همس القوافى

[لبيب]

ومتعشم لقاك لازال
عشان ارتاح
وطعم الفرحة يغشاني
ويزور البال
....
رفعتك في المعالي قصيد
غرام تتعلمو الأجيال
تأكد إنو مهما يكون
محال انساك
والله محال

[waya]

في حضرتك ..
تتبدل اللغة والحروف..
... والدنيا تلبس انبهار
اللهفة والوله الشفوف..
وانا ياجميل مالينى خوف..
أصله الزمن عودنا ...
ما نتهنّى بى حلو الظروف..
لكنى بيك بزرع مساحات الفرح
وازحم خواطر الناس طيوف..
ويفضل هواك نور الزمان
فى دنيا ما بتعرف كسوف..
تهمس بشايرك للصباح ..
سر فتنتك توشيها للنيل والجروف..
وتتفتح اكمام الزهور
بينن خبر جيتك يطوف..
لغناك فى دنيا الجمال
يتسابقوا الشوق والحروف..
وانا كلى أوتار لى هواك
والدنيا تعزف والمزامير والدفوف...
وانا والزمن نحيا ونشوف !!

[لبيب]

[align=center]صدقني مابقدر
أصبر على الحرمان
سهران وليلي ألم
تتقاسمو الأشجان
لهفة حنين إليك
مابوصفا الوصاف[/align]

[مها]

وأنا شِن أقول ؟؟
ريدي ماقدر الحروف
ماعونو أوسع من غرام
تعبيرو فاق لحن الغُنا
ورسمو أرفع من ..كلام!
ماتقوليّ ياعالي المقام
أجمل حروف؟؟
برضو تقصر من مقامك
براها خِجلت
براها لبست
كم لجام.
هاك السكات.
أصلو السكات .. تعبيرو ..خام.
أيّ شيتاً في أصولو ..دايماً مباشر وياسلام.
لمّا يبقى الحِس أكبر .. من تلابيس الكلام

[waya]

أنا لي زمن يا أميرة من عيون القاش وأهلو
لا حضرت ميعاد وصولو ولا الخضار باركت فصلو
إلا يوم لاقيتك إنتي وشفت في عينيك أصلو
بقى مناي في الدنيا مرة وجهي في توتيل أغسلو

[لبيب]

[align=center]وكيف اوصف
شوق مدوزن فيني باقي
وكل نبضة تحن ليك
بتحكي ريدي و إشتياقي[/align][/color][/size]

[مها]

[size=+0]يا نسمه في عز الهـجير
يا زهره فاحـت بالعــــبير
يا شمعه في وسط الظلام
عمت دروب الناس تنــير
يا كلمه من ناسا حُنـــان
بتجبر الخاطر الكـــــسير
يا خطوه طال بيها الأمــد
راجيها ترجع يوم تسيــر
راجي الحنان يغمر أماسي الريده
بالحب النضــــــــــــــير
لكني خايف ياجميل عليك أغير
ما الغيره ياما حطّمــــت
في الريده كم إحساس نبيل
والغيره ياما سّهدت بكّت
عيون الناس كتير [/size]

[لبيب]

[align=center]اذا عشم الأمل لاقاك
قول ليهو العشق ساساق
موصل بين مداخل الروح
وبين لهفة حنيني لقاك ، ، ،[/align]

[waya]

انتى منقة نجضت وبدفق عسل
انتى موية فترت من شوق الينابيع
وخايفة من حضن السواحل لو تصل
وانا زى فنار مهجور قديم
لا قدرت اهديك للضفاف
لا شربت من نحلك عسل
اصلو قدر البخاف رمال الطريق
لون السراب
يرجع يشتهيك وما يصل

[لبيب]

ومشتاق ليك في الاول
وشوقك انت في التاني
وريدك يا غرام الروح
مدوزن جوّا وجداني

[مها]

يا وحشتى هى رقصة المذبوح
من وجع الزمان

[waya]

ﺃﺻﻠﻲ ﺇﺗﻌﻠﻤﺖ ﻣﻨﻚ
ﺃﺻﻨﻊ ﺍﻟﻔﺮﺡ ﺍﻟﻤﺸﺘﺖ
ﻓﻮﻕ ﻣﺘﺎﻫﺎﺕ ﺍﻟﻜﺄﺑﺔ
ﻭﺃﻧﺴﺞ ﺧﻴﻮﻁ ﺍﻟﻠﻘﻴﺎ ﻓﻲ ﻭﺍﺣﺔ ﻋﻴﻮﻧﻚ
ﻛﺴﻮﺓ ﻟﻠﻨﺎﺱ ﺍﻟﻐﻼﺑﺔ
ﻣﻨﻚ ﺍﺗﻌﻠﻤﺖ ﺃﻓﺮﺡ
ﻭﺭﻭﺣﻲ ﺗﺴﻤﻮ
ﻭﺗﺒﻘﻰ ﻓﻮﻕ ﺣﻀﻦ ﺍﻟﺴﺤﺎبة

[مها]

[align=center]جواي مليون غرام مكمون
بدسدس فيهو من يوم داك الي حين ينتهي الطوفان
وأفج موج الحزن وألقاك وأوريك ياما يا إنسان
بعاني القاسيه واترجاك ... اذا موعود معاي بي بُن
علي شرف اندماجي معاك جَبَنتك تغلي فوق النار
وتشرف بِكري فيني جواك
وعدتك بالمطر والليل وتاتيتك علي الإحساس
وما ناديت معاك بشر لأنك انت كل الناس
وإذا ذاكرتي ما بتنساك إذاً ما فيدة الكراس

معاك ما احتجت لي بُن لأنك أنت كيف الراس[/align]
[/b]

[/font]

[لبيب]

واتقريفك بن من غرام
فنجان يهدهد شوقي ليك
والتاني يسقيك حبي فيض
يدخل كما الضل في هدوء
يتخللك يمتد حد الإنكماش
ينساب مع الموج الأصيل
يتملك الروح بارتعاش

[waya]

يامتحكرة جوه دواخلي
يامستوطنة عصبي المافي
ليك تصاريف عقلي الجن
كيف بتشكي ومنه تخافي
تدخلي شهقة تمرقي زفرة
وفكرة اني نسيتك مافي

[مها]

‏



*ياحته من قلب القصيد وكتين يكون صادق الغنا

بهديك قدر ماتريد عشق♥واجعل امانيك ممكنه

*يازول وقت خلقوك لي خلقوني من ضلعك انا♥

[waya]

أهواك غصبا" وبحتمل

ويلات هواك جنس جنس

اهواك طوعا" كون انو

هواك لي نبضا" وحس

موهدب بين صراع اللقيا

والخوف والوجس

اهواك قدر مكتوب علي

كيفن من القدر احترس؟

[مها]

..و فجأه بتطلع من جواي
متل النور الضوا حداي
وموج النيل الرايح جاي
وهج العين الفكر الراي
ومن الشمس بريق ضواي
وصدر الأم الليك غطاي
حديثها يناغم فيك لولاي
وصوتها يهدهد فيك هداي

[waya]

ﺃﻋﺎﻳﻦ ﻟﻴﻚ
ﺍﻷﻗﻲ ﻣﻌﺎﻱ
ﻣﺪﻥ ﻣﺸﺪﻭﺩﺓ ﺑﻲ ﺷﻮﻓﺘﻚ
ﺗﻘﺎﺳﻢ ﻗﻠﺒﻲ ﻓﻲ ﺭﻳﺪﺗﻚ
ﻭ ﻧﺘﻐﺎﻟﻂ
ﻣﻨﻮ ﺍﻻﻛﺘﺮ ﺑﺮﻳﺪ ﻋﻴﻨﻴﻚ
ﻣﻨﻮ ﺍﻻﺩﻣﻦ ﺳﻤﺎﻉ ﺻﻮﺗﻚ
ﻣﻨﻮ ﺍﻟﺸﺎﻳﻞ ﺩﻭﺍﻡ ﺻﻮﺭﺗﻚ
ﻭ ﺍﺑﺎﺭﻱ ﻫﻮﺍﻱ
ﺍﻷﻗﻲ ﺍﻟﻐﻠﺒﺔ ﻟﻲ ﻗﻠﺒﻲ
ﻋﺸﺎﻥ ﺭﻳﺪﻙ ﺳﻜﻦ ﺟﻮﻭﻭﺍﻱ

[مها]

افتكرتك فكرة في الذاكرة ودخرتك لي باكر
وانـتـظرتك فــي مـساحات الـتذاكر
فـــي حـنـين اشــواق مـهـاجر
ولــمـا أبــقـى مـعـاك بـسـافر
فـــي نـفـس هـمـس الـخـواطر