دى طيرة القهوة ذاتها
شكلهم كدا خاصة ودكبوشية
عقبالك يا رب وتشرفينا هنا
هههههههههههههههههه
انا ما بخاف من فنجانك يا ملك
اتنا صفحه بيضاء الكل يتصفحها
لايوجد شئ اخفيهو علي الكل
امين ودكبوشيه الامير الحب
صفحه بيضاء الكل يعرفني من انا
وبالذات الناس العاشروني من ع القرب
ولك التحيه يا دبلوماسي
ياخي انا لو خلوني انا كنت بوظفك في
الخارجيه الامريكيه
كااااااااااك
الليلة انت زاتك اتقبضت سبحان الله قال الدنيا ما بتبقي على حالها
ضوق البضوقه للناس فرصة نتعلم الشجاعة والمحاورة
اها الننعدل للفنجان ما احلى الفنجان بمعيتك
بداية على بركة الله
عهدي بك طيب خلوق بشوش وصاحب شعبية غير عادية في المنتدي (خصوصا الجنس اللطيف)
سؤالي هل هو
هذا الألق الجميل هل هو مكتسب ام هو شي أصيل كأصالتك وهل تتعامل مع الأخرين بسجيتك ام احيانا تحتاج لاختلاق المعاني لاكمال الجوهر. الاعضاء هنا متميزين ونحن تربية القرية والحبوبات فمن الصغر بأصلو فينا حب الغير وتعاملى عادى بطبيعتى لابد ان تمتدح الاخرين لانها بتقوى العلاقات على شرط انها تكون موجود فى الشخص نفسه وحسب ميولة واعجابه وما عليك الا ان تسنى وتبدو اعجابك حتى يحس الطرف الاخر بانه فى اعجاب باهتمامته وان تتحرى الصدق مع الاخر
تاني حاجة
للوطن دائما مساحة في اسئلتي لكل ضيف
حال الوطن يغني عن السؤال غلاء في المعايش فساد مالي لا يخفي على احد فيكفي ان موظف صغير يمكن ان يصبح بين ليلة وضحاها مليونيرا في بلدي اضافة للتفكك الاجتماعي وغيره
هل تعتقد ان هناك مخرج وعودة للسودان المعافي. بلا شك ان لك شئ نهاية ومهما استبد الظلم لابد ان يبزغ فجر مشرق المخرج ان يتكاتف الشعب والتنديد والمطالبة باصلاحات عامة وعلى الحكومة ان تعى النقطة دى تماما وتحاول تصلح وتعتبر بالثورات المحيطة بنا وان تهتم اولا بالمواطن وتوفر له الاحتياجات الضرورية حتى لايثور
ثالثا .
بالطبع ليس هناك شاغل هذه الأيام اكثر من ربيع الثورات العربية
هل تعتقد هناك بارق أمل لعودة العرب لماضيهم التليد عبر المعطيات الحالية ام ان الذي يحدث سيعيدنا لما قبل نقطة البداية.
الامل دايما موجود لو تجرت نفوس الحكام من الطمع والسعى للسلطة على حساب المواطن اعتقد بان الحال بكون افضل الى الان الثورات التى اطاحت بالحكام لم يلمس مواطنيها شئ ملموس ومشكلتنا العرب عامة بطئين فى التمنية عكس الدول الاخرى
رابعا
يا الله لمتين للبلد نرجع نكوس نور الأمل
متى عودتك للسودان واقصد نهائي ولا اقصد اجازات هذا هو دايما السؤال الصعب ودايما ما نهرب منه العودة النهائية دايما الا تكتب لنا غصبا عنا
كل ما تفكر ترجع تطلع لك اشياء جديدة وكاننا مكتوب علينا الاغتراب الى ما لانهاية ولانه بقي عندنا خوف من واقع معاش تراه بعينك يوميا وتبقي الساقية لسة مدورة
كفاك وبجيك راجع
ماعايز اكتر عليك الانشاء باختصار وحفظ اسرار ياود يا حنين انتا
فى ملخص صغير تحدث عن عام 2011
الظروف الاقتصادية فى السودان + الربيع العربى
وماذا تتوقع فى عام 2012 من نهضة وعمران فى السودان
والعالم العربى والاسلامى من ظلم وجور
الاقتصاد السودانى فبالتاكيد تضخم الدليل انخفاض الجنيه مقابل العملات وقرارا الخاطئية والجبايات والرسوم البتندفع وما معروفة تمشى وين
العمران فى السودان ماشى كويس وفى طفرة عمرانية كبيرة بس الوضع المعيشي متدنى والبيت السودان بقي بكل اسف مثل الجثمان ما يحملوه الا اربعة اشخاص
والعرب لو اتحدو قوة واسم وطن عربي فقط وانتا عربي تعيش فى اى دولة عربية بتصنف اجنبي فما اعتقد يكون له مستقبل وبسظل الظلم كما هو لانه جميع الحكام العرب بيسعو للكرسي فقط
مطب صغنونى
1 - صدام حسين شنق
2- بنى على هرب
3- مبارك سجن
4- القذافى قتل بايدى الثوار
ماذا تتوقع لى سوريا واليمن
نفس السنياريو التونسي المصري الليبي والدائرة سوف تدور على بقية البلدان العربية
انا ما بخاف من فنجانك يا ملك
اتنا صفحه بيضاء الكل يتصفحها
لايوجد شئ اخفيهو علي الكل
امين ودكبوشيه الامير الحب
صفحه بيضاء الكل يعرفني من انا
وبالذات الناس العاشروني من ع القرب
ولك التحيه يا دبلوماسي
ياخي انا لو خلوني انا كنت بوظفك في
الخارجيه الامريكيه
كااااااااااك
ابنعوف سلام ..
انشاءالله القهوة معاك رايقة ..
رايك شنو فى الاتى ...
*الحب من طرف واحد؟
*حب الانترنت ؟
*الزول البحب ليهو زول من غير مايشوفو؟
*ولومشاعرو حقيقية تفتكر الشكل ليهو تأثير فى انهاء او استمرار العلاقة؟
*المسلسلات التركية ووهم الحب المثالى ؟
*الحب ممكن يتحول الى صداقة او العكس؟
متى تكون سعيد وفرحان ..الدنيا معاك حلوة .
ومتى الدنيا تجيك بقفاها؟
متى يتفهم ابنعوف غلط ؟
وهل اذا عرفت شئ ما حلو عن صديقك ...تستغلو لصالحك وللا بتستر عليه؟
كلمة عاوز تقولها لزول طعنك فى ضهرك؟
وكلمة لزول فاهمك غلط ؟
وكلمة لزول حبيبك وصديقك ؟
و اخدت منك شنو ؟ اخدت شبابي واحلى ايام العمر وبعدتنى عن الاهل
و هل بتأيد اي واحد عايز يتغرب عن السودان علشان يصلح وضعو ؟ والله ما بأيد لو لقى فرصه فى بلده ويعيش حياة كريمة افضل اما اذا كن لابد فلابد ان يهاجر والهجرة مشروعة لانه ما تفتكر انه كل ما يلمع ذهبا فيها تقليل للذات والمقدار ونظرة البلد المضيفة باستحقار لكن ....الله غالب
و اذا كان نعم نصيحة قيّمة بتهديها ليه اذا لابد ان تتغترب فبنصحهم يبقو على الهوية السودانية ويعصر على قلبه لانه بتلاقيك مشاكل كتيرة وتقوية الايمان بالله والصبر على البلاء لانه الغربة بلا ء
ابنعوف سلام .. وعليكم السلام
انشاءالله القهوة معاك رايقة .. بوجودكم بكون طعمها حلو
رايك شنو فى الاتى ...
*الحب من طرف واحد؟ فاشل بمعنى الكلمة
*حب الانترنت ؟ دا ما حب ضياع زمن الا اذا تقابل الطرفين يمكن يكون بداية لقصة حب
*الزول البحب ليهو زول من غير مايشوفو؟ حب ناقص فى اشياء لازم تكتمل انا شخصيا بسميه اعجاب حتى تكتمل الصورة عندى
*ولومشاعرو حقيقية تفتكر الشكل ليهو تأثير فى انهاء او استمرار العلاقة؟ اهم شئ جوهر الانسان والصدق من الطرفين حتى لايصطدمو بالواقع
*المسلسلات التركية ووهم الحب المثالى ؟ الحب النبيل اسمى ان يعكس على مسلسلات والمسلسلات التركية عكس لواقع غير واقعنا وعادات غير العادات الاسلامية او بمعنى اصح ادخال تقاليد والحب احساس ونفس تسمو لنفس اخرى وهو غريزة فى الانسان تتحرك بمجرد ما تستشعر الطرف الاخر وما محتاج نتعلمها من مسلسلات تركيةاو غيره متى ما طرق بابه فتح
*الحب ممكن يتحول الى صداقة او العكس؟ العكس طبعا لانه لو انجرحت من الحبيب صعب الرجوع وخاصة اذا كان الجرح عميق اما الصديق ممكن تلقى فيه ذاتك ويتحول لحبيب
متى تكون سعيد وفرحان ..الدنيا معاك حلوة . عند ما اجتمع بمن احب والقى الحضن الدافئ وكانى ملكت الدنيا وما فيها
ومتى الدنيا تجيك بقفاها؟ من جور الحبيب
متى يتفهم ابنعوف غلط ؟ عندما احاول اصلح فى مشكلة او احاول افهم لشخص عن مشكلة تخصه يفهمنى قاصده
وهل اذا عرفت شئ ما حلو عن صديقك ...تستغلو لصالحك وللا بتستر عليه؟ بستر عليه ولانه دى حياته الشخصية وحتى لو اساء لى بفضل ساتر عليه وهو حر فى تصرفانه
كلمة عاوز تقولها لزول طعنك فى ضهرك؟ بقول ليه الله يسامحك وربنا يهديك ويصلح حالك
وكلمة لزول فاهمك غلط ؟ بقول ليه ما تستجعل الامور ودايما تحقق اول من اى شئ وبعدين اصدر حكمك والايام كفيلة انك تعرفنى على حقيقتى وربنا يسامحك على كل شئ
وكلمة لزول حبيبك وصديقك ؟ كن دايما بود وعيش الحياة ببساطة والحياة حلوة وفتش السعادة دايما وما تضيعها واضرب الهم بالفرح
]ما هو تعريف الحب ؟ الحب هو الاحسا الجميل ورونق الحياة يخليك تجدد الامل والتشبث بالحياة اذا كان قلبك دق وصادفت نفسك لحبيب ترى فيه الحياة الوردية مرات يكون قمة السعادة واحيانا لوعت العذاب وفى الحالتين تتلذذ به
- هل تؤمن بالحب ؟ نعم
- هل تؤمن بالحب من أول نظرة؟ الم تسمع المغنى يقول من اول نظرة لم اخد زة غير انى هويته
- هل يختلف معنى الحب عبر العصور؟ لا لم يختلف وما زال الناس تتكلم عن قيس وليلي وجميل وبثينة وعنتر وعبله بس التتغير النفوس او فهمهم لمعنى الحب الحب الطاهر النبيل برئ من كل الاتهامات وهنا قمة الحب وتتمنى لحبيبك كل ما و جميل وتتمنى ليه السعادة مع غير حب مجرد من الانانية رمزو العطاء... والوفاء ...الاخلاص تعطى دون ان تنتظر مقابل
- ما هو تأثير العمر على معنى الحب في المراحل التالية
( مراهقة , شباب , بعد الأربعين )
اجمل فترة الحب فى الشباب فى ربيع الحب والشباب دايما القوة
- فرق العمر بين الطرفين هل يؤثر على علاقة الحب؟
الحب لايعرف عمر الحب .... متى ما قرع بابه فتح كل ما كان العمر متقارب كل ما كان اقوى
- أيهما أنجح ,الزواج عن طريق الأهل أو عن معرفة سابقة؟ لا هذا ولا ذاك ... الزواج انجح اذا تفهم الطرفين واقتنع كل واحد بالاخر واذا ادرك الطرفين معنى الزواج
- هل ممكن ان تحب أكثر من مرة؟
ممكن لكن بظل صدى الاول موجود .... عليك ان تتحكم فى عواطفك وتوجها للحبيب الحالى وما تحسسه بالماضى
-هل يمكن أن يكره الأنسان الشخص بعد أن أحبه؟
اذا كان احب بصدق لا يمكن ان يكره والانسان البحب بصدق ما بكره
- هل للمادة دور رئيسي في استمرار الحب؟
ابدا الحب النقى .... بس المادة بتساعد على حياة هنئية
- نجاح الحب مستحيل أم ممكن , و كم نسبة نجاحه؟ بعتمد على تفهم الطرفين كل ما كانو متفهمين ومتفقين كان النجاح
- هل يمكن أن يستمر الحب في حال تغير الطرف الآخر من نواحي :
أ- عاطفية الحب هو العاطفة واذا تغيرت ما بستمر بكون فى حنين وكوى بنار
ب- غير عاطفية
اذا تغير للاسباب دى هذا ما حب بكون اعجاب فقط
- أيمكن للحب ان يغير مجرى حياتك؟
اكيد بغير نظرتك للحياة بتختلف احساسك بتحول للحبيب تتهاتف له اذا كان الحبيب ببادلك الحب هنا انت ملكت الدنيا وما فيها معاملتك للحوليك بتكون بحب
- البعد أيخفف المشاعر أم يلهب الأشواق؟
يلهبها ويشعلها ( لو وشوش صوت الريح فى الباب يسبقنا الشوق قبل العنين)
- هل يتغير الحب بعد الزواج؟ اذا كان بصدق بتغير للقوى
- بوجود الحب أيشترط وجود السعادة؟
طبعا لانه قمة السعادة الحب الاتنين مكملات لبعض
- هل الغيرة ضرورية في الحب و ما دورها ؟ سلبي أم ايجابي؟
اى حبيب بغير على حبيبه واذا ذادت والطرف الاخر ما مقدر غيرت حبيبه عليه بتبقي سلبية والعكس هو الصحيح وتخلى الاخر يذوب فى التانى
- أيهما أخلص الشاب أم البنت؟ البنت وفى العكس اخطر البنت
- هل الحب عبر الأنترنت و غرف الدردشة ممكن؟
(بمعنى أن تحب شخص لمجرد معرفتك لأفكاره بدون معرفة شكله أو صوته )
ممكن بس ما اعتقد انه بنجح لانه بشوب التشكيك وخاصة من الولد بفكر دايما انها طالما عرفته هنا اكيد بتعرف 100 شخص غيره حتى لو كتب لهم الزواج اى سؤء فهم من الطرفين بعقد الحياة بيناتهم
وهو اصلا ما ممكن تحب شخص من غير تشوفه وتجلس معاه وعلى الطبيعة لانه هنا بكون كل القيود تحررت واحساسك ومشاعرك للشخص القدامك بتاخد حريتها
وهنا الصوت والاذن تعشق قبل العين احيانا يعنى متروكة للاحتمالات العين هى دايما الفيصل والحكم
ان شاء الله اكون افدتك وافدت الجميع
منتظرك
ــــــــــــــــــــــــــــــــــــــــــ
برمة موش احسن من علم الفلك
لاننا فارقنا الاكاديمى من زمان بس كويس استرجعنا شوية معلومات
