مجادعات شعبيه

[حبوبة]

[quote="لبيب"]خبري مع الغرام سمعوهو القراب والبرا
والبراق برق شال قلبي خلاهو برا
كان في طريقة من الريدة تب بتبرا
شوقا نوسر بي ومابي تب مايبرا

مُر الغرام أمراً بغلب الصُلاّح
وان طاب حياتك بيه خير وصلاح
لا تتبرّا منو يا جنا الصُلاّح
يمكن عتبتك تبقالك بُشرى وصلاح

[مهاجر في البلد]

الليلة البريق من غادي جاب اخبار
والنسام هبوبو كاتحه فوقا غبار
السبب القبيل خلاني فيك احتار
سمحة وفنجرية بين الصغار وكبار

[الضراع]

النسّام وكتين عبرك وساق لِي من ريحتك عبق
صحا الشجون نجوى العيون وطاف بالمخيل ما قد سبق
يوم لقانا ساعة صفانا وما تلاها من لوعة وأرق
ذكراك معاي ما انتقص نشواها لحظة ولا الألق

نسام الصعيد الليله جابلو عطور
طراني وطريت اللبسوها حجول
شكلو حريف.. وجسمو نضيف.. مولع نور
تاجوج لو شافتها تركع تقول.. معقول......

التحيه لكي حبوبه
وابقي واصله

[الضراع]

الليلة البريق من غادي جاب اخبار
والنسام هبوبو كاتحه فوقا غبار
السبب القبيل خلاني فيك احتار
سمحة وفنجرية بين الصغار وكبار

الليله البريق بق بقه جابلي عــــــــــــــــلوم
والنسام نسم من عيني طرد النــــــــــــــوم
السبب الخلا قلبي بيك مهمـــــــــــــوم
جميله جمالا في البنات مـعـــــــــدوم

التحيه والتقدير لك
اخي مهاجر
ابقي واصل

[حبوبة]

اخوي يالبيب انا والله ماني شاعر
لكن الشعر بحسو حس ومشاعر
قلت اباريكم ممكن اكون نص شاعر
وبعد كم سنة يقولو الضراع الشاعر

تحياتي لبيب وهامس
والتحيه موصولة للغائبه الحاضره
اختنا حبوبه

وصلتي بارد سلامك فارس حِمانا الساتر
وردّها من القلب جاك من دون ساتر
مع طيب الدعا عبر الأثير بلا ساتر
يتم مرادنا يديم ودادنا ذو الجلال الساتر

[حبوبة]

اهنيك بشعرك الاسكيلو عالي شديد
في حق لبيب قول في كلامك زيد
ماتنسي حبوبه اللي الشعر بتجيد

انا برجع ولي كلامك أعيد انا ماني شاعر علة ياريت
بس لي وصف المشاعر بنظم أجيد
واصلي مبارية هامس من قولة تيت
لبيبنا ما شاء الله حريف في نظم القصيد
اهو وراهم بخربش عساه ف يوم نظمي يكون فريد

[حبوبة]

أخوى لبيب فارسا فى الشعر صنديد
فى نظمـ الدرر وحدو عقدو لونو فريد
كان لى حبوبه ديك ال للشعر بتجيد
أحسبو روعه نضمها لوعه... ليهو بريد

أيا اللبيب بحار وليه في بحر الشعر بالدرر نستبشرو
أما انا !! هوي يا جنيون راسي لا تكبرو
وجنس الكلام ده لا تكترو بكرة بكرة بتتحسروا :D
تقولو شوف ديل "شكرناهم صدّقوا وافترو"

[حبوبة]

ما متاقـله حبوبه بس بتاوق من... بعيد
عارفه الريده شديده وحبنا ليها... تليد
لما تغيب يردد شوقنا حبوبه حبوبه نشيد
حباك الله ورسولو وغطوك بحباب الريد

لبيب يا غريد

أيا صُح ياخوي وين ما القاها العنكبوتية
بلا رضاي "اناسوداني" تكتبها ايديَّ
أدخل أبل الشوق ويتنفسن عينيَّ
بي شوفة الحبان الصاروا مني وفيَّ
:064: هامس يا فريد

[حبوبة]

[align=center]ليكم مني كل الريد وتاني مزيد
في درب المسادير والله زاتي جديد
هامس والضراع اخواني انتوا شديد
وين حبوبة شان العقد يبقى فريد[/align][/b][/color]

شاطر يا اللبيب ما بتتلدغ مرتين
قاااعدة حبوبة وعارف عليك العين
يخلينا يود حلوين وما يضوِّقنا يوم البين
وزي ما حبيتكم فيه يجمعنا دنيا و دين

[الضراع]

منوسر حبهم جوه القلوب جارحـهـن
صعيب فراقم ياعشاى وطى فايـلهـن
راجنو الكريم لجروحنا يداوى يطيبهن
يهدى العزارى ويبقن للقلوب دكاترتهن

موكر حبهن جو القلب مخزون
اليوم البجيب فراقهن والله مو مزيون
يارب ياكريم اتهون المــــــــــــأزون
اتلم والبريدها قبل القيامه إتقوم

[محمد نعيم]

جيتكم يا ناس هو قاصد معاكم اجدِع

ماني شويعراً لكن لو اتعلمت ببدِع

[الضراع]

ببدا باسم الله وبقول
اخونا الضراع .....فى حوى الحى الما بزول
تبقى طيب وعمرك يطول
لى اخياتك ..تضوى نور
تبسطن فى فرحه وسرور

الليله عايزادعي ليكي كان الكريم يجيب
بكره في مكه جنبك اعز حبيب
بعد العمره تمشيي تاني زي مااتريد
في رابغ سكونك في بيتا نظيف ا وجديد

ههههههههههههه
اها يامها قولي امين

[مها]

الليله عايزادعي ليكي كان الكريم يجيب
بكره في مكه جنبك اعز حبيب
بعد العمره تمشيي تاني زي مااتريد
في رابغ سكونك في بيتا نظيف ا وجديد

ههههههههههههه
اها يامها قولي امين

يسمع منك الله وفى رابغ تكون لى جار
اصلك كريم ولى والديك مفضى البال
مطروح الجبين وجهك هلالا دار
ممدود كفك نديان للبعيد والجار
بفتخروا بيك الناس البى يمين ويسار

[حبوبة]

دهجولو الطلح ملص عقيدو اوتـــــــــــــيلو
تلت البوخه قام عرقو الصفيح ماابشــــــــــيلو ؟؟

طريتني الزمن الظريف زيف الخريف ودفا الحفيرة الوالعة :D
أمات الخدورمابين الطلح والشاف العطور كيف طالعة
يتنعمن بالدلكة ويتبخرن بالفركة والقمرة فوقن شالعة
آه من ديك الليالي الشمارات والدخاخين قالعة

[حبوبة]

الليلة البريق من غادي جاب اخبار
والنسام هبوبو كاتحه فوقا غبار
السبب القبيل خلاني فيك احتار
سمحة وفنجرية بين الصغار وكبار

بلحيل.. زينة وفنجرية السمحة ست الدار
طولت رايداك ترفض في القريب والجار
دون شبان الفريق خليت حياتها ودار
وات دوبك لحظنها بعد ختت لك الشبّال !!!

[مهاجر في البلد]

[align=center]الشبال المكرب خلاني ليك اتشابا
يا زينة الشباب نارك تقول تقابة
السبب القبيل خلانا يوم نتلاقا
نار الحب بدت تحرق قلوب مشتاقة[/align]

[هامس]

أيا اللبيب بحار وليه في بحر الشعر بالدرر نستبشرو
أما انا !! هوي يا جنيون راسي لا تكبرو
وجنس الكلام ده لا تكترو بكرة بكرة بتتحسروا :d
تقولو شوف ديل "شكرناهم صدّقوا وافترو"

يابت عزالرجال الكِِبَر الله لا جاب خبرو
هميم الهولِِك كان جابو لى طارى ذكرو
ماظنى لى قـليبو يقتل... سمع شكرو
لى جنياتك يحفظك المولى ليكى هم يبرو

[هامس]

انا برجع ولي كلامك أعيد انا ماني شاعر علة ياريت
بس لي وصف المشاعر بنظم أجيد
واصلي مبارية هامس من قولة تيت
لبيبنا ما شاء الله حريف في نظم القصيد
اهو وراهم بخربش عساه ف يوم نظمي يكون فريد

التواضع ياهو شيمة المتلك يابت السيد
وهامس لى متل الهولكم يادوبو بِِحبا جديد
منكم لى نظم النم والجر يجابد والقصيد
عسى يوم عليهو.... يقولو شاعر فريد

[هامس]

الليله البريق بق بقه جابلي عــــــــــــــــلوم
والنسام نسم من عيني طرد النــــــــــــــوم
السبب الخلا قلبي بيك مهمـــــــــــــوم
جميله جمالا في البنات مـعـــــــــدوم

التحيه والتقدير لك
اخي مهاجر
ابقي واصل

برق البريق شلع من جهة وادى الريومـ
ضاويه البنيه ضى الشمس بين الغيومـ
الخلى نومى خزاز وسهرنى مع النجومـ
جمالا المتلو..خلا قيس فى الصحار يحومــ

[هامس]

الليلة البريق من غادي جاب اخبار
والنسام هبوبو كاتحه فوقا غبار
السبب القبيل خلاني فيك احتار
سمحة وفنجرية بين الصغار وكبار

[size=4]الليله البريق سطع من غادى ولع نار
لى قـليبى جهجه وعقلى صابو دوار
السبب الخلانى فى هواك مالى عزار
جمالك فـتنه..و قـالو الفتنه فيها النار[/size]