رواد الفن الاصيل فى السودان

[مها]

ياعازة الفراق بي طال

يا عازه الفراق بي طال
وسال سيل الدمع هطال


طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال



أرض آمالي في امحال
ومن الهم بقيت في أوحال
وبعدك عزه ساء الحال
منامي وصبري أضحى محال


حليل الناسا وناسا
طريت أم در حليل ناسا
وكيف أنساها وأتناسا
ومفتون بي ظبي كناسا



ولع جوفي جمري الحي
وما بتطفيه آه وأحي
فيا زينة ربوع الحي
لي دياركم يعود الحي

[مها]

حــي ألــم الــبـعــاد حـــش كـــلاي وأجـــرا
دمعي أنا شوقي طايـل لي ظـبيات وأجــره
******
ياحليــل الغـصــون المايـســات في الـقـلعـه
زي الريـل حدايــق وكـالـبـدور في الطــلعـه
مع فــرط الجـمال زايــدات حــداقة وشـلـعـه
يات من كان تجيك تــقـدح تــزيـدك ولـــعــه
******
بـذكـر جـلـستـن يــوم جـمعـة بعــد النافـلـه
ربــات الـعـفـــاف الطـبـقــة الـمــا سـافـلـه
دارســـات كـــــل فـــن إلا الأمـــور الآفـــله
والعـجـب الخـلـق شـبـه الأرايـــل الجـافـلـه
******
يــات مــن كــان حـافــلـة أو غـيــر حـافـلـه
تــتــنــاول فــؤادك وتـمـشي مـنــك غــافـلـه
أنظـر قــامـة مـمشـوقــة ومـضـمـرة كـافـلـه
نــغــمــاتــاً تـنـسـيــك الـفــروض والنـافـلـه
******
إقـتـبـس الـبـدر مـن آمـنـه نــورو و دارتـو
الخـز والـدهـب عـار من جسـيما نـضارتـو
الـدر حـيـن وهـب لي فاهـا شـوفـو قـدارتـو
أضحي علي الرؤوس يُحمل ونافـذه إدارتـو
******
فــرع الـيــاسـمـيــن مــن الـنـسـيــم يــتــني
ســـالـكـة مـضـمـره والـتـنـه فــوق الـتـنـه
عـبـي نـهــــودو كـالـتـلـــه وجـــا يـكـتـلـنا
الــشــهــــاده مــنــــو الــنـــالـهــا مـتــلــنا
******
إن جــاتــك تــقــود فـي عــومـا زي الــوزه
والــلــفــتـــــات غــــزالاً بــي نــتــايــل فــزّ
وكـتين تـبـدو جـوز عـينيها كـسـرة وغــزه
زي الــفــارس الـــشـال حـــسـامــو وهـــزّ

[مها]

ليالي الوصل "
ابراهيم العبادي

:::::::::::::::

ياليالي الوصل مرة الهجر ضوقني مرة
بين اراكه وبين بانه بين خزامه
وبين سر عيونك طال علينا النوم وابانا
الغزال الديسو خدرو و ان هل بدرو
الشلوخ في فؤادي ادرو كل واحد جرحو قدرو

الجبين يفضح حسودا والحواجب واقعة سودا
العيون تسبي الاسودا هو مين يقدر يسودا

جل من صور صباك يالمطبعة من صباك
مابيفيق قلب الصباك غير يشم ارواح صباك
العفاف والدين حباك واسكنك داخل خباك
يالممنعة في سباك اقبليها الروح جباك
في رباك بين رباعك وبين ظباك

ما اظن البي غباك ارحميني تملي باك
الجمال خيم حماك والخيال مابخش حماك
مابسق ضي في سماك المعاني مجسماك

ديك بلابل فكري صاحت فوق فروع آمالي ناحت
رحمة رحماك روحي راحت قلبي مشوي وريحتو فاحت

السلام في كل لمحة كلما تزدادي جمحة
عد ما يكتب ويمحي اقبليهو ودمت سمحة

[مها]

ابراهيم العبادي
:::::::::

ببكي وبنوح وبصيح للشـوفـتـن بتـريح

فرع النقا المميح مـنو المـسـك بفيح
وكتين صباحو يبيح بلـبل قلوبـنا يصـيح

ياجـنـة الطبيعة ايـاك زهـرة ربـيعا
صحت شراها وبيعاعـينيك حروب ربيعة

ختمو البروق ورعودو تـغـريد بلابل عودو
نظروا الخلق لي عودو جافي المنام مـا بعودو

متنوعات ازهارا في خدودا تجري انهارا
ليلا الطلع في نهارا ضـلل فـؤادي و هرا

آه لو قطوفك دانية احـظي ولـو فد ثانية
كت اعصي ياغانيةواعـلن فيالقي تمانية

الجيدا طال واتني ودر جـماعـة متـلنا
التوب شبك في التنة يانـاس انحـنا كتـلنا

لابسة الحشم ازمة و مـالك مـلايين ذمة
الحاشا ما بتذما ضـيع اخـوك بالذمة

في رويحتي وباكرتي دايـماً مـقدم كـرتي
مابتسهي عن ذاكرتي يـاللي صفاي عكرتي

[مها]

[

يا موفورة النفل
ابراهيم العبادي

يا موفورة النفل بالهيبة الكست الحفل

ليك في الجمع الحفل نسبه راد من طفل

اتمايل غصنك رفل ميل سنده الكفل

اتمايح مايس رتل رن في قلوبنا حجيلة تل

عام نهده وكتفه الحتل اتوسد في فنايدة تل

اتناعس مايس قدل في الأرداف رمي الجدل

في القامة الزينة البدل شفنا الجور والعدل

يا المايح احب واجل فيك اذلال قدري الاجل

قلبي المابعرف الوجل رعته وخاف سيف النجل

ليك مقدار ما بذل در نفيس الغزل
في حبه انا لم ازل رغم اللام والعذل

[مها]

جدي العزاز
ابراهيم العبادي
..........................
جدي العَزاز الجيدو قزاز
ياعُزاز انا نومي خَزاز

تسعة الحزَّاز والرقبة قزاز
حُقّ الابزاز بالمرَّة لُذاذ

احور وافقل ان شفتو وقل
طيّو مَرقَّل بشيش يتنقل

الخصرو هضيم لا جوع لاضيم
خـاتي عِضَيم المـا نِضِّـيم

من تبَّ حشيم المـاهوغشيم
فيهو رشيم لقلوبنا يشيم

لونو تبر في صفارنا قبر
يالمابي تبر انا جنِّي كبر

[مها]

حفلة خضر"
ابراهيم العبادي
.............
جيبولي بس قلبي الودر ياخوانّا في حفلة خضر
ازهار ربيع كان بُسطها والنور يبق من وسطها

ارواحنا نالت قِسطها بلغت نهاية بَسطها
بي روقة ما متهابلين وعلي سُرر متقابلين

جلسن سكينة بي وقار طفح السرور والهم غار
مابين كبارن والصغار من نور وعارضا ذوالفقار

فرع النقا المال واتنصب لي قلوبنا بالرشرش عص
القوس تقول صابّينو صب والرشمة
شالت قُناعا واسبغت اتطبقت

الحفلة طيب اتعبّقت وارواحنا في الطقّاق بقت
رقّ الضمير راق الجسم ان يمشي تحسبو ينقسم
للعاشقين ترياقو سم اهو وصفو مابقول الاسم

شكلك لطيف يابتّنا زي القطيف الانتني
غير التنتنة
الحفلة كانت حاجة بون شيكات الوفات ماكبون
الشافعة ديسا للجبون بي روحك اقرب يازبون

[مها]

شموس عفه
العبادي


شموس عفة وبدور دورن _*_ بهي الدنيا وزهي خدورن
حليلن لامتي ازورن
حليل الدر حليل حورن _*_ سحر هاروت سكن حورن
فؤادي الضلّ مسحورن _*_ لابسات روحي في نحورن
طريت بانات تميس راحلة _*_ تميل بي ردوف واحلة
صدور عالية وخصور ناحلة _*_ خدود زاهية و عيون كاحلة
وبينن تمشي متهادية _*_ زهيرة غصننا النادية
تضلم وفي الظلام بادية _*_ سايدة حضورا والبادية
كبير مقدارا وهي صغيرة _*_ حداها البدر مات غيره
اريج بالله جيب غيرا _*_ حصون افكاري ماتغيره
حشمتو وخلقو واخلاقو _*_ غار الكون علي اطلاقو
كتير تقليدو مالاقو _*_ معاطفو وردفو اتلاقو
حنانك يا بهي الصورة _*_ فيك آمالي محصورة
ليك في قلبي مقصورة _*_ محال غيرك يطوف سورا
موفر في الادب قسمو _*_ يضوي العتمة فر بسمو
نسيم لو اوما بيقسمو _*_ يأثر مرو في جسمو
بعد لطفك بعد ظرفك _*_ السيوف طرفك
سلامي الزاكي زي عرفك _*_ يقبل راحتي كفك

[مها]

سائق الفيات

ياسايق الفيات عج بي وخد سنده
بالدرب التجت تجاه ربوع هند
***
بوصيك قبل تبدأ سيرك
داك طريقك سابق الريده
منك بعيد جيده حي هند
المرام عج بي ربوع عبده
شوف سياق الفيات الليلة كيفن هاش
والشجر الكبار بقي شوفنا ليه طشاش
***
شق حشا الطريق واتيمم الحلال
زفنه الكلاب مانالن إلا علال
باقيات ثواني قلال
بينك والغروب داك مشرع الشلال
***
أطوي الارض واضرع
ومن أفكارنا سيرك يا الفيات أسرع
ميل علي المشروع
لا تريع القطيع وتجفل الأدرع
***
شوف النهر مار بخشوع تفول مجسان
كما مر المنام في مقلة النعسان
جلت قدرته ما اظلم الانسان
كم ينسي الجميل كم يجحد الاحسان
***
مانفرن تقول سايق الكلام إلفه
عطشان قلت ليهن وصحت البلفه
مافيش كاس قريب قالن دون كلفه
تشرب من كفوفنا لم تتكفى

[مها]

يا حليل رياضنا الغناء"
ابراهيم العبادي

ياحليل رياضنا الغناء
وصداح هزارها تغنى

يا ليل حظوظنا الجنة
ظرفك علينا تجنى
اخرجنا من الجنة
و فى نار هواها سجنا
يا حليل رياضنا الغناء

عمل الدهر دى العملة
و جاء جرد على الحملة
فارقت دورن جملة
تفرغ عيونى و تملا
يا حليل رياضنا الغناء

مر يا نسيم بجارى
و احكيلو كل الجارى
قول ليهو دمعه الجارى
فى خدوده سوى مجارى
يا حليل رياضنا الغناء

ذكرى الحبيب عاطرانى
كبت دموع ماطرانى
الذمة والاطرانى
سيان لو يطرانى
يا حليل رياضنا الغناء

شلخه الحسامى و خالو
ورمز الصليب فى خالو
بروحى لو اسخالو
سيد عين حياتى اخالو
يا حليل رياضنا الغناء

فقتى الحضر والبادى
فقتى الختم والبادى
سهمك برق عبادى
يمطر جمر فى اكبادى
ياحليل رياضنا الغناء

يا مى خيالك جانى
جنح الظلام ناجانى
هيج على اشجانى
و الجانى ياناس جانى
يا حليل رياضنا الغناء

[مها]

رجال الهمة
العبادي



نـاديـت رجـال الهـمة تـنـجو امونة من الحمي
يالمخـتار شـفيع الامة نـفـس الجـاهلة ما ينخمّ
تصـبح طيبة تسلم ضُمة غـير لي سـرورا مـانتلمّ
يالبضعة الشريفة الزاهرة في سلالتك عفيفة و طاهرة
رجال الهمة
ارسلي نجدتك تجي ظاهرة ورّي الحـمي عـيناً قاهرة
يـالـخـلفا الكرام الستة يالفـي الدنـيا زيطكم شتّ
حـيل امـونة مـاينـبتّ قـولو الحمي عادمة الحتّة
صـاحب السـبقة الاولية تـالـي دولـة الاولـيـا
يـالفاروق وقـيع وعليّا وجـع امـونة ضيفو عليّ
يـالآل و الصحاب الجملة يالدينكم صحيح صاغ عملة
مـن امونة شيلو الحملة ماتضوق تاني قرصة نملة
اقـيفو سادتي الحـسنية الغـر و الطـباعـا سنيّة
يـالصُـلاّح بـنية بـنية تبري امونة جاهلة ونـيّة
يـالقـوم العـهودا وفيّة اهـل الخـرقة الصـوفية
آمـنة الـريدا راسخ فيّ تـتعافـي وتـكون معفية
يـاللجن عموم يصغولك واهل الدايرة يسمعو قولك
واقع بي ابوك ورسـولك وبِتَّك يـابا اوجـب حولك

[مها]

الـضــاوي جـبـيـنـا "

ابراهيم العبادي
........................
الـضـاوي جـبـيـنـا قـفار وتـلال بقو بيني وبينا
النادية

يـاهـمـوم انـسـيـنـا و الاحـلام بـي ثوبـا كُسـينا
مهما زدت مابتنسينا اطلال امدر وربوع خمـسينا

الشــوق حـاســيـنـا نايـح البـلبل مـامواسـيـنا
فـيك اذانا وتـآسـينا يخيب مسعانا ان كان تنسينا

يــابــت اطــريـنـا لوما بيك شوق يابـت خاطرينا
خاصـّي البينا ماتشاطرينا كـفاية كـفـاية كـفاك اطرينا

اســمــع يـاخـيـنـا شـدّ الـشوق ماتـقولو رخينا
عيونّا تفيض بالعبرة سخينة بالمال والروح في هواها سخينا

مــمــا هـويــنــا سـحيقة الهوّة الفـيها هـوينا
البيـنا اهي ماتقولو هوينا اسألـو بس مـولاي تهـويـنا

حــلـيـلـو جبـيـنـا حليلو دلالا وقـوس حاجـبينـا
عيونا الفـاترة وحق نبينا شاقّة فؤادي وكـايلاه غـبيـنة

يـاحــمـام نـاديـنـا رتـّل سـجـعك فـي نـاديـنا
عبـّي وهـات يانسيم ادّينا من ارواحـك طيـب واديـنـا

[مها]

من فروع الحنة"
ابراهيم العبادي
.........................
من فروع الحِنّة وزهرة التفاح هـاج بـلابل فـكري النسـيم الفاح
الجداول تجري فوق خدودك دُر والرشـيمات بَقّـت في اشـعة خُدر
يعمي عيني قبلك مانظرت بدر فـوقو ليـلاً حالك يعلو غصناً ماح
القوام متوازي لاقصر لاطول والشـليخ افعالو تـصرُّفات مسطول
ماهو خاتي دا ساند ضهرو في الاسطول والعيون حُرّاسو وفوق جفونو صِفاح
انت روحي وراحي ليك ظمآن غاب مـا بـصرِّح باسمك مابجيب القاب
انت ديسك خدرك ماكِ صيدة غاب مـن فوارس حيِّك ليك غابة رماح
اختصر افكاري خصرك المعقود مابيُمس بي كفة لاقميص لاعقود
جاربو ردفاً جاير حلمه ليه مفقود عذرو واضح صدرك مالبو جوز تفاح
خلّي امعن شوفو قول لي ايه يا النور هل رأيت لك دمية ام دا جام بَنّور
جلّ من انشاها وصاغا شعلة نور هل دا جيد وقلادة ام نجوم وصباح
المعاصم جدلة والكفيفات غوف والكتيف الهادل بالكفل مشغوف
نايمة او كان صاحية حال جلوس ووقوف شوفو لاحم ديما ومِنّو مالو براح
من جمالك فكري انغمس في بحور هل رأيت لك صيدة ام دي من الحور
احترس ياقلبي البواكرالحور اوع عينيك يبكن
يام جبيناً يندي بالحسن نضاح حالي من دون شرحي كامل الايضاح
ستي لا تاخديني الغرام فضّاح ود محلق قبلي بي سعيتك راح

[مها]

العبادى
مع الرميات و الدوباى
ببكى و بنوح انا دمعى جارى *** مكتول هالــــكنى جــارى
صدرك رمى البـــــــــــدارى *** و اعلن منشـــــور ادارى
و صرح طالـــــــــب ودارى *** و قال فاك و حية خـدارى
اكتل و في الرشـــــــم ادارى *** و على الشـــــلاخ مدارى
يا الساكن غــــــــــرب دارى *** كاتــــــلنى و مـــاك دارى

[مها]

هاك يا سرور وصف البداية *** زى البـــدور اول بــــــــداية
عينيها حور كايدات عـــدايا *** و ستة السطور في الخد نداية
و الرشمة فور جلبت ردايا *** تتجلى نــــور زى الــــــــهداية
فاقت الحضور ثم البــــداية *** زى ناس بـدور جاريات هدايا
عمرى و جميع ملكت يدايا *** بى كل سرور لام خـــــد فداية

[مها]

من اشهر الرميات اغنية العبادى:
التايــــــه دلال ماخــــــابر *** كم قلبا مـــــــعذب و صــــابر
وقفت شئ عجيب في الدار *** و اســــــفرت اللثام عن داره
تتخنتل دلال و قــــــــــداره *** سهم الحاظها ما بتـــــــدارى
انقسمت مشت طــــــــالبانا *** تـــــتمايل و تقـــول البـــــانة
نديان خـــــــدها لطـــــربانة *** زى الزهرة في ابـــــــــــانة
جات تتمايل العرجـــــــــونة *** البى هوى النفوس معـجونة
قول لى اهلنا ما ترجونـــــــا *** ما بضوق السراح مسجونه
آه من طلعتها البـــــــــــــهية *** و اعضاها اللطيفة طــــرية
فاهه من الفظاظــــــــة برية *** يتـــــــــــلالا كأنــــــــه ثريا

[مها]

ومن اروع ما قاله العبادى انذاك هذه الرمية التي كان يؤديها سرور
و كرومة و الامين برهان:

الجرحة نوسربى غور في الضمير
في قلبى خـــــــــلف الكـــــــــــــى
يا ناس الله لى
كان ما الشئ قسم و انا عقلى مداير
ليش عاشق المدلل بيه شن دايـــــر
يمشى الكى قبل و ينسف الدايــــــر
و الديس الغزير لى قامته يضــــاير
و المحى المتل قمر العشا الدايــــــر
يتب في عجن و يقول لى شن دايــر
رحماك يا العشوق طاش الفكر حاير
يا ناس الله لى

[مها]

شوف ريمه (آرام) كيف جالسه فى التصويره
محيها كالبدر فى نوره و التدويره
انظر لى عيونها و دعجتها و تحويره
من كثر الدلال تنشاف عويــــره عويـــره

[مها]

نظرة يا ظبية السلام
تبقى من هجرك سلام
دمت يا روضة الزهور
تجرى فى خدودك النهور
تبقى زى سالف الدهور
خالية من ربقة المهور
الغرام عامل احتلال
رشفة من نيلك الزلال
يعيش حاجبك الهلال

[مها]

رجال الهمة


ناديـت رجـال الهـمة تـنـجو امونة من الحمي
يالمخـتار شـفيع الامة نـفـس الجـاهلة ما ينخمّ
تصـبح طيبة تسلم ضُمة غـير لي سـرورا مـانتلمّ
يالبضعة الشريفة الزاهرة في سلالتك عفيفة و طاهرة
ارسلي نجدتك تجي ظاهرة ورّي الحـمي عـيناً قاهرة
يـالـخـلفا الكرام الستة يالفـي الدنـيا زيطكم شتّ
حـيل امـونة مـاينـبتّ قـولو الحمي عادمة الحتّة
صـاحب السـبقة الاولية تـالـي دولـة الاولـيـا
يـالفاروق وقـيع وعليّا وجـع امـونة ضيفو عليّ
يـالآل و الصحاب الجملة يالدينكم صحيح صاغ عملة
مـن امونة شيلو الحملة ماتضوق تاني قرصة نملة
اقـيفو سادتي الحـسنية الغـر و الطـباعـا سنيّة
يـالصُـلاّح بـنية بـنية تبري امونة جاهلة ونـيّة
يـالقـوم العـهودا وفيّة اهـل الخـرقة الصـوفية
آمـنة الـريدا راسخ فيّ تـتعافـي وتـكون معفية
يـاللجن عموم يصغولك واهل الدايرة يسمعو قولك
واقع بي ابوك ورسـولك وبِتَّك يـابا اوجـب حولك