صفحة 6 من 26
رد: همسات شعرية
مرسل: الاثنين 2011.2.28 11:50 pm
بواسطة waya
إنتَ يا ليل المغُنين
فى صباحات اليتامى
فى البشيل فوق كتفو يمْشِى
لمَّا ترْخِى الخيل لِجامهْا
يا حمامَهْ
ودِّعينى
ودِّعى الارض البتزْرَع
فى جروف الحُب ضلامهْا
ارْخِى كتفِك
واحْضِنينى
وارْمِى فوق كتفى الملامه
رد: همسات شعرية
مرسل: الخميس 2011.3.3 11:22 am
بواسطة الماسة الخماسية
** سأكتب لك اليوم فى كل الأماكن ..
** سأحرك كل إحساس فيك ساكن ..
** سأرسم بريشتى على لوحات كل فنان وشاعر ،،
**وأخط بدمى فى ساحات الشعر ودوحات الخواطر ،،
** حتى تجرى خلفى .. شوقا" .. وتلتهب فيك المشاعر ،،
** أبوح إليك ويقتلني الشوق ياوطناً أرهقته السنون ..
وأشرب من نخب عينيك كأساً عتيقاً يشعرنى بالجنون ..
** يروض فيّ الهوى
** ويسحق فيّّ النوى ويحملني كالمسافر ،،،
** فوق صحارى الحنين ،،
كأني أمام عناق الحروف أحس الأعاصير ،،
** تعصف
** تهجسُ
** ترحلُ
تسبح كل الدروب الى ضفة المتعبين ،،
**فأحمل فيك إغترابي
وألقي به فوق حلم سجين ،،
** ويقتلني الشوق ياوطناً في هواه
تسافر أحلام طفلٍ وشاعر
وترحل أشواق قلبٍ جريحٍ مكابر ،،
** ولكنى أنام على مقلتيك وأصحو
** فأشعر أن فؤادك يسبح في ناظري ويغفو ،،
** ثم يصحو ،،
** فأصحو ،،
** ويعود يأخذنى شوقىّ إليك ..
** يامبتغىّ أملى ّ
**يا منتهىّ عشقىّ ..
** يامن فى القلب كامن ،،
رد: همسات شعرية
مرسل: الجمعة 2011.3.4 12:56 am
بواسطة waya
من قبل أشـــــوفك
ليك من بعيد ناجيت هواك شميتو ذى ريحه الجروف
من قبل ما أصبح قريب من قبل ما أقابلك وأشوف
راسل محبتى ليك كتير ناثر تحاياي بالألوف
وأنا من زمان حاسك حداى لكنى كان مانعنى خوف
يا لحظة من لحظات مناى يا بسمة الزول العطوف
يا روعه يا آية جمال يا صدفه يا صيدى الولوف
غنيت طول فى غناك رصيت غناك حروف حروف
من بعدو كيف أقبل جفاك وحبك معشعش جوه جوف
يا غيث نزل دارنا وهطل شكرت على أثرو الكفوف
يا فرحه فرحت الاهل ودقت على وترا الدفوف
أمهلنى فى حكمك على وخلينى أرتب للصفوف
وأعزرنى لو جنيت بيك ماك جنة دانية من القطوف
حبك مكن جواى سكن فى قلبى يقطع كالسيوف
وفينى وأصدق فى وفاك واقبلنى من حولك أطوف
رد: همسات شعرية
مرسل: الأحد 2011.3.6 1:09 am
بواسطة waya
[grade="00008b ff6347 008000 4b0082"]إنتى منقة نجضت وبدفق عسل
إنتى موية فترت من شوق الينابيع
وخايفة من حضن السواحل لو تصل
وأنا زى فنار مهجور قديم
لا قدرت أهديك للضفاف
لا شربت من نحلك عسل
أصلو قدر البخاف رمال الطريق
لون السراب
يرجع يشتهيك وما يصل[/grade]
رد: همسات شعرية
مرسل: الثلاثاء 2011.3.8 12:25 am
بواسطة waya
يا صوتها لما سرى عبر الأثير معطرا
مثل الحرير نعومة و نداوة وتكسرا
مثل الصباح طلاقة ورشاقة وتخطرا
وهما حنينا حالما صبابة وتأسرا
وتدفقت كلماتها دفئا نديا اخضرا
عبقا يفوق براءة وشذى يفوح تخضرا
يا صوتها لما أتى لما.... سُكرا ولا كاس ترى
رد: همسات شعرية
مرسل: الأربعاء 2011.3.9 11:07 am
بواسطة عتاب العاص
رد: همسات شعرية
مرسل: الأربعاء 2011.3.9 11:15 am
بواسطة عتاب العاص
[frame="10 80"][mtmoeg]
كنت قاعد وحدي
شان
أقدر
أشوفك
وما تجوط
لحظة إشراقك هموم
..
..
تفتكري ممكن هم صغير
يعكر الشوفة القمر
ما أظن ...
قلت كدا ...
وما فكَّرتَ تاني أشوف عيوناتك بياتو طريقة
بس ...
كان هناك في نواصي القلب
بعض من جمال (الشوفة) الأولى
فاستعنت به
كي لا يعتريني الإنشداه
وتتسمر شفتاي قبالة نقائك
وتصوم عن نظم القوافي ...
حشرج الصوت يوم مناداتك آذان
سِمْعَتْ (القِبْلَة) العشق
إستعدت للفرض
وأنا لسة واقف بستعينك للقلب
أن قرِّبي ..
خليني أبداك بي حرف أشواقي
وأتهلل شهر
بتصومك جموع العاشقين
وبتفطرك
حنية الوتر المسا
(وما بنتهي الشوق بانتهاء الفرض)
وكنتا فاكر..
إني ذيّك..
براي وقاعد وحَدي
إتغابيت وجودك..في حِداي...
وإحتلالك..مساحاتي البراي
بتطلع إنتا من جوّاي
من شهقة مراسي الغيم
ومن زفرة الإسمو الرذاذ.
بريــــدك إنتا ياملمح الناس العزاز
بشتهيــــــك ..وكتين تطِل عينيك لذاااذ
إنتا ياموسم حراز
ترميني بي النظرات حنين
وأجدع ليكا من خَدري الشهيد
وإتسرّب فيني ياشلال ضنين
بالريدة..أسرح في الوريد
أدفق الشوق ..ياخي جيد
خلِّي التوجُّس..ياحبيب
عارفني برضك مشتهيك..
وداير أجيك.
أبداني من أي كلمة بتعجبك
من أي إحساس..
تلقاهو مكتوووووب ( حتتك)
أبداني من عندك
تلقاني فيكا...ومسكنك
أبداني ..من حيث إنتهيت..
والله بعشق معبرك
أبداني من أي شئ
يخطر ببالك..
أو يصادف فكرتك
أبداني من وكت إنتويت
وإتوضّى من عينيَّ ديل
وأفرش علي روحي ..مصلاية العشق القبيل
وأكتب عليّ...فروضك..ومعبدك!
[/mtmoeg][/frame]الــــــــــــــــــــعاص
رد: همسات شعرية
مرسل: الخميس 2011.3.10 5:41 pm
بواسطة waya
بعدي وبعدك ليس في امكاني
فأنا أموت اذا ابتعدتي ثواني
وأنا رماد حائر في صمته فاذا رجعتي يعود كالبركان
وأنا زمان ضائع في حزنه .. فاذا ابتسمتي يري الوجود اغاني
وأنا غمام هائم في سرهـ
وسحابة كفت عن الدوران
وأنا نهار ضللته نجومه
صبح وليل كيف يجتمعان
وأنا امام الناس لحن صاخب .. وأمام حزني اشتكي واعاني
وأنا اغيب عن الوجود اذا التقي .. شوقي وشوقك في عناق حاني
رد: همسات شعرية
مرسل: الجمعة 2011.3.11 12:09 pm
بواسطة مها
لو أنّ طيفك عادني ....
سأصارعُ الزمنَ العنيدَ وانتصر
... وأعود طفلاً من جديد...
ابني قصوري بالرمال وبالحصي
وأعود.. اهدم ما اُشيدْ ..
وأسائلُ (الرّهو ) المُحلّقَ في الفضا .. أن يعطني ..
(سّن الغزال )... فيطير غير بعابئ.... والّحُ ..
أطلبَه .... المزيد ....
أن يعطني - عيديةً - سّر الخلود،يضّخ اكسير الحياة..
في عمق اعماق .... الوريد سأعود طفلا من جديد...
أو ... أنّه .. يوما .. عبر..
والهدهد الثرثار آتآني.... الخبر...
لوهبته العرشَ الزجاجي
الذي ... خالته بلقيس ... البحر...
ورجوتُ من عَلِمَ الكتاب ...
أنْ يحملَ الاشواقَ لك ...
من قبلِ أنْ يرتدّ للطرفِ ... البصرْ
رد: همسات شعرية
مرسل: السبت 2011.3.12 1:14 pm
بواسطة الدغري
لك التحية أخي .............
على ابداعاتك
رد: همسات شعرية
مرسل: الاثنين 2011.3.14 12:50 am
بواسطة waya
زولة بتفتح الروح ضلفتين
تخشك وتمرقك (عادي)
تخشك وتمرقك , ما بتقل الباب من وراها
بس تساسق بين شفقتك وحرقتك
ما بتأذنك ما روحا نفاج غربتك
هذي البنية الساكنة أسرار فكرتك
هي الشايلة حسك وسترتك
زولة كما النورس تجي تنزل شواطي الالفة الزمن الشفيف
وأنا زي مكتف في الرصيف
مربوط علي حبل السفن في الظلمة والليل المخيف
رد: همسات شعرية
مرسل: الاثنين 2011.3.14 12:34 pm
بواسطة مها
عشقتك...
في زمن قاسي....
وحبستك....
جوه أنفاسي....
وأفتش....
في سواحلك طاش...
أريتك تبقي مرسايا
رسمتك....
في مدن شعري....
دروب باالفرحة هدايا
عزفتك.....
لحن في الاوتار...
مقاطع فرقه شوايا
عشقتك....
(نوجا) في صمتي...
وطبعتك صورة جوايا
رد: همسات شعرية
مرسل: الجمعة 2011.3.18 1:27 am
بواسطة waya
ما تدخلي ..! !
كل القلوب فاتحالا طاقة ود عشان ما تدخلي
لكن .. دخولك قاسي ذي طعن الإبر
عارفك عنيدة وكايسة لي ريحة الدعاش
خايفة المطر ينزل رشاش
إلا الزوايا إتمددت
صارت خطوط
معدولة تشبه مشيتك
وشقيش أعاين المحك
أرسم ملامحك … تتمسح
أمسح خيالك … يترسم
أكتم حنينك .. يبتدي
أبداك تاني.. وأنكتم
لمتين أساسق وأوصلك
وشقيش أعاين ألمحك
رد: همسات شعرية
مرسل: الأحد 2011.3.20 10:15 am
بواسطة مها
حكايتى معاك حكاية طفله فاقده الماؤى عز الليل
تفتش عن حنان الام وما تلقالا زول يهدبها
او يبقالا حتى دليل
حكايتى معاك حكاية قرية من افراح غشاها السيل
وشال سكانا غفله ورماهم جملة فى صدر النيل
وزى الغيمه لما تشيل تجيها الريح
وتلعب بى سحابا شليل
حكايتى معاك حكاية زول بعاين ليك
ويفتش عن عنوانو فى عينيك
وتسال ليه؟يفلبو يرد يجاوب ليك
يتوه فى سكة ما تودى يخاف من دنيا تقسى عليك
ويدسك من كلام الناس
ورغم الشوق يعاند فيك
يتوه فى سكة من احزان وغصبا عنو يرجع ليك
ويلقى خطاهو تانى رجعت ليك
رد: همسات شعرية
مرسل: السبت 2011.3.26 4:21 am
بواسطة waya
[grade="00008b ff6347 008000 4b0082"]عيونك سر جمال الروح حكم وقدرات إلهية
كأنها سحر بابل فيك يعيد الماضي خلفية
تصور فوق عقول الناس رسوم لوحات خرافية
تغير مجريات الكون سجود لله عبودية
عيون مابين رموشن أتوه شرود في حضره صوفية
أهيم في حضرة الأنوار تجلي رضا وأريحية
أكون من زمرة الذكار واجرد شوقي ألفية[/grade]
رد: همسات شعرية
مرسل: الأحد 2011.3.27 5:17 pm
بواسطة مها
في ضفافك ..
تحضن الأمواج أصولا
وتاني ترحل..
تستعيد لحظات محنة
لما تتكدر بترجع
للضفاف تبقا لا جنّة
ولما توصل ...
تاني ترحل
ليه بعد نلقى الأماني
نستعيد آلامنا تاني
وبرضو نتذمر ونزعل
ليه يدوم الماضي فينا
وييحيي أحزانّا الدفينة
والزمن من بدري بدّل
يا بحر قبّال تجاوب
وتنهي حيرة ناس بتسأل
علّم الناس كيف تحارب
تقلع الفرح المؤجل
رد: همسات شعرية
مرسل: الاثنين 2011.3.28 4:03 am
بواسطة waya
[grade="00008b ff6347 008000 4b0082"]أنا و ان لم أروقك يوما
أنرت بعشقك ظلام المساء
و لو ظن هذا البعض حمقا
أقاتل لأدعي أمير الغباء
فمالك أردت البعد دوما؟؟
لبعدي عنك صميم البلاء
[/grade]
رد: همسات شعرية
مرسل: الثلاثاء 2011.3.29 1:59 am
بواسطة waya
[grade="00008b ff6347 008000 4b0082"]وأحتجتُ أن ألقاك
حين تربع الشوق المسافر وإستراح
وطفقتُ أبحث عنك
في مدن المنافي السافرات
بلا جناح
كان إحتياجي ..
أن تضمخ حوليَ الأرجاءَ
يا عطراً يزاور في الصباح
كان إحتياجي .. أن تجيءَ إليَّ مسبحة ً
تخفف وطأة الترحال ..
إن جاء الرواح
واحتجتُ صوتك كالنشيد
يهز أشجاني ..ويمنحني جواز الإرتياح [/grade]
رد: همسات شعرية
مرسل: الخميس 2011.3.31 2:16 pm
بواسطة مها
كان نفسي اقولك من زمان
اياكا أنت العشت في قولي
وبقيت زولي القبيل سكنته
في قلبي وعكف
صدقني لو بقدر أقول مليون حرف
ما بكفو قول حبك
ولا بطاوعني في وصفك وصف
رد: همسات شعرية
مرسل: الجمعة 2011.4.1 11:30 pm
بواسطة waya
إشتقت ليك ساعة المساء
فرد الجناح ولملم مصابيح النهار
والكون شرب لون الجراح
والعتمة نامت في الدروب
والليل لبس أجمل وشاح
في اللحظة ديك إشتقت ليك وإحتجت ليك
في اللحظة ديك إشتقت ليك
شوق السحابة الراحلة
في جوف الشتاء عطشانة
تحلم بالخريف وبقيت ضعيف
في اللحظة ديك ومديت معابر شوقي ليك
وحنين حنيني الطاغي ليك
كايس مجيك
وداير يجيك
في اللحظة ديك إشتقت ليك وإحتجت ليك