إنتَ يا ليل المغُنين
فى صباحات اليتامى
فى البشيل فوق كتفو يمْشِى
لمَّا ترْخِى الخيل لِجامهْا
يا حمامَهْ
ودِّعينى
ودِّعى الارض البتزْرَع
فى جروف الحُب ضلامهْا
ارْخِى كتفِك
واحْضِنينى
وارْمِى فوق كتفى الملامه
من قبل أشـــــوفك
ليك من بعيد ناجيت هواك شميتو ذى ريحه الجروف
من قبل ما أصبح قريب من قبل ما أقابلك وأشوف
راسل محبتى ليك كتير ناثر تحاياي بالألوف
وأنا من زمان حاسك حداى لكنى كان مانعنى خوف
يا لحظة من لحظات مناى يا بسمة الزول العطوف
يا روعه يا آية جمال يا صدفه يا صيدى الولوف
غنيت طول فى غناك رصيت غناك حروف حروف
من بعدو كيف أقبل جفاك وحبك معشعش جوه جوف
يا غيث نزل دارنا وهطل شكرت على أثرو الكفوف
يا فرحه فرحت الاهل ودقت على وترا الدفوف
أمهلنى فى حكمك على وخلينى أرتب للصفوف
وأعزرنى لو جنيت بيك ماك جنة دانية من القطوف
حبك مكن جواى سكن فى قلبى يقطع كالسيوف
وفينى وأصدق فى وفاك واقبلنى من حولك أطوف
[grade="00008b ff6347 008000 4b0082"]إنتى منقة نجضت وبدفق عسل
إنتى موية فترت من شوق الينابيع
وخايفة من حضن السواحل لو تصل
وأنا زى فنار مهجور قديم
لا قدرت أهديك للضفاف
لا شربت من نحلك عسل
أصلو قدر البخاف رمال الطريق
لون السراب
يرجع يشتهيك وما يصل[/grade]
يا صوتها لما سرى عبر الأثير معطرا
مثل الحرير نعومة و نداوة وتكسرا
مثل الصباح طلاقة ورشاقة وتخطرا
وهما حنينا حالما صبابة وتأسرا
وتدفقت كلماتها دفئا نديا اخضرا
عبقا يفوق براءة وشذى يفوح تخضرا
يا صوتها لما أتى لما.... سُكرا ولا كاس ترى
جات داخلة ذي مرقة غضب من جوف حليم في زمن صعب
رمت السلام ذي شنطة من كتف المسافر بي تعب
زي ردخة رب .. الله يارب
قعدت علي طرف العنيقريب المحازي الواطة
ضايرت تراب ، كسر العويش الفوقو ..
شالت باصبعا وشختت شخيت
الله يا رب
عايننا فيها نكوس سبب للكفرنة وفورة الزهج
من دروة البال الوهيط
ما عودتنا تدس عوج .. تكتم فرح زي حالة الزول البسيط
صنقعتلنا في قعدتنا راجعت الوشوش
دنقرنا عن رفعة وشيها المتعب الجاد الرحيم
الطيب السمح المعافي ..
رهاب رهاب ينشاف وسيم
انوهطت فوق العنيقريب القديم
من تاني ضايرة التراب ..كسر العويش الفوقو ..
شالت وشختت شخيت
وقالت : تصدقو آ ولادي بقيت
ابيت الليل افكر في التميرات
القدر فوق راس ما خمت صبيط
غلبا الجرورة الفوق ضهرنا تنزلا
تطلق وشينا مع الجماعة
شن دهانا دي كم سنين والحال وقف قط
وحلف ما فيهو لو نقاط بسيط
كان بوشنا في حش التمور ..
الليلي دشنا مع اللقيط
أي لا حكت دى ولا بقت ..
ما كنا قايلين في حياتنا يجينا أقسي من المضي
ساعة مروق الإنجليز قلنا الظلم فات وانقضي
تاريهو كمتر .. وقام دقون ..
حلفا وعشر .. معيوقة نال
دمسيس .. ضريسا .. وشوك جمال
الله يا كربك كرب
عاولي التمور .. الواطة بور .. الناس حطب
بابور شهور غلبان يدور ..
ما فيش مطور .. ويجيك بعد ده علم طلب
الله يارب العالمين
الما جحدنا نعمتو في الشوف والسمع
راحة الولادة ولا قلوبنا قسن ولاغيــرنا دين
في الجابو ما قصر حمد ..
في الشالو ما قلنالو وين ما شيبو وين
عدلت نعال مقلوبة في الجبهة اليمين حدرت شمال
زمنا مو دا الحيكومة كانت بت حلال
بي حالاً .. بي حرب الجنوب
بي قلة المال في الجيوب
كانت رخية العيشي .. إلا تري العوين الكبرو ..
كبرو مليسين
علمن يطير .. إن كان هو ما فدر عوج
ما فدنا شئ ومحق القبيل لمينا هين .. في هين .. في .. هين
يا حليل رجالاً سكتُن غدرا غشاهن غشاهن بالقفا ..
ولي الليلة سيفن في الجراب يهرج سنين
دا زمن قواسى .. زمن ضلالة .. اونطجية ..
زمن حقارة .. زمن مهين
لا قين هواكن ضروا .. ضر .. يا عسكرياً ما انتعظ ..
كتل الرقاب بيودي وين
ضر .. يا جلاليباً رهاف .. ذمماً خفاف ..
ضر يا ضرر .. ضر .. يا دقين
منصلبطين عرق النبي .. وبالنار بتلعبوا يا عوين
لي الحول قريب .. درب السلامة ..
تخوجوا بي درب الحرب
غتي قلب واللا الحرب .. بقرة حلب .. والأرض حين
ما كان عمل ما كان دا دين
يا أرزقية تخمجوا دم .. والدم مو موية .. ومانا طين
منصلطين في الناس دحين ..
لا من يجي اليوم الفصل والحق يبين
وين تمشوا وين تنسلوا وين
كان طال وكان قصر الزمان .. الحين بحين
كب يا رجالاً .. سكتن غدرا غشاهن ……
وإنأوهت .. وحسيت بأعماق الشوارع
والتواريخ المجيدة إنأوهت وأدتني عين
صنت شويتين .. كوركت ..
هيي يا بنية وكتنا راح يا بت شمسنا
إدهدهت
شوفيلي شافع ود فطين جاء من الطحين
الله فترنا من الطحين
وكان الوقت زالف عصر ..
عين الشمس مشغولة بي دوشة سحاب
عرق المراكبية البعاد راحل مع ريحة التساب
ما تدري ما رقي من البيوت الحلة ..
واللا من التراب
الناس تقول مدقوقة طالعة علي الحقاب
مفلوقة بي حجر الصعاب المرة ..
نازلة علي البحر مشروقة بي موية السراب
الفره .. مشنوقة عقاب .. بالمره من كتر العذاب
الحرة في طايوقه داب
يا المرة كيف بقت الرقاب مسيوقة بي قيد السلاب
منشرة من نشر الحجاب في عروقا .. إشتد الخراب
من بعد ما انبلج الفرج من ضيقا ..
خدعوها بي حيلة كتاب
رفعوه فوق سن الحراب
ودهت الهزائم خلقتا
فالناس بدل عن نقتا التلقي فكة ريقتا
وبدل القصور الفي الخيال .. التبقي ماهلة كريقتا
وما جاتا راحة طلقتا .. إلا التعمر طلقتا
بي بندقيتاً حقتا .. بي ها الشوارع وبقتا
تنسدا منك دقتا .. ودم فلقتا .. ومر شرقتا .. ونار شنقتا
يا دقن دينك سرقتا
قطعت وضوها انشرقت .. مسحت وشيها إنشهقت
قالت نست ما تاكت العوضة التحت .. عن مرقتا
دارت تقوم .. مسك العنقريب الحنين طرقتا
رجفت بشيش عن نتقتا
رجفت بشيش من الغضب واللا التعب .. فتر السنين
واللا الكبر دا الما قدر يمسح سماحة خلقتا
زي نيتا البيضة الشعر ..
وزي موج بحر كان الجبين
مديت يميني أساعدا..
ردت يسارا تباعدا
وقالت لي : أبوي وفر ضراعك للبلد
وادخر مروتك آ ولد لي يوم بحين
احفض كرامتك تحفضك ..
الموت ولا العيش المهين
الموت نفاد الما نفد .. الموت حياة الميتين
اختاها جنة مع الفقر .. وادخل جحيم المتعبين
وإن ما قدرت علي دا أبوي .. رب لك دقين
وصنت .. ربيلك دقين
وضحكت .. حمدنالله الحنون ..
جيدا خلقنا بلا دقون
وضحكنا زين
ساقت حديثا .. علي الخراب الشوفتو ما داير
إلا عين عقب متاقانا الرياح
رفعت قران شوك الصنط ..
ساسوية جاية من المراح
يا خيري ودي المستراح
والشوكة تحت الدوكة .. يا داك الركين
الشوك بمرق الشوك .. شوكاً فينا شين
مراقو رب العزة .. شعباً ما بلين
الجاي حيكومتنا .. لكن الزمن دبوية ..
داير النهمة .. وينكم يا الخزين
ما قل حاشي صبرنا .. لكن لا متين
دعكت عيونا وصنقعت ..
كان الغيوم انجمعت تقلت علي الريح النصيح
كان المطور شو ترعت ..
زي باكي فوق دم الحسين
لكن ده وين .. والتاني وين
وإتلوعت .. معقول في ناساً ما وعت
لي الليلي بالم .. بين وبين
كيف وإنتو نوحنا من الدعت ..
موجنا من حجر الدقون
الكاكي يلدغ مرتين
والثالثة قرصة أبو الحصين
حسيت بأنها دمعت .. وشهقت عيونا الدمعتين
حسيت بأني متل حجر .. جدعوهو في نص البحر ..
قام البحر بني فوقو طين
حسيت بأعماق الشوارع .. التواريخ البعيد إنأوهت ..
وأدتني عين
الجاي حيكزمتنا .. كيف ومتين .. ووين؟
ومرقت مثل دخلة غضب ..
صدر المسامح والحليم
في |أيام عجاف
دي السرة بت عوض الكريم
مره ما بتلاوز . . لا بتخاف .. زي الضفاف
الما بتهاب ضنب التماسيح والكلاب ..
قومة البحر واللا الجفاف
مره من قديم .. مره بت قبائل .. قالوا لا لا ..
وإختاروا في الحق الجحيم
من رفقة الغسل الخلا .. وكانت نعم تدي النعيم
مره من صميم ضهر الغلابة الما بتنكس راسا ..
غير ساعة الصلاة
أو ترمي تيراب في التراب .. أو تستشف وجه السديم
السرة بت عوض الكريم
ما فيها من عادة حريم ..
غير السماحة القدمت قدم الضهب حافضنو
في حقاً قديم
في أقصي كيم
ما فيها من طبع الرجال ..
غير الأيادي الخشنة زي قولة النصيحة وقت
يكدب في الصميم
ساعة يكون الحكم ضيم
تسعين سنة .. والسرة بت عوض الكريم
بصرك بصير .. سمعك سميع .. نضمك نضيم
بالك محلو صبي وسليم
تسعين سنة .. عودك أمداً ما انحني ..
شامخ بلا البان القديم
تسعين سنة .. ومن فتنتك .. استغفر الله العظيم
جوك الرجال يا السرة بت عوض الكريم من وين وين
لا الكلو طين أغراك .. لا السمح الوسيم
آ السرة صددتي المشايخ والعمد ..[/frame]==========العاص
كنت قاعد وحدي
شان
أقدر
أشوفك
وما تجوط
لحظة إشراقك هموم
..
..
تفتكري ممكن هم صغير
يعكر الشوفة القمر
ما أظن ...
قلت كدا ...
وما فكَّرتَ تاني أشوف عيوناتك بياتو طريقة
بس ...
كان هناك في نواصي القلب
بعض من جمال (الشوفة) الأولى
فاستعنت به
كي لا يعتريني الإنشداه
وتتسمر شفتاي قبالة نقائك
وتصوم عن نظم القوافي ...
حشرج الصوت يوم مناداتك آذان
سِمْعَتْ (القِبْلَة) العشق
إستعدت للفرض
وأنا لسة واقف بستعينك للقلب
أن قرِّبي ..
خليني أبداك بي حرف أشواقي
وأتهلل شهر
بتصومك جموع العاشقين
وبتفطرك
حنية الوتر المسا
(وما بنتهي الشوق بانتهاء الفرض)
وكنتا فاكر..
إني ذيّك..
براي وقاعد وحَدي
إتغابيت وجودك..في حِداي...
وإحتلالك..مساحاتي البراي
بتطلع إنتا من جوّاي
من شهقة مراسي الغيم
ومن زفرة الإسمو الرذاذ.
بريــــدك إنتا ياملمح الناس العزاز
بشتهيــــــك ..وكتين تطِل عينيك لذاااذ
إنتا ياموسم حراز
ترميني بي النظرات حنين
وأجدع ليكا من خَدري الشهيد
وإتسرّب فيني ياشلال ضنين
بالريدة..أسرح في الوريد
أدفق الشوق ..ياخي جيد
خلِّي التوجُّس..ياحبيب
عارفني برضك مشتهيك..
وداير أجيك.
أبداني من أي كلمة بتعجبك
من أي إحساس..
تلقاهو مكتوووووب ( حتتك)
أبداني من عندك
تلقاني فيكا...ومسكنك
أبداني ..من حيث إنتهيت..
والله بعشق معبرك
أبداني من أي شئ
يخطر ببالك..
أو يصادف فكرتك
أبداني من وكت إنتويت
وإتوضّى من عينيَّ ديل
وأفرش علي روحي ..مصلاية العشق القبيل
وأكتب عليّ...فروضك..ومعبدك!
زولة بتفتح الروح ضلفتين
تخشك وتمرقك (عادي)
تخشك وتمرقك , ما بتقل الباب من وراها
بس تساسق بين شفقتك وحرقتك
ما بتأذنك ما روحا نفاج غربتك
هذي البنية الساكنة أسرار فكرتك
هي الشايلة حسك وسترتك
زولة كما النورس تجي تنزل شواطي الالفة الزمن الشفيف
وأنا زي مكتف في الرصيف
مربوط علي حبل السفن في الظلمة والليل المخيف
عشقتك...
في زمن قاسي....
وحبستك....
جوه أنفاسي....
وأفتش....
في سواحلك طاش...
أريتك تبقي مرسايا
رسمتك....
في مدن شعري....
دروب باالفرحة هدايا
عزفتك.....
لحن في الاوتار...
مقاطع فرقه شوايا
عشقتك....
(نوجا) في صمتي...
وطبعتك صورة جوايا
[grade="00008b ff6347 008000 4b0082"]عيونك سر جمال الروح حكم وقدرات إلهية
كأنها سحر بابل فيك يعيد الماضي خلفية
تصور فوق عقول الناس رسوم لوحات خرافية
تغير مجريات الكون سجود لله عبودية
عيون مابين رموشن أتوه شرود في حضره صوفية
أهيم في حضرة الأنوار تجلي رضا وأريحية
أكون من زمرة الذكار واجرد شوقي ألفية[/grade]
[grade="00008b ff6347 008000 4b0082"]أنا و ان لم أروقك يوما
أنرت بعشقك ظلام المساء
و لو ظن هذا البعض حمقا
أقاتل لأدعي أمير الغباء
فمالك أردت البعد دوما؟؟
لبعدي عنك صميم البلاء
[/grade]
[grade="00008b ff6347 008000 4b0082"]وأحتجتُ أن ألقاك
حين تربع الشوق المسافر وإستراح
وطفقتُ أبحث عنك
في مدن المنافي السافرات
بلا جناح
كان إحتياجي ..
أن تضمخ حوليَ الأرجاءَ
يا عطراً يزاور في الصباح
كان إحتياجي .. أن تجيءَ إليَّ مسبحة ً
تخفف وطأة الترحال ..
إن جاء الرواح
واحتجتُ صوتك كالنشيد
يهز أشجاني ..ويمنحني جواز الإرتياح [/grade]
كان نفسي اقولك من زمان
اياكا أنت العشت في قولي
وبقيت زولي القبيل سكنته
في قلبي وعكف
صدقني لو بقدر أقول مليون حرف
ما بكفو قول حبك
ولا بطاوعني في وصفك وصف