جاءنا البان التالي .... لقاء العمالقة

[شـهد الكلامـ]

طبعا ياشباب ماقادره اصدق انى التقيت نار

ونار فى نار
كان اللقاء

برجع ليكم
بالتفاصيل
بعد ان الملم اطرافى

فرحانه والله
وفـــــــــــــــــــــرحتا بيك حبيبتى سودانيه نار






:D

[حافظ عوض الله محمد]

اهداء الى الاخوات سودانيه وشهد

بمناسبه السفر واللقاء

مسافره خلاسْ !

ونحنَ الدوبنا

يا دوبْ جينا

شايلينْ فى العُيونْ أمطارْ

وجايينْ

من ليالى الشوقْ

ودايرِنكْ تكونى نهارْ

الغاليه اختى العزيزه سودانيه نار سعدت بلقاءكم انتى وشهد
العبره باللقاء وعاوز شمار كتييير لمن تجى بالسلامه
بس كيف كان شعورك وشهد كانت عارفه انك سودانيه وانتى ماكنتى عارفه
كده واضح ياهتان


اهـ الحصل شنو
اتلاقيتو كيف ومتين
الشيخ المكعوج الجداد فى سنك مابتشوفو

الجيو المقلب الجاى استعد

[سودانية نار]

من بورتسودان ..... الخيال
ومع شهد الكلام ..... وكل الجمال
مساء زيو ما في ..... مساء رائع زي عروس الثغر وزينة السودان
التفاصيل لاحقا لاحقا لاحقا
بحاول قدر ما اقدر استفيد من كل ثانية لي بهذة المدينة الجميلة
والرائعة بحق وحقيقة
شهودة ...... خليكم قراااااااااب

[سودانية نار]

اهداء الى الاخوات سودانيه وشهد

بمناسبه السفر واللقاء

مسافره خلاسْ !

ونحنَ الدوبنا

يا دوبْ جينا

شايلينْ فى العُيونْ أمطارْ

وجايينْ

من ليالى الشوقْ

ودايرِنكْ تكونى نهارْ

الغاليه اختى العزيزه سودانيه نار سعدت بلقاءكم انتى وشهد
العبره باللقاء وعاوز شمار كتييير لمن تجى بالسلامه
بس كيف كان شعورك وشهد كانت عارفه انك سودانيه وانتى ماكنتى عارفه
كده واضح ياهتان


اهـ الحصل شنو
اتلاقيتو كيف ومتين
الشيخ المكعوج الجداد فى سنك مابتشوفو

الجيو المقلب الجاى استعد

صبرا يا حافظ
لانتقمن منك شر انتقاااااااام
ارجي المقالب الجاية
خربت علي التخطيط
وكلمتها قبل ما اصل
اصبر

[sarona]

صديقتي الجميلة سودانية نار ...عاجزة عن شكرك

فـكان يوم لا ينسى ... أنا على ثقة بانه سيظل في ذاكرة الجميع ....

أسعدني بل شرفني كثيرا مقابلة تلك الكوكبة الجميلة من أعضاء أنا سوداني

يوم عمت فيه روح المودة والاخاء ....فكان بحق أحلى واجمل و أروع يوم ....

الكل كان رائع بل أستثناء .... سودانية نار .... لحظة غروب ... أصيلة ..... ننوسة ...حافظ

صهيب .... أستيل ....حزن السنين .... نغم ....

وازدات الروعة بمشاركة الاعزاء استارو وشهد الكلام

أمضيت بصحبتكم لحظات رائعة ستظل في ذاكرتي ما دمت اتنفس ...

.

.

[sunni]

أختنا العزيزة الحبيبة سارونا.

والله وحشنا الخط واللون والتوقيع

حمدا لله على السلامة. وإن شاء الله ما نسيتي ودعيتي لينا في حضرة خير البشر

[شـهد الكلامـ]

بسم الله
والصلاة والسلام على رسول الله

صباح باشراقة الشمس من السواحل
صباح بعبق البحر يقتحم الدواخل
صباح زانه اعتدال الطقس ياكل النوازل

جيناكم ياحبايبنا
بعد غيبه

ناسف جدا شباب
كان مناى اديكم التفاصيل يوم بيوم
بس ما باليد حيله
الاسبوع الماضى كان اسبوع ضغط بالنسبه لى
بجى من الصباح اخلص شغلى باسرع ما يمكن عشان اى فرقه تلقاها سودانيه نار اكون جـــــــــــاهزه


الفرحه بلمتنا ع شواطى البحر لاتوصف

الصور لاحقا مع سودانيه نار


ح اسرد ليكم واحده بواحده عشان هى قصه كما الخيال ف الروعه


خليكم قراااااااااااااااااااب ( اقتباس )

[شـهد الكلامـ]

البـــــدايه :

فى نمط المكالمات التلفونيه مابكون دايما اون لاين

ومرات كتير بجى القى مكالمه لم يرد عليها من الاصدقاء

صادف الجمعه القبل الماضيه وجدتا مكالمات لم يرد عليها كميييييه من نــــــــار

ياربى سودانيه مالا
اللهم اجعلو خير
بجد
قلقتا

رجعتا ليها :

بعد السلام ومش عارف الاخبار وشنو
قلتا ليها : بجد قلقتا خير ؟؟
قالت : لا بس فى زميل لى ح يجى بورتسودان وعايزا اعرف عنوانك بالكامل
بعد زرزره منى ليها

اوكى يتفضل
ايم ويتنق هم .


اصرار نار انها تاخد العنوان يوم الجمعه مع انو هو ح يجى الاربع ادانى احساس انها بتخطط لشى

والانتنا بتاعت الحاسه السادسه اشتغلت

صادف بعد كم يوم كدا :

دار الحوار الاتى
بينى وبين عضو ف المنتدى :

شهد : السلام عليكم
العضو : وعليكم السلام شهوده
شهد : بعد السلام ومش عارف 0000000
العضو : الجو كيف عندكم
شهد : والله كان نار الله الموقده بس الان بدا يتصلح
العضو : وفى الايام الجايه حيتصلح اكتر
شهد : ايوه بورتسودان من اول تسعه الطقس بيتغير تماما عن تمنيه
العضو : لا قصدى حيتصلح مع ناس كدا
شهد : ناس كدا ؟؟؟
العضو : لا ولا حاجه
شهد : لا لا لا كدى ورينى قصدك بالواضح
العضو : محاولة تغير الموضوع
شهد : الا تورينى
العضو : اوريك لكن لا بعرفك لا كلمتك اوكى
شهد : جدا جدا ماقلتا لى خالص
العضو : سودانيه نار جايه ع بورتسودان وعايزا تفاجئك
شهد : عليك الله
العضو : والله
شهد : هى قالت لى ماشه النيل الابيض
العضو : لا هى عندها جوله مدنى القضارف جبيت طوكر بورتسودان كسلا
شهد : كداااااااااااااااااااااااا طيييييييييييييب
العضو : انا مغيوظ عشان مقلبونى وعايز امقلبا
شهد : وانا بمقلبا ليك وارجع ليك حقك بس انتا ادينى تفاصيل التحرك واحده بواحده

وتم الاتفاااااااااااااااااااااااااااااق

[أيمن]

[poem= font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كان التلاقى باسما...............=
كالثقر فى وضح النهار ........=
نظرت لها.........................=
قالت وقد ابدت حياءا فى السؤال=
اوا شهد انتى؟.....................=
اى نعم............................=
اوا انت سودانيه نار؟.............=
قالت لها.............................=
ان شئت مياده ولكن لاغبار..........=
عليك انت لك الخيار .................=
فتهللت شهد الكلام......................=
يامرحبا.................................=
عمت بشائرنا وطال الانتظار..........=
كان العناق.............................=
كان التلاق.............................=
كان التحدث بالرفاق..................=
قالت لها دارى محطك خير دار=
أخبرت اهلى بالقدوم.............=
يتهللون كبارهم حتى الصغار........=
ومضين يلتقيان يوما فى بلص.......=
يوما على شاطى البحار..............=
حتى أتى يوم الوداع.................=
قد كان مثله واللقاء شاقا وحار.......=
وأظنهن زرفن دمعا................=
قد روى أرض المطار................=
نعم الاله كثيره.....................=
وأجلهن صديق بار..................=[/poem]

[شـهد الكلامـ]

ايمن والروعه :

دايما ما تحرجنا بروعتك كلماتك ووصوفك الشعريه
الرائع حد الدهشه
ايمن

:D ما تستعجل ع رزقك
جاياكم حته حته
ح اسرد ليكم التفاصيل بالنمله

لسه مازرفنا الدموع
دموع الوداع
المفروض
ح نتوادع اليوم مساء
مع المغارب
لانو نار من امس ف طوكر

ملحوظه :
ـــــــــــــ

كدا الاداره تشوف لينا الاى بى بتاع ايمن دا من وين؟؟؟
بديت اشك انك ف بورتسودان
دا شنو
حافظ اى شى
نسيت الدريك

والسقاله دى جديده مابتعرفااااااااااااااا مش يانار ؟؟؟؟؟؟

[الدكتوره]

كل الروعه فى هذا اللقاء اكيد
والله بختكم ياشهد وسودانيه


تخريمه
لكن لقيت العضو خشمه خفيف

[حافظ عوض الله محمد]

تخريمه
لكن لقيت العضو خشمه خفيف

مع انى بتفق معاك فى خفه خشم العضو الا انو احتمال تكون عندو مبررات منطقيه

[sarona]

أختنا العزيزة الحبيبة سارونا.

والله وحشنا الخط واللون والتوقيع

حمدا لله على السلامة. وإن شاء الله ما نسيتي ودعيتي لينا في حضرة خير البشر

أخ السني .....

تسلم يارب من كل بلاء ....

شاكرة جدا لشعورك الجميل ودام الله بينا روح المودة والاخاء

دعيت للجميع وربنا يقبل .... وعقبال يارب ما تجي وتزوره

[sarona]

الجميله سارونا ..
القمر سودانيه نار ..

تحيه لكم جميعا مني إلى ارض الحب والجمال ..

بختكم يا ناس السودان ..
لمتكم الحلوه والمشاعر الرائعه بين الأحباب ..
ربنا يبعد عين الحسووووووووووووووود ..
ويخلينا لبعض أكتر من أخوة ..

صديقتي العزيزة ...

كان يوم جميل لا ينقصه سوى وجودكم

لقيت ليك البت سودانية نار دي بتاعت مقالب درجة أولى :D

ز

[شـهد الكلامـ]

كل الروعه فى هذا اللقاء اكيد
والله بختكم ياشهد وسودانيه

الروعه مستمده منك يادكتورتنا يارائعه
تسلمى
ومشكوره ع التفقد امس
وفرحنا بيك وباتصالك
عقبال لما نشوفك كمان

تخريمه
لكن لقيت العضو خشمه خفيف

بالمناسبه
ماخفه
كان عربون صداقه
هو انا نسيت اقول انو قال لى اعتبرى الخبر دا عربون صداقه
وانا بقول ليو من غير عرابييييين نحنا اصدقاء

[شـهد الكلامـ]

مع انى بتفق معاك فى خفه خشم العضو الا انو احتمال تكون عندو مبررات منطقيه

الرائع دوما حافظ :

وينك يارجل مختفى
الدسوسيه دى خليها كمان يومييين كداااااا من الكتاحه الح تجى الخرطوم

انا برضو قلتا كدا ياحافظ اكيد هو بيتسدا المقلب المشى عليو وخصوصا انو كان فيها صلح وكداااا

[شـهد الكلامـ]

نـــــــــــــــــــواصل :

طبعا قررتا وكتها اعمل مقلب هلامى لسودانيه نار
انا طبعا شايفا صورتا وبعرفا خخخخخخخ
وريتى لصحبتى وح نرمز ليها بنورس عشان هى كانت معانا ف كل التحركات

نورس عارفه تفاصيل المنتدى كويس

اديتا حبة رتوش وقلتا ليها ح تكونى انتى شهد لما تجى سودانيه نار
تونسيها لامن قلبها يتقطع
اى تفصيله تحسى انك ما متاكده منها
ماتردى
اعملى روحك انشغلتى
ههههههه

وتعالى اسالينى ف المكتب التانى
وانا بجى اسلم ع اساس انا موظفه معاكم

خخخخخخخخخخخخخ

نواصل الحلقه القادمه

[sarona]

نـــــــــــــــــــواصل :

طبعا قررتا وكتها اعمل مقلب هلامى لسودانيه نار

شهودة العسل ....

سلام مربع وشوق بلا حدود ....

من الرائع جدا ان يتواصل مسلل لقاءات الاعضاء

اشعر تماما بروعة االاوقات التي امضيتوها معا .....

حاسداكم بس على خفيف ......

يعني سودانية نار اتمقلبت ...ههههههههههههه

ناس كتار ح يهنوك صدقيني :D ...


تخريمة

حافظ الخفة ليك شنو جيت ناطي تدافع عن العضو .....

.

[الدكتوره]

مع انى بتفق معاك فى خفه خشم العضو الا انو احتمال تكون عندو مبررات منطقيه

قلت كدا ياحافظ
سنه يا المبررات



شهد حرقتى روحنا ياخ
ومسكينه يا سودانيه

[شـهد الكلامـ]

شهودة العسل ....

سلام مربع وشوق بلا حدود ....

من الرائع جدا ان يتواصل مسلل لقاءات الاعضاء

اشعر تماما بروعة االاوقات التي امضيتوها معا .....

حاسداكم بس على خفيف ......:

يعني سودانية نار اتمقلبت ...ههههههههههههه

ناس كتار ح يهنوك صدقيني


تخريمة

حافظ الخفة ليك شنو جيت ناطي تدافع عن العضو .....

سارونا يارقه متناهيه
دا الوصل الى احدااقنا اقصد اسماعنا
والله كنتا اتمنى رؤيتك بس ربك ما اراد
عموما
بجيكم ع المملكه
لو ف العمر بقيه اصلو الكبر دخل يابت امى

والله والله ياسارونا
احنا التقينا كم مره بس
اليوم القضيناهو مع بعض برفقة نورس
كان ولا الاحلام
طبعا صورنا ليكم اى شئ
حتى السمكه الاكلناهاااااا


نار قلتى لى قالووووووو شنو؟؟؟ صورة شنو؟؟؟؟

حافظ خلوه ياناس مابراوووو
هو خايف من الفعل ورد الفعل :D