء آخر خلاف ماذُكِر ؟؟



& تمنياتى &

،،:،، فنجان معتقّ ب أجود النكهات ،،:،،

حبابك اختنا الرائعة ... الماسة ليك وحشة




* نكران الذات ...
إنكـار الذات هو أعلى درجات السمو في النفس البشرية، تقترب فيه النفس من الملائكة، بل لعلها تفوق الملائكة، لأن الملائكة جبلت على الطـاعة، أما الإنسان فهو مخير بين الخير، والشر
وقد ندرت هذه الصفة حاليا بين الشعوب وذلك لكثرة الطمع والجشع وحب الانانية
المفرطة وهذه نغمة قد حلت علينا ...
*وعي الشخص ونضجه وتفهمة للامور بكل عقلانية ووضع ميزان او معيار للكل
حدث وشروعه في اتخاذ القرارات الصائبة بحكمة يجعله انسان متعقل وفاهم
ولديه ادراك ووعي لكل شئ يقدم عليه .
اما اذا كان غير ذلك ... فقولي علي الدينا السلام
*وضيق الذات وقت الاحساس بحرج اوخجل يأتي احيانا من اسباب جمه
وهي
الوراثة.
- فقدان المهارات الاجتماعية.
- نظرة سلبية للنفس والذات.
ويجب علي الشخص الخجول ان يتخلي عن هذه العادة كي ينعم بحياة حلوة ويكون لدية
ثغل ف المجتمع ويكون له دور ... حتي لايكون منزوي ومنطوي علي نفسه
وان يكتسب الشجاعة الادبية من المجالسة مع الغير او ان يحفز نفسه ويشجعها علي اقتحامها
لمواضع الخجل التي يجد فيها نفسه .
*السودان ومادارك ما السودان شعب مغلوب علي امره اناس يلبسون ثوب الفقر
وتتفشي فيهم عدم المبلاة وذلك لقلة حيلهم وهروب كوادره الي خارج البلاد لتصليح
اوضاعهم المعيشية

نرجوا ان ينصلح الحال وييعم الخير بلادنا ويجنبنا الحروب والفتن

الماسة الخمساية سعدت كثيرا بمداخلاتك الروعة كروعة تواجدك الجميل
تقبلي احترامي وتقودير



مرسال الشوووق ،،،

الماسة الخماسية كتب:

***************

أحىّ كُل المتداخلين على أسئلتهم المتنوعة الشاملة

وتحية ومعايدة رقيقة للراقى دوما : ود بن عوف ،،

***************

jasmina كتب:

هههههههههههههه

ياحليلك ...الناس دي كلها مغبونه منك قدر ده ... اها انا جيــــــــــــــــتك

.......................................

احكي لينا عن طفولتك ؟

موقف من الطفوله كلما تتذكرو تضحك ؟

كيف كانت حياتك الدراسه خلف اسوار المدرسه ؟؟ واي نوع من الطلاب كنت ؟ ا

مدرس لن تنساه ماحييت ...وما السبب ؟

زميل دراسه اصبح رفيق عمر ؟ من هو ؟ واين انتم الان ؟

يلا انت جيت السعوديه من سنه 99 حسب كلامك ... ارجع بالذكريات ورا ...واحكي لينا اول يوم ليك فيها ؟

ولو رجع بيك الزمن .. هل حتغترب ..ولماذا ؟

ولو جاتك فرصه اغتراب في دوله تانيه حتكون مين ؟؟وليه ؟؟

ولك التحيه

هلا وغلا ..


اها اصبحتي كيف من الضربة القاضية



* احكي ليك ياستي عن طفولتي شويه ومالو
كنت شقي لدرجة كل يوم بنوم بجلدة وبصحي بجلدة وبرضو ماتبته

* حياتي ف المدرسة كانت حلوة وكنت شاطر ومواظف عل الدروس
وكنت برضو بميل للشغب وكنت محبب جدا من اساتذتي جدا وكنت بطلع من الاوائل
وبحب مدرستي شديد عشان عندي فيها ايام كانت جميلة .
*زميل دراسة اتمنيت لو اقابلو تاني بالجد ف المتوسطة ومنذ ذلك الوقت لم يحالفني
الحظ لمقابلته الا وهو الغالي جدا ( ولي الدين ) من اولاد بابنوسة لطيف ظريف هاش باش
ترتسم البسمة علي شفاهه دائما لم اجده يوما عبوس او زعلان كنا لانتفارق
ابدا وكان كلانا يتوق شوقا للآخر اخ .. ياجاسمينا والله رجعتي لي ذكريات جميلة
ربنا يلمني فيه تاني واشوفو يارب اسألك ف هذه اللحظة وبقلب يملاءه الحب اليك
ان يكون صديقي ف اتم الصحة والعافية وان تجمعنا به ف الدنيا والاخرة ... يارب
منا الدعوات ومنك الاجابة ..
*اول يوم لي ف السعودية كان يوم 3/15/1999 يوم الجمعة الساعة الواحدة ظهرا
بعد صلاة الجمعة هبطتت طائرتي بمطار الملك خالد الدولي وكانت بالنسبة لي اول سفرية
خارج الوطن بدون الاهل بارغم سافرنا كتير الي القاهرة بحكم دراسة الوالد هناك
شفتي ابوي يعني كان طالب بالجد مش بكضب كان بمتحن ويرجع السودان ..
كانت رحلتي الي السعودية عبارة عن هواية ف المقام الاول لان اسرتي كانت ميسورة الحال
واول مرة افترق عنها وكانت لحظة رهيبة بالجد وطول الرحلة انا كنت بخبي دموعي من الركاب
واول ما هبطت بنا الطائرة ومشيت للبيت اتمنيت وربي ان ارجع ف نفس الوقت
عشان البلد ماعجبتني خالص وندمت علي المجي هنا ولكن هيهات فقد تمسكت بي هذه البلاد
وجعلتني اسير غربتها المرة ولم يحالفني الحظ حتي اتفكك من براثن غربتها المميتة
ومتمني حتي هذه اللحظة بان اعود واعيش بقية حياتي ف حضن الوطن ...
وانا حالي ف بعد الوطن دفعني ضئ العين تمن
*لو رجع بي الزمن الي الوراء ماكنت حااغترب نهائي ولو حكمت الظروف
حااختار امريكا ...

جاسمينا ... ام ضربة قاضية ضربك المصارع ولكن ضربتني انت بالذكريات
الحلوة والمحزنة ورجعتي الي شريط ذكريات اتمني ان تعاود مرة اخري

افخر دوما حين اجدك في زيارتي اشعر بحروف ترقص فرحا

تتمايل النقاط نشوي وتختال المعاني نشوي بتواجدك عندها

تشتاق اليك والي عناق رائع لحروفك

مودتي
مرسال الشوووق ،،،