همس الخواطر والمشاعر

[dream-lady]

جاييك صحِى

جاييك صحِى..
وشايل معاى صفا الشعور
بهديهو ليك لو تسمحى
جاييك صحِى ...
وشايل معاى باقة زهور
وانتى الزهور بتفرِحى
تلقينى بى روعة حضور
وبلقاكى نسمه بِتَنْفَحِى
وروحى المولَّهه بالغرام
ترويها ريده وتفرِحِى
انا جد بحبِّك يا سلاااام
قول لى بريدَك افصِحى..

جاييك صحِى
شان فيح وحيحك يتمحى
وقلبى المعذب بالهيام
مستنى لطفك تمنحِى
وانا فيكى بشَّهى الكلام
شان كُلِّ عاشق يشتهى

رشرشت عطرك بالزهور
قرَّب فراشا تَرَوحِى
ناديت اسيمك فى حبور
جيتينى بى ذاتِك صحِى
كل المكان ضويتى نور
كِدا عن وجودك أفصِحى
جيتك صحى
عاش المكان ألق الحضور
ومنح الزمان ما نشتهى

13/9/2012 الخميسِ

ابداع روعة

[مها]

ومهما يطول زمان الفرقة
يانغم القصيد الكان
أكيد بلقاك ياروحي
وتغني الضحكة في عيني
ونفرح للعمر بهجة
وبكل صراحة بهتف بى خلايا دماي
بحب الدنيا شان حبك

[omar babikir]

من أوّل المشوار..

حسّيتْ بأنِّى معاكْ

حفيانَهْ منِّى الروح

ولا مجنون.. ولا سالِم

***

تقدّم سكّتَك مرَّهْ..

تأخِّر سكَّتى ..مرّات

وتظهر فى القمر أشكال..

لإحساس مرَّهْ جانى وفات

أقول يمْكِن سراب باللّيل

أقول جايز نُحول خافِت..

وادخُل فى ظِلال أنَّات

بقيتْ أحسِب حساب الشوق