الـليلـة ديـك

[ام صبا]

كانت ليلة
من عمر السنين
ذكريات الماضى
واصلك بعيد وبعدك جفا
وين ليلاتنا ديك
وين الخريف وين المطر
يا حبيب بعدك شقاء
والشوق ما كفا
لخبط المشاعر وليه الجفا
ذكراها شغلت البال كثيرا
تلك الليلة
يا ليالي الغرام
آهــ من ذكراك
جل شوقى اليك
ومستحيل انساك

[ام صبا]

فى ليلة كانت
اتلاقينا يوم بالصدفه وكانت اجمل صدفه
اتلاقينا فى حروف كانت بتعبرعن شوق
طول للغائب وعن حلم محال تحقيقه
وحسيت من حروفك بعودة روح كانت ضائعه
ولقيته الليله وسط كلماتك
وعادت البسمه الي من تانى
وحظى بسم وصافانى
واه من حرفك شع النور فى كيانى
ونسيت الزمن اليه معاند وياما كتير بكانى
وكانت ليلة

[ام صبا]

كانت بيننا ليلة
ما اجمل الاحلام عندما
تصبح واقعا معاشا
كنت حلمى الذى طالما تمنيته
لتهبنى بعض من السعاده
تلك اللحظات السعيده
التى طالما ساقتنى اليها احلامى
كنت اراك بقربي واحسك
التقينا
فى ليلة قمرية والنسائم ترسل الينا
نسماتها العليلة
كان لقاء اشبه بالحلم
ولكن ادركت انه واقعا
عندما احتضنت يداك يدي
حينها ادركت اننى فى علم
وانها ليلتى
وعلى ان اعيشها كما تمنيت واحببت
ليلة جمعت بيننا فارتوينا حبا
وتدثرت بحنانك
وبتنا فى سعادة ونعيم
وكانت ليلة لا تنسى

[ام صبا]

بهاجر عشان حبك
امكن الايام تحن تجمعنى بيك
والقاك في ليلة حلم
وتفرح قليبي المشتهيك
وآهــ لمن تحين اللحظه ديك
ونتلاقى يوم في الليله ديك
اديك حنان وتدينى الآمان
واسعد كتير واتهنى بيك
في الليلة ديك

[ناجي عثمان عبد الرازق]

وتلك ليلة اخرى .تفتقر من رحيق وجودك !

وأنا فيها حائر بين افكاري و ذكراك و شبح الوحدة يتملكني ..

حينها
تمنيتك هنا
تعطر خلاياي الثملة بعشقك.. بهمسات ناعمة
و تلفح وجهي انفاسك الدافئة
و تتشابك عيوننا بعناق طويل
فأغرق في دفئك .. و أغرق..

[ام صبا]

هذه ليلتى
كم اشتاق فيها اليك ياعمرى
جلست استعيد ذكرياتى معك
في ليلة كانت ولا زال صداها فى نفسى
يوم التقينا
كان بي من الشوق ما لا تستطيع
الحروف ان تصفه
تعاهدنا في تلك الليله على الحب
وان نصون ذلك الحب الذى طالما
حملناه ورويناها
وكان وكنا
وصرنا وابتعدنا
ومازالت الذكرى هى زادى

[الأميرالحب]

لوبقت الملامه فين

لو بقت فينا الملامة وهان علينا نتلاقى مره
ودرب الريد صبح خالى منك
ببقي بحلم بابتسامه
فيها منك ضى وجيهك
فرح باكر
وكيت محل الغياب يزاور بستان شوقي
اشيلك ذاد
وتانى فى عمري تطل نجمة بعد غابت سنين
وأنا الكت قايل تانى ما برجع فرح
الا وكيت طل وجيهك حسيت جمال الدنيا
في قلبي نبت حنين ملون
بغمام قربك أمل
و تانى رجع فيني حنينك
ذي غيم الرجى الماطر
الهدايو وتر ترحالك المشدود
على سكه بعدك البتجيبنى منك دمعة حنين
وبرضو تشيلينى عليك جرح شوق
بطعم الغياب المر الباقي في الأيام وعد
وكيت حسيتو ضميت قلبي على أمس الذكرى
ضمدته الجرح النازف غياب

[ام صبا]

فى الليله ديك
شلت كل الشوق وجيت
وكان الغمام حاجب السحاب
الكون جميل ريحة
دعاش والجو ضباب
وياسلام عليك
كل الانام ساجدين نيام
وانا بين ايديك
رجعة محب لربه تاب
وجيتك اتوب
وامسح معاك كل الذنوب
وتكون الليله من عمر الزمن
وفى الليله ديك احساس عجيب
لما الحبيب يلقى الحبيب
وكان مناي لنداي تجيب
واتخيلتك هناك
وقعدنا متقاربين قريب
والقمر بين السحاب يظهر ويغيب
والزذاذ نازل دعاش
وسرحت بالخاطر بعيد
ومديت يدي وكان الخيال اقرب كتير
واتناجينا باحلى الكلام
وهمست ليك
ليه الغياب
وانا يا روح الروح عليك بغير
ادينى منك شوق وريد
والدنيا بيك الليله عيد
واتكلمنا كلام كتير
وبحنا بالحب والهيام
وقلت لي احلى الكلام
واتعاهدنا نرعاه الغرام
ويا سلام

[بحلم]

فى الليلة ديك
كنت فى حسنك بالصمت
اغنى كل لحن فى هدوء
الليلة ديك كان الجو يشهى
النفس بان تظل هذه الالحان
تبعث قصص الحب للقمر
البعيد وان ينثر الحب للحياة
اه من الليلة ديك ستظل
خالده فى نفسى
الليلة ديـــــــــــــــك

[ام صبا]

بحلم تحياتى وودى

ياماليني شوق حد العشم
دوزن حروفك بالجمال
واكتبني ريد
وبسقيك من دم الوريد
وطوف بالخيال كل البلاد
لو تلقى زي ريد ليك
رسمتك وشم جوه القلب
وماحرك الشجن جواي ألم
لكنه اتحرك بيك اكيد
يوم جيتني صدفه بلا ميعاد
فى الليله ديك
كان الخيال سارح بعيد
وقفت لحظه اتأملك
معقوله بس!!!!!!!!!!!
وكان حلمي بيك
فى يوم سعيد
اتلاقينا يوم فى الليله ديك
وانا
ياما حلمت بيك كتير
ويوم لقيتك قلبى من الفرح
داير يطير
تعال اقعد قريب
دايره احكي ليك
وعاهدنى يكون وعدى بيك
ماهو وعد الحب شديد
وشوف كيف الدنيا بخيره
لما انت تكون سعيد
ولمتنى بيك الليله ديك

[الهايم]

تخيل حبيبي كل يوم
اسأل،،نفس السؤال؟!
ليه احبك" ؟!
ليه احتاجلك ليل ونهار؟ ليه <<انت>>اللي من بين كل هالبشريحتويني
بكل حنااااان" ؟!
ليه اضحك لاصرت عندي قريب؟!
ليه إذا إبتعدت تظلم الدنياوتغيب ؟!
<<رد علي بالله قلي>>
ليه احبك كثر حبات الرمال؟!
وكثرالصحاري والجبال ليه قلبي يحتريك؟!
وإن تباطا قام يناديلك تعااااال،،
تكفى قلي وجاوب على قد السؤال؟!.
ليه احبك"
ليه اضمك فوق صدري واحس الدنيا معاي؟!
ليه بوجودك انسى دنيتي وأرضي وسماي
ليه ادور مايسرك واحس
إني بخيل في عطاي
<<فكر معي>> وقلي،، ليه احبك"
ليه اذوب في غيابك وإن شفتك زادت اشواقي علي ؟!
ليه اتوه وانت بعيد وإن حضرت صارت الدنيا بيدي ؟!
تصصصصصصدق !!
عجزت ألقى إجابه للسؤال ؟!
تدري حبيبي المهم إني

{{((احبببببببببببببببببك))}}
‏
وهذا اهم من السؤال..

[ام صبا]

كان حلم راود خيالي كثيرا
تلك اللقيا المستحيله فاصبحت
شغلي الشاغلك كيف ومتى نلتقى
بي من الشوق اليك ما ارهق حالي
فملك كل تفكيرى
وذات ليلة عادونى الحنين ولم استطع
مغالبته فاطلقت العنان للخيال فكنت
والتقينا كان المساء في ليلة من ليالي
الشتاء الحالمه ومثل هذه الليالي تثير
كل حواسى واصبحت اسيرة تلك الليلة
وكان وكنا وكانت وكانت الليله ديك

[ام صبا]

فى الليلة ديك كان الميعاد
نتلاقى فى ساعة صفا
وحان الوقت والساعه جات واحترت!!!
القاك كيف؟
قلبى من الفرح داير يطير ما صدقت يبتسم
لى الزمان والقاك يا اجمل وعد
الليله اليوم جميل والله طلانا السعد
ما انت روح الروح ولقاك لى اروع وعد
وطال الانتظار وانا فى رجاك
اتعشم واقول ياربي ايه الحصل
تكون نسيت ماممكن يكون انا اكدت ليك
ما تخيب رجاي
اسرع تعال اسمع نداي
عايزاك قريب تكون دائما حداي
وطال الانتظار وما جانى رد
وبقيت براي
وكتمته الدموع يوم لقيتك ما معاي
وآهــ يامناي
كيفن تفوت زولا اهداك حنان
وتخلينى لحزنى وبكاي
ليه ياهواي
ما كان العشم كيفن تخيب
لي رجاي
ورجعت شايله الليل دموع
وغيابك كان اسباب شقاي
وضاع العشم ومات الحنين
الكان جواي
وبكيت عليك فى الليله ديك

[الأميرالحب]

اجمل الليالي التي خطتها لنا اناملك ام صباء

فاين الليالي الحلوه ديك
ياليتها ترجع وتمسح الدمعات
فدموعي منهاره شلال بحيره
فاين الليالي ياليتها ترجع تاني
ليالي زمن كان الجو ممطر
والنسيم عليل
والعصافير تغرد اللحن الجميل
والقمر ساطع بنوره
والنجم من حوله اساوير

[بحلم]

خفق قلبى وله الحق لقد عاش
الهوى ورأى ذلك السهم مصوب اليه
ورأت عينى امال الهوى وقد ارانى
كل احلامى ربما تجمعنا اقدرانا مثل
ما جمعنا اللقاء فى
الليلة ديــــــــــــك

[jasmina]

في الليه ديك...
لما ضاعت الكلمات في نص حديثنا وتبعثرت الحروف ...
لما الرد كان .ــــــــــــ..طالعه من ثغر باسم ...لما كنت بتستنى رد باحساس حالم ....

في اللحظه ديك اتمنيت لو كمل حديثنا نظرة عيونا لما تتلاقا وتحكي اشواقنا ...
لما عيني تقول ليك احكي وبلل حروف شعري الجفت في انتظار مطر القلوب ...

احكي وحروفي حترتوي ...
احكي وحتدب الروح في كلماتي , حتمشي وتشوف اشواقي وين وصلت ...
حتتحسس احساسي وين اتجه ...وروحو وين اتعلقت ...
وحتطلع الكلمات مني وتسافر ليك ...

عشان توصف ...
اسى الايام العاش فيها قلبي يستنى لحظه صدق ...
وروحي تتستنى الفرح المطرز بيك ...

عشان تقص ...
قصة حب ... بدت لحظة القلب نبضو ارتعب ... سرع خطاه ... كالرعد
ماعرف لحظتها ايه الارعبو ...ايه الجهجه كيانو .. وقطع ثباتو ...ومن مكانو حركو ...
بس عرف بعدين انك انت السبب ...
حبك هو الرعد كل احاسيسو بصاعقة شقف ... اتحدت كل الحواليه ووصلتو
صاعقة حنيـــــنه ضربت اوتارو وصحتو ... نورت ليه سما دنيتو ...وورتو ... ان الحبيب هنا بينظر ليك ...

عشان تبكي الكلمات فرح ...
وهي بتشكر قدر ساق ليها حب انغرس.... في اعماق الروح ...
ومصدر سعاده مابتوصف ...لا بنحكي ..لا بترسم ...
بس عيني الوحيده البتقدر توصفو ...لما تلمع ولهانه لنظرتو ....
لما تلاقي عيونك وتسرح طربانه بموسيقى عينيك ...

في اللحظه ديك ...لما تتصارع احاسيسي..
ما اعرف اقول ليك بحبك ... ولا اهجمك واقول ليك انا فت خطوط الحب وولهت بيك ..
ولا اسكت ..اخلي احساسك هو اليسوقك ... ويتحدى السكون ... ويقطع بيك لشاطيء قلبي ...
قلبي الزين ميناءو ...ووسواحلو ... سفنو ومراكبو ...مويتو ورمالو ...عشان يحفل بيك ....

في الاخير ...اسكت خجل ...واتمنى لو نتلاقا لانو
عيوني اجراء مني وحتحكي ليك ...
عيوني اصدق من اي شك في نفسك ...وحتثبت ليك ...
عيوني اشف من انقى ماء نهر .. وحتشف ليك ...
حتشف ليك ... اي احساس ضاعت كلماتو واتبعثرت منو الحروف لما اتكلمنا في الليله ديك ...

[ام صبا]

في الليلة ديك
الشوق جواي ذاد
ومن تاني عاودني الحنين
واشتقت لساعة لماك
واشتقت لو الزمن يجمعني بيك
لحظه اكون معاك
طال شوقي ليك
وارهقنى الحنين وانا في رجاك
ماعرفت اسباب الغياب !!!!!
احكي قول اسباب جفاك
كيفن نسيت همساتي ليك
وهيامي في ساعات صفاك
يوم كنت غامرني بحنانك
وهمي كان اكسب رضاك
مالك جفيت اعتدت البعاد
ولاالظرف عاند هواك
ولا انت براك جفيت
والله ماليني الحنين
وشوقي ديمه ينادي ليك
وقلبي فاكرك ما نساك
ياريت تعود
ونرجع نعيد الكان زمان
في الليلة ديك

[طلال الحكيم]

في الليلة ديك كان الغياب
مكتوب علي
ما عرفت حالك كيف يكون
ما قالو لي
بس حالي معروف ليك
من زمان
وليك الإشتياق
بشويني شي

[ام صبا]

في الليله ديك
ما بين مساحات الشجن وسكة الشوق والسفر
كان احساس بيك مندسى بين لحظة لقاء وغياب
حبيب في ليلة كانت امنية لملمت حروفي عشان
اوصف لقيانا في ليلة خريف
الله عليك احساسي بيك فاق حد الخيال
جو بديع نسمات تداعب في المساء والقمر
وأنا وأنت وليل وقمر وهيام وغرام وسمر
وجو رهيب بينذر بالمطر عشنا لحظات ما بتتوصف
ويا سلام عليك

[طلال الحكيم]

موش قلت لي
(أنا تاني خليتو السفر ؟)
وفارقت الموانيء
وكل محطات القطر
ليه من تاني جيت بالوجع
وتزيد علي دمعي الإنهمر
موش قلت لي
أنا تاني خليتو السفر؟

في الليلة ديك
كان الوداع
أصعب خبر