مســـــــــــــــــــدار + مســــــــــــــدار

[mohamed merghanh]

للراكوبة جاكم عابر سبيل ومبشتن
فى سابق عهودو قال سدارو وكشتن
غسل لى حروفو مالى جردل وطشتآ
يا بنوتنا هوووى والله سلمتن وعشتن

سخنت للماسورة بطلقة ماها فشنك
بدت مسارها فى حلفا وانتهت فى الرنك
جيتكم وللسدار عبيت مليت التنك
وشيكى ماهو بطير سليم وضامنو البنك

ليكم جت تحايا وجيتكم أكوسو دوايا
وجبت لى كراسي وقلم معاهو دواية
يا قول السدار جمعتني بيك هواية
بى نمة يا الصنديد بزيد هواك وهوايا

[شـهد الكلامـ]

اخوى الكريم محمد الف مرحباااااااااااااااااااااااااااااااااااات بيك معانا فى مسدارنا المتواضع

وسعيده انك معانا اكيد وامكن لفت نظرى انو اول مشاركه ليك فى المنتدى كانت على المسدار مباشره

انت زول عارف دربو كويس :D

تعال نرحب بيك فى منتدى الاصدقاء وبعدين ليك علينا الضيافه فى الراكوبه كم فنجان قهوه كدا وبعدها نجى نواصل بهنا

حقيقى ارى موهبه ممتازه تجمع ما بين المسدار والحلمنتيش ممتاز جدا اخوى ومحبتتتتين بيك تانى وتالت ورابع

[شـهد الكلامـ]

يــــامحمد حبـــــــــــابك ميه وانت اسمك معلم
ادخل جوه مااااااااااااك ضيف وماااااك مضيم
الدار كان ضاقت عليك فى الراس نختك تسلم
ليك شهد الكلام بتدوبى ومهند بطاروا ترنم

[mohamed merghanh]

اخوى الكريم محمد الف مرحباااااااااااااااااااااااااااااااااااات بيك معانا فى مسدارنا المتواضع

وسعيده انك معانا اكيد وامكن لفت نظرى انو اول مشاركه ليك فى المنتدى كانت على المسدار مباشره

انت زول عارف دربو كويس :D

تعال نرحب بيك فى منتدى الاصدقاء وبعدين ليك علينا الضيافه فى الراكوبه كم فنجان قهوه كدا وبعدها نجى نواصل بهنا

حقيقى ارى موهبه ممتازه تجمع ما بين المسدار والحلمنتيش ممتاز جدا اخوى ومحبتتتتين بيك تانى وتالت ورابع

فى ساحة المسدار قلبى مدفون نصفو
لو ما نم غني حالو تب ما بصفو
وين منتدي الاصدقاء مانى عارف وصفو
عرفت دقداق دربي وحالآ بحاول رصفو

[شـهد الكلامـ]

من تدخل وتوك لمنتدانا ملافىىىى
تلقاهو بيمينك اسال اى زول بهناك تلاقيو لافىىىى
تعال داخل هناك سجل حضورك بتلاقينى ليك بلافىىىى
يارفقه بتسر وياخ ياكريم من حرفك بحيك واكيد اتنين زيك مافىىىىىى

[مهند عبد الرحمن]

مرحب محمد والمسدار بيك منور
تعال لينا بتلقانا للشعر نحن ندور
نرصف في الشعر نلخ في مونتو ونكور
بيك فرحتنا أكيدة والليلة نقيف ونصور

في درب الشعر اظنك ليك صولاتك
وين من زمان بندور نشوف جدعاتك
في وصف الحسان قول لينا وين حركاتك
نرشف من شذاك وما تنسانا من دعواتك

[شـهد الكلامـ]

مهند اخوى فاقداك وينك اخوى عساك طيب؟؟؟؟؟؟؟؟؟؟؟؟؟؟:





(

[mohamed merghanh]

يــــامحمد حبـــــــــــابك ميه وانت اسمك معلم
ادخل جوه مااااااااااااك ضيف وماااااك مضيم
الدار كان ضاقت عليك فى الراس نختك تسلم
ليك شهد الكلام بتدوبى ومهند بطاروا ترنم

كبري للحروف أنا شوفى باقى طشاش
أصلو السن طعن مفلوق وداير شاش
وكان شفتي الأضان أتقل من القشاش
بتسمع زي الهمس صوت مدفعآ رشاش

ترحيبك وصل خلاني ناقز وعارض
يوم عجبك حريفى الجبتو ليكم عارض
يا الفحل المجاري يلاكا انجع عارض
ويكفينا الإله شر العيون والعارض

[mohamed merghanh]

من تدخل وتوك لمنتدانا ملافىىىى
تلقاهو بيمينك اسال اى زول بهناك تلاقيو لافىىىى
تعال داخل هناك سجل حضورك بتلاقينى ليك بلافىىىى
يارفقه بتسر وياخ ياكريم من حرفك بحيك واكيد اتنين زيك مافىىىىىى

يا اختى مشيت بهناك وراسي حالآ لفه
كيف أدخل وأقول وأنا دابى فوق اللفة
خليني فى المسدار ال للمتيم لفه
أغنى زى ترباس وعمامتى ديك تتلفه

[مهند عبد الرحمن]

ود ميرغني اخوي بالكبر ما تحكيلي
دخل علينا خلاص من قلت ياويلي
في المشي اتلز وما شايلني تب حيلي
وين يا زمن الصبا غنيلي قول يا حليلي

[مهند عبد الرحمن]

اختنا شهد يديك العافية موجود بس والله مشاغل الدنيا

[mohamed merghanh]

يا مهند أخوي أقبل استئذانى
دا الفجر الطلع آذانو قى آذاني
خليني النركع وأمسح هموم أحزاني
وراجعلك أكيد أنثر حداك أوزانى

[مهند عبد الرحمن]

يا ود ميرغني امشي صلي صلاتك
ما تشوف شر انشاء الله الصبح مافاتك
سبح الكريم وكتر لينا من دعواتك
راجينك تب بندور نشوف جدعاتك

[mohamed merghanh]

ود ميرغني اخوي بالكبر ما تحكيلي
دخل علينا خلاص من قلت ياويلي
في المشي اتلز وما شايلني تب حيلي
وين يا زمن الصبا غنيلي قول يا حليلي

الكبر الحصل نشف عروقى الجفت
فى سوق الحسان أبكى بس وإتلفت
حالى داير عمرة تظبط مكنتى الخفت
وما بنفع العطار الكان عضامو إتفت

[مهند عبد الرحمن]

الكبر يا اخوي لبسني توبو واتلفحت
نساني الحسان قحيت واتنحنحت
كان بي دي الحالة ياني المشيت واتزحزحت
وين تاني الشباب الكنت فيهو سرحت

[mohamed merghanh]

الكبر يا اخوي لبسني توبو واتلفحت
نساني الحسان قحيت واتنحنحت
كان بي دي الحالة ياني المشيت واتزحزحت
وين تاني الشباب الكنت فيهو سرحت

حليل زمن الشباب يوم كنت عودك نادي
لبست الشارلستون وسكنت جوة النادي
أفكار الشباب كل مرة ليكا تنادي
كسرت البنات لا سبت مي لا هنادي

[مهند عبد الرحمن]

بنات حواء نحن خلاص قفلنا لي ابوابن
ما تصدق كلامن وما يغرك لبس جلبابن
اسمع نصيحتي وما يسكروك بي شرابن

[الاغبش]

يا محمد حبابك في مسدار السريرة الصافية
ماك ضيف ملك في بيت ملوك القافية
سجعك بالجد سراني وقلب علي الواجعة
ورينا كيف دؤانا من ام نظرة ناجعة

[شـهد الكلامـ]

اخونـــــــا محمد نظمـــك تقول عقد منضوم
وصفك جميل واضـــح بالقــــــــــافيه مختوم
حس مرهف معاو نكهة اظنك من بنى مكتوم
كبر العظام بالروح اخوى ماهو بالعمر ملزوم

[شـهد الكلامـ]

الاغبش محيااااااااااااااك بالرفقه الطيبه بيبشر
تظهر وتحتفى زى برقا لاااااااااااح وسط مطر
زى هلال ظهر وسط الغيوم بيعلن بداااية شهر
زى بسمه زعلان ظهرت فجأة دساهااااااا القهر