كلمات الأغاني السودانية

[spanisheyes]

حنيني اليك


حنينى اليك وليل الغربة اضنانى
وطيف ذكراك بدمع القلب بكانى
واقول ياريت زمانى الفات يعود تانى
القاك يا وحيد عمرى وتلقانى
~* ~*

تلقى الريد معاي لحظة مانسيتك ولا نسانى
ومابنساك ومابقدر ولا عايز بعد حبك احب تانى
بهرب من خيال طيفك فى عيني بلاقيه
اعيش ايامى بالذكرة
الم افراح اعيش بيه
متين الليل يصافينى

~* ~*

ونعود تانى تانى تانى من تانى
القاك ياحبيب عمرى وتلقانى

[صائغ الحروف]

يامن
تركت القلب
ينزف
فى انين
حسرات لحظات تولت
فى وجل
كصدا
يطير محلقا عبر
السنين

[waya]

رائعة _ خالد الصحافة

أنتي ساعة المغربية


في خاطري لحظاتنا الندية وأنتي ساعة المغربية
قعدتك جنبي وعيونك سارحة في الدنيا البهية
وخوفنا من سفرا بودي للمسافات القصية
قصة الزول المفارق وأبقوا عشرة على الوصية

كنت جد ناوي الرحيل إلا شايل ذكرى منك
خفت في الغربة البعيدة المسافات يبعدنك
والعيون الشايلة سيرتك بكرة يبكن يفقدنك
والأماسي الحالمة تحزن والمشاوير يتعبنك

شفتي كيف لما الشمس مدت نوافير الشعاع
والضفاف بعدت كتير والريح ملت جوف الشراع
وكيف هناك بدت الضفاف تتلاشى في زمن الضياع
وأنتي ساعة المغربية خايفة من كلمة وداع

[صائغ الحروف]

ياحبيب
ورد الامانى
الحلوه
فى اعماقى
فتح
وابتدى القلب
العاش
عمرو
فى اهات
يفرح

[spanisheyes]

حبيــب العمــــــر

حبيب العمر يا غايب بتدري هواي
بحبك و انت في قلبي نعيم دنياي
و عزة نفسي تمنعني ابوح لسواي
بألآمي و أحزاني و كل شقاي و
انت في بالي يا حبيبي ليه
ليه غيابك طال

~* ~*

حبيب العمر لو فكرت عني تغيب
يصبح حالي في لوعة و كشمعة تذوب
و حالي البي لو جربتو يا المحبوب
كنت بكيت و من قلبك و دمعك ساال
و انت في بالي يا حبيبي ليه
ليه غيابك طال


~* ~*

وحات عينيك لهيب الشوق مصيرو رمـــاد
تعال ارحمني من هجرك و كفاية بعـــاد
تعال الليلة ما بكرة و بدون ميعـــاد
أصلو فراقنا ما ممكن يا روحي
و انت في بالي يا حبيبي ليه
ليه غيابك طال

~* ~*

[spanisheyes]

تعال يا ليل

تعال يا ليل خليك معايا
داير اشكي ليك سهدي و اسايا
داير اشكي ليك هجر الحبيب
السابني و راح يا ليل برايا
سابني و راح خلى الجراح
الجوا في داخل الحنايا


~* ~*

منايا كان يا ليل حبيبي
يكون يكون معايا
يسهر معاي يا ليل معاي
حتى الصباح يسمع غنايا
اشكيلو كل املي الكبير
و اشواقي و كل همي و عنايا
لكن يا ليل راح الحبيب
خلاني اتوجع برايا

~* ~*

رغم الألم رغم الجراح
الفي حشاي في حشايا
دايرك يا ليل تسمه غناي
و تغني لي اجمل روايه
قول للحبيب الغالي دايما
زكرتو في دربي و خطايا
قوليو يعود يشفي الجراح
الجوا في داخل الخلايا

~* ~*

[waya]

بكــــــــــاك & ياعيــــــن

كلمات :التجانى حاج موسى
الحان : الطيب رابح

لو بكاكى طال ياعين لازم عرفتى البين
لابد يوم ياعنيا نتقابل الاتنين
ياقلبى يامسكين الفرقة عاد لمتين
انا عايش يومى حزين حبيبى ديمه ضنين
ياريتو يرجع ليا والعين تقابل العين
النجمه طول الليل بسهر معاها براى
واحكيلا حالى البى واشرح شقاى واساى
صبح صباحى حزين مالقيت شفاى ودواى
كلمت حتى الطير واصبح معايا رفيق
وبغنى لحالو لاكنو اوفى صديق
لو كان بكاى بيفيد ابكى العمر كلو
ولو بس دموعى تزيد برضى الهوى وزلو
وحبيبى مهما يجور انا ريدى فى محلو
واااا حرقت اهاتى جواى لهيب وحريق
انا مهما ابكى انوح مابتنفع الدمعات
لو البريدو يبوح تتبدل الاهات
وتزول وتبرا جروح ننساهو كل الفات

[waya]

يــــا جــــافى


كلمات : عبد الرحمن الريح
الحان : عبد الرحمن الريح

ياجافى ياهاجر كيف حلا ليك هجرى
وتعذيب فؤادى حرام هجرانى غير اجرام
لو لاك انتا حرام تشعل لهيب اجرام
فى عذابى ماك مليوم ياملك شباب اليوم
ياكوبى الزاهر ياروضتى وشعرى
ياسيد نعيم حالم يانعمه العالم
من ذوقك السالم تفصح تقول ظالم
مهما الوشاح خدعوك من الوصال منعوك
وماذلت ليك ذاكر فى صحوتى وسهرى
ياصفوه الخلاق ياكامل الاخلاق
فى الدنيا بى اطلاق غير جمال مالاق
الحب سواك وهمى ماجاز على فهمى
حسنك بديع نادر يامخجل البدرى

[waya]

كل ما سألت عليك

كلما سألت عليك بقولو مشغولة

آيه شاغلك عنى ورينى يا زولة

ما السكة لى دربك طوالى مقفولة

وان تهت فى حبك تبقى انت مسئولة

رسلت ليك انسان جاب ليك خطاب منى

وضحت فيهو كتير وشرحت كيف إنى

محتاج ومشتاق ليك يا ملهمة فنى

رد الخطاب ما جاء خيبت لى ظنى

ما انت من اهلى ومن جيرتى وناسى

شمتى فينى الناس جرحتى احساسى

كان العشم القاك بس قلبك القاسى

جرّح على قلبى واجج نفور ناسى

[waya]

نـعـيـم الـدنـيــــا

كيف الحياه غير ليمك
في بعدك أصبح حظي زي لون هضليمك
يا نعيم الدنيا
يا حليف الخدري التايه في نعيمك
ما دام هاجرني أرسل لي نسيمك
و أنعش لي روحي بندى جسيمك
أو طيب المسك الفايح من تبسيمك
يا أماني حياتي البيك نور إقليمك
يتمنى التبري يلمع كأديمك
مشتاقه الشمس تظفر بي ليمك
تاخد من نورك تلثم لي قديمك
يا فرع البانه المايل في خميلك
من قامتوا حبيبي متعلم ميلك
يا البدر التم ما بتم تكميلك
لو ما تجعل لي محبوبي زميلك
سيوف الهندي من لحظة عينك
ليه بيها تصيبني إيه بيني وبينك
غير كوني بريدك و حياة خدينك
كف عني صدودك يا روحي و بينك
ليك حق في صدودك و تيهك و تذليلك
ليك حق تهجرني ... و يكتر تعليلك
ما دام فردي ... على جيلك
تمتاز بالعفه المانعني أجيلك
مع صدك و هجرك لا زلت أريدك
و منام عيني بين حظوظ جيدك
تيه بي نعيمك مولاي يزيدك
ضيعت حياتي تسلم لي إيدك

[waya]

بتريد اللطام

بتريد اللطام اسد الكداد الزام
هزي البلد من اليمن للشام
سيفك للفقر قلام


ديم فى الدقر قال العمير مسيوم
القوى والضعيف من عينو طار النوم
الكفر النجوس ما بختوا من اللوم
حجرت الدرب خليت طيورو تحوم


الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صغار


الاعلان صدر واتلمت المخلوق
بى عينى بشوف اب رسوة طامح فوق
ان جات بالمراد واليمين مطلوق
ما كان بنشنق ود اب كريق فى السوق


الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجال

[waya]

مسامحك يا حبيبي
مسامحك يا حبيبي مهما قسيت علي
قلبك عارفو ابيض وكلك حسن نية

وما خطرت لقلبي سلوى تحيدو عنك
ما ممكن اعاتبك وياخد خاطري منك
انا عارف خصامك وغضبك في كلامك
ما من جوة قلبك كله على لسانك
مسامحك يا حبيبي..

واسال عني طيفك وزكراك هم شهود
وياما اشتقت ليك ورجيتك لو تعود
وحشتني الابتسامة عيونك بي كلامها
تداري في اشياقها وتفضح لغرامها
مسامحك يا حبيبي..

سيان عندي عدلك وجورك عليا
تكابر او تداري حبك باقي لي
بترجع لي تاني وتسالي عن مكاني
تجدني زي ما كنت زايد في حناني
مسامحك يا حبيبي..

ظلموني القالو عني و غيرني البعاد
وحيات نور جمالك زاد البي زاد
واصبح شوقي اكتر حبك عندي اكبر
املي في هواك نامي ولسه اخضر
مسامحك يا حبيبي..

[waya]

لو تسمح ظروفك ,,,

جمال فرفور


لو تسمح ظروفك
لو تسمح ظروفك
قلل من شجوني
هون لي اشوفك
واكحل بيك عيوني


لو تعرف خيالك
اثر قلبي كيف
راجي بحور ودادك
ترسي علي الرصيف
لا الامل تهدي
لا الاشواق تقيف


شدت ما بريدك
ما خليت غرام
زود في الاماني
كملت الهيام
مافضل في قلبي
غيرك بهتمام

[waya]

قسوة الايام

معتز صباحي


سنين مع قسوه الايام
افتش عن امل مجهول
شايل قلبي سغم الليل
تعبتا انا فترتا تعبتا
خلاص غلبني القول

انا اسئل نفسي واتعجب
حابي الراح منو المسؤل
سنين تايه مع الاحزان
من الحزان بقيت مسؤل
وكل وما ابدا انا قصه ريد
يقسي حبيب ويمشي بعيد
انا المجروح خلاص هميت
انا نفسي احيا انا نفسي
اعيش اشوف الدنيا تبسم لي

نفسي الدنيا تبسم لي
واعيش حياتي وابقي سعيد
وكل احلامي تتحقق
كل يوم جديد في جديد
الدنيا ظلمتني
سنين هجري وسنين حرمان
وسنين دمعات تجري تسيل
واتحسر علي قلبي
قلب مفجوع
وديمه غريب

[waya]

تواه أنا


وكل الدروب جربتها
والسنين العشتها
لا وصلتا ليك
لارجعه تاني عرفتها

فضلتا عايش في التايع
انا ومكتوب علي
عمري الضياع
من فرقتك يوم الوداع
يا الذ زول عزبتنا

حزنت معاي كل الخطا
وبكيت معاي لون المساء
شرفت بي الهم والاسي
يا الذ زول في حينا

شديت علي قلبي الحنين
والقايلو لي حبك نسي
لقيتو بيك زايد جنون
رغم التباريح القسي

[waya]

يا مولاي

طه

يا مولاي آه من غلبي
من النار وحرقت قلبي
يا مولاي بشكيلك شقاي وغلبي
حظي الديمة من ند الأنيس قافلبي
طالت السفره وأتحفّت مناسم تِلبي
هب الريم وعاودك الحنين يا قلبي
مالك نفسي مطعونة تملّي تنيني
مالك عيني للغميدة أبيتي تليني
عطشان ديمة كفح الموية ما برويني
كاتلاني الطريفيه البريدا قريني
الناس عيّدت مرقت على أصحابا
وأنا فريت على الجاهلة السمح ترحابا
فاطراً بيحكي برّاق البدودي سحابا
لفت قلبي زي لف طرحته اللافحابا
ختّت أيدا فوق إيدي إنجذت خِدرتا
حبيت أمشي من كُتر الطرب ما قِدِرتا
بقت الحِنه بين إيدي وإيديها إندِرتا
لولا الحِنه بيني وبينها ودِرتا
أخدر ليهو ضُل فوقو المحاسن شرّن
وأفلج فاطرو زي برق السواري إتكرّن
إتقسّم مقاطِع في المشي وإتحرّن
زي فرخ القطا الأماتو ركّن وفرّن
إتمنى الدهب لو لونو يشبه لونِك
إشتهت الدُرر لو هي تبقى سنونك
مجنون ليلى حالتو أقلّ من مجنونِك
ما دام ليلى كانت في المحاسن دونِك
عن من أحبو أنا غير خاطري فُرِقتا
هايج بي غرام عن حالتي كُلي سُرِقتا
لولا أدمُعي من ناري كنت حِرقتا
ولولا ناري من كترت دموعي غِرقتا

[waya]

العديل والزين

العديل والزين والليل العديله يا يا رسول الله
بسم الله ابتديت قولي السمح والزين والقول ماهو داير البيكتب ويقرا
مشكور في الفريق لا بيت ولا بيت ولا بيتن
لا لعب القمار لا جرب الخمره
**********
يا عديله يا بيضا
يا ملايكه سيري معاه
الليله شوق يا
البي قدره الله
************
ود العزه والمهله
عرسو ضوت السهله
شيلتو الفي البلد بهلا
وقالو الليله شايل اهلا
*******************
يوم اتلمن البنوت وسو
الصفقه والزغروت
شاف الحفله ما بيفوت
قام عريسنا سوا البو
*****************

[waya]

بت من صندل

معتز صباحي


يابت من الصندل
عودك فاح
عطر دنياي
وساقني سماك
شقق جواي
دروب للريد
واسلا الراح
وللخاطر باح
***********
يابت معطون
بي مويه النيل
شقيش المطر
الشايل الطمي
قليبو عليك
يسال مشتاق
اجليه النور
الطي وضاح
مستني معالمك
فيني تبين
عشان بيك امنتا
وكلي سماح
*************

[waya]

اعتــــــــذار

عصام محمد نور

تعتذر لى لازمو ايه الاعتذار
انتى القمر واحساس نبيل
انتى الفرح وشعور جميل
انتى عزى وانتى كل الاقتدار

ماتندمى

***

ياماقبلك ندمن كم بنات
مـــــــ تحزنى ـــــــا
عيشى بكره واهجرى الزمن الى فات
راجيك انا وبى طال الانتظار
انا فى رجاك صامد صميد
وحاضن هواك ضاميو شديد

***

راجيك انا برجاك هنا
برجاكى لو يوم او سنه
وليك احسو الانتظار
ماتندمى ماتحزنى

***

اصلو الحصل تكرار ومر
حرام يضيع كل العمر
اصلو الى فات انسي وخلاص
بى ريدنا بنلاقى الخلاص
لابد نعيش فى عش وريف
ويكون طريقنا الاخضرار

[waya]

ماترحلى

عصام محمد نور

ماترحلى خليك معاى
لو ترحلى بزيد اساى
خليك هنا جنبى وحداى
---------------------
اتصبرى وحاتقدرى وعشمك هواى
بس فكرى وراح تعرفى انك جواى
انو الزمن رغم المحن زاب غناى
--------------------
عشت الشجن لمن بكن عينيك معاى
اتمهلى وشياى الامل
اتحملى انسى الحصل
بهديك صباى
-----------------
اتزكرى وعشان هواى
هاتفرحى وهاتقدرى ويتم مناى