منوعات شعرية

[امال الناس]

وما تنسوا إنو رأس أستاذنا إسماعين حسن
برضو مليان شواكيش وفي
شاكوش حار من شواكيشو قال:


بعد ايه جيت تصالحني


بعد ما ودرت قلبي الكنت فيه


جيت تشكي.... جيت تحكي


جيت تبكي لية ليه


اعتذارك ما بيفيدك


ودموعك ما بتعيدك


العملتو كان بإيدك


انا ما لي ذنب فيه



ليه جيت تشكي


ليه جيت تحكي


ليه جيت تبكي لية ليه



انا خلدتك بشعري في زمانك


وياما غنيت وكان كلو عشانك


وكان جزاي منك صدودك وهوانك





انا استاهل وضعتك في مكانا ما مكانك


روح ..


القدر بي نفسو ما بقسو عليك


جيت تايب ياحليلك


والفؤاد ملكوه غيرك


ربي يعدل ليك سبيلك


كل مناي في الكون عديلك


ونهاية الخير نصيبك



ضيعوك... ودروك


انت مابتعرف صليحك من عدوك


استغلوالطيبة في قلبك


وبي اسم العواطف خدعوك


حتى من كلمة حنانم وودادم حرموك


الله ياخد ليك حقوقك ويجازي الظلموك

[امال الناس]

والأستاذ محمد الأمين سالت دمعته في لقاء تلفزيوني
عندما تغني بشاكوش مدوي
للأستاذ إسحاق الحلنقي وشكلو شاكوش حاااااااااار :



بتعلم من الأيام مصيرك ... بكرا ... تتعلم


وتعرف كيف يكون الريد ... وليه الناس بتتألم ...


متين عرف الهوى قلبك ؟!


متين صابك بآهاته ؟!


متين سهرعيونك ليل .... طويلة ساعاته ؟!


وحاتك لسا مابتقدر تقاسم قلبي دقاته !


ومصيرك بكرا بتتعلم ...



اقابلك وكلي حنيه ... وأخاف من نظرتك ليا ...


وأخاف شوق العمر كلو يفاجئك يوم في عينيا


وراءالبسمات كتمت دموع ... بكيت من غير تحس بيا



وبكرا الريد بدون مواعيد يزورك ... ياحياة عمري


تقول ياريتني لو حبيت زمان من بدري ...


تعال فّرح ليالينا ... تعال قبل السنين تجري


منقولة

[امال الناس]

كلمات الشاعر : فتحي الضؤ

ألحان وغناء : صديق الكحلاوي ...





قالو قالو علي شقي ومجنون صحيح مجنون

.... وانتو جنوني يا حلوين

انتو لي قلبي زاد عمرو ليهو المنية والسلوى جنوني عيون

.......عيون لو شافا عطشان السنين يروى

.......وليه ما أجن؟؟

الليل البشيل الناس بشيلو هموم.

........ اقاسي مرارة الوحدة وأغالب دمعة المحروم

اتعذب سنين ما ضقتا طعم النوم صحيح شقي ومجنون

[امال الناس]

القصيدة الفائزة بالعربية:

من الذي يهبنا المطر

من الذي يمنحنا حكمة العقل

من الذي يزيل آلامنا

تخيلوا كيف تدور الارض

تأملوا لماذا يظل الليل منتظرا بزوغ الصبح

انظروا الى سطح المحيط وهو يعكس ذوبان القمر

عظمة الله لا تحتاج الى برهان

يا لروعة الشمس وهي تزوي

يا لروعة الأمس في ذاكرة اليوم !

أومن بالله

اومن بالذهاب في ذات الاتجاه


للشاعر عمر رجب

[امال الناس]

فتاة تسخر من شاب سوداني فانظروا ماذا كان ردة

فتاة قالت لسوداني يا أسود بنوع من السخريه فأنظروا بما جاوبها
:
تقولين أســـود ؟؟؟

تقولين أســـود ؟؟؟

وكل من يزور الكعبة يقبل لوني بانحناء

السواد هو صندوق سر لرحلات الفضاء

السواد هو بترول مبدل الصحراء لواحة خضراء

لولا السواد ما سطح نجم ولا ظهر بدر في السماء

السواد هو لون بلال المؤذن لخير الأنبياء

لولا السواد لا سكون ولا سكينة بلا تعب وابتلاء

تقولين أســـود ؟؟؟

تقولين لي أسود

والسواد فيه التهجد والقيام والسجود والرجاء

فيه الركوع والخشوع والتضرع لاستجابة الدعاء

فيه ذهاب نبينا من مكة للأقصى ليلة الإسراء

لو ضاع السواد منا علينا أن نستغفر ونجهش بالبكاء

عــــزيزتي

تأملي الزرع والضرع وسر حياتنا في سحابة سوداء

اسمعيني والله أنتي مريضة بداء الكبرياء

أنصتي لنصيحتي و لوصفة الدواء

عليك بحبة مباركة من لوني مع جرعة من ماء

أنا لست مازحاً وستنعمين والله بالصحة والشفاء

سامحيني يا مغرورة لكل حرف جاء وكلمة هجاء

وكل ما ذكرت هو حلم في غفوة ليل أسود أو مساء

لا أسود ولا أبيض بيننا في شرعنا

كلنا من خلق الله الواحد نعود لآدم وأمنا حواء
.

((لا يسخر قوم من قوم عسى ان يكونوا خير منهم ))

[امال الناس]

كــل الـعـيـون الـحـلـوة بـتـهــلِّــل مـعـاي
تـتـمــنَّــى لـحـظــات الـرُجـوع
بـالـفـرحـة تـمـسـح فـى الـدُمـوع
ومـعـاهـا تـمـسـح فـى شــقـاي و انـ ..

[امال الناس]

كــل الـعـيـون الـحـلـوة
بـتـهــلِّــل مـعـاي
تـتـمــنَّــى لـحـظــات الـرُجـوع
بـالـفـرحـة تـمـسـح فـى الـدُمـوع
ومـعـاهـا تـمـسـح فـى شــقـاي
و انـا مـــا بــراي مــا الـشــوق مـعــاي
ورجـعــتَ لـيــكْ شـايــل هــواي
يـا غـالـيـة يـا ريـدى وشـِـفـاي
وانـا بـيـن ايـديــكْ اشـتـقـتَ لـيــكْ
وكـتـبـتَ فـيــكْ أجـمـل غُــنـاي
يـا حـلــوة يـا أمـلــى ودواي
مـا إنــتِ أصــلِــك فـى دمــاي
وعـيـونـِـــك الـحــلــويـــن كــفــاي

الشاعر: الفاتح حمدتو غناء: المغفور له بإذن الله نادر خضر اشتقت ليك بـالـلَّـهـفـة جـاي الـلَّـوعــة تـحــرق فــى حـشـــاي أشــواقـي بـتـســابـق خُـطــاي قُـبَّـالـــي تـوصـــل يـا مـُـنــاي تـجـري وتـشـيــل كــل الـفــرح تـرقــص تــنـاغــم فـى رؤاي وتـجـيــب بـشــايـر قـوس قـزح يـا بـهــجــة الـدنـيــا و هــنـاي

[النورس المهاجر]

الاستاذة امال ...
االأصيلة والمأصلة لمقولات ومواقف شعرائنا .. دمتي بود
مشاركتي نقلية للشاعرة نضال قصيدها ( أنا بكرهك) ... يوتيوب

[النورس المهاجر]

ودي واحدة مهمة كمان ..
وعدتك

يوم غير المطر اتجاهلو
[img]http://www.youtube.com/watch?v=Sk17qosmtxQ[/img
]

[امال الناس]

أواه او تذكري يوما جلسنا فيه
قرب النيل وضاعت الكلمات

والبسمة على ثغرك فاغرة
يزبنها الخال و الوجنات

ومياه النيل تجري بقربتا
كان صوتها يدعو لنا بالبركات

يا ا أحلى شهد ىيا امنيتي
زيدنيي مما عندك وهات
__________________

[امال الناس]

مالكـن علـى
وليـه يا نهيدات الجدى
سويتا العجب العجيب
فى قلبى بهدلتنو لى
نوسرتن الجرح القديم
الكان مسهد لى عينى
ومــــــن شفتكـــــــن
ما شفتن الحاصل على
ما شفتن القرن القبيل كت قايلو مات
تاريهــــــــــو حـــــــــى
تاريهو زى ما كان زمان
ينبض ... شباب ... وشجون ... وغى
ليه يا نهيدات الجدى
يا برتكانات استون
فوق عودن اللدن الطرى
مضمور محل .... متبور محل
نجضان ونى
لين هنا ... ونديان هناك
وسط ............قوى
بس عندو سيد مرات عنيد
مرات ............... هدى
ليه يا نهيدات الجدى
واقفات بلا قببا
فقيرن ديمه شالع فوقو ضى
ينشاف قريب ... وينشاف بعيد
بتق فى احساس جديد
ينتر شديد
لا عرفتو ريد
لا عرفتو جن دايرلو قيد
وقفت حدود معرفتى فوق حلما صبى
يرجف ..... يغازل النسمه كان هبهب هوى
مالك على

[امال الناس]

بتسألى فىّ آيش فيك ياخينا تتطالع
بطالع فى بدر فتق الخمار طالع
واطالع فى قمر بهر خطف ساطع
واطالع فى القوام الأمرد الفارع
بطالع في جمر بيك وبلاك والع
واطالع فى النفس لا يبقى مو طالع

[امال الناس]

حـــاجبك نــونـــو يحكـــى الهـــلَّ شــافوهـــو الخـــلايق صـــامــــو
ود عينيك يجــيد تهـديفــــو شقيـــش مــا جــدع بسِهـــــــــــامــــو

اداك جسيم من خيزران لو داعبو النسام يميل
وداك عيون فيهن رموش رامالى ضلها للمقيل
لا تبكى أرجوك ياجميل ..

شوف جنس الكلام دا كيفنهو بالله ؟

قدُر الله ما مدَّ السمــــــا في قلبي ريدِك مدّدو

الغربه اصلو طعيما مر لكنـى بقعـد بـى الجبـر
لامن سنين الهم تمـر يـا ربـى الهمنـى الصبـر

[امال الناس]

بالله فيكم متلي زول بالليل يضوق حر الشمس
قلبت موازين الزمن عاد تاني شقيش دار أمش

إتحداكي لو تنسيني أو ليه حبي تلقي بديل
أنا الدرب الخطاي تمشيهو تعجز عن مشيهو الخيل

[امال الناس]

لو لا أدمعي انا من ناري كنت حرقت
ولو لا ناري من كترت دموعي غرقت

[امال الناس]

رصوا الهديمات عدلوا وركبوا اللوارى وقبلوا

يا يمه رسلي لي عفوك ينجيني من جور الزمان

[امال الناس]

وفـــــــــــــــــــــــــــــــــــاء

الحاج محمد سر الختم



يا وفاء ليه بتردي الموية إنت حرام عليك تشيلي

ما كان حقو تمليء الباقة عشان هي فاضية عليكي تقيلي

إنت الزيك ما بخدمو ضمه إلا بس الظروف عزيلي

والضيف إن جاء للشايقية رابع يوم وقعت طويلي

ما برضاكي تمرقي بره لعض الناس نفوسها رزيلي

راجنك تمرقي يشوفوا كيف إيد الله فيكي جميلي

قالوا الموية من إيديكي دوّو يشفي الروحتو عليلي

لو بلقا لي منها شربة في السنة مرة تشفي غليلي

عودك حكمة السواهو زودوا فوق ندايدوا خصيلي

ضيعو وسو لي خوفي ينعقد أوع تنسي تميلي

وحيلك كلو في عينيك والايد ما خلق لها حيلي

إيدك تتعبها الهبابة والعين متعبا لها قبيلي

جاءتني أمس العشيبة ليبة تبكي من الزعل تشكيلي

قالت لي إنت شلتي جمال وخليتلني حاجي قليلي

ليه يدوك يه بي ماعونوا شان زي ماكي دايره تكيلي

وعارفك من زمان يا عيني أصلك ما بتعوسي عديلي

تكشفي حالي للدايرنوا ما بيرضيك شئ غير بهديلي

الشئ قبل لساني يقولو حالا ً دمعة دمعة تسيلي

لو ما إنت شن وراني عينا ً ناعسة والا كحيلي

[امال الناس]

الفاتح ابراهيم بشير



عليك الله سافرعليك الله شيل الأمانى معاك


وشوف البيبكى عليك أو حتـى يترجـاك

أنا تعبتا خلاص من جورك انـت علـى

تزعل بدون اسباب ومن تانى ترجع لـى

خليك معاى واضح لا يبقـى قولـك نـى

يا انت ابقى معاى يا انتـى ماليـك بـى

ر غم الحصل والكان ياما صبرتـا عليـك

كان العشم جواى تصدق معـاى عينيـك

لكن غرورك فاض كتل البـراءة الفيـك

خلاك تقول مجبور أنا بكره برجـع ليـك

اوعك تظن فى يوم أنا قلبى برض الـذل

او يستكين هيمان ويرجاك عنـد الضـل


انت الفتحت الباب وقت للخصـام ادخـل


وانت الزرعتا الشوك وقلعت شجر الفـل

أنا فى النهاية إنسان مرهف رقيق حساس

وداير اعيش فى امان واصافى كل الناس

لكن إذا جاء الريد فـوق الكرامـه وداس

مجبور اقول القـول القالـوا (بوفـراس)

فى شعروا قالوا كلام مدهش جميل يسبـى

لا تملـك الحسنـاء مهمـا تكـون قلبـى

أنا برضى زيو كمان أعلنت لـى حربـى

وعايش قليبى بقول يا اخوانا آيـه ذنبـى

والله يا المريـود خليتنـى فيـك محتـار

مرات بشوفك نور مـرات بحسـك نـار

مرسالى وكتين جـاك قابلتـو باستهتـار

وما تنسي أى حديث دائماً بدايتـو شـرار

يا قلبى اصبر اصلو الظـروف قاصـداك

معليش إذا جاء الليل وخيم علـى دنيـاك

عـذراً إذا الأحـلام اكبـر مـن الإدراك

وعفواً اذا حبيت زول ماعـرف معنـاك

[امال الناس]

بديت حبك معاى شريف
عبدالرحيم البركل
احمد الانصارى عبدالله

بديت حبك معاى شريف ليه بالله ليه خنتو
تبدل ريدى بريد زول غريب فى دربو ليه سبتو
كاتب ليك رسالة شوق طويله حنينه بى خطو
فيها حنانو وريد صادق ليك يا سمحه ياستو
هل يرضيك ابقى وحيد مبشتن حالى لو شفتو
حرام والله يا المحبوب قسيت بحبى دمرتو
أنا القدرتا عهد الريد بآمالى شيدتو
نسيت ايام زمان ديك درب الريده غيرتو
وحاتك مانى ناسى الكان حرام انساهو يا انتو
بعيش الذكرى طول الليل واسأل منى ليه فتو
اقول والله ده المقسوم قدر لابد من جيتو
حبيبى وحات عطفك لى ناس الدنيا بى شمتو
بدور بس هسى تنسى الفات تنسى القالوا لى قلتو
انسى الدنيا بى ناسه ايام عقلى جننتو
بفرش ليك زهور ياسمين تبقى منايا حققتو
واحكيلك شريط الذكرى يوم قلبى ودرتو

[امال الناس]

جـن الريد
أحمد معروف بالطيبـة حسـن أخـلاق وعليهـا إتربـه
تكفي شهادة ناس الحلـة إنـو خلـوق وخجـول ومُربّـه
مهذب رغم حداثـة سنـو لبـس تهذيبـو أصالـة وهيبـة
أدي الناس الحـب أدوهـو حسـن الظـن بيناتـن شبـه
خشت فجأة أميمة حياتـو وصـارت بينـو وبينـا محبـة
قلبو إختارها عشان معروفة زولة حنينة وراقيـة وطيبـة
دسو الريد في السر بيناتُن وخلّـو حبيـس دفيـن ومخبـه
وكيف تنضارى متل أشواقن وليه زي ريدُن يـوم يتخبـه
بعد أيام وصلتـو رسالـة جـواب مليـان تقيـل ومعبـه
قبال ما يفتحو عرف الراسل باينة وظاهرة رسائـل وهبـة
أخوهو الليهو زمن متغرب تسعة سنيـن قضاهـن غربـه
مرسل ليهو تذاكر وفيزا دايرو يجيهو هنـاك فـي طيبـه
طار في الأول أحمد فرحه كلـم كـل النـاس والصحبـه
لما إتذكر أميمة حبيبتـو فجـأة إنتابـو شعـور بالخيبـه
لكن قـرر إنـو يسافـر سرعـة يعـود ويتـم الخطبـه
لأنو الغربه طريقه قصير وفيهـا يهـون تحقيـق الرغبـه
جاتو اميمة حزينة توادعـو جاتـو تجفـف دمعـو الكبـه
جاتو توصي عشان ما يقوى لا ينساها هناك فـي الغربـه
جاتو تطمنـو إنـو حيفضـل ريـده الخالـد مهمـا غبـه
حافظه عهود الريدة البينُن ومهمـا كـان ح يظلـو أحبـه
أهدتلو المصحف شان يرعاهو من العين والهـم والكربـه
لبّسه عهد الريد في جيده عقـد ممهـور بصـورة الكعبـه
قامو إتوادعو زين إتباكـو فـات خلاهـا وحيـدة وخبـا
سافر شال همو وأحزانو بعـد أيـام فـي المملكـة طبـا
لاقو الناس يا زول كيف حالك بالأحضان قام سالم وهبـه
قالو نصاح ناس أمـي وأبويـا مشتاقيـن راجنلـك أوبـة
قالو أحمد سافـر يـا وهبـه غيـر جـوَّك وروِّق حبـه
أمـك ياخـي تلاهـي عليـك لاخـلالا ضريـح لاقبـه
السودان مشتاقلك كلو ضفـاف ورمـال سواقـي وتربـه
وحتى النيل فرحان راجيك تجي وتنهل من مويتـو العذبـه
بعد أيام كان وهبه هناك بيـن أصحابـو وأهلـو وأحبـه
في حضن أمو الطول منو في حيشانـو الواسعـة الرحبـه
قالتلـو أمـو أخوانـك كبـرو ومـا فضلنـا زول يتربـه
بس فضلي أشوفو جديـدك وكتيـن لسـع حيـه وطيبـه
إختارولو بنيي سميحـي تشـع حيويـه ورونـق وهيبـه
أديبه وراقيه وكلها عفه وبرضو أهل وقراب فـي الحسبـه
يوم العرس الحي صباحي فرح مطبوق والنـاس منطربـه
شاق الليل صوت كم زغروده وحس طنبور ودليبـن ربـه
إلا في واحده حزينه وباكيه سايلـه دموعـا دوام منسكبـه
وفي دموعا سؤال بيحير وفـي آهاتـه أسـرار محتجبـه
وقالو الناس دي دموع الفرحه وغيرا شنو الحا يكون السِّبه
بعد أيام ساق وهبه عروسو ساقا رجع لـي بلـد الغربـه
سايقو حنين لي كل أصحابو ولي أحمد أخوهو أشواق ملتهبه
وصل الباب كورك يا أحمد فتح أحمد بـي لهفـه ورغبـه
شاف قدامو الما متوقع هم الكـون فـوق راسـو إنصبـه
شاف السلسل عهد الريده نفس السلسـل وصـورة الكعبـه
شاف قدامو أميمه حبيبتو كانت قاسيـه وقاضيـه الضربـه
شاف أحلامو تضيع قدامو بعـد مـا كانـت منـو قريبـه
كانت لحظه تفيض بالدهشـه شـاف الدنيـا كأنهـا كذبـه
كورك أميمه أميمه وصنقـع صنقـع ودنقـر ودّر وغبـى
وجن أحمد في نفس اللحظه جن الريـد مـا أظـن ينطبـا