في الواجـــــــــــــــــــهة ....

[السنبلاية]

اســعد الله اوقاتك بكل خير .. يا ريـــــــــس ..

حدثنا عن بوســت { كواليــس حســب الحالة } ..!!؟
بصورة مختصرة .

[ام صبا]

وايا لك التحيه والود

ياترى هل استفدت من منتدى انا سوداني أكثر أم أفدت أكثر؟

في اعضاء كثيرين عندهم الكثير من المواضيع والافكار بس
بيحصروا انفسهم في اقسام معينه عضو معين انت شايف عندو
امكانيات وما مستفيد منها؟

[يقين]

جرس لمن فوتى يقين زاااتها

يقين مالا أسه

[كيوبيد]

waya شنو معنى الاسم وهل عندوعلاقة بى اسمك الحقيقي

[waya]

وايا سلامااات

حبابك ذات الشجون 2

جيت اسلم عليك بس واسالك بضايقك لقب عشماوى ولا عادى

عادي , عندي " روح رياضية "

بالنسبة للمنتدى انا شايفة انه كل شئ هنا بعتمد عليك اعتماد كلى
اين الاستاذ صلاح وليه ما بخشانا ان شاء الله مرة فى الشهر

[font=&quot]حقيقة استاذ صلاح أعطانا ثقة كبيرة بإدارة المنتدى ,, وهو ليهو ظروفه الخاصة التي منعته من التواجد في المنتدى [/font]
[font=&quot]ونتمنى نشوفه زي زمان [/font]

[waya]

مساك طيِّب ويّا

يسعد مساك " يقين " 2

-هَل بيخسر المنتدى ولا العُضو لما التاني يقرر يسيبو لأي سببٍ كان ؟؟

[font=&quot]أعتقد إن العضو هو الخاسر الأكبر , فالعضو بالنسبة للمنتدى " إضافة " [/font]
[font=&quot]أما المنتدى فبيعطي العضو كل ما يريد " ترفيه , تثقيف , صداقة , الخ " [/font]

-هل إتأثرت صداقتك بأي عضو بعد إتخاذك قرار إداري ضدو ؟؟

[font=&quot]يعني , بعض الزملاء " كان بينا ود وإحترام متبادل داخل نطاق المنتدى " إتاثروا قليلا [/font]
[font=&quot]وفقدت الرابط ده بيني وبينهم [/font]
[font=&quot]أما الاصدقاء الحقيقين " لم يتأثرو مطلقا " من هذه الناحية [/font]

-في كتاباتك يظهر جانب وطني ..رومانسي..وإنساني .. فأي الجوانب بتلقى نفسك فيهو أكتر؟

الرومانسية أكيد

-هل تُجيد الطبخ؟ وكيفَ هي علاقتك بالمطبخ من 1-10 بإعتبار أن 10 هي الدرجة العليا؟

نص درجة , غير البيض والقهوة ما بعرف اي شئ في المطبخ

-لمن تقرأ؟ومن يُطربك؟وبرنامج تحرص على متابعته؟

[font=&quot]أجاثا كريستي , وكل كتاب الروايات البوليسية والمغامرات " كونان دويل , نبيل فاروق " [/font]
[font=&quot]بالإضافة للمخضرمين نجيب محفوظ واحسان عبد القدوس , ومن السودان ( عبد العزيز بركة ) [/font]
[font=&quot]والقائمة طويلة خلاس ,, [/font]
[font=&quot]يطربني بالترتيب " مصطفى سيد احمد , محمد الأمين , الكابلي " فنان البجا محمد البدري " بلال موسى ومن الشباب حيدر بورتسودان "[/font]
[font=&quot]والصراحة علاقتي بالتلفزيون بقت محصورة على المباريات الكروية والاخبار " ويمكن الاتجاه المعاكس بحاول أتابعه " وآخر برنامج تابعته كان " برنامج البرنامج للاعلامي الساخر باسم يوسف " [/font]

- القنوات الشبابية على اليوتيوب ..
رأيك فيها وهل ترى أنها وُفقت في الوقوف على السلبيات وعالجتها؟؟
أم مجرد سخرية وكم من الكوميديا المُفتعل لا يسمن ولا يغني عن جوع؟

[font=&quot]مع افتقارنا كسودانيين للعمل الدرامي الممنهج , وكمية المشاكل الإجتماعية والاقتصادية والديكتاتورية للمنظومة الحاكمة وضغطها القاسي علينا , ومع توفر التكنلوجيا , ظهر هذا النوع من الشباب لمعالجة قضايا واقعية نعيشها كل لحظة [/font][font=&quot]وحتى لو بتوصيلها في قلب كوميدي فقير " تحسب محاولة تستحق الإحترام " وأنا اشجعهم على ذلك , فالتجربة المستمرة تورث الإتقان .[/font]

- هل سمعتَ بإثراء؟؟وما رأيكَ فيمن كرمتهم المبادرة كأكثر الشخصيات تأثيراً للعام 2014؟؟

[font=&quot]سمعت بالمبادرة دي عن طريق صديق كان معلق عليها , وأعتقد الفكرة ممتازة ومحفزة لتسليط الضوء على شخصيات شبابية هادفة [/font]
[font=&quot]بس ما عندي فكرة عن كل الإتكرموا . [/font]

[waya]

اســعد الله اوقاتك بكل خير .. يا ريـــــــــس ..

هلا سنبلة , يسعد صباحك ومساك ونهارك كمان 2

حدثنا عن بوســت { كواليــس حســب الحالة } ..!!؟
بصورة مختصرة .

[font=&quot]الفكرة كانت " تعبير عن احساس لحظي يجسد حالة مشاعري ويشرحها باسلوب شعري أو مفردات متجانسة " [/font]
[font=&quot]وايضا بعث رسائل موجهة لشخص ما
[/font]
[font=&quot]والصراحة هو من أحب البوستات لي "
[/font]

[waya]

وايا لك التحيه والود

هلا فيك " أم صبا " .. نورتي المكان 2

ياترى هل استفدت من منتدى انا سوداني أكثر أم أفدت أكثر؟

الأتنين " شفتي كيف "

في اعضاء كثيرين عندهم الكثير من المواضيع والافكار بس
بيحصروا انفسهم في اقسام معينه عضو معين انت شايف عندو
امكانيات وما مستفيد منها؟

[font=&quot]أنتي شخصيا مثال للعضو ده " عندك إمكانية التمدد في كامل المنتدى " بس حاصره نفسك في قسم معين [/font]

[waya]

waya شنو معنى الاسم وهل عندوعلاقة بى اسمك الحقيقي

[font=&quot]هي اصلا بالعربي " ويــّـا " .. سمعت باللاعب " جورج ويا " ,, يلا هي نفس النطق بس عشان كاتبها بالانجليزي الشباب بقوا ينطقوها وايا , أها نجي لسبب التسمية . [/font]
[font=&quot]أنا كنت بقول اللفظ ده لمن اشوف حاجة سمحة كده وأفقد المنطق " ويا ويا ويا " زي الزول البيتولول كده فهمت !؟[/font]
[font=&quot] , فاصحابي مسكوها لي لقب " بس ما عنده اي علاقة باسمي الحقيقي " [/font]

[كيوبيد]

[font=&quot]هي اصلا بالعربي " ويــّـا " .. سمعت باللاعب " جورج ويا " ,, يلا هي نفس النطق بس عشان كاتبها بالانجليزي الشباب بقوا ينطقوها وايا , أها نجي لسبب التسمية . [/font]
[font=&quot]أنا كنت بقول اللفظ ده لمن اشوف حاجة سمحة كده وأفقد المنطق " ويا ويا ويا " زي الزول البيتولول كده فهمت !؟[/font]
[font=&quot] , فاصحابي مسكوها لي لقب " بس ما عنده اي علاقة باسمي الحقيقي " [/font]

جورج ويا اكيد لاعب مؤثر شاهدناهو بيلعب وبيدعم منتخب بلادو كمان
اما بالنسبة للفظ فهو فعلا للاعجاب بالشي لدرجة الالم
ودا عندنا فى اللغة النوبية ( المحسي )
تانى بمشي واجيك بى سؤال
سلام مؤقت

[مرسال الشوق]

جيتــــــــــــــــــــــــــــك ياعمك

اولا لك التحية والتقدير لسعة صدرك وتحاورك الشيق مع الاعضاء
ثانيا حابب اسألك كم سؤال ياريت تمنحني قليلا من وقتك ياغالي
يلااا علي الاسئلة ياباشا

1/ يصفك البعض بعشماوي وهو المسلط وقابض علي زمام الامور بقبضة من حديد ماهو وقع هذا الاسم علي نفسك
2 / كيف تم اختيارك للكنترول
3/ المشاكل التي تواجهك مع طاقم الادارة ... كنترول مجننك .... كنترول اعجبت به .... كنترول لاتستطيع الاستغناء عنه
4 / هل لديك عضوية اخري في منتديات اخري
5/ في الاونة الاخيرة تعرض المنتدي للقفل وقد احتار الكثير ف ذلك مع غيابك وغياب الاخ صلاح ماهي التدابير التي استخدمتها او التي سوف تستخدمها لتجنب المنتدي من تكرار هذه المشكلة
6 / كلمة في حق عضو يعجبك واخر يكرهك واخر تتمني ان تقابله
7 / ماهي اقوي نقاط قوتك ونقاط ضعفك
8 / اهدافك المستقبلية التي خططت لها في حياتك هل حققتها
9 / الوضع الراهن بالنسبة للسودان كيف تراه في ظل هذه الحكومة وماهي المعضلات التي جعلت السودان من الدول المتأخرة اقتصاديا بالرغم من توفر كل الامكانيات التي توهل اي دولة لتكون في مصاف الدول النامية


وفي الختام .... كلمة توجهها لكل الاعضاء ... المتواجدين ... الغائبين ... الذين رحلوا عن دنيانا


لك شكري وتقديري 2

مرسال الشوووق ،،،

[waya]

جيتــــــــــــــــــــــــــــك ياعمك

اولا لك التحية والتقدير لسعة صدرك وتحاورك الشيق مع الاعضاء
ثانيا حابب اسألك كم سؤال ياريت تمنحني قليلا من وقتك ياغالي

[font=&quot]تجيك العافية يا ود عمنا الشوق 2 [/font]

1/ يصفك البعض بعشماوي وهو المسلط وقابض علي زمام الامور بقبضة من حديد ماهو وقع هذا الاسم علي نفسك

[font=&quot]أعتقد عشماوي دي جات من " دريم ليدي " , شافتني يوم صاري كده حظرت لي كم عضو من ا‘عضاء الإعلانات ديك ,
وقفلت لي بوست في الاستفسارات كانو بيتونسوا فيه وقلت ليهم أمشي كملوا ونستكم في الراكوبة , قالت الزول ده جزار خلاس [/font]

[font=&quot]عموما , أنا متقبل بصدر رحب مثل هذه الألقاب [/font]

2 / كيف تم اختيارك للكنترول

[font=&quot]ما عارف السبب , بس في يوم لقيت استاذ صلاح مرسل لي رسالة للانضمام للمشرفين , وبعد إلغاء نظام الإشراف بفترة راسلني تاني للانضمام للكنترولس
[/font]
[font=&quot] " شوكة حوت " [/font]

3/ المشاكل التي تواجهك مع طاقم الادارة ... كنترول مجننك .... كنترول اعجبت به .... كنترول لاتستطيع الاستغناء عنه

[font=&quot]الحقيقة أغلب الكنترولات متعاونين , بس بيضايقني فيهم " الغياب " [/font][font=&quot]
[/font]
[font=&quot]كل الكنترولات الجدد بيجننوني , بحس بيهم عايزين يعرفوا كل حاجة في يوم واحد [/font][font=&quot]
[/font]
[font=&quot]زمن المشرفين كنت معجب " بالسني " كان هادئ وحكيم ومحاور ممتاز وبيحل الأزمات والمشاكل بسهولة وخبير في مجال الأنترنت والتعامل مع المنتديات , وكذلك ( كنترول 1 اسنايبر ) كان ليهو جزء كبير من شخصية السني
[/font]
[font=&quot]والصراحة اغلب الكنترولات المروا علي مميزين جدا , بس أنا بفضل ( ودابنعوف ) عنصر التفاهم بيني وبينه أكبر [/font]

4 / هل لديك عضوية اخري في منتديات اخري

[font=&quot]في بدايات تعرفي على المنتديات و اشتركت في كذا منتدى , بس وجدت نفسي في " أنا سوداني " فتركت الكل وواصلت هنا [/font]

5/ في الاونة الاخيرة تعرض المنتدي للقفل وقد احتار الكثير ف ذلك مع غيابك وغياب الاخ صلاح ماهي التدابير التي استخدمتها او التي سوف تستخدمها لتجنب المنتدي من تكرار هذه المشكلة

[font=&quot]نوعية المشاكل دي , بيتم حلها بواسطة الاستاذ صلاح , لانها متعلقة بالسيرفر المحمل عليه المنتدى , وده في المانيا [/font]
[font=&quot]والاشتراك باسم الاستاذ صلاح , فبالتالي المخاطبة بتتم عن طريقه , والحمد لله حاليا بنمتلك كل وسائل الاتصال الممكنة مع الاستاذ صلاح , واي مشكلة بتحل سريعا " مجرد مكالمة هاتفية "[/font]

6 / كلمة في حق عضو يعجبك واخر يكرهك واخر تتمني ان تقابله

[font=&quot]بيعجبني العضو العارف هدفه من الاشتراك في المنتدى , وقادر يضع بصمته ويتفاعل مع الأعضاء بسهولة واريحية [/font]
[font=&quot]واقول لكل عضو بيكرهني " أنت لم تعرفني بعد " [/font]
[font=&quot]واتمنى اقابل كل من ربطني بهم حبل الود في هذا المنتدى [/font]

7 / ماهي اقوي نقاط قوتك ونقاط ضعفك

[font=&quot]القوة : عندي " قدرة تحمل " عجيبة [/font]
[font=&quot]الضعف : حنين شديد [/font]

8 / اهدافك المستقبلية التي خططت لها في حياتك هل حققتها

[font=&quot]لسه , فلم أحج , ولم أتزوج بعد [/font]

9 / الوضع الراهن بالنسبة للسودان كيف تراه في ظل هذه الحكومة وماهي المعضلات التي جعلت السودان من الدول المتأخرة اقتصاديا بالرغم من توفر كل الامكانيات التي توهل اي دولة لتكون في مصاف الدول النامية

[font=&quot]أنا حاشبه ليك الوضع في حالتين , الحالة الأولى ودي المفروض نكون عليها ( علاقة تكافلية ) [/font]
[font=&quot]
[/font]
[font=&quot]في طائر اسمه السقساق " الطائر ده عنده علاقة بالتمساح , بيدخل في فم التمساح ويلتقط بواقي اللحوم من بين اسنانه " [/font]
[font=&quot]وكده الاتنين مستفيدين " قدم السبت تلقى الأحد وازرع لتحصد !!
[/font][font=&quot]
[/font]
[font=&quot]الحالة الثانية , السرطان " بينتشر في الجسد " مع وجود المقاومة , المناعة الطبيعية " فيصيبه بالإعياء والمرض والنتيجة الحتمية الموت "
إلا إذا حدث تدخل علاجي , مثل جراحة الاستئصال ( وده المحتاجين ليهو حاليا ) [/font]
[font=&quot]فهمتني ؟[/font]

وفي الختام .... كلمة توجهها لكل الاعضاء ... المتواجدين ... الغائبين ... الذين رحلوا عن دنيانا
لك شكري وتقديري 2

مرسال الشوووق ،،،

[font=&quot]لكم الشكر الجزيل على تواجدكم هنا فأنتم وطن لمن يشتاق , وأصدقاء لمن عانى الفراق [/font]
[font=&quot]ولكل الغائبين , عودا فانتم أهل للدار , وربنا يرحمنا , ويغفر لمن فقدناهم , وستظل ذكراهم في دواخلنا أبد الدهر [/font]


ولك الشكر الجزيل يا مرسال 2

[تائب]

الاخ وايا
_ هل اهداف المنتدي التجاريه تؤثر كثيراً فى
قرارتكم الاداريه .. كتجاوز الأخطاء الصغيره
حتى ولو كانت عن قصد ؟؟
_ لتحقيق اهداف المنتدى من التمدد والإنتشار لماذا
لاتكثفون الدعايه والإعلان فى القنوات الفضائيه
ذات الشعبيه العاليه .. فى هذه الحاله سيكتب الأعضاء
باسماءهم الحقيقيه لأنهم يريدون ان يقدموا إنتاجهم للدنيا و
تفتح لهم باب التعامل مع المؤسسات الصحفيه ..
_ هل إنت معى إن الصحافه ثقافه ومواهب أكثر من
كونها علم وفن تدرس بالجامعات

[سمارا]

الاخ وايا سلامات
كيف يتم اختيار الكنترول !!؟
وهل يحق ليه البوح بما يراه في المتواجدين الان في بوست ماذا يخطر للشخص الفي بالك ( بغرض المطاعنه طبعا ما تقول لي هزار ) واذا انتبهتا للحاجه دي حتنبهو ولا تعمل رايح !!

برأيك الكنترول مفروض يكون شخص مسالم مع الجميع ولا من حقه يستقل سلطته بمضايقه بعض الاعضااء في حاله وجود عداوه بين عضو وكنترول


لو قلت ليك شبه لي اداراتكم ب احد الاحزاب السودانيه تختار المؤتمر الوطني ولا الحزب الشيوعيي


بالمناسبه كلامي ده ما من فراغ و رد لي حسب اسئلتي لا اقبل اي نفي



فتكم بي عافيه

[يقين]

مساءاتك سعادة ..ويّا .. وجمعتك طيبة

،،

طيب ..لسه نحنا مع القراية ..ونجي للسودان حبتين

-هل قريت لي سناء جعفر ؟؟
وإذا ايوة مريت بي "حوش بنات العمده " ؟؟
ومارأيك في طريقة معالجتها للقضايا المسكوت عنها ؟!

- ما الذي ينقص الكاتب أو الروائي السوداني ليصبح في مصاف كتاب الرواية العالميين ؟
وعندنا "الطيب صالح" انموذج" فهل عقرت ال"كتابة من بعده" بحق؟!

- هل فكرت في كتابة قصة متسلسلة؟؟ ورأيك في إبداعات أعضاء انا سوداني في هذا الجانب ؟ وعلى سبيل المثال لا الحصر "بنات الحاج ..سعاد ..وفاطمة السمحة"؟؟!

وأقعد عافية2

[waya]

الاخ وايا

يا هلا فيك أخي الكريم " تائب "

_ هل اهداف المنتدي التجاريه تؤثر كثيراً فى
قرارتكم الاداريه .. كتجاوز الأخطاء الصغيره
حتى ولو كانت عن قصد ؟؟

[font=&quot]لا أعتقد ولا أعرف اي أهداف تجارية للمنتدى , فالإعلان في المنتدى ممنوع منعا باتا في لوائحنا
ما عدا " إعلانات قوقل " ودي اتفاق بين استاذ صلاح وشركة الاستضافة " ما عندي خلفية عن بنوده , وما عندي عنه اي تحكم من لوحة الإدارة . [/font]


_ لتحقيق اهداف المنتدى من التمدد والإنتشار لماذا
لاتكثفون الدعايه والإعلان فى القنوات الفضائيه
ذات الشعبيه العاليه .. فى هذه الحاله سيكتب الأعضاء
باسماءهم الحقيقيه لأنهم يريدون ان يقدموا إنتاجهم للدنيا و
تفتح لهم باب التعامل مع المؤسسات الصحفيه ..

[font=&quot]في ظني دي مرحلة متقدمة بتميل ليها المنتديات الموجهة والمدعومة لتحقق مكاسب مـــا
أما منتدانا فأنشئ بمجهود فردي من شخص أراد " ملتقى لأبناء جلدته " فوجد أكثر مما يأمل [/font]


_ هل إنت معى إن الصحافه ثقافه ومواهب أكثر من
كونها علم وفن تدرس بالجامعات

[font=&quot]تماما , الدراسة تصقل الموهبة , وبدون موهبة ستفقد الإمتياز والإجادة [/font]

[waya]

الاخ وايا سلامات

يا هلا فيك " سمارا "


كيف يتم اختيار الكنترول !!؟

[font=&quot]حسب الشخصية " من طريقة التعامل والاسلوب مع الأعضاء , الإرتباط بالمنتدى بالتواجد المستمر
[/font]
[font=&quot] المشاركة الفعالة في قسم معين , والأهم حوجتنا لكنترول "
[/font]
[font=&quot] الصراحة دي الاساسيات ولازم تتوفر وبعد داك يجي تقييم المسؤول للشخص المختار " يعني الخبرة ليها دور " .[/font]

وهل يحق ليه البوح بما يراه في المتواجدين الان في بوست ماذا يخطر للشخص الفي بالك ( بغرض المطاعنه طبعا ما تقول لي هزار ) واذا انتبهتا للحاجه دي حتنبهو ولا تعمل رايح !!
[font=&quot] [/font]
[font=&quot]مافي عضو أو كنترول في المنتدى , يحق ليهو اصلا " المطاعنة " [/font]
[font=&quot]ومفروض على كل عضو , وجد مشاركة غير لائقة ," فيها مطاعنة " , يراسلني أو يعمل بيها تبليغ ويشرح لينا السبب , والإدارة حتتخذ الإجراء المناسب [/font]

برأيك الكنترول مفروض يكون شخص مسالم مع الجميع ولا من حقه يستقل سلطته بمضايقه بعض الاعضااء في حاله وجود عداوه بين عضو وكنترول

[font=&quot]الكنترول مفروض يعي تماما إنه شخص في موقع مسؤولية , ويراقب تصرفاته جيدا , لانها لا تعبر عن نفسه فقط , وإنما تعبر عن الإدارة والمنتدى كله .. واي اختلاف بين عضو وكنترول مرجعه للشؤون الإدارية [/font]
[font=&quot]وإذا أخطأ الكنترول يحاسب مثله مثل العضو , فقوانين المنتدى تمشي على الجميع [/font]

لو قلت ليك شبه لي اداراتكم ب احد الاحزاب السودانيه تختار المؤتمر الوطني ولا الحزب الشيوعيي

[font=&quot]لا هذا ولا ذاك .. نحن مجرد أعضاء , نحب هذا المكان , فتطوعنا للعمل فيه
[/font]

بالمناسبه كلامي ده ما من فراغ و رد لي حسب اسئلتي لا اقبل اي نفي

بالمناسبة , رديت ليك " حسب علمي بالسؤال " ولا شئ يدعوني للنفي ..!

فتكم بي عافيه

الله يعافيك ,,

[waya]

مساءاتك سعادة ..ويّا .. وجمعتك طيبة

يسعد مساك " يقين " 2
،،

طيب ..لسه نحنا مع القراية ..ونجي للسودان حبتين

-هل قريت لي سناء جعفر ؟؟
وإذا ايوة مريت بي "حوش بنات العمده " ؟؟
ومارأيك في طريقة معالجتها للقضايا المسكوت عنها ؟!

الصراحة لا ... بس بالتأكيد بعد ده
حأفتشها واقرأ ليها

- ما الذي ينقص الكاتب أو الروائي السوداني ليصبح في مصاف كتاب الرواية العالميين ؟
وعندنا "الطيب صالح" انموذج" فهل عقرت ال"كتابة من بعده" بحق؟!

[font=&quot] ينقصنا الإعلام " التعريف بما عندنا " وفي كآفة المجالات [/font]
[font=&quot]والتحرر قليلا من قيودنا المجتمعية , وفك حصار الحريات , والرعاية الحقة للمبدعين [/font]
[font=&quot]أديك مثال : 2014 " حمور زيادة " فاز بجائزة نجيب محفوظ عن رواية " شوق الدراويش "
[/font]
[font=&quot]هل تعلمي إنه اضطهد في السودان بسبب كتاباته , وحقق معه , وتم احراق منزله في 2009 من قبل مجهولين [/font]
[font=&quot]حتى غادر للقاهرة , ليجد بيئة مناسبة لإبداعه , والفوز ده نتيجتها ..! [/font]


- هل فكرت في كتابة قصة متسلسلة؟؟ ورأيك في إبداعات أعضاء انا سوداني في هذا الجانب ؟ وعلى سبيل المثال لا الحصر "بنات الحاج ..سعاد ..وفاطمة السمحة"؟؟!

[font=&quot]الصراحة لم أفكر مطلقا في كتابة القصص , ولا أعتقد إني أملك هذه الموهبة [/font]
[font=&quot]أما " أعضاءنا الكرام " ما شاء الله عليهم , لا يقلون شيئا عن كبار الرواة [/font]
[font=&quot]وأتمنى أن يجدوا الثقة والقناعة والإمكانيات لنشرها [/font]


وأقعد عافية2

الله يعافيك ,,

[مرسال الشوق]

الغالي وايا ...
كنت ضيفا شيقا علينا وقد تحاورت
وابدعت مع الاعضاء لك منا باقات المني
سعدنا كثيرا بهذه السانحة الجميلة لقد ابدعت ووفيت
مشكور لسعة صدرك وتقبلك الحوار الهادف البناء
نتمني لك التوفيق في حياتك عامة ومنتدانا خاصة
تقبل مني اطيب الاماني
مودتي من الاعماق
مرسال الشوووق ،،،

2

[السنبلاية]

الغالي وايا ...
كنت ضيفا شيقا علينا وقد تحاورت
وابدعت مع الاعضاء لك منا باقات المني
سعدنا كثيرا بهذه السانحة الجميلة لقد ابدعت ووفيت
مشكور لسعة صدرك وتقبلك الحوار الهادف البناء
نتمني لك التوفيق في حياتك عامة ومنتدانا خاصة
تقبل مني اطيب الاماني
مودتي من الاعماق
مرسال الشوووق ،،،

2

خـــلاص ح نودع وايا ...

مع الســـــلامة يا ريــــــــس ...2 2