منتدى أنا سوداني

لبيب كتب:[align=center]والله العظيم يا اخوانا مشتاق ليكم
لي كم يوم عديل انا ما دخلت عليكم
لو بمرادي كل زماني اطلو عليكم
لكن بس ظروف ياربي ماتكون ليكم[/align][/size]

مهاجر في البلد كتب:الشوق البدور احكيهو ليك كبير
عننا والصحاب والقصة ليك يا أمير
مشتاقين كتير لي طلتك يا مدير
تبدع في النميم ويبقى ليك هدير

مهاجر في البلد كتب:

لبيب كتب:[align=center]مشتاق ليكم انتوا وحبي بيهو خبير
عالي الرتبة بس في العسكرية مشير
السبب البخلي غرامي زاتو كبير
مهاجر في البلد زاد شوقي ليهو كتيييييييييير [/align][/size][/quote



يا اخوي يا لبيب انا جد كتير مســــرور
من طيب كلامك اصبحت جد مغرور ( أنا )
يا زينة الحديث ويا روعة الكافور
أدعي ليك دوام ربك يزيدك نور

mohamed merghanh كتب:سلام أهل السدار أهل السرور والمغني
سلام الجاعلين قلوبنا فرحانة تهني وتغني
كم در الكلام سابكين حروفو وصغنا
فى البعاد والغيبة يا اخوانا جد بالغنا

لبيب كتب:

مهاجر في البلد كتب:
[align=center]مهاجر في البلد دايما تكون في سرور
وفي الفردوس هناك تلقى الحسان الحور
قولي حقيقة فيك وانا فيهو مامجبور
كان بمرادي أقعد بى حداك دهور[/align][/size]

mohamed merghanh كتب:

لبيب كتب:
مهاجر في البلود والغربة صارت طبعي
وبقيت احس بالغربة بينات دياري وربعي
نبع المشاعر جفّ يا ريت يعمّر نبعي
وختم الحنين من تاني يرجع يعاود طبعي

لبيب كتب:

mohamed merghanh كتب:

[align=center]
يازول البلد والله مافي متيلا
في جوا العيون جوا الفؤاد بنشيلا
وافر خيرا بالخيرات مدفق نيلا
مابنرحل نسيبا نقول خلاص ياحليلا[/align][/size]

لبيب كتب:[align=center]القام دابو والله العظيم جنني
في الحب والغرام يا اخوانا جد محني
الشي الداير اقولو وانتوا تعرفوا عني
عايش لى رضاهو انا مهما كان كلفني[/align][/size]

mohamed merghanh كتب:القام دابو داب حلات عطورو الفاحو
لادن زي فريع أثمر وشال تفّاحو
في دنيا المحاسن واصل دوام لكفاحو
ماهو الكذوب العايب ناقل الكلام لفّاحو

امينوف كتب:يا أخوانى متلوم شــديد المُسدار دا فى بدايتو مالفيتو

واليوم من دغشــاً كبير دخلت عليكم ولله الحمُـد لقيتوكم جيتو

أدونى العُذر وبكره فى نُصكم بتربّع وأقــول عندى حــق الفيــتو

والله البدخُل عليكم مدبرس وفى وجع إنطرب وحت للأكل تفِتحو شهيتو

لبيب كتب:[align=center]
الريل النفور جنن جميع نصاحوا
مهما فيهو قالوا ومهما غردوا صاحوا
الخلا الجميع في ليلو يلقوا صباحوا
راجين نظرة ويحيدة شان يرتاحوا[/align][/size]

mohamed merghanh كتب:الريل النفور عمّر مواضي سلاحو
هدم حصن القليب صار محال اصلاحو
بحر جمالو الطامح ودّر وشال ملاحو
يا ويل الجميع من نور خدودو اللاحو