منتدى أنا سوداني

امال الناس كتب:

نتهادى من الهوى ما نشاءُ

وعلينا من العفاف رقيبُ

تعبت في مراسه الاهْواءُ

جَاذَبَتْني ثَوبي العَصيِّ وقالَتْ

أنتم الناس أيها الشعراء

فَاتّقوا الله في قُلوبِ اَلْعَذَارَى

فالعذارى قُلوبُهُن هَواءُ

waya كتب:

ونحنا وشينا للبنصابحو .. ينسى همومو
ونحنا مشينا للبنقابلو .. يكرهـ يومو
ونحنا صغيرنا .. فزاع للقلوب , في نومو
ونحنا كبيرنا .. معروف , بيملأ هدومو

لبيب كتب:[align=center]
نحن شموخ ونحن بسالة نحن رجالة
نحن الحارة بنخوضا ونعرف اهوالا
نحن الدنيا ماهمانا عالي جبالا
نحن نفوسنا من فوق للثريا منالا[/align][/size]

waya كتب:

نحن الحلِق .. ونحن الساس
ونحن فوق من الرجال مقياس
ونحن الحاره ذاتا وكتين يفزعو الناس
ونحن نفوسنا أصلو ما بتنداس

لبيب كتب:[align=center]نحن الفي السماحة وفي الكرم تلقانا
نحن السيل وكت يقلع يرز بختانا
نحن وكت نقول كل الخلوق سامعانا
نحن الحارة نمشيلا ونخوض نيرانا[/align][/size]

waya كتب:

نحن أخوان البنات فينا الشهامة أصالا
ونحن أسود الحارة نحن رجالا
نحن النعيم في دنيا قاسية أحوالا
ونحن الجحيم مرات نزيد أهوالا

ود النصر كتب:[align=center]الليلة النقول قولاً يوازي كلامك
ومن بين الخلوق ظاهر وعالي مقامك
فارس ود دواس من يوم مسكتو زمامك
ماك جلاس خلوف ورايتك إياها حسامك[/align][/size]

لبيب كتب:[align=center]وياك الجود طباعك للضيوف اكرامك
دايما باش بتهدي البسمة ديمة سلامك
يازينة الرجال في الطاعة ربي أدامك
يجزيك خير عميم وافر يسيل قدامك[/align][/size]

لبيب كتب:[align=center]نحن الفرسة عندنا هيلنا كل موّالا
نحن الحاشا مابتخدعنا أي قوالة
نحن الدنيا مابتغرينا بى أموالا
نحن كلامنا واضح مابيدور أوّالا[/align][/size]

ود النصر كتب:[align=center]يا خوي اللبيب والله قولك طيب
يدخل في القلب متل النسيم وهبيب
يا ود الكلس في العركة ماهوغويب
يجدع في الرقاب وعدوهو موتو قَريب[/align][/size]

waya كتب:

أخونا اللبيب ما فيهو شئ معيوب
يجود بالنفيس وإيديهو مارقة جيوب
وود النصر الفارس المهيوب
يلقاو بالبشاشة والخاطر المطيوب

batta كتب:ماشالله عليكم والله وايا ولبيب والمنضم حديثا القروانة.

كلامكم حلوووووووووووووووو وبس يخلي الزول يسل سيفو ويبقى مارق!!

مارق ويييين ؟ والله ما عارفة لكنكم جد اثرتو حماسي.

waya كتب:

نحن الكرم زايدين معاهو صفاتو
ونحن الرحم ما بنقطع أي صلاتو
ونحن شافعنا البحرس أماتو
من قومة الجهل ما سمعوهو " حلاتو "

Batta كتب:ماشالله عليكم والله وايا ولبيب والمنضم حديثا القروانة.

كلامكم حلوووووووووووووووو وبس يخلي الزول يسل سيفو ويبقى مارق!!

مارق ويييين ؟ والله ما عارفة لكنكم جد اثرتو حماسي.