منتدى أنا سوداني

waya كتب:

طِروهو السفر ودآب الفــرح بالقومـــــــة
صباح الجمعة العظيم شالتني فيهو النومة
يا المقدرة شأن و فوق للخلايق كومـــــة
رأجيهو الميـعاد والبينا لســـه عزومــــــة

waya كتب:

الدايــــــرنا , بنجبلو " لبـــن الطير "
والمابينا , في كراسو بنمنعو السطيّر
لو ما بنخـــاف الله , والنعمة والبطيّر
بنشوف العـــــــدو زي النعام والطير

waya كتب:

من أول صباح جيت في العطور أتنسم
ومن شوفه المريود صابح قليبي معسم
دي الشالت كل شئ يوم الجمال إتقسم
وما في زيها زول أحلف باليمين وأتخصم

mubark59 كتب:

طول من لقاكم وشغلتنى دنيا عجييبة
وجييت راجع لقييت اشعار حكاية رهييبة
معرووفين دوام طاعميين الكلام زى الحبيب لى حبيبة
يا ريت اقدر اجارى وفى الروعه القى نصييبه

waya كتب:

أبوي الكلس بي ضهر الغلابه أتسما
وفي حق الضعيف يوم لا ركن لا أنجما
يوم الناس تجوط في حوبو يوت نتلما
وإن عاداك " أبوي " والله أجلك تما