عضوة فعالة في المنتدى .. قدرت في فترة وجيزة تكسب ود الأعضاء وأنا بديها شرف امتلاك أكبر مصيبة في المنتدى وهي البوست دا
ما رأيك بنفسك كعضو في المنتدى؟
ما تمام .. لكن بنحاول نكون كويسين على قدر الامكان
هل أنت راضي على ما قدمته إلى حد الآن؟
لالا لسه .. ماعملت الشي المطلوب .. المنتدى ما بالمفهوم الساهل الممكن نقول عنو إننا قدرنا نعمل شي ليه
هل إستفدت من منتدى ( انا سودانى ) أكثر أم أفدت أكثر؟
والله استفدت أكتر ..
اكثر موضوع له اعجبك؟
عضوين في قفص المواجهة ..
موقف حصل لك معه؟
مافي شي لسه ..
اكثر صفه تعجبك فيه؟
بتعمل الحاجة العايزاها .. والعايز شرح يجي الرسائل الخاصة ..
صفه ماتحبها فيه؟
مسكينة
اطلب منه اي طلب مثل ينزل موضوع باي قسم تختاره؟
السؤال دا فيه ثغرة .. مكتوب أطلب أي طلب وبعدين مكتوب مثل ينزل موضوع .. أها أنا ماعايزها تنزل موضوع .. عايزها تمشي تنزل أغنية عم عبد الرحيم .. كاملة mp3 للفنان مصطفى سيد أحمد ولو ماكاملة أو ماقدرت تنزل بوست تقول ما قدرت أجيب الأغنية يا ود الزوحي .. بالله النقطة أي زول يسجلها عندها في الحيطة عشان ما أنسى .. كويسة للشمشارين الحتة دي !!
يرد على اي موضوع انت تختاره؟
بوست خواطر زول مهترش !!
اول موضوع قراته له؟
ماذا ستكتب على جدار الزمن
نصيحه تقدمها له ؟
الباب البجيب الريح سدو واستريح ..
ماهو أكثر قسم تشارك فيه بالمنتدى؟
الأدبي
لو طلبوا منك اتغير شي في ملفك الشخصي , تغير ايه؟
قائمة الاصدقاء
كم مرة قلت: أوووووووووووف خلاص بطلع من المنتدى نهئيا؟
مرة وحدة !!
من العضو إللي مباشرة لما تدخل المنتدى تشوف إذا كان متواجد أم لا؟
حاليا مافي
ماهو السؤال إللي توقعت أوجهه لك بس أنا ما وجهته؟
يعني شنو ود الزوحي
كلمه اخيره تقولها له؟
الرجال صناديق مغقلة .. ولعبة الحظ هي ما بداخل تلك الصناديق !!
ورايك شنو في الكلام البيتهم بيه كثير من الاعضاء شباب جده من ناحيه انهم شباب استهتاريين ؟
كلو واحد حر في كلامه .. انا ما مجبر أقنع زول بحاجة هو مامفتنع بيها .. ويا خبر الليلة بفلوس !!
حصلت مواجهات قبل كده بينكم وبين شباب الامارات السبب شنو في المعاداه الحصلت ؟
والله ما بينا وبين شباب الامارات إلا كلو خير .. ومواجهات دي مااااااااااااااا ظنيت تكون في .. بس الموضوع اتفهم غلط وكان كلو هظار وضحك بس في بعض البنات اضايقو فحبينا نوقف الموضوع دا .. وتحية لناس الامارت فردا فردا ..
في يوم من الايام كنتو اصحاب القلب الصحبه دي عداوه شنو ؟
حاليا علاقتنا جميلة .. يبقى كلامك ما صح وعشان الصورة توضح ... انا بعرف اربعة من ناس الامارات .. بلبل و ادهم والفرح والاشيتر .. ولغاية حسي ما حصل بينا إلا كل خير .. وبلبل أقرب واحد مني ممكن تسأليهو
هسي علاقتكم كيف مع بعض لانو الملاحظ مافي زول بيحتك بالتاني ؟
مشاغل الدنيا بس ما أكتر
قلت خليك المنتدى مره واحده قبل كده كان السبب شنو ؟ ولما رجعت كان السبب شنو برضو ؟
كان بسبب بعض الكلامات الحصلت بسبب بوست أخطأت معها ويصعب علي الاعتراف ؟؟ ورجعت عشان حروفي صعبت علي واشتقت ليها ..
رايك شنو في الشخص المتزوج وبيبحث في علاقات جديده من خلال النت مع اخفاء حقيقة انو متزوج ؟
منافق
ولو كان الشخص ده صاحبك حتنصحو بشنو ؟
والله الدين النصيحة .. حقول ليهو افتح ليك باب علاقة جديدة مع مرتك .. وصفحات الزمن كتيرة كل يوم بلون خلي البتسوي فيهو دا .. اها سمحة النصيحة
ليه اضفتيني تاني في البوست دا .. والا شايفة إنو مواجهتي الفاتت ماكانت كافيه ؟
انت مصرية .. الجابك لمنتدى سوداني شنو .. هل حبا في الشعب السوداني .. والا ألوان المنتدى عجبتك .. ناهيك عن إنك أكيد مشاركة في منتديات تانية غير سودانية ؟
هل مشاركاتك في المنتديات التانية بنفس المستوى .. وهل عندك نفس البوست دا في المنتديات التانية ؟
نبرة فرح .. كانت مخطوبة لزول في المنتدى .. حاليا وضع العلاقة واسم الزول منو ؟
ذكرت فيما بين السطور .. انك ندمت على علاقة كانت بداخل المنتدى .. مع من كانت العلاقة .. ولو السؤال صعب أشرحي لينا السبب بس دون ذكر الاسم ؟
اشمعنى محسية .. هي العضوة اللي بتدخلي تشوفيها كتبت شنو اول ماتدخلي المنتدى .. الباقين ما بيعرفو يكتبو ؟
أيهما افضل في نظرك .. المنتديات السودانية أو المصرية .. من حيث
المعلوماتية
ترابط الأعضاء
المراقبين والادارة
رايك شنو في حكاية المراقبة اللي ابتكرها استاذ صلاح
أغلب مواضيعك منقولة .. أو ما بتشكل فكرية خاصة .. يعني أعتقد موضوع المواجهة أقرب لبوست الكرسي الساخن .. بوست ماذا ستكتب على جدار الزمن .. زي ماذا ستكتب للشخص الفي بالك في وجهة نظري .. رايك شنو ؟
هل فعلا انت حسيتي بنبرة الفرح عشان كدا غيرتي اسمك لفرح بدل حزن ؟ الحزن هو الاكبر فى حياتنا
عشان كده لمن جانى الفرح مسكت فيه وغيرت لنبرة فرح
ليه اضفتيني تاني في البوست دا .. والا شايفة إنو مواجهتي الفاتت ماكانت كافيه ؟
اضافتك لانى عندى ليك اسئلة كتير وكمان المواجهه اللى فاتت كانت جميلة بس هادية وانا حابه اطلع المستخبى
بصراحة كده الشجون كانت رحيمة لكن انا ناوية ليك عديل كده...:
انت مصرية .. الجابك لمنتدى سوداني شنو .. هل حبا في الشعب السوداني .. والا ألوان المنتدى عجبتك .. ناهيك عن إنك أكيد مشاركة في منتديات تانية غير سودانية ؟
وليا الفخر انى مصرية .. والله من صغرى بعشق حروف السودان واهلها عشان كده حاسه انى نص مصرية ونص سودانية وده بشهادة السودانيين نفسهم .. كنت مشاركة فى منتديات تانية بس خدنى منهم انا سودانى وبقيت هنااااااااااااا وبس
هل مشاركاتك في المنتديات التانية بنفس المستوى .. وهل عندك نفس البوست دا في المنتديات التانية ؟
صراحة لله انا هجرت كل المنتديات ومتفرغة هنا فقط .. عندى نفس البوست
نبرة فرح .. كانت مخطوبة لزول في المنتدى .. حاليا وضع العلاقة واسم الزول منو ؟
والله كما قولت كنت ..مخطوبة .. حاليا اصدقاء بينا كل احترام وتقدير.. النورس المهاجر
ذكرت فيما بين السطور .. انك ندمت على علاقة كانت بداخل المنتدى .. مع من كانت العلاقة .. ولو السؤال صعب أشرحي لينا السبب بس دون ذكر الاسم ؟ هى علاقة اخوة صادقة للاسف انتهت بجرح عميق وشكل ما كنت اتصورو نهائى وبس
اشمعنى محسية .. هي العضوة اللي بتدخلي تشوفيها كتبت شنو اول ماتدخلي المنتدى .. الباقين ما بيعرفو يكتبو ؟ اكيد الباقيين مميزين ومنهم الرائعيين لكن محسية صديقتى الصدوق واغلب مواضعها بتحمل فوائد للجميع
أيهما افضل في نظرك .. المنتديات السودانية أو المصرية .. من حيث
المعلوماتية
ترابط الأعضاء
المراقبين والادارة
والله فيه منتديات مصرية جميلة جدااا لكن من حبى للسودانين والسودان شايفه انا سودانى افضل
خصوصا ترابط الاعضاء ما شاء الله لمات وونسة وضحك من القلب حتى الشكلة بتكون محترمة
المراقبين والادارة ما قصرو لكن مطلوب منهم اكتر بكتير من متابعة وتواصل مع الاعضاء
رايك شنو في حكاية المراقبة اللي ابتكرها استاذ صلاح
صراحة هى فكرة جديدة .. لكن المشرفيين افضل بكتير
أغلب مواضيعك منقولة .. أو ما بتشكل فكرية خاصة .. يعني أعتقد موضوع المواجهة أقرب لبوست الكرسي الساخن .. بوست ماذا ستكتب على جدار الزمن .. زي ماذا ستكتب للشخص الفي بالك في وجهة نظري .. رايك شنو ؟
احترم وجهة نظرك طبعا وما عيب انى اشوف موضوع كويس واحب اضيفه لكن كل العيب انى اخده
وانزلة بدون وضع لمسة خاصة واضافة من عندى وابتكار اسلوب افضل للعرضه وطبعا جدار الزمن مختلف عن الشخص اللى فى بالك دية كلمة موجه لشخص معين ودية كلمة للذكرة نصيحة .. واعتقد هناك فرق شاسع يمكن تشابه العنوان وبس
بتتعامل بشئ من التعالى والغرور وتتجاهل الرد على الاعضاء ؟؟ رايك شنو فى الكلام ده؟؟؟
دا ما غرور .. وزي ماقلت ليك ماشرط الواحد يكتب عشان يلقى رد الفائدة ما بكون مقابلها شي .. دا كلو مافي الموضوع بخصوص ردي على الاعضاء ممكن تتابعي مشاركاتي برد في حالة كان في حاجة تستدعي الرد .. وبدون تصنع !!
كنت على علاقة حب فى المنتدى وانتهت بسبب بوست صحيح؟؟ شايف ده سبب قوى؟؟
ماكانت حب .. كانت بداية لقصة حب وفشلت بسبب البوست وتداعياته .. وفعلا سبب قوي طالما إنك عارفه السبب والمنتدى أغلبيته عارف السبب ..
فى اعتراف ليااا قولت انك ما حابب تعمل صداقات فى المنتدى... ايه السبب مفيش حد عجبك ولا شنو؟؟
أيوة ومازلت ماعايز صداقات .. خليها بس كدا للظروف .. المنتدى اصبح بالنسبة لي عبارة عن صفحة إلكترونية بعبر فيها عن حاجات بحسها .. وبخصوص مافي واحد عاجبني بقوليك البتلدغ من الشوربة بنفخ في الزبادي !!
الركوبة كانت مكانك المفضل فى السابق هجرتها السبب شنو ؟؟
انعدام الروح الحلوة .. و كترة النفس الوسواسة !!
لو كنت كنترول عضو يستحق الحظر النهائى منو ؟؟
اي عضو ماعايز المنتدى ححظره .. والماعايز المنتدى بكون معروف للجميع من خلال مشاركاتو وردودو على الاعضاء ..
ما رايك بكنترول 4 ؟؟
جزار الراكوبة ..
رايك ايه فى الاعضاء دول بمنتهى الصراحة
محسية ..
متسرعة وبتحكم بالظواهر
الضراع ..
شخصية مقنعة بقناع آخر ..
بعد الزمن ..
برا الزمن .. شخصية غريبة
ودابنعوف
الحروف ما بتوفيه حقه .. إنسان بكل معنى الكلمة
محمد نعيم
عضو بتاع مشاكل ..
مها
عضوة سميعة ..
بالنسبة للاجابات .. الخاصة بالاعضاء ديل .. دي وجهة نظر شخصية من خلال متابعتي ليهم واحتكاكي بيهم واحتمال برضو اكون الاعضاء عندهم راي تاني .. وزي ماقلت يا نبرة كان مجرد راي !!
ما رايك فى الثورات العربية وخصوصا المصرية ؟؟
زادت عن حدها .. يعني كان الهدف تغيير النظام الحاكم .. حسي قالو العايز زيادة راتب بمشي ميدان التحرير !!
تتمنى تقوم ثورة فى السودان ؟؟
لو في عائد ملموس أو شي مرتقب ممكن يفيد البلد كنت حتمنى .. بس الحال من بعضو
هشرب شاى وبرجعلك
لو جاتني مشكلة مع الأعضاء حتكوني إنت المسؤولة .. شيلي شيلتك !!
يعني معترفة انو أغلب مواضيعك فكرتها منقولة .. طيب مش أحسن انك تقولي في بداية البوست اعجبتني الفكرة وحبيت أطرحها .. ؟
قلت إنك متأكدة إنو موضوعك بتاع المواجهة حياخد وسام .. ليه هل أخد وسام في منتدى تاني عشان كدا قلت حياخد هنا بما إنو منقول ..
أديني رايك في الكنترولات ديل
2
3
4
5
6
7
8
9
10
عمو 1
الصراحة الزايدة .. وحسن اختيار الاعضاء في البوست بتاعك .. سبب كبير ليرمي بالبوست تحت قبضة الكنترولات وتحويله لموضوع محذوف .. رايك شنو .. ما متوقعه حاجه زي دي .. نسبة لأنو في أعضاء ما عندهم قشة مرة وبقولو العندهم ؟
نبرة في الحياة .. بتشتغل شنو .. وبتحب تاكل .. وأهم شي بتعرف تطبخ وألا لأ .. وأحسن حاجة بتعرف تطبخها شنو ..؟
يعني معترفة انو أغلب مواضيعك فكرتها منقولة .. طيب مش أحسن انك تقولي في بداية البوست اعجبتني الفكرة وحبيت أطرحها .. ؟ ما اغلبها لكن بعضه وبكتب مم اعجبنى او مم لمس احساسى
قلت إنك متأكدة إنو موضوعك بتاع المواجهة حياخد وسام .. ليه هل أخد وسام في منتدى تاني عشان كدا قلت حياخد هنا بما إنو منقول ..
خد افضل موضوع واتثبت لكن وساام لا لان هنا الاقبال من الاعضاء كان كبير جدااا
أديني رايك في الكنترولات ديل
2 ما متواجد عشان اعرفه
3 لسه فى البداية وما اقدار احكم عليه دلوقتى او اكون فكرة
4 صراحة قريب من كل الاعضاء نشيط جدااا ردودو مقنعه ومهذبه
5 ما متواجد ...
6 صارم حازم ما بيعرف شمال او يمين قطار واقول ليه اية( لو كنت فظ غليظ القلب لنفضو من حولك)
7 راقئ وهادى ومتواجد
8 ما تواجد ..
9 وش السعد علييييييييااا ومتواجد بصفة مستمرة
10 متواجد باستمرار
عمو 1 والله ما بيقصر
ونفسى كمان اقولهم كلمة ... يا ناس الكنترولات اشكركم على مجهودكم ورجااااء نريد المزيد الاهتمااام
بالمنتدى نريد افكاركم نريد التطوير للمنتدى واضافة كل ما هو جديد وافقكم الله للخير
الصراحة الزايدة .. وحسن اختيار الاعضاء في البوست بتاعك .. سبب كبير ليرمي بالبوست تحت قبضة الكنترولات وتحويله لموضوع محذوف .. رايك شنو .. ما متوقعه حاجه زي دي .. نسبة لأنو في أعضاء ما عندهم قشة مرة وبقولو العندهم ؟
انا شايفه المنتدى مفتوح لكل حوار بدون تجريح او اتهام او مهاترات والحمد لله البوست
ما جرح احد او اهان احد لذلك لا اتوقع حاجه ذى ديه نهائى
نبرة في الحياة .. بتشتغل شنو .. وبتحب تاكل .. وأهم شي بتعرف تطبخ وألا لأ .. وأحسن حاجة بتعرف تطبخها شنو ..؟ موظفة فى وزارة المالية
باكل عشان اعيش
طبعا نص نص يعنى مش طباخة بريمو
صنية بامية بالحمة الضانى ورز بالبن
الأكل السوداني علاقتك بيهو . العلاقة من بعيد لبعيد
