مســـــــــــــــــــدار + مســــــــــــــدار

[شـهد الكلامـ]

الما بهزوا الجمال اكيد ناقص تركيبووو

سبحانو خلق الجمال والسلطان لسطوتووو

ربك امرنا بغض النظر عنو من رحمتوووو

وزى ما الفوله بكيالا الصفات كل ورغبتووو

شوف التناسب واختاها التجيب للجيب اخرتووو

[مهند عبد الرحمن]

يا شهد في الجمال ما قلنا فيهو كلام
لكن الجمال براهو ما بيحقق الاحلام
لازم يكون معاهو ادب وزوق واحترام
عشان بنوتنا يبقن مضرب مثل للايام

[ودالدرديري]

الجمال يا درديري اخوي ما بسد الفرقة
دايرين البنات امات عصيدة ومرقة
ما تبقي الحكاية دفتر وقلم وورقة

يامهند اخوي امات عصيدة حبابن
وحباب البعرفـن ويزيد كمان في حبابن
لكن الحسان لوغافلك نشابن
من قولة سلام يشبعك ترحابن

[مهند عبد الرحمن]

الدرديري أخوي سهم الحسان لو صابك
يحلك رب العباد ومنو أعمل حسابك
ما يغرك جمالن انت لسه يا دابك
ما غرقت في جمالن خليك قافل بابك

[ودالدرديري]

الدرديري أخوي سهم الحسان لو صابك
يحلك رب العباد ومنو أعمل حسابك
ما يغرك جمالن انت لسه يا دابك
ما غرقت في جمالن خليك قافل بابك

يامهند اخوي ياداب شنو البتقولا
بارينا السماحة وتب عرفنا اصولا
في درب البنات لفينا مليون صوله
بس بعد العرس ابوابنا جد مقفولة

[مهند عبد الرحمن]

في درب السماحة يا خوي شعرنا إنحتة
ما بنقول كفانا بنقول زيدونا كمان حتة
من شوفت السمح اتململت وازحزحت
ضاق قلبي السرور وانا بيهو فرحت

لامن تعاين ليك تقول عيونة كهارب
قلبك يطير فر ذي التكنو قام هارب
يجيك السمح يقدل بي جسيمو الكارب
يخلوك ذي العيان وقرصنو عقارب

للعرس يا درديري ما تقول لي بابه قفلت
يا دوب عملت العوج ولي الدروب ودرت
انا لو منك كان زمان طفرت
اشوف لي بت حلال وبيها اكون ظفرت

[شـهد الكلامـ]

اخوانى السمحه ما كافيه فتشو للسمح اخلاقااااا
وكل شيتا فى دنيا فانـــيه لابد من تعتادااااااا
بعد الـــولف تـــــــابك تشوف ثغراتاااااااااااا
تحسب من الف با تا تلقاها بــــــى جهلاتااااا
فى البر فتش تمام شان تحسب لى حسناتاااااا
ما تبارى الشكل دايم الله وذات الطبع واحلاتاااا

[شـهد الكلامـ]

الاغبش حبابك الف وزيد القول وسولف

مرحب بقدومك وينك مختفى اخوى ؟؟؟؟

[الاغبش]

ياخوانا البنات ديل ستات السماحة
فيهن الناترة واللتيبة والفاترة
وفيهن ام هبج في رمي السهام شاطرة
وفيهن كمان الشينة للجميل ناكرة

العرس ياخوان كيف نطراهو
مدام البنات دايرة المال وكيف تلقاهو
ماهماها السترة ورنوا كيف نختاهو
غير نخت الكرة صدق والخير نبراهو

امات البنات ديما دايرات الفشخره
طفشهن العريس من غير مشؤرة
المسكين هرب قال اخير البؤرة
ياحليل زمناك يا عرس الكؤرة

بنات صبحن بالعلم فاهمات
بخير السترة تب عارفات
من قلن عقلن وقالن دايرات
الي اماتن بالطلب للخير قاطعات

[مهند عبد الرحمن]

الاغبش اخوي في درب السماحة مودر
اظنك عارف لي البتستر وتقدر
انا من شوفة الجميل متخدر
راقد تب زي سيد العيا وكتين يكون متحدر

[الاغبش]

يا مهند انا لاقيت كتير ساجعات
ستات جمال في الادب ملكات
في دولا كتير بناتا تب سمحات
الا زي بناتنا في الادب ماسكات

فيهن من الاوصاف حداشر
تلقاها رصينه ما بتكاشر
حنينة ديمة بالسترة بتعاشر
السودانية ولوفة ما بناشر

يا مهند اخوي الناترة ست ريدنا
دائما باسمة وفيها جميل اشعارنا
وين تلقاها تسرك يا سيدنا
انا غايتو شاحد ربي يزيد فيها قيدنا

[الاغبش]

من جميل مغناك فهمتا الاسية
انو العرس صبح قضية
ليه ياخلق العرف الجميل يبقي اذية
بقولة خير اعقدوا للبنية

يابت الكرام ياعالمة بي احوالك
الود ان ما دارك ما بطرق بابك
انسي المال واشري في الحال سعادتك
قولليلو تعال بي حبي بساندك

[مهند عبد الرحمن]

الاغبش اخوي من حلمك احسن تصحي
ما بتلقي ليك واحدة راجياك ومنشرحة
الا تجيب الشيلة من سوق ليبيا واللا البطحا
بعدين يتم العقد وكمان معاهو الفرحة

[الاغبش]

مهند اخوي صوابعك ما زي بعض
كل الخلوق فيها الفنجري وفيها البعض
بت الاصول موجودة الا الامات قرض
ياخي الشيلة والفشخرة ماهن فرض

[الاغبش]

لاتنسي القليب ووحيحو
السودانية ضارباهو بالجمال في فاهو
تلقاها دائما رائعة في تعذيبو
الا نساما يشفي الغلب تطبيبو

بقولك يالعزيز نرسل رسالة
يامات البنات شوفن بقت كيف الحالة
صعبان بالحيل من دكتورا لي تربالة
الناس ان رضت بالحب تنعدل احوالا

[مهند عبد الرحمن]

كلامك سمح عوجة تب ما فيهو
وين تلقى ليك اما فاهمة لي معانيهو
تستر بتها لي راجلا زين تديهو
وان جات البورة قوليها كتر الكلام خليهو

الامات لو رضن وقالن حبابو العريس
ما بتلقى واحدة عقلها شارد ومليان هواجيس
كلهن بتسترن وما بشوفن تاني كوابيس
بس كيف ترضى الام وتقول الله يلعنك يا ابليس

[شـهد الكلامـ]

باقيلكم وجعتنا فى اماتنا
ياخوانى العرف سبب علاتنا
عادات سيرناها من جداتنا
والطلعه من توب الاهل واقفالنا


ممكن نسعى للحل ونشوف قدامنا
ليه الرجل لامن عرف وجعاتنا
ما عدل عوج وقال سبب هدتنا
ما وجه عيالو وقال خلهوها لى جهلتنا

[مهند عبد الرحمن]

يا شهد العوجة ما في الراجل براهو
العوجة الكبيرة من الام وكتين تكون ناجهاهو
يعمل شنو بخاف من كشف الحال يقوم يبراهو
يقولو عرس بتو لا مال ولا شيلتن جات تابعاهو

[شـهد الكلامـ]

يامهند اكيد درب الرجعه صعبو لينا
لازم نبد من ساس القضيه نديهو لمشورتنا
عشان جيلاً جديد نحميهو من وقفتنا
نعدل للغلط ونختو فى فجتنا

[مهند عبد الرحمن]

الغلط بتعالج الا الكلام اماتن
حالفات بي اليمين ما يخلن حركاتن
ما دايرات يباركن العرس لي بناتن
يسون كده لامن يلقن القطر فاتن