همس القوافى

[waya]

و سكة شوقك المجنون
شايلة الليل عذاب و جنون
تساهر النجمة فيك تحتار
و يصبح ليله َ بيك نهار
يشيل البسمة يرويها
و من احساسو يديها
حنين دربو
و يدس الموجة في قلبو
وجنة حب بنبنيها
بين الرفض والإيجاب
بضيع إحساس عظيم بيها

[نسيم الشمال]

لو ينسج الشعر من تبر وديباج ‍ أو فضة أو حرير أو من العاج

لأصبح الشعر مملوكا ومحتكرا ‍ للأغنياء وأهل الملك والتاج

لكنه زفرة في الصدر يخرجها ‍ ‍ ذو الحس تأتيك فوجا بعد أفواج

يبكيك حينا وحينا تنثني طربا ‍ ‍وقد يصيرك المداح والهاجي

وقد تناقض فيه النفس مبتكرا ‍ ‍ شيئا جديدا وتمشي فوق أمواج

ورب بيت وحيد لو نطقت به ‍ ‍ترقى به فوق أطواد وأبراج

كم ليلة سهرت عيناي أنظمه ‍ ‍فكان نورا مضيئا ليلي الداجي

صممتها لوحة بالحرف أرسمها ‍ ‍من نسج فكري وتنفيذي وإخراجي

كم مر بي من سحاب لاح عارضه ‍ شربت من معصرات طعم ثجاج

ركبت بيتا من الأشعار أركضه ‍‍ كالخيل ما بين إلجام وإسراج

ما قلتها عبثا أو قلتها بطرا ‍ ‍لكنها فكرة من بعض إنتاجي

أقول هذا لأني قد شعرت به ‍ ‍أحس بالشعر يمشي جوف أوداجي

وإن سألتم عن الأشعار قلت لكم ‍ ‍الشعر ثوبي وأبيات العلا تاجي

[لبيب]

الوداعة الفي كلامك
رقة الذوق وابتسامك
الحروف كيفن توصف
تمشي توصل لى مقامك

[لبيب]

ولما معاك يزيد الريد
اقيف اتأمل انسى شقاي
تزيد نار الفراق البي
أصبر نفسي بى ذكراك
اقول يكمن زماني يجود
يحن بلقاك يبسم لي

[مها]

وأفتش ليك حنانى معاى

أمانى تصارع المكتوب
عشانك لا مسافة تطول
ولا بتصعب معاك .. دروب
وقلبى عليك
وعلى الوعد الحزين .. مصلوب
وراجع ليك

[لبيب]

بتلقى الفرحة منتظراك
وفيض من السعادة يفيض
يغرق قلبي في ريدك
تغني معاي بلابل الدوح
بحبك ياملاك الروح
وبهتف بى هواك وابوح

[امال الناس]

«®°·.¸.•°°·.¸¸.•°°·.¸.•°®»تخيلتكي جنبي دائما منذ الصغر
وليتنا نجتمع ونلتقي في السفر

فهاك حبيبتي خدي وردة الزهر
ولتبقى ذكرى على طول الدهر«®°·.¸.•°°·.¸¸.•°°·.¸.•°®»

[لبيب]

وأفتش ليك حنانى معاى

أمانى تصارع المكتوب
عشانك لا مسافة تطول
ولا بتصعب معاك .. دروب
وقلبى عليك
وعلى الوعد الحزين .. مصلوب
وراجع ليك

بتلقى الفرحة منتظراك
وفيض من السعادة يفيض
يغرق قلبي في ريدك
تغني معاي بلابل الدوح
بحبك ياملاك الروح
وبهتف بى هواك وابوح

[امال الناس]

بتلقى الفرحة منتظراك
وفيض من السعادة يفيض
يغرق قلبي في ريدك
تغني معاي بلابل الدوح
بحبك ياملاك الروح
وبهتف بى هواك وابوح

با متع عيوني .. بشوفة عيونك
** اخاف من يوم اجي فيه ما لقاك

[waya]

يا زهر الربيع الزاهي لمن لينـا تبسم
ويا قمر الليالي الحـالكة لمن نورو يتقسم
ويا درر القوافي النـادرة وكتين بيها نترنم
تفجر صرخة الإبداع تخلي المـابيحس ملهم

[لبيب]

يا السافرت مداخل روحي
انت شفاي بلسم لجروحي
مشتاق ليك كتير ياروحي
وبيك تغني بلابل دوحي
بحبك وغير حبك مابلقى
سواه يغير ألمي ونوحي

[waya]

كانت زي كل بنات الناس
بتحب في السر..
و الحب واسع
و طيوره غميسة و سر
و الحب للعارفو
جميل و مضر!

و كان طيب و راكز
للحلو و المر
و بحبها جد
بحبها لامن
في الليل مرات توجعه روحه
و الحب للوجعة
(على راي الجيش): مكانك سر!

وأنا يوماتي بشوفهم كنت
و الشارع كان سكران
مزروع أحلام
و غمـام
و أنغام
و حمــام
يوماتي بشوفهم
و على غير العادة بقول و أنا قاصد المعنى:
سلام!

[لبيب]

مرحب بيك يا دنياي
ياشفى لى جروحي و اساي
حياتي معاك انت فرح
وجرّة نم وقول شاشاي
غرامك أضحى لي روحي
متين القاك تبقى معاي

[سلطان القلوب]

[frame="7 10"]وأنا شُفتك في جواي أفراح
وسماحة قول وعزف أوتار
يابت ياروح ياجارية جواي
يا شايلة الروح وموسدة بين تحنان وعشقك



برجع ببنيك ...بس أصبر شأن الحال مجروح[/frame]

[امال الناس]

قالت جننت بمن تهوى فقلت لها - العشق أعظم مما بالمجانين.



و قلت شهودي في هواك كثيرة - وأصدقها قلبي و دمعي مسفوح.


أرد إليه نظرتي و هو غافل - لتسرق منه عيني ماليس داريا.


لها القمر الساري شقيق و إنها - لتطلع أحيانا له فيغيب.

[لبيب]

لي في محبتكم شهود أربع
وشهود كل قضية إثنان
خفقان قلبي واضطراب جوانحي
ونحول جسمي وانعقاد لساني

[امال الناس]

و إن حكم جار علي بحكمه- ولكن ذلك الجور أشهى من العدل

[لبيب]

يانسمة الفرح المهاجر
في خريف عمري وربيعو
ياسحابة تمني عمرنا بالمحنة
وبى نغم أحلى المشاعر

[waya]

في حاجه ناقصاني في غيابك وديمه بسأل أيه تكون
تهت بعدك ولسه تايهه روحي وما لاقيه البصون
ياربي وين درب العقل أصبحت عاشق للجنون
كل المعاني إتبدلت والحيره باتت في العيون
من ياتو باب طليت علي وسرقت قلبي الكان حنون
أخدت أجمل حاجه مني وشلت إحساس السكون
وغريب عجيب حالي المعاك يوم شفت ريدك في العيون
شفت الهناء وكل المني دي الدنيا بعدك .. تهون
رسمت فيك أجمل معاني وعدت ترتيب الفنون
وسرحت أكتب فيك أغاني وأداعب الوتر الحنون
غبت فجأة حرمت قلبي وعشت بعدك في شجون
ورحت سبت مشاعري تايهه وحالمه بي لحظة سكون

[لبيب]

سافرت في إحساس غرام
شديت سفن أشواقي ليك
وبقيت اسامر بيك دواخلي
مستحيل من دونك ابقى
وكل حياتي وأملي بيك