العلاقة بين الورد والفراش " غرامية "
أين خانة الفراش عندك ,, وما مواصفات الفراشة المستقبلية
* كلمة عالقة بالذاكرة .. ما هي ومن قائلها ؟
* بمن تأثرتي في نطاق المنتدى ؟
* من هو / هي ,, كاتم اسرارك ,, وملجئك الحنون , في محيط الاسرة ,, والأصدقاء .. والمنتدى ؟؟؟
* مقارنة بين حياتك في عمان ,, وهنا في السودان ؟؟؟
* لو كنتي " ولد " كيف ستنظرين للحياة ؟؟؟
* ما هي ردة فعلك ,, عند لقاء أحد هؤلاء الرائعين
بلبل ,, نانا .. عاشقة توتيل ,, فارماس ,, هندسسسسة
" أنا شخشيا في اثنين بقرضهم من ديل " بس انتي خليك محايدة
العلاقة بين الورد والفراش " غرامية "
أين خانة الفراش عندك ,, وما مواصفات الفراشة المستقبلية
-في حياتي شفت فراش كتيير لكن كل مره حتى امس مثلا لمن اشوف فراشه لو انا ماشه بقيف و اتأمل فيها كأنني بشوفها اول مره , الفراش رائع الوانه دي مبالغه و الجميل انها نحن البشر بتعجبنا لكن في الحقيقه هي دليل على شدة سمية و خطورة الفراشه و هي بألوانها بتحذر اي حيوان عايز ياكلها انها سامه و خطيره, كيف يعني فراشتي المستقبليه ... طيب مثلا احلى فراشة ممكن اتخيلها لونها بينكي و فيها خطوط بنيه و بيجيه و اجنحتها كبيره و ما مستويه في اطرافها مزكشه يعني
* من هو / هي ,, كاتم اسرارك ,, وملجئك الحنون , في
محيط الاسرة
بت عمتي -
,, والأصدقاء ..
صحبتي مروه
والمنتدى ؟؟؟
يعني حأقول ليكم ....
* مقارنة بين حياتك في عمان ,, وهنا في السودان ؟؟؟
طبعا عشت في عمان لحد 6 سنين بس بتذكر مشاهد كده ... كانت سنين حلوه بس السودان احلى مليونين الف ترليون مره و هي اعز مكان -
* لو كنتي " ولد " كيف ستنظرين للحياة ؟؟؟
حتكون لعب من بداية انه اتعلم المشي مشاغبه و فوضى لحد ما يوصل عمر 25 و بعدها ببدا يتزن و يعقل بالتدريج-
* ما هي ردة فعلك ,, عند لقاء أحد هؤلاء الرائعين
بلبل ,, نانا .. عاشقة توتيل ,, فارماس ,, هندسسسسة
" أنا شخشيا في اثنين بقرضهم من ديل " بس انتي خليك محايدة
-عاشقة توتيل ما بعرفها تمام ........ بلبل اول شي بركز في صوته صحي بلبل و لا لأ ..لو طلع صوته نايس ببعد بلبل الخليج "شعيل" و بخلي بلبل 2 مكانه :
نانا بديها موبايلي عشان تشوفه حكايته شنو و انا متاكده انه عيان شديد ..... بعدين بلعب معاها ليدو - "اونو " - شطرنج - كشتينه "ده لو بتعرف" و بخليها تجرب طبخي المملح
فارماس احسن يكون مع هندسه عشان بحس انهم تقريبا نفس المووود و بعمل ليهم مقلب في البدايه
طبعا انتي نايمه وبتاكلي رز مع الملايكه وانا بخطط اسالك من شنو واخلي شنو
-رز باللبن كمان و خبيت ليكي شويه على جنبه
يابت يا عسوله اول سؤال انتي عسل كدا ليه؟؟؟
-ما عارفه ليه .... لكن انت العسل و الله
بتحبي اي نوع من الورود؟
الورد "اسمه الحقيقي ورد " مثلا بسموه ورد بلدي في مصر بحب فيه اللونه وردي و احمر بمووت عليه
تتمني تزوري اي بلد؟؟
-تركيا و الهند
بتحبي السباحه؟
-عنددي مآسي مع السباحه , كل المرات الحاولت فيها غرقت عشان كده ما بحب السباحه
بتايدي المراه العامله ولا نفسك تبقي ست بيت وبس؟
-صراحه ما عايزه اشتغل لكن لو كان شغلي بجيب "موني" تمام ممكن اشتغل
بتعرفي تطبخي؟؟
-مكرر .... بخترع اكلات و مرات تكون ظابطه لكن اغلب الوقت الملح زياده
بتحبي اي اكله؟؟
-بحب الدجاج بالفرن و القراصه بالدمعه , الكريم كاراميل
ما الفرق بين فتاة المدينه والفتاه الريفيه؟؟
-فتاة الريف خجوله و مسكينه خبرتها بسيطه في الحياة , فتاة المدينه ملمه بالحواليها منفتحه اكتر , متعلمه و بتشارك في كل مجالات التنميه في المجتمع , في منهم القيم و المبادئ ما ليها معنى كبير عندهم
لو خيرتي بين الدراسه في السودان والدراسه في الخارج ايهما تختارين ولماذا؟؟
-طبعا الدراسه في السودان ... عشان اكون قريبه من اهلي و القرايه تمام في السودان في اغلب المجالات
كملتي لعبك وانتي صغيره ولا حاسه انو عندك باقي لعب ماكملتيه؟
-ما بغضب كتير لكن لو حصل بشيل روحي و احاول اقعد براي و ما بتكلم كتير بسكت سكوت
ايه اكتر موضوع عجبيك فى المنتدى ولماذا؟؟
-مواضيع كتيره جدا .... ممكن يكون احوال الغارقين و الغارقات
حسيتى بيقا اول ما سجلتى فى المنتدى؟؟
-كنت مبسوطه للآخر و متحمسه شديد
هل انتى خجولة؟؟
-في الاماكن العامه و مع الناس الما بعرفهم و الاولاد ............. ايوه
انت اللى بتبدائى بطرح الصداقة على اصحابك
فى المدرسة او الجامعة ولا بتنظرى هما اللى يبداء؟؟
-ببدا بالونسه و بعدين لو لقيت البت كويسه ممكن اعاونها لو احتاجت لشي و لو كانت نيتها صافيه و عرضت علي مساعده بقبلها منها و بالايام ممكن نكون اصحاب - يعني ما بمشي اقول ليها زي حركات ناس ال TVممكن نكون اصحاب ... هي الحكايه بالتدريج "انا ما بحب الناس البحاولوا يكونوا اصحابك من اول مره سريع سريع "
مين مثلك الاعلى؟؟
-ابوي ربنا يديه الصحه و العافيه
ايه احلى حلم حلمتيه واتحقق؟؟
-حلمت كتير انه يكون عندي اخت بس ما عندي
اهو ماكترت عليكى انا شايفة انى الكل قايم بالواجب
حرام كفاية دول عليكى دلوقتى
جاوبى على دول وبجيكى تانى
بااااااااااااااااى ياعسل
-ربنا يخليكي و لا كترت و لا حاجه و اسألتك حلوه
سلامووووووو و زوريني المره الجايه و جيبي لي اكل لذيذ اي حاجه بس الحقيني
