همس الخواطر والمشاعر

[إبنة النيل]

وقف قلمي عاجزاً لاختيار كلمات بقامة وجمال كلماتك واخيرا اقرا واعترف بانه لا يستطيع الا ان
بسجل اعجابه الشديد بي كتاباتك الجميلة وبالاخص كتبتك[/

color]


دمت بخير

[عبدالله عبدالرحمن عبدالله]

ريحانة العمر

ياريحانة العمرالصبح
واياكي في تغريد
يابلسم سنين كانت
شقي وحرمان قضيتها وحيد
ليك شوقي وتحياتي
وفيض من المحنة شديد
وعن لقياكي بستأذن
أغيب ياروحي رغم الريد
ورغم الخاطر المشحون
بخوف الوحدة والتشريد

أغيب وابكي واغالب الشوق
وعارفة يا غاليةشوقي عنيد
بيغلبني وبجيك مشتاق
عنيد ما بردعو التشديد
عليك ارعيهو احكيلو
من قصة غرامنا جديد

ياريحانة العمر الصِبح
واياكي في تغريد
لو حرموني من لقياكي
هل حرموا الغرام والريد

[عبدالله عبدالرحمن عبدالله]

تيار إلفتك

يـا روحي كيف الريد بكون
كيف ببدأ كيف بي روعتـك
يمكن يكون قلبك عرف
درب الغـرام فـي دنيتك
وانـا دابي فـي بداية الطريق
جارفنــي تيار إلفتـك
بـالله كيف حـال البحب
كـدا قولـي اسـمع كلمتـك
الليـلـة حالـي غـريب خلاص
خايف وشــاعر رهبتــك
نبـض القـليـب خليهو داك
يسـرع يزيـد في ضحكتـك
ولسـاني بتعثـر معاك بصبح
سكوت فـــي حضـرتك
وغشـاوة فـي عيني تكون
والـدمع مسجون نظرتك
لو غبتي بـغلبني الحنين
والشوق بهيـم في سكتك
يا واحة في صحراء الحياة
ولهـان قليبـي بخضرتك
لو حالتي تشخيصها الغرام
انا في انتظار يوم رحمتك
أرعينـى فى درب الهــوى
لو حبــى صادف رغبتـك
لـكني خـايف من ظـروف
من بــدري قفلت سـكتك
خلتني ما اوصـل اليــك
وفـي قلبي دااااافية مودتك
والله بيك بفرح سـعيد
لو بكرة أبقى فى قسـمتك

[عبدالله عبدالرحمن عبدالله]

انا برعمة
هى مُقسمة الاقدار كدا
مرسومة بى مر السنين
تشرق شمس لابد تغيب
من المصير عاد تمشى وين
والقمرا جاها الدور مشت
وصرنا السواد متلفحين
وأنا بُرعمة
طليت على العالم جمال
فواح عبير الياسمين
حرمتنى دنياى الندى
وسقتنى من ينبوع حزين
خلتنى فى حضن الاسى
باكيات عيونى مسهدين
وأنا برعمة
لاعودى اشتدَّ وقوى
لا فاض على قلبا حنين
لا اتنفست رئتى الهوى
لا ضقت وله العاشقين
لازفرة حرى من الغرام
لاهمسة من زولا أمين
وانا برعمة

[عبدالله عبدالرحمن عبدالله]

رافع القزاز

ياريت تمسك طموحاتك
وتتعايش مع الواقع
ياريت تقفل على ذاتك
ترمم نفسك وتراقع

قليب مثقوب على حبك
وحبك فى الصدود راتع
براك عايش جراحاتك
حداك سم الفراق ناقع

دواك منو الحنان منو
حبيب ياريتو ليك سامع
وكت بعدت مسافاتك
صار بعد الوداد شاسع

كم حسستو ما حس
ولا كان الرحم دافع
وكل ما احاول اتناسى
جمالو يردنى يدافع

عليهو اصبح واتماسى
ودوام منى القزاز رافع
وقلبى جبرتو يتقاسى
دا فى غيى الغرام راتع

ياريت تمسك طموحاتك
وتتعايش مع الواقع
ياريت تقفل على ذاتك
ترمم نفسك وتراقع

[الدهمشي]

[align=center]تعب يتبعه تعب
هرب يدفعه هرب
سفر فى الافق لا امل
يتخطى السحب يقترب
عطش بالنفس لا نطف[/align][/size]

[عبدالله عبدالرحمن عبدالله]

هى خمسة حروف

عادت بى عميرى سنين
بقيت قادر احب واعشق
واكتب تانى فى الحلوين
(الف) مهموز يجيك اول
اعاين ليهو بى عشرين
تحدى الشيب واتجول
قهر احساسى سابو يلين
تسربل فى مسارب الروح
بدل حنظل زرع ياسمين
بشر والله ....بِتْهوَّل
كلما اتجمَّل السمحين
(فا )خلى القليب فرحان
تعثر نبضو فى التسكين
كأن (الراء) رمق أول
وداع بيريحو التلحين
ويتأوه (ألف) ممدود
ينادى النامو والصاحيين
ويترنم وتر مشدود
بروعة فن شجى وحَنِين
ويتقاصر خيال محدود
هِى بى فوق السمع والعين
(حا) اسمك حضور هادئ
بريحنى ولو لى حين !!
هى خمسة حروف
عادت بى عِميرى سنين

[( ود البورت )]

سلمت يداك ومشكور علي الشعر الجميل

ودمت بخير

تقبل مروري ،،

[عبدالله عبدالرحمن عبدالله]

السلام عليكم ورحمة الله
ارجو ان تكونوا جميعا بخير وعافية

[عبدالله عبدالرحمن عبدالله]

اخوتى
الدهمشى
ود البورت
لكما التحية
وممتن لمروركما الكريم

[عبدالله عبدالرحمن عبدالله]

ولا صدفة مرة بتسألى؟!


كيف حالى من نار فُرْقَتِك ؟!
ان شا الله بسْ تتخيلى
من عشتَ محروم طلتِك
قلبى المتيم عاش خلى
بدل الحنان الكان روا
بقى بالهواجس ممتلى

ما كنتِ تسمحى لى عنيك
ترمقنى‘ قول تسترسلى
وما كنتِ تسمحى لى وشيك
يجهرنى نورو ترسلى

جمَّلتِى للريد المسار
حفيتى بالنور والنوار
خليتى عايش مخملى

وبدلتى بدل الجنة نار
خليتى فيها بيصطلى

ماسألتى عنى ولا الحروف
حاولتى مرة توصلى
لا رسالة لا رنة جوال
ولا صدفة مرة بتسألى !
ولا ذكرى فى عمق الزمن
حاولتى طيفها تحصلى

كيف حالى من نار فرقتك
ان شا الله بَسْ تتخيلى !!!

[عبدالله عبدالرحمن عبدالله]

عليك يسهِّل

من رياض حسنك مغادر
رغم انك زاهى مذهل
عشت فى وجدانى حاضر
كل يوم فى ايكى تهدل
كنت بى حسنك بفاخر
لما فى ساحاتى تقدل

يا قليب بالريده ذاخر
لما تتواضع وتنزل
ما افتكرتك تبقى هاجر
والمشاعر الطيبة تهمل
ياللقيتك مره فاتر
كان ياريت احساسى تمهل
********
الزمان ماليهو عندك
قيمة لما تدور تقرر
المكان مالِيهو جندك
قوة احتليت مكشر
كان ياريتك كنت شاطر
حجة تسمع ليك أفسر


***********
عليك يسهل
وعلى يمهل
******
لو وصفت زمانى غادر
ببقي ظالمو وبعضو مزهر
من نعيم حبك بسافر
وفى جحيم هجرك بعسكر
خوفى مثلى كتير تسفر
لى مراسى الهم تأشر
عليك يسهل
وعلى يمهل
******
قلبى من شدة غرورو
السنين رجَّع يجهِّل
وخاطرى فى غمرة سرورو
فى قوافى الحب يِصهِّل
والامل غامرنى نورو
ونفسى ريدك عاد يؤهِّل
********
عليك يسهل
وعلى يمهل
لما احكى البينى بينو
دمعى يتسابق نزولو
ليهو رسلت المشاعر
كنت بحكى الليل بطولو
اصلو ما كان بيا شاعر
ودمعى متزايد هطولو
*********
ربى سهِّل
عليهو مهِّل
اصلو قاسى
وبرضو مُذهِّل
ما بلومك قلبى حاشا
لو بقيت مهزوم جمالو
حتى لو ريدك تلاشى
وسِّبتَ محبوبك فى حالو
دارى نفسك وارتعاشا
ربى ما بمنع حلالو
الدنيا ما بتحرم دعاشا
الله بقسم ليك (بدالو )
عليهو سهل
وعليا مهل

[Batta]

رائئئئئئئئئئئئئعة يا عبدالله همساتك وخواطرك.

كلام زول شاعر جد.

[عبدالله عبدالرحمن عبدالله]

عبدالله عبدالرحمن عبدالله6]
عليك يسهِّل



من رياض حسنك مغادر


رغم انك زاهى مذهل


عشت فى وجدانى حاضر


كل يوم فى ايكى تهدل


كنت بى حسنك بفاخر


لما فى ساحاتى تقدل


**********


يا قليب بالريده ذاخر


لما تتواضع وتنزل


ما افتكرتك تبقى هاجر


والمشاعر الطيبة تهمل


ياللقيتك مره فاتر


كان ياريت احساسى تمهل


********


الزمان ماليهو عندك


قيمة لما تدور تقرر


المكان مالِيهو جندك


قوة احتليت مكشر


كان ياريتك كنت شاطر


حجة تسمع ليك أفسر


***********


عليك يسهل


وعلى يمهل


*******


لو وصفت زمانى غادر


ببقي ظالمو وبعضو مزهر


من نعيم حبك بسافر


وفى جحيم هجرك بعسكر


خوفى مثلى كتير تسفر


لى مراسى الهم تأشر


عليك يسهل


وعلى يمهل


******


قلبى من شدة غرورو


السنين رجَّع يجهِّل


وخاطرى فى غمرة سرورو


فى قوافى الحب يِصهِّل


والامل غامرنى نورو


ونفسى ريدك عاد يؤهِّل


********


عليك يسهل


وعلى يمهل


لما احكى البينى بينو


دمعى يتسابق نزولو


ليهو رسلت المشاعر


كنت بحكى الليل بطولو


اصلو ما كان بيا شاعر


ودمعى متزايد هطولو


*********


ربى سهِّل


عليهو مهِّل


اصلو قاسى


وبرضو مُذهِّل


ما بلومك قلبى حاشا


لو بقيت مهزوم جمالو


حتى لو ريدك تلاشى


وسِّبتَ محبوبك فى حالو


دارى نفسك وارتعاشا


ربى ما بمنع حلالو


الدنيا ما بتحرم دعاشا


الله بقسم ليك (بدالو )


عليهو سهل


وعليا مهل

[عبدالله عبدالرحمن عبدالله]

رائئئئئئئئئئئئئعة يا عبدالله همساتك وخواطرك.

كلام زول شاعر جد.

ــــــــــــــــ
[align=center]لك التحية بطة
الاروع هو مرورك واعجابك
مودتى[/align]

[عبدالله عبدالرحمن عبدالله]

كنت فى غفلة


كنت فى غفلة والعمل خايب
وهوى نفسى الحبة ما جايب
كل يوم فى هوان والفعل عايب
فى الضلال سادر دربى ما صايب
الشباب فاتنى شوف بقيت شايب
ربى ارحمنى ليكا جيت تايب

فيكا يارمضان النفوس خشعت
عامرة بالايمان عالية ارتفعت
خاضعة للرحمن كُلْ جريرة خِشت
تنشد الغفران والدموع ذرفت
والدريب لى جنان ربها عرِفت
فى رياض الدين المتاع فرشت
ومن حِياض العفو عبأت غرفت

الذنوب قبلك مهما ازدادت
بغفِرِنْ ربى ان شا الله ما عادت
نشوة الإيمان روحى انتابت
وفىحمى القرءآن النفيس ذابت
توبة من عصيان صممت رادت
أقلعت فى الحال وكُلْ غلط سابت

فيك بحب الخير القلوب عامرة
النفوس سامية والبطون ضامرة
أولك رحمة للجميع شاملة
ومغفرةربك فى الوسط شاملة
وعتق من النار فرصتك نادرة
المِسِكْ فمَّكْ جايزتك كاملة
الذنوب تنهار لى نفس قادرة
تعبد الجبار فى خشوع حاضرة
صلى يا رحمن ورجِّع الشاردة
على النبى الانسان ووسدا الباردة


عبدالله عبدالرحمن عبدالله
9 رمضان
الفاشر

[Batta]

هى خمسة حروف عادت بى عميرى سنين بقيت قادر احب واعشق واكتب تانى فى الحلوين (الف) مهموز يجيك اول اعاين ليهو بى عشرين تحدى الشيب واتجول قهر احساسى سابو يلين تسربل فى مسارب الروح بدل حنظل زرع ياسمين بشر والله ....بِتْهوَّل كلما اتجمَّل السمحين (فا )خلى القليب فرحان تعثر نبضو فى التسكين كأن (الراء) رمق أول وداع بيريحو التلحين ويتأوه (ألف) ممدود ينادى النامو والصاحيين ويترنم وتر مشدود بروعة فن شجى وحَنِين ويتقاصر خيال محدود هِى بى فوق السمع والعين (حا) اسمك حضور هادئ بريحنى ولو لى حين !! هى خمسة حروف عادت بى عِميرى سنين

(الافراح)

إن شالله دوام منورة دربك

[Batta]

السلام عليكم وكل عام وانت بخير

طبعا قريت كل كتاباتك وكل ما اقول المشاركة دي روعة

عشانها أصفق الاقي البعدها بنفس الروعة,عشان كدا

قلت أسجل إعجاب بالجملة

[عبدالله عبدالرحمن عبدالله]

السلام عليكم وكل عام وانت بخير

طبعا قريت كل كتاباتك وكل ما اقول المشاركة دي روعة

عشانها أصفق الاقي البعدها بنفس الروعة,عشان كدا

قلت أسجل إعجاب بالجملة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

السلام عليكم ورحمة الله
كل الشكر والتقدير على مرورك العطر
تحياتى

[عبدالله عبدالرحمن عبدالله]

جاييك صحِى

جاييك صحِى..
وشايل معاى صفا الشعور
بهديهو ليك لو تسمحى
جاييك صحِى ...
وشايل معاى باقة زهور
وانتى الزهور بتفرِحى
تلقينى بى روعة حضور
وبلقاكى نسمه بِتَنْفَحِى
وروحى المولَّهه بالغرام
ترويها ريده وتفرِحِى
انا جد بحبِّك يا سلاااام
قول لى بريدَك افصِحى..

جاييك صحِى
شان فيح وحيحك يتمحى
وقلبى المعذب بالهيام
مستنى لطفك تمنحِى
وانا فيكى بشَّهى الكلام
شان كُلِّ عاشق يشتهى

رشرشت عطرك بالزهور
قرَّب فراشا تَرَوحِى
ناديت اسيمك فى حبور
جيتينى بى ذاتِك صحِى
كل المكان ضويتى نور
كِدا عن وجودك أفصِحى
جيتك صحى
عاش المكان ألق الحضور
ومنح الزمان ما نشتهى

13/9/2012 الخميسِ