منتدى أنا سوداني

waya كتب:

زول ملكتو امرك كان غلط ما تلومو
وما تعشم صغير بيك يكبر كومو
الزول الصميم بي حكمه داوي همومو
ما تستنا لي قسم اليقوم من نومو

امال الناس كتب:

قالوا القرين إلى المقارن ينتمي
حسنًا فعلت فلست من أقراني

كفوًا له كنتِ وليس لغيــــره
أما أنا فعزائي في نسياني

راهنــت نفسي فيــك دون تحفــظ
فخسرت في الشوط الأخير رهاني

وأضعت عمرًا في هواك وليتني
قد عشت مما ضاع بضع ثوان

امال الناس كتب:

بقناعتي هادنت كذبك كله
ومسكت بالصمت المذل لساني

وكظمت غيظي يومها في داخلي
وقلت أشهد أنني كنتُ الضحية دائمًا والجاني

لبيب كتب:

يا اخوانا الغرام داير صبر ماساهل
داير بال طويل زولاً مرتب وماهل
في الحب والهيام لى زولو مامتجاهل
ديمة يذكرو أبدا ليهو تب ماجاهل


ولاّ شنو ؟

الله يحيك ياغالى
واحى الاخت امال
مجادعة كاربة
شدو حيلكم


مسدار العيون فى لحظة فيك عِشقنــــــا
وحُـب السمحــة فى داخـِـل فـــؤادنــا حَـرقنــــــا
بسمــــــاتِك علــىِ بَــــــر الأمان تمـــــــرُقنـــــــا
وسِهــــــام عينيكـــى زى البنـــج أخطــر حُقنـــــا

لبيب كتب:

دكتورة السرور جات دارعة للسماعة
في إيديها دبلة ولابسة أحسن ساعة
لصفات عينا زي العقرب اللساعة
زال عقلي وطفش ماعرفت كم الساعة

المستشفـــى فــى بابـــه الكبيــــر واقفيـــــــــــــن
وجــات السمحــة تقــــــدِل بيــن نجــوم إتنيـــن
فـَـــرّتْ سِنهــــــــا البـــرِق الرَعـــدتـَــو تنيــــــن
ودايـــــــرة وشهـــــــا القمــــر الضيــاهو مَتيـــن