منتدى أنا سوداني

امال الناس كتب:

بت السرف زي جدي الغزال كاحلات عيونا وزينه
وإن قامـت مشت تقـدل متل وِزِّينه
السبب القبيل خـلاها تبقى حزينه
قالت لي بخـاف عين الحسـود تأذينا

صلاح محجوب عبداللطيف كتب:

بنتنا بت السرف
سلمت أنااااملكِ الذهبيه
لاعدمنا جمال أبدااعكِ
ودمتِ بحفظ الله ورعايته

المونت كتب:

كتبت ليك

والفرحة فى جواى محطة ريدى ليك

كتبت ليك

والشوق يغالب فى البعاد فى الإفتراق حالف يجيك

كتبت ليك

ورينى كيف أصبر ريدى ليك

وكيف أعالج لوعه الشوقة والمسافة

والقليب الليهو إنتى طبيب

وكتبت ليك

كتبت ليك الحر والمقفي

مدادي ذاب قلمي جف..

......

عندك وقف خيالي...

وسرح قلمي لامبالي

يالحن غلب موالي..

سكنتي قلب خالي...

طوعت مني مثالي..

انسان نضب شعره

ومن وحيك اوحالي

انو الروح نديمة الروح

وانتي القافية وين مااروح..

حروفك تتشعب اوصالي..

كتبت ليك...

جيتك فارس اصيل...

لجامي حر..

اجراسك ضابطة صهيل

جوادي يمر

واعبر بيك المستحيل....

ووحاتك يادر..

برهة معاك... مقيل....

مابين نخيل ونيل....

برهة معاك... مقيل....

تساوي شوق الصباح لليل

ونشوة مغوار تحتة قتيل...

وكتبت ليك..

ماقبل الاجنة ومابعد الرحيل

ماقبل الغروب ومابعد الاصيل

وكتبت ليك

ام صبا كتب:

كتبت ليك
كتبت ليك لما طال بي الشجن
ومن تاني عاودني الحنين
واشتقت لنظرات عيونك
وتسعدنى بشوفتك يارزين
وكتبت ليك اسرع تعال
طفىء نيران السنين

كتبت لي كتبت ليك
كل اللغات
كل الحروف
والريده جواي ليك
بحر
ياالساكنه مجري الدم
دهر
القاك كيف القاك وين
تعبت عيونا من السهر

وتحية سروفه