استطلاعات مباشرة في شوارع الراكوبة

[أبو صديق]

[glow=ffff66]

ايوة في اسئالة تاني
ياااخي مااالك كدا برااااية
طيب كم اعمار اولادك
7 و4.5 و2.5
وكلنا عن كل واحد فيهم شنو هواياتو وعلاقتة معاك ((( بدون اختصار ))
[color=4169e1]إختساار شنو يا بت دول شفع هههههههههههاي
طبعا علاقتي معاهم أحلي ما يكون وفرحتي بالولد البكر أنستني حب الأمورة ثريا
مما أشعل بدواخلها نار الغيرة ولواعجها مبكرا ، وهذا الشئ أعطاني إنطباعا خاصا
وتصورا نحو تربية وتنشئة أجيال الغد بتوزيع الثروة والسلطة هههههاي بالتساوي علي الجميع
ومن يومها إنتبهت لحاجات مهمة حتي خارج نطاق الأسرة وبالعمل ومع الأصدقاء، فلها مني قبلات
الدنيا ودعواتي لها بالصلاح والستر في الدارين، وأصغر أبنائي عووودي قصة الحُب الأزلية والبداية
كانت حين أتم عامه الأول، إذ أنه ينتظر عودتي بفارغ الصبر ويجري نحوي صائحا منتشيا أبونا بابا
جا ويظل بقربي حتي أحمله وبعدها ينام المسكين والمصيبة أنه كبر علي هذه الحالة وأصبح يستقبلني ويساعدني في التخلص من ملابسي الرسمية وترتيبها بالدولاب وإحضار كل مستلزماتي ، مفاتيح موبايل
وحاجات تاني حامياني،،،
ربنا إوعدكم جميعا بالأبوة والأمومة لأنها بالجد شئ عظيم وممتع للغاية..
وبتتمنى انهم يبقو شنو لما يكبروا

صديق إن شاء الله إكون طبيب كبييير ( لأهل أبوه )
وتوتا تهوي التلوين والشخابيط ( لأهل أمها )
أمّا الحبيب عووودي فهو يستمتع بتشغيل الكمبيوتر والعبث بمفاتيحه
وشكلو كدا حا إطلع لخيلانووشنو هي هواياتك المفضلة
اهمها الرياضة والمطالعة والتعاااااارف
وبتمارسها متين ؟؟
دلوقتي الرياضة في الإسبوع مرتين

وماجاوبتني ياتو دولة بتتمنى تزورها تاني؟؟
واغ الواااغ والله ناوي الصيف القادم أزور ماليزيا
تحياتي

[/color]

[/glow]

أسمحوا لي للإطالة لكن متعة الأسئلة أنستني وأخدتني بعيييدا وشطحت وما نطحت:d

[ملاك الورد]

نشكر ابو صديق جدا جدا جدا جدا جدا

و شكر اضافي عشان جاوب كلللللللل الاسئله

و معليش لو تقلنا عليك
واتمنى انه تكون استمتعت بوجود هنا

نطلب الآن من العضوه ريانه امام
ان تشرفنا في الاستطلاعات
اهلا و سهلا
و البدايه ادينا البطاقه الشخصيه

[أبو صديق]

نشكر ابو صديق جدا جدا جدا جدا جدا

و شكر اضافي عشان جاوب كلللللللل الاسئله

و معليش لو تقلنا عليك
واتمنى انه تكون استمتعت بوجود هنا

نطلب الآن من العضوه ريانه امام
ان تشرفنا في الاستطلاعات
اهلا و سهلا
و البدايه ادينا البطاقه الشخصيه

تسلمي ياذوق والحمدلله مافي حد جاب سيرة عمو ههههههههههههاي
منو ؟؟
البعدي منو ؟؟؟
هل صحيح مايشاع في أنحاء الراكوبة أنّك أخت الفنان الزعيم / عادل إمام

[ملاك الورد]

سلملم
بما انه العضوه ريانه امام لم تتمكن من تلبية الدعوه .......
سنعدوا العضوه mihrab

اهلا و سهلا محراب

و اولا البطاقه الشخصيه و بعدها نشوف اسئلة الاعضاء

[mihrab]

يااهلا وسهلا
وشكرا لاستضافتي معاكم

بطاقتي الشخصية مكتوب فيها
الاسم محراب
العمل طالبة
العمر 21سنة

[jasmina]

[glow=ffff66]

محراب هاي ازيك ياعسل

اول حاجة اسمك حلو شديد لا حلو جدا جدا ...... يعني ده اسمك الحقيقي

قلتي طالبة بتدرسي شنو ووين

وانتي ساكنة فين اصلا

وترتيبك الكم في اخوانك

[/glow]

[بعد الزمن]

اهلا وسهلا ............
بتحبي الجلوس فى البيت , ولا للخروج للمول ...؟؟
تاني ماذا تعنى لك الكلمات التالية :,
البحر , الدموع , الشموع , الليل , القط , الفرح , الحزن ...؟؟
وشكرا .........

[mihrab]

وازيك انت ياjasmina
واسمك كمان حلو احلى
ده اسمك الحقيقي
ايوة دا اسمي الحقيقي

قلتي طالبة بتدرسي شنو ووين
بدرس صيدلة

وانتي ساكنة فين اصلا
مدينة امدرمان

وترتيبك الكم في اخوانك
التانية قبلي 1وبعدي 2

[mihrab]

ااهلا بيك.يابعد الزمان
بتحبي الجلوس فى البيت , ولا للخروج للمول ...؟؟
بحب الاثنين
تاني ماذا تعنى لك الكلمات التالية :,
البحر ,روح ارمي همومك وارجع

الدموع ,مشتااقة ليكم

الشموع ,الدفئ والرومانسية

الليل , مقر للهدوء والتفكير
القط , المداعبة من بعد من دون الاقتراب

الفرح ,البال مرتاح

الحزن .البال مشغول
مشكورة على مرورك وعجبتني اسالتك

[أبو صديق]

الأخت محـــــــــــــــراب
بما أنك بتدرسي صيدلة بنظرك
ما هي الأدوية التي تفضلينها البلدية أم
المركبة كيميائيا ..
ونصيحة منك عن مخاطر سوء إستخدام الجرعات
وما رائك في ظاهرة تفشي أدوية منتهية الصلاحية في الأسواق.

معليش الأسئلة دي كنت مُجهزه لسعادة وزيرة الصحة
لكن فرصة، نذاكر ليك شوية

..

[ريانه إمام]

يعني الواحد ما تاخدو نومه اصلو
أجي ألقاكم قلبتو الهوبه في مكاني
..
بمشي وبجي بعد الأخت\مِحراب
..
وقبل أطلع عندي ليك سؤال ..
أوصفي ام درمان في جملتين ..

[بعد الزمن]

ااهلا بيك.يابعد الزمان
بتحبي الجلوس فى البيت , ولا للخروج للمول ...؟؟
بحب الاثنين
تاني ماذا تعنى لك الكلمات التالية :,
البحر ,روح ارمي همومك وارجع

الدموع ,مشتااقة ليكم

الشموع ,الدفئ والرومانسية

الليل , مقر للهدوء والتفكير
القط , المداعبة من بعد من دون الاقتراب

الفرح ,البال مرتاح

الحزن .البال مشغول
مشكورة على مرورك وعجبتني اسالتك

سؤال :..
منوا اللى بكتبليك الاجابات , اختك الكبيرة ولا صاحبتك
هههههههههههههههههههه

شكرا ليك , على الردود السمحة دي ,
ام در , مدينة كبيرة , حددي موقعة على خريطة ام در ,
وشكرا

[ابو ايووودي]

نواصل استطلاعاتنا وحوارتنا مع الاعضاء بعد غياب لاسباب فنية ونشكر الاخت ملاك الورد التي قامت باستضافة عدة اشخاص لها التحية والتقدير على مجهودها الجبار.
الضيف القادم هو صاحب الشمارات المتألق جدا .... فارماس الملقب بالفار
الاخ فارماس في البداية كلمنا عن نفسك ؟

ماهي طموحاتك الجاية وهل اخترت شريكة حياتك؟


كتاباتك عجيبة وغريبة في بوست الشخص الذي في بالك ممكن توضح للمشاهدين؟

ومزيدا من الاسئلة والحوارات من السادة المشاهدين
وشكرا

[الأسير22]

فارمارس منور الاستطلاعات


عمرك كم ؟


شغال شنو ؟



بتحب ؟


من هو الشخص الذي في بالك ؟ الكل يوم بتبكي ليهو


هل هي من المنتدى ؟





الإستطلاعات مباشرة أشان كدا عايزين إجابات مباشرة




وبجيك راجع

[ود الخير]

يا جماعة الزول ده قال ليكم اردمو الاسئلة لحدي ما يجيكم بعدين بالليل

الله يعلم خفاش بس

[ملاك الورد]

اهلين فارماس


اتمنى انه تجاوب الاسئله بنفس الوضوح و الصراحه التي طُرحت بها

قالوا الشرك العمله ahmede اصطادك بسهوله
هههههههههههههههههههههههه
اوكي كم جبنه كده مخصوص من فرنسا

ــــــــــــــ
شنو حكاية سهرك الشديد ما شاء الله
انت بتخلص شغل الساعه كم او بالاصح بتمشي الشغل متين
, طيب هسي ما بتخاف من الامراض البسببها السهر
ما شاء الله

ـــــــــــــــــ

طبخه انت بارع في تحضيرها
ـــــــــــــــ

انت من متين حسيت انه هنايه ما انصفتك
طيب لو ما انصفتك شنو الشربكك اكتر واكتر
ــــــــــــ

حتصوت لمين ؟
ـــــــــــــــ
متين اتعلمت تسوق سيارة؟
ـــــــــــ

هل تعرف انك من اكثر الشخصيات الغامضه جدا في المنتدىما شاء الله , طيب شنو السبب؟
ــــــــــــــــ

ليه كلامك مرات كتيره اكبر من عمرك ما شاء الله؟

،،،،،،،،،،،
آي آي عارفه الجبنه حاره , طيب استنى لحد ما تبرد
ميااااااوين

[أبو صديق]

بداية لا يفوتني أن أهنئ القامة أحميد علي هذا البوست الجامد
ونائبته المبجلة ملوووكي لبصماتها الواضحة
وخفة دمها وحلاوة روحها
وأحي كل من عدّي من هنا وفرد لنا سريرته
وقربنا خطوات منه
بالتوفيق وإلي الأمام دوما
وأسمحوا لي أن أنفرد بالرااائع الزعيم
أمانة ما وقع راجل هههههاي
ياحبة
كان نفسي أسألك من زمااان عن الصورة الرمزية دي ؟؟
ممكن تحدثنا عنها شوية لو سمحت
منو البتحس أنّو قريب/ه منّك وترشحو/ ترشحها نائب/ة عام
للمتواجدين الآن والشمشرة
الليل هادي وجميييل ورغم قلة المتواجدون الآن
بتكون مركلس ونائم ع الخط
سؤالي هل منتظر القطار ( المرّ- الفات - الجائي )
لو بقينا حيين في الدنيا دي بنتلاقي

[فارماس]

احميدي يا ورطة
الضيف القادم هو صاحب الشمارات المتألق جدا .... فارماس الملقب بالفار
شمشار وفار والله دي قوية فار لمن عامل فيها جقر كمان
الاخ فارماس في البداية كلمنا عن نفسك ؟
عشان مافي واحد يجي يقول بطاقتك بطاقتي نسيتها في السودان
انسان بسيط يحب الخير للناس واعشق الكتابة خاصة الخواطر بث

ماهي طموحاتك الجاية وهل اخترت شريكة حياتك؟
الطموحات كثيرة وربنا يقدرنا علي تحقيقها

بالنسبة لشريكة حياتي ممكن نقول اخترتها والله السؤال ده حار حرة نار بس

كتاباتك عجيبة وغريبة في بوست الشخص الذي في بالك ممكن توضح للمشاهدين؟

عندما امسك بالقلم لا افكر فيما اكتب وانما اكتب ما احس
ومزيدا من الاسئلة والحوارات من السادة المشاهدين
حبابكم مليووون الاخوة المشاهدين والمشاهدات
شكراً

مشكور يا احمد توريطة

[فارماس]

اسير محل ما اسير برضو ارجع القي الاسير
فارمارس منور الاستطلاعات
بوجودك ترش النور علي الاستطلاعات حتي الانبهار
عمرك كم ؟
رجل اكل عليه الدهر وشرب (30 ) عشان ما جيت باركت لي عيد الميلاد لو جيت كان عرفت
شغال شنو ؟
ادارة اعمال ومحاسبة

بتحب ؟

يا من يقرأ كلماتي ويراني هناك قرب النافذة الحاضنة دمي

هذا هو حبي (بموووووت في الحب )
من هو الشخص الذي في بالك ؟ الكل يوم بتبكي ليهو
هي انثي تملكتني بكل ما في من عقل وقلب وسقتني كأس الهيام وجعلت اهدابي

تتلاقي وتتباعد وانا اتشبث بتلك العينان حتي تدور بي الاكوان بين الحب والوعد

هل هي من المنتدى ؟


لازالت بهذا الصرح الشامخ


الإستطلاعات مباشرة أشان كدا عايزين إجابات مباشرة
كنت معكم علي الهواء مباشرة من برنامج استطلاعات مباشرة علي شارع الراكوبة

فارماث




وبجيك راجع

تجي تسوي شنو ؟؟

طلعت زيتي

[نهـاد]

أزيك يا فارماس صباح الخير بالليل