بسم الله الرحمن الرحيم قدر ما يقول الزول اتوب قدر ما يقول الزول اتوب من التمباك ومصايبو اجيهو ابليس ناطى واقولو مااااالك سايبو؟! ود عمارى الاصيل الكل ياخى حبايبو حتى بنات حواء عرفن الكيف ومطايبو
قدر ما يقول الزول اتوب من الضمنة والكشتينة ابليس اللعين اقولو الليلة يا فردة جبتها شينة كيف تسيب قعدة الاخوان وليه تبقى إضينة؟ عشان فى اللعب كيشة وللجماعة جنينة؟
قدر ما يقول الزول اتوب من الكورة والتشجيع ابليس اللعين اجيهو جارى سريع اقول ليهو عشان تيمك ضعيف واداءه ياخى وضيع؟ وخصمك تيمو صاح وبقدم عرض بديع؟
قدر ما يقول الزول اتوب من المسلسلات والافلام ابلس اللعين اقولو عندى ليك ياخى كلام منو القال ليك البتشوفو كل ياخى حرام؟ خلاص غمض عيونك وامشى فى كل شارع عام وخلى تصدمك عربية وما القو فيك لا لحم لا عضام
قدر ما يقول الزول اتوب من الونسة وسهر الليل ابليس اللعين اجيهو زعلان بالحيل اقولو خلاص اقنع ناس سهاد وهديل وبيع الجهاز واشبع نوم من بكرة ياخى عديل وخلى النوم ابقالك بديل لصوت حنون وجميل
ابليس اللعين واضح معاهو صعبة التوبة لعديم اليقين الارادتو جد مسلوبة ببقى لابليس رفيق وفى ايدو بصير العوبة وبنسيهو الذكر وحتى الصلاة المكتوبة واهوال القيامة وكيف الناس بتقاسى كروبا
بسم الله الرحمن الرحيم
حب حسب المهنة
@كتب سائق حافلة لمحبوبته
بحبك اكتر من حبى لفردة يوم احد وخميس
واكتر من حبى لفردة عيد بيع التذاكر فيها بالتحنيس
واكتر من حبى لشارعا ملان ركاب وخلقو دفيس
هادى لا بتسمع فيهو صفافير ناس حركة لا بوليس
@وكتب موظف
بحبك اكتر من حبى لحافز بصرفوهو دوام للعيد
واكتر من حبى لصرف مرتب والتوقيع فى البيشيد
واكتر من حبى لترقية بتفرح وتخلى المرتب ازيد
واكتر من حبى لذوق صاحب بقالة معاملتو حلوة شديد
@وكتب تاجر
بحبك اكتر من حبى لتجارة كل انواع العملة
واكتر من حبى لسوقا قالب فيهو البيع بالجملة
واكتر من حبى لكاش زبون دفعياتو دوام مكتملة
واكتر من حبى لمخزن مستف ما فيهو فرقتا تدخل نملة
@وكتب صاحب مطعم
بحبك اكتر من حبى لطلبات الكبدة والسمك والشية
واكتر من حبى لطلبات البلدى والقراصة بالدمعة والتقلية
واكتر من حبى لطلبات الفول المصلح بالبيض والجبنة والطعمية
واكتر من حبى لكفتيرة شاى عدادا رامى من الصباح حدو عشية
@وكتب لاعب كورة
بحبك اكتر من حبى لهدفا احرزتو فى زمنا قاتل شديد بالحيل
واكتر من حبى لتشجيع جمهور نهاية الكورة بتشيلنى عديل
واكتر من حبى لاعلاما بكتب دوام عنى وبثنى عليا كتير
واكتر من حبى لموسما مفكوك فيهو وجاهز لسماسرلتسجيل
واكتر من حبى لفرصة احتراف ولو فى تيم النجم الكبير اوزيل
بسم الله الرحمن الرحيم كتب معلم لمحبوبته: بحبك اكتر من حبى للمدارس الخاصة القروشا كتيرة واكتر من حبى لدروس خصوصية لطالب ابوهو وظيفتو كبيرة واكتر من حبى لفرصة انتدات كت راجيها فترة طويلة واكتر من حبى لفروقات ترقية بتساهم كتير فى الشيلة
بسم الله الرحمن الرحيم كتب معلم لمحبوبته: بحبك اكتر من حبى للمدارس الخاصة القروشا كتيرة واكتر من حبى لدروس خصوصية لطالب ابوهو وظيفتو كبيرة واكتر من حبى لفرصة انتدات كت راجيها فترة طويلة واكتر من حبى لفروقات ترقية بتساهم كتير فى الشيلة
بسم الله الرحمن الرحيم
مجادعات{العرس} بين الدكتور البق بوص المغترب بلندن وجيها وود عباس
@الدكتور البق بوص
ودعباس اخوى انا اخوك وصاحبك البق بوص
محتار فى الغربة......يا خوى شوفلى عروس
تكون بشلوخا وبتعرف المفروكة وكمان بتعوس
تسكن معاى فى عشة فيها نورنا بالفانوس
@ود عباس
الدكتور اخوى شايفك بالعرس بقيت مهوووس
لو جادى فعلا.....وعندك طموح ملموس
بلقالك عروس فى ام تكشو بتدى دروس
بتنور بام ضنيب وهدامك فى السحارة هناك مدفوس
@جيها
ود عباس اخوى عرسنا اصبح قاسى
وفى الشارع الكبير النقة فتلت راسى {اها بتعرس متين اها بتعرس متين}
لا لقيت الشلوخ ولا طرحة فوق الراسى
فتش لى معاهو ما تصهين وتعمل ناسى
@ود عباس
جيها اخوى لو من موضوع العرس بتقاسى
الواحد جد بحن عليك وتستاهل ليكا يواسى
بلقالك عروس مسنة واحدة بايركسى اساسى
سنة سنتين وتحتفل بعيد ميلادا الماسى
@الدكتور البق بوص
ودعباس اخوى فى عرس ام شلوخ لازم نسوى طقوس
بفركة القرمصيص ترقص... ويكون المكان محروس
الكركار جميل بزيد الشعر والكريم بسوى الشعر مهروس
وام تكشو لذيذة ومشهورة وكمان مكتوبة فى القاموس
@ودعباس
الدكتور اخوى هاك كلام مخصوص
هناك قطع الرحط مباراة فاقدة كؤؤس
وباللورى سيرتك معاك خلق كتييير مدفوس
وعروسك ام بخوت احلى من ناس رشا وشموس
@ود عباس
الدكتور اخوى طلب بسيط من بلاد برة
وعارفك زول كلس ما بتخذلنى قط مرة
طلبى ما عائز فلوس ولا بسبب ليكا مضرة
عايزلى خواجية عروس تكون لام العيال ضرة
ملطوووووووووووووش
هههههههه مشكور اخونا ninar tato على المرور الظريف وهاك هذه الهدية: في الفيس شفنا حاجات اصلو ما معقولة ناس موهومة ناس كضابة ناس مخبولة اب شنب القبيل في الحلة اسمو ) بلولة ( جوة في الفيس مسمى ) نمارق العسولة ( في البارى البنات عامل ولد رومانسي اﻻ كمان بشوف شخصيتو مو متجانسي في الما بتختشي وقالت : عديل انا نانسي وفي النوع البخت في الصورة ملكة جانسي في البكتب يقول عاذب بكل بساطة اﻻ حقيقة متزوج .... وﻻدو تﻼاااتة في النوع التقول لسع صغيرة حﻼتا اﻻ تراها عاد قطر العرايس فاااااتا في البسرق كﻼم الناس عشان يظهربو يلقى قصيدة او منشور سمح يفخربو في البسرق حسابك شان يسوطو يخربو دا النوع المريض يا اخوانا واااجب حربو وفي الناس البعزو الخوة ماااا بنسوها ستارين عروض العيبة ماااا بسووها ديل اهلي العزاز الشينة ما بمرقوها ديل حتى الحروف مشتاقة شان يقروها طبعا ملطوووووووووش
هههههههههههههههههههههههههه
الله يكفينا شر ناس نمارق العسوله
ادخلت السرور فى نفسى
الله يدخل السرور فى نفسك يوم الحشر
بت الاتصالات صوتا أحلى من موسيقى
ومن صوتا واضح بنية راقية أنيقة
وبت الاتصالات يا شباب من اسرة كبيرة عريقة
وبنشحن الرصيد عشان عبارة حلوة رقيقة
بت الاتصالات تنبيها بعبارة حلوة رشيقة
ويا ريت لو كمان تنبهنا كل دقيقة
ودنيانا دونا كيف يا شباب بنطيقا
وبنشحن الرصيد وبننسى المعيشة وضيقا
بت الاتصالات فى البنات انسانة رائعة وديعة
وكل الشافا قال اخلاقا عالية رفيعة
وبت الاتصالات يا شباب تستاهل تبقى مذيعة
وبنشحن الرصيد حتى لو تكمل فلوسنا جميعا
بت الاتصالات تنبيها كل الخلق بتريدو
ويا ريت كمان فى كل لحظة تعيدو
البسمع صوتا ببقى اكيد يوم عيدو
والزول بنسى المعائش وما بنسى شحن رصيدو
الزول بزعل يوم تكون طاشة الشبكة
وبدبرس شديد وبتغلبو عديل الحركة
وبكتب فيها الشعر لو عندو حبة ملكة وشحن الرصيد فيهو الخير والبركة
نجم التسجيلات شوفونى انا لاعب كورة ونجم سعرو مليون دولار وزول مرطب وجد مروق وفى البنك عندى قروش كتار ولاعب حريف وكمان مدلل وبملك برادو بدل حمار وسكن فاخر وكمان مكندش خالى بعوضة عديم غبار وقيود صارمة مفروضة حولى ممنوع بتاتا حضور زوار وبرنامج يومى لى محدد نوم كتير كل النهار ولو ادارى عائز انجح اكون معاي عال العال والصحيفة العائزة شهرة لابد تجرى معاى حوار وفى الميدان دائما منرفز تسعين دقيقة فى شجار ولو المدرب نادى لى برفض بحزم اى غيار ولو فريقنا هزايمو كترت التحكيم شماعة لا محال والادارى بقول لى هاردلك فى التحكيم بنفتح نار ولو لماتش يوم خسرت جمهور بجيد قذف الحجار ولو فى كورة يوم اصبت ضرورى اسافر عبر المطار وعند الهزيمة تلقانى ضالع عامل مصاب فى رجلى الشمال وبعد نهاية موسم فاشل بكون مشطوب بدون جدال وتبدأ الساقية تاااانى تدور زى كديس يبحث عن فار وعربات فارهة لى تطارد وتبقى شمطة مريخ هلال
