بسم الله الرحمن الرحيم
وبه نستعين
يابتي مالك علينا تقلبي فى المواجع لكن برضوا كويس
اسمعي يابتي الكلام الداير اقول ما من الخيال لا حقيقة عشتها ولازال بعيشها
عن نفسي انا عرض علي الجنسية بواسطة واحد هو نفسه اخذ ماخذ الجنسية
وقال ل انا عندي ناس ممكن تقدم للجنسية وساعدوك قلت له وبكل عز وكبرياء
اسمع يااخي انا ما بغير جنسيتي لو انضبق السماء على الارض سوداني وسوف
اظل سوداني وبعد مدة من هذا الموقف وانا خارج من السكن اجيب حاجات لناس البيت
وجدت بعض الاخوه السودانين الذى اعرفهم واعرف اسراهم جالسين فى قهوة قدام
البناية التى اسكنها ويتكلمون عن طلب لمنح الجنسية عشان فى خبر اى واحد عاوز
الجنسية يقدم بطلبه حقيقة ويعلم الله كنت فى غاية الاستياء منهم وحقيقة هناك من كان
معارض لهذة الفكرة وقلت لهم والله العظيم لو قالوا لى هاك الجنسية لمدة ثواني لااقبل
بها وذهبت الى البيت اديت ام الملكات طلباتها ودخلت المجلس باالسوداني ( الديوان )
وبديت اكتب وكان ميلادة قصيدتي ( انا سوداني ) وهي منشورة فى المنتدى والله العظيم
بعد كتابة هذة القصيدة ازاح عني غضب ببحجم الجبال وللاسف الان عند حضور بعض الشباب
لديار الغربة يقول ليك والله لو لقيت جنسية غير طوالى اخذها حتى لو بقروش مع ذلك كل انسان
مخير فى نفسه مادام الكلام عن الوطن هنا لى واقعة لابد ان احكيها والله العظيم ما اكتبه واقعي
الذى عشته الواقعة هي وانا طالب فى الصف التالت اوليه حقت زمان كان فى نشيد فى المدرسة
عن العلم وهذا النشيد يصف العلم بالوانه الثلاثة الاخضر والاصفر والازرق وهذة الالوان تحكي عن
الاخضر الزرع والاصفر الارض والازرق الماء وانا فى يوم ماشي اركب الباص حق حلتنا وهو
باص الدومة اصلى من ابناء ومواليد ( ابو رؤوف ) كان فى مطعم على ماظن اسمه ( مطعم الاستقلال )
وهو جوار موقف الباص
وكان هذا المطعم عامل طروة لرواد المطعم للاكل وهذة الطروة كانت معمولة من علم السودان والله العظيم
وانا طفل زعلت ولا اقول غضبت لاني فى تلك السن لااعرف الغضب بمعناه الكبير زعلت وقلت فى نفسي
ليه علم السودان يعملوا طروة للاكل ويكون وسخان حكيت هذة الواقعة عشان ابين لجيل الشباب ماهو الوطن
نعم الوطن قد يكون فيه الفاسدين وهذة سنة الحياة وشى طبيعي بس انت يا انسان كن نظيف اسف للاطالة ولكن
الكلام عن الوطن ذو شجون
كل الود والاحترام