منتدى أنا سوداني

هامس كتب:

فى الله وأقسمبو........ ما كايس وراو نفـع

(همسه) ويخليك إنت ياسمح الطبع

امال الناس كتب:

ناس في المرة جافونا
وبكرة الحلوة بجينا بجينا

ده حال الناس كبار وصغار
يحلُّو معاك ويشيلو كمان مع الطبال
ويوم يتبدل بيك الحال
من بعيد لبعيد يشمشمو خبرك من الزبال
لكن يا السمحة بت الخال
نحن معاك ووراك في القعدة والترحال
يديك المراد ويكفيك شر العباد يا مبلغ الآمال

Hoomy كتب:"

وقالت خايفة من كلمة (فراق )
وشن قولك يا ست البنات في الشوق وكت يبقى حراق
وشن رأيك في حرق الحشا وفي الشوف لمن يبقى رقراق
وشن بتسوي في الزمن الكعب وكت الزمن يصبح لينا سراق

علا بس قلتيها كلمة
خليها للزمن
ولي رجعة

شن أقول وانا حرقة الشوق باقالي زاد
شن أقول وانا حشاي حد ما حرق هبّتْ رماد
ياتو شوف؟ العيون كتر البكا طششِن شوفن سواد
شن أقول أنا عاد ؟ مرات أعيب الزمن العاق
أعود اتحوقل الخلاق ال عظّم ساعة الفراق
أتحسبن .. وبالراحة أشيل النفس الضاق
وأقول يا رب .. تراك عالم بالفي القلب خفاق ..


ياتو كلمة .. يا الخليل ؟
وياتو زمن .. ما راح قبيل ؟
وفي رجاك أنا يا أصيل

حبوبة كتب:شن أقول وانا حرقة الشوق باقالي زاد
شن أقول وانا حشاي حد ما حرق هبّتْ رماد
ياتو شوف؟ العيون كتر البكا طششِن شوفن سواد
شن أقول أنا عاد ؟ مرات أعيب الزمن العاق
أعود اتحوقل الخلاق ال عظّم ساعة الفراق
أتحسبن .. وبالراحة أشيل النفس الضاق
وأقول يا رب .. تراك عالم بالفي القلب خفاق ..


ياتو كلمة .. يا الخليل ؟
وياتو زمن .. ما راح قبيل ؟
وفي رجاك أنا يا أصيل

hoomy كتب:هامس الرائع
عندما كان بروفسيور عبد الله الطيب عميدا لكلية الآداب
أورد بعض أبيات المتنبي في محاضرة ما
وكان جميع الطلاب يتنافسون في ارضاء البروف الذي لايرتوي من اللغة العربية
وحين أنتهت المحاضرة سأله أحد طلابه سؤال برئ (مارأيك يابروف في شعر المتنبي )
فأجاب لو (قلت انا رأي في شعره لما أستحق أن ندرسه)
هذا تواضع العلماء
عزيزي هامس
حاولت تصويب هدف أخطات أنا في مرماه فاستمتعت بالإعادة بالتصوير البطيء
فوجدت جمال ما اوردت انت يفوق أضعاف ما اوردت انا
وتواضعت
وهكذا انتم دوما
علماء بتواضع البروف
لك التحية

هامس كتب: قـرب الحبيب عطر الود ديمه فـايح
هايف الزمن فيهو ثوانى رايح
دعوات يالهميمه المولى يجمع بين الروايح
يلين قـلب الزمن بيهو تهدا تسكن جوارِِح
(همسه) أبارح....لو الصبر ما صبر أنا مااا ببارح

صدقت القرب مافي شيتن بنافسو
جنبك قريب وكتين تدور تغمز تهامسو
تجوط تشاكسو .. تحن تلامسو
شوفتو ساكت تصافي الروح تآنسو

الصبر كيفن يبارح وانت قاعد حارسو

هامس كتب: قـرب الحبيب عطر الود ديمه فـايح
هايف الزمن فيهو ثوانى رايح
دعوات يالهميمه المولى يجمع بين الروايح
يلين قـلب الزمن بيهو تهدا تسكن جوارِِح
(همسه) أبارح....لو الصبر ما صبر أنا مااا ببارح

صدقت القرب مافي شيتن بنافسو
جنبك قريب وكتين تدور تغمز تهامسو
تجوط تشاكسو .. تحن تلامسو
شوفتو ساكت .. تصافي الروح تآنسو


الصبر كيفن يبارح وانت قاعد حارسو

هامس كتب: قـالت خايفـه من كلمة فـراق

حبوبة كتب:لو ما كان العشم ما قلت واتماديت
ياما بتقول وأقول وبيحصل أكيد وأكيد
كلمات مني إليك توعاها طول ماحييت
لو انت لي نسيت لو غيري انت لقيت
لو لي تب جافيت وفي شوفتي اتغابيت
في حقي عافيالك شاهد هو رب البيت

حبوبة كتب:
قالوا كتال الولف
وزي ما القلوب بتأتلف
حال الحروف ما بيختلف
ما هي لا بتغش لا بتستلف
بس للدواخل تستشف

ربي يخليك .. وعين الناس عنك يكف

حبوبة كتب:لو ما كان العشم ما قلت واتماديت
ياما بتقول وأقول وبيحصل أكيد وأكيد
كلمات مني إليك توعاها طول ماحييت
لو انت لي نسيت لو غيري انت لقيت
لو لي تب جافيت وفي شوفتي اتغابيت
في حقي عافيالك شاهد هو رب البيت

هامس كتب:
قـست النفوس بالمشاعر صارت تستخف

يقولوا كايس الشمار ان سألت عن ناس ليهم غلاوة
أو للتلج كسّار لو بادرت وأظهرت الحفاوة
إن قلت الدنيا ما بتستاهل يقولوا الزول ده واوا
درادر الدنيا قوّت للقلوب وِلفوها القساوة

ويخليك .. ويزيد كلمك حكمة وطلاوة

هامس كتب:
لا بجافـيك لا غيرك بدورو مالى..... جنيت

حبوبة كتب:
يقولوا كايس الشمار ان سألت عن ناس ليهم غلاوة
أو للتلج كسّار لو بادرت وأظهرت الحفاوة
إن قلت الدنيا ما بتستاهل يقولوا الزول ده واوا
درادر الدنيا قوّت للقلوب وِلفوها القساوة

ويخليك .. ويزيد كلمك حكمة وطلاوة

حبوبة كتب:
تسلم لي إنت يا دربي و وداري
تسلم لي انت يا فرحي و حساري
تسلم لي انت يا عازف أوتاري
يسلم لي ريدك يا جنتي وناري

ويسلم لي ريدك يا ملهم أشعاري

علي أبوسن كتب:منو البقدر اتغابي
ومنو البقدر ينسي

ربنا يغفر ليهو

أب سن ياخوي

ماهو دام ملكك أكيد قادر
والبجرحك علي النسيان يبقى قادر
وخوفي من انو ينسى ويقطع للأواصر
وجع الفرقة يا ابسن بيقصم للخواصر

ويغفر لي وليك وسائر المسلمين .. قول آمين

مها كتب:

لويمر فى الصبح صوتك نشوة الزول الموالف
داير ادس عينيك ريده

يوم يمر حرفك يسطِّر
ينور الصفحة ويخدِّر
وتسرح النظرة وتودِّر
في حروف تومتي البريدا ..

مهوية يا غالية .. تسلمي ع المرور الجميل زيك