منتدى أنا سوداني

ود الزوحي كتب:
ريحة البن وقت ما تفوح ..
بنبقى وراها وين ما تروح
نفتش في هوى المحبوب
ونمشي معاه وين ما يروح
وتبقى القصة ما جبنة ..
تبقى نسيم بشفي الروح ..


هومي .. أسير القصص الروائية .. كما عهدتك منذ تواجدي أول لحظة .. ومن متابعتي لحكايات تلك الشخصية .. اللمبي كما يحلو لك ..


السبب الرئيسي وراء اهتمامك بالقصص .. طبعا كل واحد بلقى نفسو في حتة معينة .. وريني انت وصلت للحتة ده كيف .. يعني كيف بقيت بتحب تكتب قصص ..


ده حاجة كده حدي ما تشرب الجبنة حقتك ..

الأخ الحبيب ود الزوحي
وحشة وشوق والله
أشكرك حتى يبلغ الشكر أجزله يازول ياراقي
اهتمامي بالقصص جاء منذ المرحلة الابتدئية حيث عشقت الطيب صالح منذ زمن بعيد وذلك لواقعيته الجميلة حيث نبع إبداعه من صلب الشارع السوداني انظر إلي دومة ود حامد عرس الزين موسم الهجرة إلي الشمال تجد المواطن السوداني يتجول في صفحاته الموظف والمواطن البسيط الأفندي والمزارع عشقت الشارع السوداني من عشق الطيب صالح لذا تجدني أميل إلي الواقعية أكثر من الاسلوب القصصي المثير.
عشقت الحرافيش لانني عرفت فيها المواطن المصري
عرفت الأبنودي وحراجي القط في ملحمة السد العالي
كل ذلك جعلني اتجرأ وأحاول ان اكون قاص حتى ولو هاوي
لك الشكر والتقدير وفي انتظار الفنجان الثاني

waya كتب: [grade="00008b ff6347 008000 4b0082"]يا سلااااااام ,,
الليلة الجبنة بي شمارها " أقصد بي فشارها "

والله يا ود ابنعوف ما قصرتا ,, جبتا لينا " هومنجيري شخشيا " هنا

أها يا هوومي ,,
إجغم جبنتك دي على أقل من مهلك وعلى أنغام الشمار التالي :
أول أمس بالليل جاري تلفون " كده كده " غايتو الجماعة السألت منهم طلبو يدك رسميا وبالحرف الواحد :
" هومي ده أنا بريدو شديد ,, ولو يقبل بي بعرسو "
عاد ده كلام يا ناس !!
أها رأيك شنو .. ولا التسوي بي إيدك يغلب أجاويدك
" وديني وإسلامي الكلام ده جد "


نخش في السؤال : النفسي أسألك ليهو من زمان
شنو سر علاقاتك الطيبة بالجنس اللطيف مما يجعلك " مستشار خصوصي لكثير من الأعضاء والعضوات " وبالتالي حصولك على كم هائل من المعلومات " الشمارات " مما أهلك لحمل لقب " كبير شمشاري المنتدى " وما تقول لي الحنك سنين !؟


سؤال بي جدة أقصد بي جدية شوية :
هومي الانسان الذواق للشعر والكاتب القصصي
تقييمك للمنتدى الأدبي و" كُتابه " ؟ ولمن تقرأ ؟

* من من الأعضاء يعجبك تواجده ؟

* أين هومي من الحوار العام .. ورأيك في مستوى النقاش .. والكُتاب " لاحظ لي الضمة في كُتاب دي

* رأيك شنو في المنتدى عموما في الفترة الفاتت " الست شهور الفائتة " ؟ من ناحية المواضيع ؟ والاعضاء ؟ والإدارة ؟

وشيل ليك جغمة وبجيك تاني[/grade]

الأخ والصديق الغالي وايا (الزول البكاي)
بالنسبة للجنس اللطيف مافي داعي للفضائح كأنك بتتكلم عن نفسك وانا برجع الهجمة دي لهجمة مرتدة وبسألك اهتمام الجنس اللطيف بيك انت ليه
انا بالنسبة لي أنا والله ياوايا عرفت الجكس بتاع المنتدي من خلال القلم فقط وماشفت للأن ولا واحدة حقيقة وأبادلهم الاحترام والتقدير لذلك أجد منهم نفس الشعور أما بالنسبة للشمارات وكيف أتحصل عليها من الجكس ببساطة ياوايا الجكس لازم يديك شمارات بس انت ماتسكه شديد وتقطع نفسك اصبر والشمارت تأتيك مقرطسة (قاعدة شمارية).

تقيمي للمنتدى الأدبي
المنتدى الأدبي أفرز فطاحلة من الأدباء المدهشين قائمتهم تطول مما يجعلني أتخوف من التقيم خوفا من أظلم أحدهم ولكني أذكر منهم جزء بسيط ( منهم وايا -ود الدسوقي - ود الدرديري - عاشقة توتيل- ندي البيلسان - حبوبة - هامس - ود الزوحي (صاحب الحلمنتشيات) - صائغ الحروف (وين الراجل دا) - مبارك 59- بنت الجود-)
وأسف ان نسيت احدهم ليس تقليل من شانهم ولكنه طبيعة الانسان النسيان
المنتدي الادبي ياوايا اقولها لك وببساطة هو مرتع خصب جميل وبصراحة أجد فيه نفسي

الحوار العام
كثير ماحاورت في هذا الركن القوي ولكني أحسست أنه يغلب عليه عنصر المجاملة مثل العبارات (نادرا ماتجد الرأي الصريح الذي يثري النقاش مما جعلني كثير امر عليه مرور الكرام.


الأعضاء في المنتدي الذين أجد معهم نفسي كثر ياوايا لا يسع المجال لذكرهم وأنت اعلم بهم لاننا واحد

رأي في المنتدي الفترة الفاتت

بصراحة فقد المنتدى اقلام شجاعة جدا أتمنى من داخل قلبي عودتهم ليكتمل البدر لكن لايمنع ذلك ظهور أقلام مبدعة لكن للحقيقة كانت للأقلام القديمة مذاق خاص فقد كانت المهاترات قليلة والنقاش موضوعي وتحس كأن المنتدى حقيقة أسرة واحدة بمعنى ماتحمله هذه الكلمة من معني
الان هناك إبداع ولكن يغلب عنصر المهاترات ولإسباب شخصية وهذا الشي المؤسف


قطعت نفسي بأسئلتك انا كنت خايف من جبنة ود ابنعوف من النوعك دا لكن اهو اتورطنا

النشرب لي جغمة واجيكم

جغم وبرجع ليكـ تانى

ود ابنعوف كتب:

خد اجغم الفنجان دا



حبيبنا

بما انكـ تكتب عن الواقع وعلى حسب ما انت تأثرت بالراوى العالمى الطيب صالح

هل ترى انه كتابت القصص الواقعية تساهم فى حل بعض المشكلات

وبنسبة كم فى المئة يمكن تساهم ؟

فى الاون الاخيرة انتشرت عدة عادات سالبه منها الزواج العرفى

اذا تناول المؤلفين هذه المشكلات فى روايات درامية هل يكون لها الاثر فى المجتمع السودانى ؟

ما رايك فى ما تبثه قناة الشروق من برنامج حكايات سودانية والى اى مدى تتابع الحلقات ؟

جغم وبرجع ليكـ تانى

الأخ الحبيب ود ابنعوف
لك الشكر أجزله
بالطبع (وأكاد أجزم ) ان الواقعية هي التي تمس المشكلة وتساهم في حلها
فقد سئم الناس خصوصا ان الزمن تعقد صراع الخير والشر وانتصار الخير في النهاية
وايضا سئموا القصص الغير واقعية فلا اعتقد ان هناك احد يمكن أن يقرأ روايات رجل المستحيل الذي يقتل في جزء ثانية 10 من أفراد العصابة
لذلك الاتجاه العام الآن للواقعية أما لماذا لانها من صلب المجتمع
واعتقد انها تساهم بشكل رئيسي في حل المشكلات لو وجدت دراما فاعلة.
أما حكايات سودانية هي في مرحلة المخاض الدرامي اي في بداية الطريق واعتقد انه لو صبر عليها الناس فسيكون انتاج جميل .
لك الشكر
خليني النشرب لي جغمة

دعد كتب:

والله جبنتكم ريحتها حللللوة

جابتني من اخر الشارع

كيف يا عمو ود ابنعوف

عمو هومي هنا

يامرحبا يا مرحبا

عندي ليك كم سؤال يا عمو هومي بمناسبة الكديسة الجات ماره دي

أولا انا بهرش منك ليه؟؟

طبعا انت كاتب روائي ممتاز ماحاولت تكتب شعر او خواطر؟؟

قصصك دائما تحمل الطابع التراجيدي.. لماذا ؟

اشرب ليك جغمة وبجيك تاني

الكلام طار لي عشان بهرش

الأخت الغالية دعد
بالنسبة للشعر والله انا بحب اقراه بس لانه بعتقد حاجة مقيدة بالوزن والقافية والكلام الموزون يعني داير ليه مواصفات معينة اعتقد انها مافيني انا . أنا بحب اطلق لقلمي يكتب مايشاء فكرة تنمو لتصير هدفا مفيدا. واقولها ليك ببساطة لو في زول قال ليك احكي لي حاجة حصلت امس ممكن تصيغيها ليه بصورة بسيطة لكن لو قال ليك احكي لي الحاصل دا بي شعر اكيد الا زول يكون شاعر بس . عشان كدا انا مابقدر اكتب شعر لانه مقيد فقط أخرج أفكار تداعب زهني بالصورة الشايفها انا مناسبة.
أما قصصي ليس كلها تراجيدية فقصة (دا كله عشان اريج ) درامية فكاهية اكثر منها تراجيدية ولكن بالفعل يغلب معظم قصصي يغلب عليها الطابع التراجيدي . لان الحياة عامة أحزانها اكثر من أفراحها والشي الثاني انني أحمل في دواخلي حزنا لم استطيع ان انساه أبدا. وهي سري الخاص . فقد يكون هو مؤثر في بناية قصصي

لك الشكر يادعد

فنجان صباحى

ود ابنعوف كتب:فنجان صباحى

اين هوومى من السياسة


ما يدور فى الساحة السودانية كيف يلخصه هوومى


هل السودان يسير فى الاتجاه الديمقراطى الصيحيح


والى اى حزب ينتمى هومى


يللا اجغم فنجانكـ

عزيزي ود ابنعوف
حينما كنت في الجامعة (خصوصا لما كنت برلوم) كنت تائها وسط زخم من الأحزاب المؤيدة والمعارضة للحكومات (قليلا ما افوت اي ركن نقاش)
حينما يطرح أي حزب برنامجه أتعاطف معه لان الكلام حلو والبرنامج جميل
ومايلبث ان تكذب أفعاله أقواله
نحن شعب نجيد الكلام عزيزي ابنعوف
وحين تخرجت اصتدمت بواقع أليم إسمه حرف الواو (واسطة ) فكرهت العطالة والسلبية التي أعترتني تلك الفترة
وهاجرت للسعودية ومنها للامارات وكنت حين أنزل اي إجازة امتع نفسي بين الأهل لذلك بعدت عن السياسة تماما
حالي حال معظم السودانيين الذين يجديونها نظريا فقط.
الأن أشاهد مايجري في السودان في التلفزيون باهتمام بالغ وخوف وحزر
خوف من القادم سواء كان حكومة او معارضة
وحزر من ماينتظر السودان من مستقبل في الفترة القادم
ابنعوف الله يعين السودان والسودانيين من قادته
كفانا ياعالم

ود ابنعوف كتب:

السياسة غريبة وعجيبة

يمكن عدو الامس يكون صديق اليوم


بلد كالسودان هل تتطبق فيه الشريعة الاسلامية

وانه السودان متعدد الثقافات واللهجات واذا مسكنا جنوب السودان الغالبية مسيحية واسلامية ونسبة 5%

على ما اعتقد لاينتمون الى اى ديانات

هناك احتمالان
انفصال الجنوب او بقاءة في دولة واحد وفي الحالتين يمكننا تطبيق الشريعة الاسلامية
ففي حالة الوحدة يمكننا ان نعمل دولة كونفدرالية شمال يطبق فيه الشريعة وجنوب لا يطبق فيه وبذلك نحترم معتقدات الاخوة المسيحين وان كان هناك مخاطر في ذلك (مثلما يحصل الان في نيجيريا)
الثاني الانفصال لو انفصل الجنوب ذو الأكثرية المسيحية يمكن للسودان ان يطبق الشريعة خصوصا انه السوداني بالفطرة بيطبق الحدود الشرعية.يعني ماغريبة عليه .

ولكن عموما اعتقد ان السودان في الوقت الراهن لايمكنه تطبيق الشريعة مع ظهور تيار قوي ومدعوم من اليساريين للعلمانية في الساحة السياسية لذلك فتطبيقها سوف يجد معارضة قوية من الجنوبين وبعض الشماليين
ولكنها هي الحل لكافة قضايا المسلمين بدون شك

ود ابنعوف كتب:وهذا بقود للسؤال


الا ترى انه تطبيق الشريعة الاسلامية فى الزمن الراهن على المستوى العربى ولاسلامى صعب

وخاصة مع انفتاح العالم وبقى العالم كقرية صغيرة


واذا نظرنا لبعض الدول التى كانت تطبق الشريعة الاسلامية انها غير متشددة الا ترى انها صعبة تطبيقها

فى السودان


وانه السودان يمثل بوابات دخول للعرب الدخول للافارقة والعكس بالنسبة للافارقة

تطبيق الشريعة ماصعب ياود ابنعوف
الصعب هو وضع الصورة الصحيحة للاسلام وشريعته وسط الهجمة الشرسة للاعلام الغربي وتأثر الاجيال به
إذا الخطوة الأولي هي الاعلام الاسلامي الصحيح ودعمه وتقويته خصوصا في زمن العولمة الحالي
الخطوة الثانية تركيز قيم الأسلام خاصة في الشباب وتهيئة الجو الاسلامي الصحيح للتطبيق
ثم يأتي دور تطبيق الشريعة
والحمد لله ظهر حاليا تيار وسطي معتدل لامتعصب ولا منحل وأبرز قادته دكتور عصام احمد البشير ودكتورعائض القرني واستاذ عمرو خالد ودكتور طارق السويدان فهذا الاعلام المعتدل هو بارقة امل حقيقية في تصحيح الصورة الخاطئة الماخوذة عن الاسلام
عندها فقط استطيع ان اقول لك نعم يمكننا تطبيق الشريعة

حبوبة كتب:سلامات يا ود ابنعوف

وجبنتك المرة دي طعمها غييير لك عليها شكرا وفير

هومي بجلالة قدره .. سلامات يا تومي :d

بسم الله كدي أولا هاك تنّي معاي .. وقول لي اجيب ليك من نوع وايا والا ابقى حنينة زي السادة المضيفنك !!

دايرين بيان رسمي عن الحالة الاجتماعية (كامل) بدون مراوغة.

عندما قيل الطيب صالح .. القراء يعتقدون أن مصطفى سعيد يحمل منك الكثير قال ليس صحيحا فأنا أحمل كثيرا من مواصفات الزين .. أين انت في قصصك الجميلة ؟

لقيتك صدفة كدي نسخن الطارة ونجيك

اهلا ياحبوبة وحبابك الف
ياستي مافي هروب ولا حاجة
الحالة الاجتماعية هارب من المسئولية (فهمت ولا افهمك اكتر )
الطيب صالح وجد نفسه في الزين ولكنه تنكر لشخصية مصطفي سعيد (أحرقني في معبدك أيها الأفريقي الأسود)
أما أنا فبصراحة ياحبوبة لم أجد شخصيتي فيما رويت من كتابات وذلك ببساطة لأنني نفسي أبحث عن نفسي . ولما اجدها ستكون هناك رواية أخري عنها.
حبوبة انا أصلا كنت خايف من وايا هسي بقيتوا اتنين والله الزنجبيل بقى لي شطة بس
اها منتظر السعال الجاي

وينك ياحبوبة خلاص أسئلتك كملت
أفحمتك مش كدا

هومي اول شئ نورت القهوه سوري للشباب بس نهر دي انا طولت ما دخلت المنتدى ولقيتها سايبه سؤال للاجابه فعذرا لانني ساجيب وان كان ذلك متاخرا بعض الشئ
نفسر ليك الظواهر اولا لتصحيح المعلومه يتقبل السودانيون المنقبه بصدر رحب وان كان هناك من يرفض النقاب ولكن يبقى الزي هو في قائمه الحريه الشخصيه ولكل شخص حرية ارتداء ما يشاء انا شخصيا لااجد ضيرا في النقاب ولا حاجه لتجنب صاحبته بس بصراحه اللبس في الخرطوم وبيروت واااااااااااااحد مافي فرق
تواجدي قليل يمكن وللاسف لانو انا سوداني في صورتو الجميله اختفى مع الاعتذار لجميع الاعضاء بس المنتدى بقى ما زي زمان
يسلمو يا نهر ونورتي القهوه ومعليييييييييييش للتاخير جاوبتك في قهوة هومي
بالنسبه ليك يا هومي باخد لي لفه واجيك راجعه تكون القهوه اتحضرت ولا شنو