منتدى أنا سوداني

مراسى الشوق

بصراحة التلفزيون السوداني ماعندو اي موضوع صح أحنا كمغتربين ومحتاجنو لكن مافيهو اي موضوع يجذب

مداخلتي عن برنامج عالم الرياضة
( رضا مصطفى ) - خريج ثانوي.
( الكابتن عمر النقي , الكابتن الرشيد المهدية ) جامعي.
معقولة بس يا مدير التلفزيون لسة الصورة عندنا بالمقلوب
هل يعقل ؟؟؟؟؟؟؟؟؟؟؟؟؟؟؟؟؟ وتاني علامات إستفهام كثيرة؟؟؟؟؟؟؟؟؟؟؟؟؟؟؟
مع إحترامي للأستاذ رضا لكن وبصراحة شديدة ( ما مقبول شكلاً ناهيك عن أكاديمياً ), وعنده بدلتين ذابحنا بيهم ذبح , وليس هنالك تنسيق في لبسة. ( حاولو إتعلموا من القنوات الثانية ) في كل قناة بكون هناك لبس لكل مذيع وهناك تقييم من هذه الناحية .
لغوياً صفر × 100 . لكن الواحد يقول شنو أهو ده حالنا لازم نكون مبهدلين .

سلام اختى هدندوية..
لو لا اختلاف الاراء لبارت السلع..كلام زى العسل..فى كدا وفى كدا والحمدلله فى خيارات تانية غير تلفزيونا والا كانت تكون كارثة..
انا غايظانى بقى دعاية بتاعت زيت محركات..يعنى الدعاية مفروض تكون فكرتا مبنية على القوة والكمال الارضى..
والله العظيم معمولة الدعاية بطريقة تخليك تهستر ياتضحك ياتبكى..الداعية كرتونية وجايبين راجل بيجرى..والراجل بيجرى وبجريتو فى عترة معقووووووووووول!!!!!!!
غايتو تلفزيونا ينفع نتابع فيو اسعار العملات لانو هو الوحيد البيورينا عملتنا بكم قصاد باقى العملات,,

بي صراحة التلفزيون السوداني يفتقد الي الكثير ونحنا رقم ذلك في الغربة نشاهدة رغما عن انفنا ونتمني ان يزهدر بي البرامج الهادفة والمنوعات العامة ومزيدا من التقدم نشاء اللة.

تحياتي
قد اختلف مع بعض الاخوة والاخوات حول رائهم في البرامج ولكن حرام نجحف في تقيمنا للبرامج بهذه الصورة حقيق هنالك برامج راقية ومفيدة

بصراحه مفروض ما يقولوا عليها قناه ما فيها برامج جديده ولامزيعين مثقفين
يعني يطوروا القناه اكتر من كده لانو دي بتعتبر واجهه للسودان
ودا كلو كوم وبرنامج اسماء في حياتنا كوم تاني برنامج قديم من المفروض اجددوا البرامج
يعني اتمني انوا اهتموا اكتر بالقناه السودانيه عشان العالم اعرف السودان كويس عن طريق القناه
وينشروا ثقافات السودان .
وشكرا علي الموضوع الجميل

صراحه والله بجيبوا بعض الحاجات ممله

thank you very much

السلام عليكم ورحمة الله وبركاته

انا اول شي عضو جديد واتمنى ترحبو بيا وحبيت اقول راي في الموضوع ده

شوفو يا جماعه باختصار تلفزيون السودان بينفع لناس السودان زاتم الفي البلد هناك لانهم اتعودو عليو وده زاتو كان زمان اساء كل واحد مركب لسيفر في البيت عندو مليون قناه البيخليو يحضر قناة السودان شنو وخصوصا برامجه معاده ومافيها جديد يعني انا ما شايف غير قناة الشروق بس هي النافعه وكمان علشان برنامج محمد موسى تاني مافي شي يعني كلاميك عين الصح يا عسولة وبس
ده رايي وانشاءالله مافي زول يكون زعل من كلامي ده اذا فيو حاجه تزعل

وانشاءالله تقبلي مروري يا عسولة وبس

السلام عليكم جميعا
أصلن الداخل السودان مايشاهدو التلفزيون السوداني ألا وقت المسلسل
ولما ينتهي المسلسل ويبدء يبث برامجو العاديه يقولو جوو الماسخين
بس المغتربين الأكثر متابعه لقناه السودان وسبب أشتياقنا للسودان

شجون كتب:

فعلا قناة مملة وما فيها اي جديد ما حصل يعني ولا بنوع الغلط اني اتفرجت عليها بس الظريف انو ماما لما تكون عايزة تطفشنا من الصالة على طول فناة السودان يعني على الاقل في ناس مستفيدين منها

زي ماما ههههههههههههههههه

سادومبا كتب:مداخلتي عن برنامج عالم الرياضة
( رضا مصطفى ) - خريج ثانوي.
( الكابتن عمر النقي , الكابتن الرشيد المهدية ) جامعي.
معقولة بس يا مدير التلفزيون لسة الصورة عندنا بالمقلوب
هل يعقل ؟؟؟؟؟؟؟؟؟؟؟؟؟؟؟؟؟ وتاني علامات إستفهام كثيرة؟؟؟؟؟؟؟؟؟؟؟؟؟؟؟
مع إحترامي للأستاذ رضا لكن وبصراحة شديدة ( ما مقبول شكلاً ناهيك عن أكاديمياً ), وعنده بدلتين ذابحنا بيهم ذبح , وليس هنالك تنسيق في لبسة. ( حاولو إتعلموا من القنوات الثانية ) في كل قناة بكون هناك لبس لكل مذيع وهناك تقييم من هذه الناحية .
لغوياً صفر × 100 . لكن الواحد يقول شنو أهو ده حالنا لازم نكون مبهدلين .

اقسم بالله ريحتني راحة
والله انا لمن اشوف مصطفي اغا ولا بتال في العربية ولا الجزيرة ياربي
معقول ماعندنا بشر له طله ووجاه وده اهم شروط التعيين في القنوات التلفزيونية
جايبين شعار سوداني ملصقنو في الاب توب من ورا اخخخخخي اخير اول كان ظاهر توشيبا
عندنا مخرجين زبالة زبالة للبرضى ولمايرضى ..