منتدى أنا سوداني

حسن نمر كتب:قوامك قسمو وقاسو الدبل من نصك
فمك حبكو ونضمو الوتر من حسك
ياست الحسان النافره في المابخصك
اوعي حزاري ربط التوب اكيد حا يقصك

لبيب كتب:

أبدع ربي في حكمو وصنايع رصك
سواك من سلالة عجيبة دوزن نصّك
أبدع في قوامك وبالأخص في نصك
أهيف ومنسجم بالحيل مهفهف فصّك

waya كتب:

الجيد الحداهو خدود نايرة وزينة
وسماحة الطبع الشبهوهو عجينة
القوام موفور والمشية فيهو رزينة
تسلب في العقول وقلبي ليها رهينة

هجره كتب:لما ردتك كنت عارفك زي نغيمة هاربة من وتر الأسية
كنت شايفك زي نجيمة ضاوية في الفجج القصية
كنت حابسك زي دميعة خوفي لما تسيل روية
تجرف أحلام العيون العايشة جنبك لاشقية

مها كتب:

ان وقفت عديلة وان مشت مبرومة
وان قدلت معجنة ومن وسط مقسومة
وان قعدت موهطة واااقساوة القومة
مضمورة حشا وعجوة محس قدومة