مســـــــــــــــــــدار + مســــــــــــــدار

[ودالدرديري]

أمات البنات بالحيل علينا تغيتو
ولوجاكم عريس بالشيلة تخربو بيتو
بالمال والدهب كيمان تطلعو زيتو
انا غايتو العرس لادايرو لاخليتو

[مهند عبد الرحمن]

البورة يا ود يس ما بندورة تب للبنات
الا كمان مفروض يكونن حكيمات
ما يتطاولن ويقولن داريرات ودايرات
لو دي الحالة يمين طول عمرهن يقعدن بايرات

[مهند عبد الرحمن]

ود الدرديري بالجد موضوعك خطير
حتى انا كمان من الزواج عاوز اطير
تكاليفو كتيرة والبنات ما بهمهن التقطير
ده كلو هين بس المجنني حق الكوفير

[شـهد الكلامـ]

دا شنو الموضوع قلب عنصريه شباب وانا بت وسط ريااااااييييل
يا شباب فى عرس اخير منو نمشط البيضاء بالسوداء ولا اقول البيضاء بالبيضاء :079:
فى رجال محسوبييين رجال بهدومهم بس .

توخى الزوج او الزوجه المناسبه يصنع الزواج المناسب .

ولا شنو؟؟؟؟؟

يااخوانى العرس خلوه بس بالنيه

اصدق فيها تلقا الفى المراد ملفيه

كان لازمت للطيبه وسماحة النيه

وعدا من اله واحد تختاك كل بغيه

ما تعمل فواحش وترجى واحده تقيه


شباب ان استعنت بالايه الكريمه التى تقول ( الطيبون للطيبات والخبيثون للخبيثات ) صدق الله العظيم

[مهند عبد الرحمن]

شهد يا اختنا كلامك في محلو
دايرين نقعد نشوف الصعب ونحلو
بس البنات هم البسيبو ويخلو
عاوزات المادة ام كلاما حلّو

[احمد يس]

* الصعب يا مهند مش فى العروس براها
* فى البداية تقول تعال وما يهمك ما فى متاها
* مجرد ما جت رجلك فى الخية ما تعرف دواها
* كان دفعت كتير والا قليل رضاها صعب التحقيق فى دنياها
*

[مهند عبد الرحمن]

كلامك صاح وانا للبنات جربت
ما تنوم في امان بعدت واكان قربت
ما يغشنك بي كلامن انا ليهن اتدربت
ما بخلنك براك مهما منهن اتهربت

[شـهد الكلامـ]

خفو علينا ياناس رفقا بالقوارير

يكتلو الكتيل ويجيبو معاو فواتير

عاملييين الدواهى وراصييين الطوابير

الواحد يجمع ستين بنيه ويقول معازير

[مهند عبد الرحمن]

شهد نحن بنقول الحاجة الشاعرين بيها
وما معروف العمر كان لينا واللا ليها
لكن في الاصل البت مفروض تشوف العليها
عشان ما تبور والحسرة تملا عينيها

[احمد يس]

والله نحنا ما جننا الا الطوابير
كل طابور واقفين فيهو مثل الطير
لا عارفينو فى صالحنا والا فى صالح الغير
الا طابور العرس واقفين فيهو بالرغم انه تدمير

[ودالدرديري]

يامهند تعال سيب الكلام والعوة
ويااحمد اخوي شوف العرس شن سوا
ياشهد الكلام سبنا العرس والخوة
شوفولكم عريس طلقنا بنوت حواء

[مهند عبد الرحمن]

يا ود الدرديري بنات حواء شيبن راسنا
خللنا مدلقنين يا حليلو زمن باسنا
ما بيرجع عزنا الا نخت ساسنا
ونحارب بنات حواء قبال ما يكتمن انفاسنا

[ودالدرديري]

بنوت حوا ديل يا اخوي جد صعبات
يكتلن الكتيل ويقولو ماعارفات
الجيب اب قروش خلنو بس هللات
راجين الكريم وعوضنا في الجايات

[مهند عبد الرحمن]

دي مشكلة البشرية من بداية الكون
بنات حواء ديل زولن ديمة ممكون
يجري وراهن وهن واقفات كركون
بي جرة قلم يخلنك ذي فلم كرتون

[ودالدرديري]

واحد قال:-
قدر مااقول اتوب من البنات وانساهن
قلبي يفرني وعزالمنام أطراهن
ستاتنا الظراف المافي حاجة بلاهن
الله بنذكرو وهن في الآخرة مابننساهن





تخريمة:-
اهداء لشهدالكلام كرفـق بالقوارير وكدا

[مهند عبد الرحمن]

يا ود الدرديري اخوي عارفين براهن ما بنبقا
احسن ليك تتراجع وتحل الرفقا
بخاف واحدة في المنتدى تكون ليك ويمكن تلقى
بعدين كيف لو بادرت ليك بي خنقة

[شـهد الكلامـ]

والله كـــــلامكم ذكرنى البعمل سواة ويسبقك يتشكا

وين ياحسرة فات زمن البنات وقتين يختو الملوا

يدوك من صاع الالم اكتر عليك من حلم عز صحوه

لاتعرف تعدى ولاتعرف تراجع دربا مشيتو والنفس منطربا

شايفاهن بنات زمنى بايعيين القضيه وديل ياهن سبب المنخربا

حرم ما بنهاود و مابنجابد فى قرش بس الدين والخلق مرغوبا

[ودالدرديري]

بالحيل ياشهد الروقة تب مطلوبة
والاخلاق كمان زينة وكتير مرغوبة
بايعات القضية البوره دقن طوبا
لكن الجمال نقعدلو في الراكوبة

[احمد يس]

عندك حق يا درديرى الجمال عندنا فى الراكوبة
تعالى شوف اصيلة وولدها الصينى زى الدبدوبة
سارونة جايبة لينا فساتين زفاف عشان نقول التوبة
شهد الكلام كمان تجدع ابيات شعر اظهر عليها ممكونة
سودانية نار تمر بهنا كل حين ومين بس هى انسانة شملولة

[مهند عبد الرحمن]

الجمال يا درديري اخوي ما بسد الفرقة
دايرين البنات امات عصيدة ومرقة
ما تبقي الحكاية دفتر وقلم وورقة