1 رخصية التمن (نظام توفير ب جنهين ولو حنكك سنين حبة ونص)
2 سهلة الاستخدام (اللبس والمليص فى ثوانى محدودة )
3 خفيفة الوزن (ممكن فى اي وكت كتمة تربطها فى يدينك وتقويم الفكفية(الجرية) دون معاناه تذكر)
4 ممكن استخدامها للمئارب أخرى (تفكها(تجدعها) فى زول فى وكت قتاتة او دم تقيل او عواره,كما يمكن اللعب بها طيها شمالا وجنوبا ولويها يمينا وشمالا)
5 سهولة الوشم ووضع امارة فيها (عشاااااان ما تروح , توشمها ب مسمار ولا سكين بشخطتين وبذلك يمكن فرزها من بين مليون سفنجة )
6
كمان انها ملائمة للجميع انواع البيئة المتعددة (خيران صحراء جبال هضاب قوز او حتات كتار لا يسع المقام ل حصرها)
7 توفر قطع الغيار (لو قدر الله انقطعت وانت فى مشوار ممكن تربطها ب سلك ولا حبل ولا نايلو (كيس)اوما توفرفى تلك اللحظات الحرجة)
8 ممكن استبدالها ب أخرى (فى حالة تآكلها او نهاية خدمتها وبقت هكر) وفى وكت قياسي واختصار للزمن (تلفحها من جامع ولا مناسبة وكت فطور ولا غداء ولا عشااء ولا اي ديوان او صالون تلفحها وتبقى مارق).......
9 كما تكون مرتااااح البال وانت بتملصها (الخوف من مجازفتها او فى وكت لفحها مافى زول بكون طارح ليك بالووووو ما سفنجة) لانك ما خسران فيها حاجة والطريقة الجابتها بيها(سهلة ) ممكن يجيب بها (مابقى خبرة ودرب سالك)واحده اخيير عليهاواسمح منها وجديدة لنج .......
برمه :
كل سنة وانتو طيبن
هههههههه بس نسيت اضراره 1.قابله للتلف بسرعه
2.قير مناسبه في جميع الاماكن ههههههههه تقبل مروري
دريم ياشريرة مالك ع البت الشارع شارعك ولا شارع الله وانا بسال نفسي طوالي مالا دريم يومي سفنجته مقطوعة عشان بتستخدمها في اعمال شريرة تلبيع الامنات في الشوراع والله بعاقبك فورا
بعد الزمن كتب:دريم ياشريرة مالك ع البت الشارع شارعك ولا شارع الله وانا بسال نفسي طوالي مالا دريم يومي سفنجته مقطوعة عشان بتستخدمها في اعمال شريرة تلبيع الامنات في الشوراع والله بعاقبك فورا
آمنات بتاعت شنو يابعدو ........دي بتبحلق فيهو لامن كملتو
وهو نفسو كان اللحظة ديك اتبخر بقدرة قادر.....بس نسبة لاني جامد لاسائل وعدم وجود الحرارة الكافية ظللت جاثمة على عيونهم المنططة