جميع المغتربين(( هل لكم نية في العودة الى السودان))؟؟!!

[وهج الخيال]

انا ولا مرة زرت السودان لكن مستعدة اقرا واتعب واتبهدل والف الدنيا واخد شهادات عشان في الاخير انفع بلدي بأي حاجة .. لانو لو ما احنا الي نفعنا البلد ما حيحصل التقدم العايزينو ..

احلى مكان .. بلدي السودان..

[ابوالطيب]

انا اقدر مشاعركم تجاه بلدنا الحبيب السودان ، البلد الجميل ، كل سوداني اصيل لابد من يكن لهذا البلد كل تقدير واحترام وخاصة المغتربين لانهم تذوقوا مرارة الاغتراب عن الوطن الحبيب السودان ، ، ولكن اين السودان الان ، وهل توجد مساحات للمغتربين فية ؟ وهل توجد مساحه لسوداني وطني حر ؟؟؟، السودان اصبح سودان اخر " الفساد انتشر في كل الجوانب ، حيث انك لاتجد وظيفة الاترشي ، ولا تقدم اليك خدمة الاترشي ، والجباية تحيط بك من كل اتجاه , والمرور والشرطة حدث بلا حرج

[سفيان مصطفى]

اكيد ثم أكيد ما في زول حيستغني عن وطنة مهما كانت ظروف الغربة ومهما كانت الاسباب لانها بلد اهالينا واجدادنا وبلدنا الام ولازم يكون لنا يد في تطوير السودان

[mohamed fox]

حقيقه موضوع اكثر من مهم
المشكله انو الواحد المغترب حابى انو يلقى نفس الامتيازات فى السودان وهذه من سابع المستحيلات
وفى النوع البقول هو عمل شنو كان يرجع السودان وناسى انو العمر ماشى
والاهم من دا كلو عدم تحديد الهدف من الاغتراب

[سليمو]

اليوم قبل بكرة والله سودانى الجوة وجدانى بريدو

[ام عبدالرحمن]

اي زول مهما حصل ليه في السودان بلدنا الحبيب من ماساة خلتو يغترب مهما ادتوالبلد الثاني من ايام حلو برضو بحن وبحب وبتمني يرجع الي السودان الام البحبها اذاحنت ولاقست علينا

[المحبه لامها]

والله ادمعت عيني من حنيني الي بلدي والي اهلي،،، كثيرا ما أتمني ان اكون في حلم وعندما استيقظ سأجد نفسي مع امي واهلي

[Mr.NENO]

والله السودان بلدنا الحبيب يعني الواحد مهما كان حاله وظروفه برضو لازم يحن لي بلدو
بس حاليا مافي طريقة ارجع لان السودان لسه محتاج ومشاكله كتيرة

[مزاهر]

مستحيل أرجع نهائي بس ممكن إجازات لاكن بد أدرس وأحضر الماجستير في ماليزيا وبعدين أرجع أنمي الوطن وأخليها حاجة ولا أروع......... وحتشوفوا وتسمعوا الغريب عن وطنه مهما طال غيابه مصيروا يرجع تاني لي أهلوا وأصحابه

[مغتربة مقيمة في الإمارات]

نععععععععععععععععععععععععععععععم
دي اخر سنة لية في الإمارات

[دانة]

نععععععععععععععععععععععععععععععم
دي اخر سنة لية في الإمارات

طبعا انتو ما عارفين انا بحب السودان كيف فيها الاهل و اللمة ونفسي استقر فيها لكن الظروف بس اخلص جامعتي وطوالي على السودان الحاجات البنلقاها في بلدنا يستحيل نلقاها في الغربه واذا لقيناها ما بكون بي نفس الطعم

[مومو و بس]

والله هي النيه في لاكن الظرووووووووووووووووووووووووووف ثم الظرووووووووووووووووووف
يسلمو ع الموضوع

[ود النصر]

انا قدمت الاستقالة الليلة وراجع السودان
مغترب 5 سنين يوم ما مره بدون ما افكر في الرجعة

[عبدالرحمن ابوعمر]

والله نفسي ارجع اليوم قبل بكرة

بس كان يا جماعة عندي سؤال؟
هل اقدر احول من جامعتي الى اي جامعة في السودان واكمل دراسة ؟
وهل هناك شروط للكلام ده ؟
وشكرا

[جراح]

نفسى استقر فى السودان

بس السودان الخريجين مالا قين شغل ونحنا كمان لو لقينا شغل ما كان جينا

جينا نحنا دافعين الثمن غالى من اجل التطلع الى الافضل اتمنى ان يتحسن الوضع

واجو الناس اغتربو عندناااااااااا

[سامر عوض]

مفترض اي واحد اقترب ان يحدد اهدافه واذا استطاع ان يحقق جزء من اهدافه في السنتين الاولى له فليواصل, واذا لم يسطيع فليذب الي بلده بلاش بهدلة وبعد وتهرب من المسؤلية.

[بجبوج الاصل]

انا شخصيا اقول ان السودان ليس له بديل والذى يعيش مثلا السعودية هى نفس العيشة فى السودان
ممكن تكون فى راحة بالنسبة للنساء من حيث النوم والمكيف ويكون المسكين اخر تعب واهانة
لكى يرضيها اعرف كثيرا من الاسر مثل هذه المشكلة المفروط ان اى مغترب عنده اولاد مفروض يرجع السودان فى اقرب وقت لان هذه العودة سوف تكون عوناً الى عيالهم من التربية والدراسة ومعرفة السودان اكثر وبعدها الباقى هين

[المحب لوطنه]

و الله مافي مغترب في العالم كلو مايحن للوطن ودا الموضوع مافي فيهو كلام لكن الناس تحاول ترجع السودان لأنو زي بلدك مافي وكانت لفيت الدنيا بكراع كلب ماحتلقا زي البلد وزي الأهل و زي ماقال إسماعيل حسن
تصور كيف يكون الحال لو ماكنت سوداني و أهل الحارة ماأهلي ديل أهلي
و أنحنا كلنا شوق وحنين لتراب الوطن و راجعين إنشاء الله نستظل بظل النيمة ومع أولاد الحلة و وتحت سما البلد
وشكراً بانسبة للبلد اليمن صنعاء

[بعد الزمن]

ان شاء الله حأرجع بس بعد الانتخابات ونشوف الحال هناك هل يمكن اولا.........................

[بت كردفان]

اختى الكريمه
كيف ما نرجع السودان ؟؟؟!!!بعد سنوات الغربه الطويله
اتولدنا وعشنا خارج السودان
والله برغم كده لماترجع السودان والطياره فى مطار الخرطوم وانت نازل من السلم
تاخد نفس جااااااااااااااااااااااااااااامد والله العظيم تحس النفس غير النفس والهوا غير الهوا
ده هو السودان بكل معانى الجمال فيه
وين مانمشى وين مانتغرب مافى اجمل من سودانا ده
مودتى اختى الغاليه