مســـــــــــــــــــدار + مســــــــــــــدار

[مهاجر في البلد]

[align=center]من عهدا بعييييد قايل جروحي اتغتن
بس من نظرة بس من تاني قامن يوجن
والشعر اندفق فوق الورق واتسكن
دا الخلاه يسكن في حشاي ويتمكن[/align][/b][/size]

أخوي يا لبيب وين انت وين ايامك
وين قلمك اخوي وين يا الرزين الهامك
ماتنساني اخوي من الجديد وموزن
الشعر الرصين بيهو النفوس اتربن

[لبيب]

أخوي يا لبيب وين انت وين ايامك
وين قلمك اخوي وين يا الرزين الهامك
ماتنساني اخوي من الجديد وموزن
الشعر الرصين بيهو النفوس اتربن

[align=center]يامهاجر حباب اليوم علينا الجابك
يالفارس الهميم دايما نكون في رحابك
قاااااااااااعد ماني غايب ياعزيز اصحابك
الشعر الرصين حالا يجيك جنابك[/align][/b][/size]

[mohamed merghanh]

جايين للجمـــــــــــيع نهني بالاعياد

في العام الجديد ان شا الله تبقو شداد

رافلين في نعيم باشين فرح واسعاد

يرزقكم ثبات يوم وقفة الاشهــــــاد

كل سنة وانتو طيبين ....

سلام يا ود اونسة

[mubark59]

العام الجديد والسعيد يا ربى عاماً زين
تتحقق الامانى ومانشوف كعب أوشين
أدروب مبسوط يغنى يضحك مع جادين
وآدم فى نيالا سودانى وأريبا إم تى وزين
وبيهن يود يهاتف مره خالتو ومره أمو فطين

[الأسيد]

الليلة جيناكم وقاصدين عدييل اهل المسدار

جابنا الطريق ليكم وقلنا ننقر باب أهل الدار

الخبر الاكيد كرمكم فياض وقدركم ما في منو مقدار

[mubark59]

مرحب بالاسيد وبى شجرك المزروع
ويارب يكبر يطول وأدينا منو فروع
واصل فى غناك وأقعد أقعد معانا إسبوع
يجوك ناس ظراف وديمة الكرم مطبوع

[الأسيد]

مرحب بالاسيد وبى شجرك المزروع
ويارب يكبر يطول وأدينا منو فروع
واصل فى غناك وأقعد أقعد معانا إسبوع
يجوك ناس ظراف وديمة الكرم مطبوع

[align=center]ترحيبك سراني وفرحني وتب خلااص وصل
تسلم يا مبارك ياسيد الكرم والجود والأصل

جاباني غناكم الماليهو شبيه من حلاتو ولا مثل

ومعاكم علي طول وتاني من هنا الاتجروني بي حبل[/align][/b][/size]

[mubark59]

يا لبيب يا مهاجر أغشو المُراح وأعزلو
فحلاً ما صغير نادوا الضيوف ما نزلو
ودأونسة معاكم بى خطوتين فى مهلو
شبع للصقور وحوشو تب ما قفلو

[لبيب]

العام الجديد والسعيد يا ربى عاماً زين
تتحقق الامانى ومانشوف كعب أوشين
أدروب مبسوط يغنى يضحك مع جادين
وآدم فى نيالا سودانى وأريبا إم تى وزين
وبيهن يود يهاتف مره خالتو ومره أمو فطين

[align=center]في العام الجديد نلقاك من الفايزين
اهلك والجميع طوالي مبسوطين
فريق كورتنا يصبح في العلالي يبين
بس يختونا ناس شداد وقسطنطين[/align][/size]

[لبيب]

الليلة جيناكم وقاصدين عدييل اهل المسدار

جابنا الطريق ليكم وقلنا ننقر باب أهل الدار

الخبر الاكيد كرمكم فياض وقدركم ما في منو مقدار

[align=center]مرحب بالاسيد سيد ملوك الدار
اهلا بيك في اسرة بني المسدار
قولك فينا طيب يالعزيز مقدار
نحن نكون ضيوفكم وانتوا اهل الدار[/align][/b][/size]

[mubark59]

العام الجديد نبداهو بى يس
وندعو فى ليلنا كلو بالفاتحة قول آمين
يحفظنا الكريم ويجعلنا فى الحاجين
ويحقق للامانى والعيال ناجحين

[لبيب]

لقيت المربوع دا في صحيفة الوان(زمن حسين خوجلي)وقلت انقلو ليكم :-
عصر الروح مضى وسارت قوافلو المادة
واصبح فينا عاد من تاني عصر المادة
طبق فينا من قانونو اصعب مادة
تتقذفنا تياراتو جازره ومادة

[حبوبة]

حاولت أن أعوّض الاخوان هذا الغياب الغير مقصود ورجعت أكثر من 5 صفحات وجدت الاخوان الذين شاركوا بقوة ورأيت أن أدخلهم فى مسدار واحد (حتى يجدعوا كويس ) وقلت فيهم :
لبيب هامس ودأونسة والله ما قصرتو
أبوأشواق حبوبه عاشقة توتيل جد بصرتو
الهجير مهاجر فى البلد أحلى الكلام وعصرتو
حالى وبرتقان وأحلى الترجمان فسرتو

المبروك حبابك وبخيت اليوم اللينا جابك
سمح نمك يابا .. دوبي وانا برقع الزغرود عقابك
من دار مسدار لا تنقطع وأدينا الفي جرابك
يرضاك مولاك جنتو سكناك والكوثر شرابك

[mubark59]

ما تغفلوا من المسادير وأرعوها زى الضان
وأدوها من الوقت وأبنوها أبنوها زى بنيان
سودانكم عظيم أقعدوا فى الارض وأرفعوا التعبان
وحدوا للهدف وحدوا للمصير وأدونا منو بيان

[لبيب]

ما تغفلوا من المسادير وأرعوها زى الضان
وأدوها من الوقت وأبنوها أبنوها زى بنيان
سودانكم عظيم أقعدوا فى الارض وأرفعوا التعبان
وحدوا للهدف وحدوا للمصير وأدونا منو بيان

[align=center]دايما للمسادير نحن ديمة حنان
ونتحدى البجادعنا الانس والجان
دايما تبقى عالية وحالية البنيان
والمعنى الفصيح لى قولنا احلى بيان[/align][/b][/size]

[لبيب]

ياجماعة وين انتوا؟؟؟؟؟؟؟؟؟؟

[مهاجر في البلد]

[align=center]يامهاجر حباب اليوم علينا الجابك
يالفارس الهميم دايما نكون في رحابك
قاااااااااااعد ماني غايب ياعزيز اصحابك
الشعر الرصين حالا يجيك جنابك[/align][/b][/size]

ود العم لبيب انت اللبيب ببيانك
والشعر الرصين سيدو وتملي بنانك
والسبب القبيل الجابني لي مسدارك
لانك ود قبايل والكرام ضيفانك

[لبيب]

[align=center]مهاجر في البلد احترت فيهو بيانك
يا الفارس الهميم عشاي جميع ضيفانك
لو تعرف مقامك عندي عالي مكانك
يا الباشا الكريم زولا فريد في زمانك[/align][/b][/size]

[mubark59]

مسدارك لبيب وجد يا لبيب سرانى
وجيت أكتب معاك بالنمّة جد أغرانى
واصل ما تقيف راجينو ناس شعرانى
قاعدين فى الجناين فى المشرع الورانى

[mubark59]

معذرة ياشباب والحال شوية معكّر
والشيطان دخل ومسّخ علينا مسكّر
معاى ندعو عليهو مايكون معانا محكّر
يفرّق كل صفوفنا وعلينا جد جد يتمسخر