يا غريب عن ديارك مصيرك تعود

[بت امدرمان]

ازيكم فى البداية
عارفين احر شى فى الدنيا الاغتراب والتغرب بعيد عن بلدك والبزيد نار انو تكون بعيد عن ناسك واحبابك والله حارة وصعبة شديد والبتعذب اكتر القاعد منتظرك فى بلدك لم تجيهو بالسلامة ويعد الايام والليالى ومنتظر الرجعة بفارق الصبر ويتصبر ...... اى زول ليهو ظروف فى الاغتراب يعنى الناس ما بتكون عايزة تطلع من البلد ساى الا لسبب
لكن ذى ما بقولو مصير الحى يعود والله يرجعنا لينا البعيدين عننا ................ قولو امين

[النيل الازرق]

آمين يارب العالمين
تقبل الله منا ومنك الدعاء انشاء الله
شكرا بت امدرمان وتحياتى لامدرمان
ولكل بقعة فى السودان

[sunni]

كلام جميل يطلع من زول عايش في السودان!!!

والحمد لله انه معاناة المغترب أصبح الأهل يحسوا بيها،، وتغيرت النظرة نحو المغترب البقرة الواجب حلبها فقط،، وكلنا بنعرف نكتة (الفيك عرفناها)

بس يا بتنا،، بي الجنبة كدة،، إنت عندك منو برة؟

[بت امدرمان]

كلام جميل يطلع من زول عايش في السودان!!!

والحمد لله انه معاناة المغترب أصبح الأهل يحسوا بيها،، وتغيرت النظرة نحو المغترب البقرة الواجب حلبها فقط،، وكلنا بنعرف نكتة (الفيك عرفناها)

بس يا بتنا،، بي الجنبة كدة،، إنت عندك منو برة؟

انا اهلى كلهم بره والحمدلله
لكن الفى بالك دة خلى فى سرك وتانى بقول الغربة حارة شديددددددددددددددددد

[ود المسالمة]

كلامك صاح يابت امدرمان الغربة حاره وخاصة الايام الاولي وخاصة الواحد لما يتذكر مدينته
ونحن اهل امدرمان عندما نبعد منها نشعر بغربتين
بعد ما ينتهي اليوم العملي وناوي للفراش يدور في الراس شريط الذكريات شارع كرري وسوق امدرمان
وزحمة المحطي الاوسطي وغبار شارع الدكاتره ومحلات العدني وفول عرمان وسوق الطواقي
والتشاشة وعمارة محمد حسين والايس كريم وشارع ابورف وسمك السكي في المورده وست فله
متين نرجع ونقعد نقراء في الجريده من الصباح الحاجات دي تمر في الراس لحظة النوم ويطير من العيون
ربنا يرجعنا ويرجع المغتربين لديارهم سالمين غنانمين

[shail jera7]

لكي التحيه بت امدرمان .... وكل سنه وانتي طيبه ورمضان كريم .

جد الله يكون في عونا وعون كل مغترب لانو جد الغربه صعبه شديد ... والبيقول غير كدا دا شخص ما عندو انتماء ............ عارفه المصيبه وين ؟؟؟
لما الواحد يفكر ويلقا نفسو بعيد في فيلم هوا قبل كدا حاضرو بل كان احد الممثلين في ذلك الفيلم ( الغربه الطويله ) فجاة بيلاقي نفسو طلع من الثانوي ورجع السودان وخلص الجامعه ورجع مره تانيه للغربه عشان يبدا حايتو وهو بطل فيلم الاعاده .....ويكون هوا فاقد الانتماء واولادو كمان .... بالجد دي مشكله كبيره والناس جد متجاهلين الموضوع دا ......


جد رد الله غربتنا سالمين وغانمين
ومره تانيه يديكم العافيه وكل سنه وانتو طيبين ..... وللحديث بقيه من دبي .

[بت امدرمان]

الله يرد غربتكم باذن الله ويجمع الناس ما بعض ويقرب ليكم اى بعيد
وترجعوا سالمين للوطن
ومشكورين على المرور

[sunni]

بت أمدرمان

كتااار بيكونو قرو مشاركتك دي،، ورسلوا ليك بوسة حااااارة.

ما من المغتربين،، لكن من الزيك ديل،، (والكلام برضو في سري وسرك)

والكلام ليك يا المنطط اضنيك

[بت امدرمان]

بت أمدرمان

كتااار بيكونو قرو مشاركتك دي،، ورسلوا ليك بوسة حااااارة.

ما من المغتربين،، لكن من الزيك ديل،، (والكلام برضو في سري وسرك)

والكلام ليك يا المنطط اضنيك

قولته كدا يا السنى
تانى بقول الله يرجعم لينا بالسلامة

[الأرباب]

تسلمى يابت امدرمان على الزوق العالي
والاحساس الرهيف
والمشاركة الرائعة الفي محلها
لانوا المغتربين مابحس بواقعهم الا المغتربين
هم عايشين هناك الصراعات النفسية بكل انواعها
فضلا عن الغربة من الهل
والصحاب




حقيقة نقول بس
ربنا يرد غربتهم ويجمع شملهم مع اصحابهم
تحياتي
سلاماتي
اشواقي

[مغترب]

كلما اغتربنا.... اقتربنامن حقيقة الشئ
وان كل مايحيط بنا قشور....
قابلة للتعري.... لنكتشف الحقيقة ولو بعد حين !!!!!!!!

الاحســــــــــــــــــاس واحد والله ....

[كيمو]

مـــــــــــــــافي حتي رســــــــــاله واحده بيها تصبر شويه

هل يجوزوالغربه حاره بالخطاب تبخل عليــــــــــــــــــــا


والله غعلا الغربه حاره لكن ما باليد حيلــــــــــــــــــــــــه


والمشكله انو الفي البلديقولو ليك دايرين نتغرب و المغتربين يقولو



ليك دايرين نرجع بلدنــــــــــــــــــــــــــــــــــــــــــــــــــــــــــــــــــــــا