مســـــــــــــــــــدار + مســــــــــــــدار

[لبيب]

قوامك قسمو وقاسو الدبل من نصك
فمك حبكو ونضمو الوتر من حسك
ياست الحسان النافره في المابخصك
اوعي حزاري ربط التوب اكيد حا يقصك

أبدع ربي في حكمو وصنايع رصك
سواك من سلالة عجيبة دوزن نصّك
أبدع في قوامك وبالأخص في نصك
أهيف ومنسجم بالحيل مهفهف فصّك

[حسن نمر]

أبدع ربي في حكمو وصنايع رصك
سواك من سلالة عجيبة دوزن نصّك
أبدع في قوامك وبالأخص في نصك
أهيف ومنسجم بالحيل مهفهف فصّك

الليل بوبا والسجاعه غنا وترها
المحموم هجس والشيخ سجد وترها
العاشق جلس ضلاع النجوم مترها
بهل الدم دموعا بالسنين سترها

[هجره]

الجيد الحداهو خدود نايرة وزينة
وسماحة الطبع الشبهوهو عجينة
القوام موفور والمشية فيهو رزينة
تسلب في العقول وقلبي ليها رهينة

لما ردتك كنت عارفك زي نغيمة هاربة من وتر الأسية
كنت شايفك زي نجيمة ضاوية في الفجج القصية
كنت حابسك زي دميعة خوفي لما تسيل روية
تجرف أحلام العيون العايشة جنبك لاشقية

[هجره]

لما ردتك كان عمر قصتنا ساعة
الزمن في لحظة نادى كل أفراحو المضاعة
ماالمودة معاني سامية والأمل للروح مساعة
إنتي ترحلي زي مراكب للوداع فردت شراعا

[حسن نمر]

قدر ماقتلو في الحال العلي استكفي
جدد حكمو في تعذيب قليبي المكفي
دلك وارتجاي وحظي العديل العكفي
ابسط حاجه شالن عقلي شلن كفي

[لبيب]

والله العظيم انا قلبي مشتاق ليها
دايما في لهف مدفوق وجاري عليها
غيران من هواياً بس يمش حوليها
أيضاً كل شي في الكون يكون في ايديها

[waya]

لما ردتك كنت عارفك زي نغيمة هاربة من وتر الأسية
كنت شايفك زي نجيمة ضاوية في الفجج القصية
كنت حابسك زي دميعة خوفي لما تسيل روية
تجرف أحلام العيون العايشة جنبك لاشقية

لما ردتك , كنت عارف مافي زيك في المحنة
وأي زول ما راد عيونك يبقى جنّه
ويبقى وهمان في حياتو , ويبقى مليان بالمظنة
لأنو ريدك فرض عين , متبوع بـ سُنة

[لبيب]

[align=center]

وفي عز الهجير انا جاني طيفك نسمة

يا اللابسة العفاف زينة وأدب محتشمة

الخلاني رايدك في الدوام يا النعمة

دايماً كل حين يا روحي تب مبتسمة[/align]

[لبيب]

اتوسدت شوقك والتحفتو هواك
واستانست بيك ما اظني ابقى سواك
ياالجدية الملكتي رويحتي قلبي هواك
أبدع فيك مولاي بالجمال سواك

[مها]

ان وقفت عديلة وان مشت مبرومة
وان قدلت معجنة ومن وسط مقسومة
وان قعدت موهطة واااقساوة القومة
مضمورة حشا وعجوة محس قدومة

[لبيب]

ان وقفت عديلة وان مشت مبرومة
وان قدلت معجنة ومن وسط مقسومة
وان قعدت موهطة واااقساوة القومة
مضمورة حشا وعجوة محس قدومة

الوقفت قصادي بنية برلومة
ذوق وعفاف وحشمة وزينة ماليا هدوما
أولة الدفعة قالوا وشاطرة تب في علوما
تاكل في العنب خلتني اكد الدومة

[لبيب]

ابكن ياسواجع خلدن ذكراهو
قولن ليهو لازال جوا قلبي براهو
انتحل الجسم والهم أزاهو براهو
أم فؤادي فقد احساسو مات بى وراهو

[لبيب]

[align=center]الليل انصرم تلتينو عدن فوقي
ياقمرية في ذكراهو غني وقوقي
وصلي ليهو إنو هواهو مالي عروقي
أقريه السلام كل التحايا وشوقي[/align]

[waya]

قمر السبعتين نورك مضوي دجونك
يقلق ويفقد الحياة والصبر مسجونك
واعي الناس يضيع ما بين قساك وهونك
كل المالي مركزه صار قتيل مسنونك

[m2nooo]


في زكرتك تطعم قوافي الروقه
*تفرح وتزغرد وتحن لي مروقه
*يا الحروفنا عليك قﻼ‌ل ممحوقه
*قلوبنا في حبك تذوب من شوقه


[لبيب]

قاعدة منعمة وممتلكة ماسكة قصورا
ما اتزنقت عليها الفارغة مامعصورة
في الحياء والعفاف دايما تكون مبصورة
ملكة جيلا فاتت كل حسان في عصورا

[waya]

ﻧﺎﺩﺭﻩ ﺻﻔﺎﺗﺎ ﻻ ﺧﺸﺖ ﻗﺼﺺ ﻻﺣﻜﻮﻩ

ﺗﺰﻋﻞ ﻣﻨﻬﺎ ... ﻭ ﻟﻴﻬﺎ ﺑﺘﻜﻮﻥ ﺍﻟﺸﻜﻮﻩ
ﻟﻮ ﻧﻀﻤﺖ ﻣﻌﺎﻙ . ﺗﺮﻗﺪ ﻣﺸﺎﻋﺮﻙﺩﻛﻮﻩ
ﺍﺳﻬﻞ ﻣﻦ ﻓﺮﺍﻕ ﻋﻴﻨﻴﻬﺎ ﻟﺤﺲﺍﻟﻤﻜﻮﺓ

[/align]

[waya]

ﻗﻤﺮ ﺍﻟﺴﺒﻌﺘﻴﻦ ﺍﻟﻔﻲ ﺑﻌﺎﺩﻭ
ﻗﺮﻳﺐ
ﺷﺎﺑﻪ ﻟﺼﻔﻮ ﻃﺮﻑ ﺍﻟﺒﺎﻫﻲ
ﻟﻮﻧﻮ ﺟذﻳﺐ
ﺷﻮﻑ ﻋﻴﻨﻴﺎ ﻭﺩ ﻋﻴﻨﻬﻮ ﺫﺍﺗﻮ
ﻋﺠﻴﺐ
ﺯﻱ ﻟﻴﻼ ﺑﻬﻴﻢ ﻏﻤﺴﻮﻫﻮ ﺟﻮﻩ
ﺣﻠﻴﺐ

[سلطان القلوب]

ونادرة صفاتا كل يوم العفاف كاسيها
النور البشع في القمراء نازل فيها
الناس البقت وغرقانة في عينيها
قاطعت المنام وسهرت تغازل فيها

[سلطان القلوب]

[align=center]قمر السبعتين الفي عيونا مربع
وجوة العين كمان الحسن فيها مسبع
أن شافا العليل بسراع يقوم من مرتع
ينصح بي سراع والعافية تاني بترجع

[/align]