منتدى أنا سوداني

ود ابنعوف كتب:

مازالت القهوة مع الرائعة

ياسمين


المنتدى هذه الايام بيشهد خمول الاسباب والمعوقات ؟

ممكن زهج ..؟؟!!...اجواء مشحونه .. سوء فهم بين الاعضاء ..قله المواضيع المثيره للهتمام

المطلوب من فريق المراقبة الكنترول شنو ؟

تلطيف الاجواء ...انهاء المشحانات منذ بدايتها ... عمل التشجيع اللازم

المهاترات البتحدث فى المنتدى اكيد لها دورها السلبيى بماذا تنصحى الاعضاء ؟

احسان الظن في الآخرين ... وتنظيف النفوس

العضو البيكتب هنا هل يحلم انه يبقي كاتب صحفى او محرر ؟

ممكن ...ليه لا ؟؟!! واتمنى والله يوم اسمع انو عضو من اعضاء انا سوداني بقى كاتب

بس لو موهبه زي دي حتظهر لازم الناس تكتر في المواضيع الجديه .. ومواضيع الحوار العام ..ولما يكون في

موضوع جدي ياريت يكون الرد مسهب ...مش مشكور وخلاص ....ممكن يوم وانت ترد تكتشف موهبه مخفيه ...!!

عادات وتقاليد تتمنى زوالها واخرى تتمنى ان تخلد ؟


اتمنى زوال العادات الفيها تكليف عالي بالذات في الزواجات...اما العادات البتمنى خلودها كتيره

عاداتنا مافي زيها واتمنى تبقى وتبقى سنين قدام لحدي اولادنا واحفادنا
فنجان بالهناء

الأميرالحب كتب:

جاسمينتنا ازيك نعلك طيبه غايتو سعال واحد ومشاتر يتكون من محورين ما يدور في الساحه السياسيه الان في ظل الثوارات القائمه في كل الدول العربيه هل تتمني ان تحصل في السودان ..؟ وليه ..؟

لا......ما اتمنى تحصل في السودان ...وانشاء الله ماتحصل ... لانها في الأخير حتتحول الى فوضى....نحنا

هسي في مرحلة اصلاح بعد الانفصال وتلبيه رغبه الجنوبيين وانشاء الله السودان بعد ده تعمر بشكل اسرع

بعدين السودان مازي تونس ومصر فيها حريه رأي وحرية تعبير ..واحزاب سياسيه مختلفه ولا زي ليبيا

واليمن راجعه سنين ورا ...بالعكس التمنيه فيها موجوده حتى لو كانت اقل من المطلوب

وما رايك في الثورات القائمه في معظم الدول العربيه ؟؟

الثوره نتيجه طبيعيه للكبت ...والتهميش ..والفقر ..مافي زول بيتحكم في البشر ويقدر يكمم افواهم للابد !!

ودي نهايه مؤكده للطغاه ..وموعود بيها من ربنا ....لكل ظالم نهايه قال تعالى (فانظر كيف كان عاقبة الظالمين) وعلى مدى التاريخ

دائما الظالمين نهايتهم بتكون مريره ..!!


فنجان السرور جاسمينا الغاليــــه

ود ابنعوف كتب:

احبابي

الى هنا انتهت ضيافة الرائعة ياسمين


ياسمين كنتى ضيفة عزيزة علينا واستمتعنا جدا واستفدنا بالونسة فى لمة فنجان

كلمة اخيرة

ود ابنعوف كتب:

ليه كدا يا الامير

انا ما عندى مشكلة وجاهز

نتشرف نشرب قهوة معاكم

سلام نا س الجبنة ازيكم
اها الدور على منو عشان نجهز البن

غروووور كتب:سلام نا س الجبنة ازيكم
اها الدور على منو عشان نجهز البن

مسلمة وافتخر كتب:والله يا جماعة كان دخلتوا لينا سيد القهوة يكون تماااااااام thumbup.gif

يلا يا ود ابنعوف جهز نفسك

دايييرين قهوة حبشيييية

هلا بيك ود ابنعوف

اى كنتا مافى وداخله على طمع


اسمك

عمرك

هوايتك

المهنة

البلد المفضل

الأكلة المفضلة

اللون المفضل

أمنية تحققت ؟؟؟ وأمنية تتمنى أن تتحق ؟؟

أجمل يوم بحياتك ؟؟؟ واسوأ يوم ؟؟؟

ذكرى لم تغيب عن بالك ؟؟؟

متى تشعر بالسعادة؟؟

متى تشعر بالحزن ؟؟

متى تشعر بالإحراج ؟؟

شخص تشكى له كل هموك؟؟

شخص تذكرة دائما ؟؟

شخص تمنيت لو أن تقتله ولماذا ؟

مارأيك بالمنتدى واعضاءه ؟؟

بت السرف كتب:

احباب القهوة ..

واصدقائنا الرائعون ..

تعالوا نستضيف اليوم صاحب القهوة ..

صاحب الفنجان ..

الانسان الراقى ..صاحب القلم الرزين ..

الانسان القامة ..

ودابنعوف..

احبابي الاعزاء

يسعدنى ان اكون فى حضرتكم وان افيد واستفيد

بت السرف

شكرا للكلمات الجميلة

واذا كنت قامة فلاننى وسطكم وانتم قامات من هذا الصرح

اتمنى ان اكون عند حسن ظنكم بي
شكرا للاستضافة